Azərbaycan Milli Olimpiya Komandası XXXII Yay Olimpiya Oyunlarını 7 medalla (3 gümüş və 4 bürünc) başa vurdu.

Karateçilərdən Rafael Ağayev və İrina Zaretska final görüşündə məğlub olaraq gümüş medallara sahib oldular. Güləşçilərdən Hacı Əliyev də həlledici görüşdə məğlub olaraq gümüş medala sahib oldu, yunan-roma güləşçisi Rafiq Hüseynov və qadın güləşçi Mariya Stadnik isə olimpiadanı bürünc medallara başa vurdular. Komandanı heyətində həmçinin boksçu Loren Alfonso və cüdoçu İrina Kindzerskaya da bürünc medallara sahib oldular.

Azərbaycan XXXIII Yay Olimpiya Oyunlarında 14 idman növü üzrə 44 idmançı ilə təmsil olundu. Bu Azərbaycanın Olimpiya Oyunlarında idmançı sayının artım tempinin 2012-ci il London və 2016-cı il Rio-de-Janeyro Olimpiadalarından sonra enməsi idi. Azərbaycanı 2012-ci ildə 52 idmançı, 2016-cı ildə isə 56 idmançı təmsil eləmişdi.

Komandanın heyətində 44 idmançıdan 16-sı qadın idi. Bu da Azərbaycanın Olimpiya Oyunları tarixində uğur idi. Bundan əvvəl 2008, 2012 və 2016-cı illərdə baş tutan turnirlərdə Azərbaycanı cəmi 14 qadın idmançı təmsil edirdi.

Azərbaycan 2016-cı ildə Olimpiya Oyunlarında akademik avarçəhmə, kamandan oxatma, kanoe slalom və kanoe sprint turnirində təmsil olunsa da, bu səfər heç bir idmançı bu idman növləri üzrə vəsiqə qazana bilmədi. Əvəzində Azərbaycan Olimpiya Oyunlarında birinci dəfə badminton və karate idman növü üzrə təmsil olundu. Azərbaycan yığmasının heyətində ən çox cüdoçular — 9 nəfər yer aldı.

Komandanın heyətində 44 idmançıdan 28 nəfəri Olimpiya Oyunlarının debütantı idi. Olimpiada təcrübəsi olan 14 idmançıdan 6 nəfəri isə bundan əvvəl turnirdə medallara da sahib olmuşdu — Olimpiadanın qalibi Şərif Şərifov (güləşçi), gümüş medalçılar Mariya Stadnik (güləşçi), Rüstəm Orucov (cüdoçu), Lorenso Sotomayor (boksçu), bürünc medalçılar Hacı Əliyev (güləşçi) və Milad Beygi (taekvondoçu).

• Q — növbəti mərhələyə adladı

XXXII Yay Olimpiya Oyunlarında atıcılıq idman növü üzrə turnirlər 24 iyul-2 avqustda baş tutdu. Azərbaycanı bu idman növü üzrə Emin Cəfərov və Ruslan Lunyov təmsil elədi.Ruslan Lunyov 2019-cu ilin sentyabrında İtaliyada baş tutan Avropa Çempionatının nəticələrinə əsasən lisenziyaya sahib oldu. Həmçinin tərəfindən Emin Cəfərov və Ruslan Lunyova da əlavə lisenziya verildi.

İyulun 24-də Ruslan Lunyov 10 metr məsafəyə hava tapançasından atəşaçma turnirində mübarizə apardı. Nəticədə o, təsnifat mərhələsini 574 balla 36 idmançı sırasında 20-ci pillədə başa vurdu və mübarizəsini dayandırdı.

İyulun 25-də stend atcılığı turnirində çıxış edən Emin Cəfərov mübarizə apardı. Həmin gün baş tutan birinci mərhələdə o, 70 balla 24-cü pillədə qərarlaşdı. Bir gün sonra, iyulun 26-da baş tutan növbəti mərhələdə isə o, 45 balla 26-cı pillədə qərarlaşdı. Nəticədə Emin Cəfərov təsnifat mərhələsini 115 balla 30 idmançı sırasında 26-cı pillədə başa vurdu və mübarizəsini dayandırdı.

Avqustun 1-də isə Ruslan Lunyov 25 metr məsafəyə sürət tapançasından atəşaçma turnirində mübarizə apardı.Ruslan Lunyov təsnifat mərhələsinin birinci turunda 282 balla 22-ci, növbəti turunda isə 286 balla 21-ci pillədə qərarlaşdı. Nəticədə o, təsnifat mərhələsini 568 balla 26 idmançı sırasında 21-ci pillədə başa vurdu və mübarizəsini dayandırdı.

• Qəl. — qalib gəldi
• Məğ. — məğlub oldu
• Q — növbəti mərhələyə adladı

XXXII Yay Olimpiya Oyunlarında badminton idman növü üzrə turnirlər 24 iyul-2 avqustda baş tutdu. Azərbaycanı bu idman növü üzrə Edi Reski Dviçayo təmsil elədi.Edi Reski Dviçayo reytinq cədvəlində 31-ci pillədə qərarlaşdı və olimpiya lisenziyasının sahibi oldu. Bununla da o, Azərbaycanı Olimpiya Oyunlarında təmsil edən birinci badmintonçu olaraq tarixə düşdü.

Edi Reski Dviçayo olimpiadada Danimarka nümayəndəsi Anders Antonsen və Vyetnam nümayəndəsi Nquyen Tien Min ilə birgə L qrupunda mübarizə apardı. İyulun 27-də baş tutan qrup mərhələsinin birinci turunda Edi Reski Dviçayo Vyetnam Nquyen Tien Min ilə üz-üzə gəldi. Həmin görüşdə o, rəqibinə 2:0 (21:14, 21:18) hesabı ilə qalib gəldi. İyulun 28-də baş tutan qrup mərhələsinin növbəti turunda isə Edi Reski Dviçayo Danimarka nümayəndəsi Anders Antonsen ilə üz-üzə gəldi. Bu görüşdə o, rəqibinə 0:2 (16:21, 15:21) hesabı ilə məğlub oldu və olimpiadada mübarizəsini dayandırdı.

• Q — növbəti mərhələyə adladı

XXXII Yay Olimpiya Oyunlarında bədii gimnastların turnirləri 6–8 avqustda baş tutdu. Azərbaycanı bu idman növü üzrə fərdi turnirdə Zöhrə Ağamirova, qrup turnirində isə Darya Sorokina, Nərminə Səmədova, Ləman Əlimuradova, Yelizaveta Luzan və Zeynəb Hümmətovadan ibarət qrup təmsil elədi. Fərdi turnirdə Zöhrə Ağamirova, qrup turnirində isə Aliyə Paşayeva, Ayşən Bayramova, Darya Sorokina, Diana Əhmədbəyli və Zeynəb Hümmətovadan ibarət qrup 2019-cu ilin sentyabrında Azərbaycanda baş tutan Dünya Çempionatının nəticələrinə əsasən lisenziyalara sahib oldu.

2020-ci il martın 24-də Beynəlxalq Olimpiya Komitəsi (BOK) tərəfindən XXXII Yay Olimpiya Oyunlarının təxirə salınması barədə qərar qəbul edildi. Bundan sonra olimpiadada debüt üçün daha bir il gözləməli olan qrupun üç üzvü — Aliyə Paşayeva, Ayşən Bayramova və Diana Əhmədbəylinin idmandan uzaqlaşdı. Bundan sonra bədii gimnastlardan ibarət Azərbaycan yığmasının baş məşqçisi Mariana Vasileva tərəfindən yeni qrup formalaşdırıldı. Köhnə qrupun heyətindən sadəcə Darya Sorokina və Zeynəb Hümmətova yeni qrupun heyətində də yer aldı. Qrupun digər üzvləri isə gənclərdən ibarət qrupun əsas üzvləri Ləman Əlimuradova, Nərminə Səmədova və Yelizaveta Luzan oldu.

Avqustun 6-da fərdi turnirdə çıxış edən 20 yaşlı Zöhrə Ağamirova mübarizə apardı.Zöhrə Ağamirova təsnifat mərhələsini halqa ilə proqramda 23.000 balla 16-cı pillədə, topla proqramda isə 23.400 balla 17-ci pillədə başa vurdu. Daha sonra Zöhrə Ağamirova gürzlərlə proqramda 21.500 balla 21-ci, lentlə proqramda isə 19.900 balla 15-ci pillələrin sahibi oldu. Ümumi nəticədə Zöhrə Ağamirova turniri 87.800 balla 26 gimnast sırasında 18-ci pillədə başa vurdu.

Avqustun 7-də qrup turnirində çıxış edən Darya Sorokina, Ləman Əlimuradova, Nərminə Səmədova, Yelizaveta Luzan və Zeynəb Hümmətova ibarət qrup mübarizə apardı. Azərbaycan sonuncu dəfə bədii gimnastların qrup turnirində 12 il əvvəl təmsil olunmuşdu. Təsnifat mərhələsində qrup əvvəlcə 5 topla proqramı icra elədi. Nəticədə qrupun çıxışı referilər tərəfindən 36.700 balla qiymətləndirildi. Bu nəticəyə əsasən qrup beş topla turnirdən sonra 14 qrup sırasında 10-cu pillədə qərarlaşdı. Daha sonra gimnastlar 3 halqa / 2 gürz turnirində mübarizə apardı. Bu səfər qrupun çıxışı referilər tərəfindən 37.650 balla qiymətləndirildi. Nəticədə qrup onuncu pillədə qərarlaşdı. Ümumi nəticələrə əsasən isə qrup təsnifat mərhələsini 74.350 balla 14 qrup sırasında onuncu pillədə başa vurdu və olimpiadanın final mərhələsinə vəsiqə qazana bilmədi.

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında bədii gimnastların turnirləri 24 iyul-8 avqustda baş tutdu. Azərbaycanı bu idman növü üzrə turnirdə Tayfur Əliyev, Cavid Çələbiyev, Lorenso Sotomayor, Loren Alfonso və Məhəmməd Abdullayev təmsil elədi.

İyulun 24-də üç idmançı — Tayfur Əliyev, Lorenso Sotomayor və Məhəmməd Abdullayev mübarizə apardı.Tayfur Əliyev olimpiadanın 1/16 final mərhələsində Vyetnam nümayəndəsi Nguyen Van Duong ilə üz-üzə gəldi. Gərgin idman mübarizəsi şəraitində baş tutan görüşdə Tayfur Əliyev rəqibinə 2:3 hesabı ilə məğlub oldu və turnirdə mübarizəsini dayandırdı. Daha sonra 2016-cı il Rio-de-Janeyro Olimpiadasının gümüş medalçısı Lorenso Sotomayor mübarizə apardı. Olimpiadanın 1/16 final mərhələsində onun rəqibi Gürcüstan nümayəndəsi Əsgərxan Madiyev oldu. Gərgin idman mübarizəsi şəraitində baş tutan görüşün üçüncü raundun da referilər Lorenso Sotomayorun zədəsinə görə görüşü dayandırdı və Əsgərxan Madiyev görüşün qalibi elan edildi.Lorenso Sotomayor isə turnirdə mübarizəsini dayandırdı. Olimpiya Oyunlarında debüt edən 22 yaşlı Məhəmməd Abdullayev isə turnirin 1/16 final mərhələsində Bəhreyn nümayəndəsi Denis Lətifov ilə üz-üzə gəldi. Həmin görüşdə Məhəmməd Abdullayev rəqibinə 3:1 hesabı ilə qalib gəldi və olimpiadanın 1/8 final mərhələsinə adladı. İyulun 29-da isə Məhəmməd Abdullayev 1/8 final mərhələsində Asiya və Dünya Çempionatlarının qalibi Özbəkistan nümayəndəsi Bəxtiyar Cəlolov ilə üz-üzə gəldi. Həmin görüşdə Məhəmməd Abdullayev rəqibinə 0:5 hesabı ilə məğlub oldu və turnirdə mübarizəsini dayandırdı.

İyulun 25-də 2013-cü il Dünya Çempionatının qalibi Cavid Çələbiyev mübarizə apardı. Olimpiadanın 1/16 final mərhələsində onun rəqibi Ukrayna nümayəndəsi Yaroslav Xartsiz oldu. Həmin görüşdə Cavid Çələbiyev rəqibinə 5:0 hesabı ilə qalib gəldi və turnirin 1/8 final mərhələsinə adladı. İyulun 31-də baş tutan 1/8 final mərhələsində isə Cavid Çələbiyev Ermənistan nümayəndəsi Ovanes Baçov ilə üz-üzə gəldi. Gərgin idman mübarizəsi şəraitində baş tutan görüşdə Cavid Çələbiyev rəqibinə 1:4 hesabı ilə məğlub oldu və turnirdə mübarizəsini dayandırdı.Cavid Çələbiyev görüşdən sonra müsahibəsində "referilərin qərarını ədalətsiz" adlandırdı.

İyulun 28-də isə Loren Alfonso mübarizə apardı. Təsnifat mərhələsindən azad olan Loren Alfonsonun 1/8 final mərhələsi çərçivəsində baş tutan birinci görüşdə rəqibi Özbəkistan nümayəndəsi Dilşodbəy Ruzmetov oldu.Loren Alfonso Dilşodbəy Ruzmetova 2019-cu ildə baş tutan Dünya Çempionatında məğlub olmuşdu. İyulun 28-də baş tutan görüşdə Loren Alfonso rəqibi üzərində 4:1 hesabı ilə qələbə qazandı və olimpiadanın 1/4 final mərhələsinə adladı. Bu mərhələdə onun rəqibi Türkiyə təmsilçisi Bayram Malhan oldu. İyulun 30-da baş tutan görüşdə Loren Alfonso rəqibindən üstün oldu — 5:0. Bununla da o, yarım-final mərhələsinə adlamaqla ən azından bürünc medalı təmin elədi. Finala gedən yolda onun rəqibi — 2016-cı il Rio-de-Janeyro Olimpiadasının qalibi olan Kuba nümayəndəsi Arlen Lopez oldu. Bir zamanlar eyni yığmada məşq edən Alfonso və Lopez arasında baş tutan görüş, Loren Alfonso üçün prinsipial əhəmiyyət daşıyırdı. Məhz Arlen Lopez Kuba yığmasının "bir nömrəsi" olduğu üçün Loren Alfonso başqa yığmada çıxış eləməyə məcbur olmuşdu. Olimpiadanın yarım-final mərhələsinin görüşləri avqustun 1-də baş tutdu. Görüşün birinci raundunda üstün tərəf Loren Alfonso olsa da, növbəti raundlarda Arlen Lopez tədricən üstünlüyü ələ aldı. Nəticədə Loren Alfonso rəqibinə 0:5 hesabı ilə məğlub oldu. Bununla da Loren Alfonso XXXII Yay Olimpiya Oyunlarının bürünc medalına sahib oldu.

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında cüdo idman növü üzrə turnirlər 24–31 iyulda baş tutdu. Azərbaycanı bu idman növü üzrə turnirdə Kəramət Hüseynov, Orxan Səfərov, Rüstəm Orucov, Murad Fətiyev, Məmmədəli Mehdiyev, Zəlim Kotsoyev, Uşanqi Kokauri, Aişə Qurbanlı və İrina Kindzerskaya təmsil elədi.

İyulun 24-də Kəramət Hüseynov və Aişə Qurbanlı mübarizə apardı. Kişilərin −60 kq. turnirində çıxış edən Kəramət Hüseynov apreldə Lissabonda (Portuqaliya) Avropa Çempionatının, iyunda isə Budapeştdə (Macarıstan) Dünya Çempionatının bürünc medalına sahib olmuşdu. Olimpiadanın 1/16 final mərhələsində Kəramət Hüseynov Birləşmiş Krallıq nümayəndəsi Eşli McKenzi ilə üz-üzə gəldi. Həmin görüşdə Kəramət Hüseynov rəqibinə balı ilə qalib gəldi və olimpiadanın 1/8 final mərhələsinə adladı. Bu mərhələdə onun rəqibi Gürcüstan nümayəndəsi, Dünya və Avropa Çempionatlarının qalibi oldu. Həmin görüşdə Kəramət Hüseynov rəqibinə ipponla məğlub oldu və turnirdə mübarizəsini dayandırdı.

Qadınların −48 kq. turnirində çıxış edən Aişə Qurbanlı isə olimpiadanın 1/16 final mərhələsində Portuqaliya nümayəndəsi Katarina Kostaya balı ilə məğlub oldu və turnirdə mübarizəsini dayandırdı.

İyulun 25-də −66 kq. turnirində çıxış edən Orxan Səfərov mübarizə apardı.Orxan Səfərov 2020-ci ilin noyabrında Praqada (Çexiya) Avropa Çempionatının qalibi olmuşdu. Olimpiadanın 1/16 final mərhələsində Orxan Səfərovun rəqibi Qazaxıstan nümayəndəsi Yerlan Sericanov oldu. Gərgin idman mübarizəsi şəraitində baş tutan görüşün əsas hissəsində qalib müəyyənləşmədi. Qızıl hissədə isə Orxan Səfərov rəqibinə ipponla məğlub oldu və turnirdə mübarizəsini dayandırdı.

İyulun 26-da −73 kq. turnirində çıxış edən Rüstəm Orucov mübarizə apardı.Rüstəm Orucov 2016-cı il Rio-de-Janeyro Olimpiadasının gümüş medalçısı idi.Rüstəm Orucov 1/16 final mərhələsində nümayəndəsi Musa Moquşov ilə üz-üzə gəldi. Həmin görüşdə Rüstəm Orucov rəqibinə balı ilə qalib gəldi və 1/8 final mərhələsinə adladı. Bu mərhələdə onun rəqibi Tacikistan nümayəndəsi Somon Məhmədbəyov oldu. Bu görüşdə də Rüstəm Orucov rəqibinə balı ilə qalib gəldi və turnirin 1/4 final mərhələsinə adladı. Bu mərhələdə isə onun rəqibi 2016-cı il Rio-de-Janeyro Olimpiadasının qalibi Yaponiya nümayəndəsi Şoney Ono oldu. Həmin görüşdə Rüstəm Orucov rəqibinə ipponla məğlu oldu və mübarizəni təsəlliverici qrupda davam elədi. Birinci görüşdə onun rəqibi apreldə Avropa Çempionatının qalibi olan Kosovo nümayəndəsi Ahil Qyaqova oldu. Gərgin idman mübarizəsi şəraitində baş tutan görüşdə Rüstəm Orucov rəqibinə balı ilə qalib gəldi və bürünc medal uğrunda görüşə vəsiqə qazandı. Həlledici görüşdə onun rəqibi Cənubi Koreya nümayəndəsi An Çan-Rim oldu. Gərgin idman mübarizəsi şəraitində baş tutan görüşdə Rüstəm Orucov rəqibinə son saniyələrdə məğlub oldu və olimpiadanı beşinci pillədə başa vurdu.

İyulun 27-də −81 kq. turnirində çıxış edən Murad Fətiyev mübarizə apardı.Murad Fətiyev olimpiadanın 1/16 final mərhələsində Syerra-Leone nümayəndəsi Frederis Harris ilə üz-üzə gəlməli olsa da, rəqibi turnirdən uzaqlaşdırıldığına görə Murad Fətiyev birbaşa görüşün qalibi elan edildi. 1/8 final mərhələsində isə Murad Fətiyev Monqolustan nümayəndəsi ilə üz-üzə gəldi. Həmin görüşdə Murad Fətiyev rəqibinə məğlub oldu və turnirdə mübarizəsini dayandırdı.

İyulun 28-də −90 kq. turnirində çıxış edən Məmmədəli Mehdiyev mübarizə apardı.Məmmədəli Mehdiyev olimpiadanın 1/16 final mərhələsində Qazaxıstan nümayəndəsi İslam Bozbayev ilə üz-üzə gəldi. Həmin görüşdə Məmmədəli Mehdiyev rəqibinə balı ilə qalib gəldi və 1/8 final mərhələsinə adladı. Bu mərhələdə onun rəqibi nümayəndəsi Mixail İqolniov oldu. Həmin görüşdə Məmmədəli Mehdiyev rəqibinə məğlub oldu və turnirdə mübarizəsini dayandırdı.

İyulun 29-da −100 kq. turnirində çıxış edən Zəlim Kotsoyev mübarizə apardı.Zəlim Kotsoyev apreldə Lissabonda (Portuqaliya) Avropa Çempionatının bürünc medalına sahib olmuşdu.Zəlim Kotsoyev olimpiadanın 1/16 final mərhələsində Fransa nümayəndəsi Alixandre İddir ilə üz-üzə gəldi. Həmin görüşdə Zəlim Kotsoyev rəqibinə balı ilə qalib gəldi və turnirin 1/8 final mərhələsinə adladı. Bu mərhələdə isə onun rəqibi Kanada nümayəndəsi Şadi El Nahas oldu. Bu görüşdə Zəlim Kotsoyev rəqibinə məğlub oldu və olimpiada da mübarizəsini başa vurdu.

İyulun 30-da isə Uşanqi Kokauri və İrina Kindzerskaya mübarizə apardı. Kişilərin +100 kq. turnirində çıxış edən Uşanqi Kokauri olimpiadanın 1/16 final mərhələsində Polşa nümayəndəsi Masiej Sarnaçi ilə üz-üzə gəldi. Həmin görüşdə Uşanqi Kokauri rəqibi üzərində ipponla qələbə qazandı və turnirin 1/8 final mərhələsinə adladı. Bu mərhələdə onun rəqibi 2012 və 2016-cı il olimpiadanın bürünc medalçısı Braziliya nümayəndəsi Rafael Silva oldu. Bu görüşdə Uşanqi Kokauri rəqibinə məğlub oldu və olimpiada da mübarizəsini başa vurdu.

Qadınların +78 kq. turnirində isə Azərbaycanı İrina Kindzerskaya təmsil elədi. Təsnifat mərhələsindən azad olan İrina Kindzerskaya olimpiadanın 1/8 final mərhələsində Bosniya və Herseqovina nümayəndəsi Larisa Çeriç oldu. Həmin görüşdə İrina Kindzerskaya rəqibi üzərində ipponla qələbə qazandı və turnirin 1/4 final mərhələsinə adladı. Bu mərhələdə onun rəqibi Cənubi Koreya nümayəndəsi Han Mi-Jin oldu. Bu görüşdə də İrina Kindzerskaya rəqibi üzərində ipponla qələbə qazandı və olimpiadanın yarım-final mərhələsinə adladı. Finala gedən yolda onun rəqibi Dünya Çempionatının qalibi Yaponiya nümayəndəsi Aira Son oldu. Bu görüşdə İrina Kindzerskaya rəqibinə məğlub oldu və mübarizəsini bürünc medal uğrunda görüşdə davam elədi. Həlledici görüşdə onun rəqibi Çin nümayəndəsi Xu Şiyan oldu. Həmin görüşdə İrina Kindzerskaya rəqibi üzərində ipponla qələbə qazandı. Bununla da İrina Kindzerskaya XXXII Yay Olimpiya Oyunlarının bürünc medalına sahib oldu.İrina Kindzerskaya həm də Azərbaycanın Olimpiya Oyunları tarixində medala sahib olan birinci qadın cüdoçu olaraq tarixə düşdü.

Rio-de-Janeyro Olimpiadasında 6 cüdoçu ilə təmsil olunan Azərbaycan yığması turniri 2 gümüş medalla başa vurmuşdu. Bu səfər isə yığma doqquz cüdoçu ilə təmsil olundu və olimpiadanı cəmi bir bürünc medalla başa vurdu. Kişi cüdoçulardan ibarət Azərbaycan yığmasının bu çıxşı sərt tənqid olundu.

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında güləş idman növü üzrə turnirlər 1–7 avqustda baş tutdu. Azərbaycanı bu idman növü üzrə turnirdə Rafiq Hüseynov, İslam Abbasov, Hacı Əliyev, Turan Bayramov, Şərif Şərifov, Mariya Stadnik və Elis Manolova təmsil elədi. İyulun 20-də Azərbaycan Güləş Federasiyası zədələnən Hacımurad Hacıyevin əvəzinə olimpiada da Turan Bayramovun çıxış eləməsi üçün Beynəlxalq Olimpiya Komitəsinə müraciət elədi. Həmin gün Beynəlxalq Olimpiya Komitəsində müraciətə baxıldı və Turan Bayramovun olimpiada da çıxış eləməsinə icazə verildi.

Əvvəlcə yunan-roma güləşində çıxış edən Rafiq Hüseynov mübarizə apardı. Avqustun 2-də çıxış edən Rafiq Hüseynov olimpiadanın 1/8 final mərhələsində İsveç nümayəndəsi Alex Kessidis ilə üz-üzə gəldi. Gərgin idman mübarizəsi şəraitində baş tutan görüşdə Rafiq Hüseynov rəqibinə qalib gəldi (1:1) və turnirin 1/4 final mərhələsinə adladı. Bu mərhələdə onun rəqibi Qırğızıstan nümayəndəsi Ağcol Mahmudov oldu. Həmin görüşdə Rafiq Hüseynov rəqibinə 1:10 hesabı ilə məğlub oldu. Ağcol Mahmudov final görüşünə vəsiqə qazandığına görə Rafiq Hüseynov təsəlliverici qrupda mübarizə apardı. Avqustun 3-də Rafiq Hüseynov əvvəlcə Tunis nümayəndəsi Lamjed Maafi ilə üz-üzə gəldi. Həmin görüşdə Rafiq Hüseynov rəqibinə 11:1 hesabı ilə qalib gəldi və bürünc medal uğrunda görüşə vəsiqə qazandı. Həlledici görüşdə onun rəqibi Ermənistan nümayəndəsi Karapet Çalyan oldu. Gərgin idman mübarizəsi şəraitində baş tutan görüşdə Rafiq Hüseynov rəqibi üzərində 4:1 hesabı ilə qələbə qazandı və olimpiadanın bürünc medalına sahib oldu.

Avqustun 3-də isə İslam Abbasov mübarizə apardı.İslam Abbasov turnirin 1/8 final mərhələsində Kuba nümayəndəsi Daniel Gregoriç ilə üz-üzə gəldi. Həmin görüşdə İslam Abbasov rəqibinə 1:4 hesabı ilə məğlub oldu və turnirdə mübarizəsini dayandırdı. Bununla da yunan-roma güləşçiləri olimpiadanı cəmi bir bürünc medalla başa vurdu. Bu yunan-roma güləşi üzrə Azərbaycan yığmasının Olimpiya Oyunlarında son 17 ildə ən aşağı nəticəsi idi.

Qadın güləşçilərin turnirində əvvəlcə Elis Manolova mübarizə apardı. Avqustun 2-də çıxış edən Elis Manolova olimpiadanın 1/8 final mərhələsində Nigeriya nümayəndəsi Blessing Oborududu ilə üz-üz gəldi. Həmin görüşdə Elis Manolova rəqibinə 2:14 hesabı ilə məğlub oldu. Blessing Oborududu final görüşünə vəsiqə qazandığına görə Elis Manolova təsəlliverici qrupda mübarizə apardı. Avqustun 3-də Elis Manolova Qırğızıstan nümayəndəsi Məryəm Cumanəzərova ilə üz-üzə gəldi. Həmin görüşdə Elis Manolova rəqibinə 1:4 hesabı ilə məğlub oldu və turnirdə mübarizəsini dayandırdı.

Avqustun 5-də isə qadın güləşçilərdən ibarət Azərbaycan yığmasının lideri Mariya Stadnik mübarizə apardı.Mariya Stadnik dörd olimpiadada çıxış edən birinci azərbaycanlı güləşçisi oldu. Olimpiadadan əvvəl Mariya Stadnikin və Yaponiya nümayəndəsi Yui Susahinin birinci yarım-qrupda olacağını bildirdi. Bununla da Mariya Stadnik və Yui Susahi olimpiadanın final görüşündə yox, ən yaxşı halda olimpiadanın yarım-final mərhələsində üz-üzə gələ bilərdi. iyulun 8-də açıqladığı reytinq cədvəlinə əsasən Mariya Stadnik birinci pillədə qərarlaşmışdı. Olimpiadalarda 2008-ci ildə bürünc, 2012 və 2016-cı illərdə isə gümüş medallara sahib olan Mariya Stadnik bu səfər qızıl medala iddialı idi.Mariya Stadnik olimpiadada avqustun 6-da mübarizə apardı.Mariya Stadnikin 1/8 final mərhələsində rəqibi təmsil edən idmançı Stalvira Orşuş oldu. Gərgin idman mübarizəsi şəraitində baş tutan görüşdə Mariya Stadnik rəqibinə 11:8 hesabı ilə qalib gəldi və 1/4 final mərhələsinə adladı. Bu mərhələdə onun rəqibi Tunis nümayəndəsi Sarra Həmdi oldu. Həmin görüşdə Mariya Stadnik rəqibi üzərində vaxtından əvvəl 10:0 hesabı ilə qələbə qazandı və olimpiadanın yarım-final mərhələsinə adladı. Finala gedən yolda isə onun rəqibi Yaponiya nümayəndəsi Yui Susahi oldu.Mariya Stadnik və Yui Susahi sonuncu dəfə 2018-ci il Dünya Çempionatının final görüşündə üz-üzə gəlmişdi və onda Yui Susahi asan qələbə qazanmışdı. Bu səfərdə eyni ssenari baş verdi. Yui Susahi Mariya Stadnik üzərində vaxtından əvvəl 11:0 hesabı ilə qələbə qazandı və olimpiadanın final görüşünə vəsiqə qazandı.Mariya Stadnik isə bürünc medal uğrunda mübarizə apardı. Bu görüşdə onun rəqibi Monqolustan nümayəndəsi Tsoq-Oçirin Namuuntsetseq oldu. Həmin görüşdə Mariya Stadnik rəqibinə vaxtından əvvəl 10:0 hesabı ilə qalib gəldi və XXXII Yay Olimpiya Oyunlarının bürünc medalına sahib oldu. Dörd dəfə (2008, 2012, 2016 və 2020-ci illər) Olimpiya Oyunlarının medalına sahib olmağı bacaran Mariya Stadnik, Azərbaycanın Olimpiya Oyunları tarixində dörd medala sahib olan birinci idmançı oldu.Mariya Stadnik həm də dünya güləşinin tarixinə düşdü.Yaponiya nümayəndələri Kaori İço və Saori Yoşidadan sonra dörd olimpiada da medala sahib olmağı bacaran üçüncü qadın güləşçi oldu.Mariya Stadnik təltifetmə mərasimindən sonra müsahibəsində bunları bildirdi: "Əlbəttə mən çox şadam. Dünən məyus idim məğlubiyyətə görə. Qızıl medala çata bilmədim. Amma bu gün bürünc medala görə də şadam.".

Sərbəst güləşçilərin turnirində əvvəlcə Turan Bayramov mübarizə apardı. Avqustun 5-də çıxış edən Turan Bayramov olimpiadanın 1/8 final mərhələsində Ukrayna nümayəndəsi Vasil Mixailov ilə üz-üzə gəldi. Gərgin idman mübarizəsi şəraitində baş tutan görüşdə Turan Bayramov rəqibi üzərində 4:2 hesabı ilə qələbə qazandı və turnirin 1/4 final mərhələsinə adladı. Bu mərhələdə onun rəqibi Rio-de-Janeyro Olimpiadasının bürünc medalçısı İtaliya nümayəndəsi Fran Çamizo oldu. Həmin görüşdə Turan Bayramov rəqibinə 1:4 hesabı ilə məğlub oldu. Rəqibi final görüşünə vəsiqə qazanmadığına görə Turan Bayramov təsəlliverici qrupda mübarizə apara bilmədi və olimpiadanı 8-ci pillədə başa vurdu.

Avqustun 6-da isə sərbəst güləş üzrə Azərbaycan yığmasının liderlərindən Hacı Əliyev və Şərif Şərifov mübarizə apardı. 2012-ci il London Olimpiadasının qızıl, 2016-cı il Rio-de-Janeyro Olimpiadasının isə bürünc medalçısı Şərif Şərifov olimpiadanın 1/8 final mərhələsində turnirin "bir nömrəli" favoriti olan nümayəndəsi Abdulrəşid Sadulayev ilə üz-üzə gəldi. Həmin görüşdə Şərif Şərifov rəqibinə 0:5 hesabı ilə məğlub oldu.Abdulrəşid Sadulayev final görüşünə vəsiqə qazandığına görə Şərif Şərifov təsəlliverici qrupda mübarizə apardı. Avqustun 7-də isə Şərif Şərifov təsəlliverici qrupun birinci görüşündə Gürcüstan nümayəndəsi Elizbar Odixadze ilə üz-üzə gəldi. Gərgin idman mübarizəsi şəraitində Şərif Şərifov rəqibinə 8:5 hesabı ilə qalib gəldi və bürünc medal uğrunda görüşə vəsiqə qazandı. Bu görüşdə isə onun rəqibi Kuba nümayəndəsi Reyneris Salas oldu. Bu görüşdə gərgin idman mübarizəsi şəraitində baş tutdu. Nəticədə isə görüş 3:3 hesabı ilə başa çatdı və son balı Kuba nümayəndəsi Reyneris Salas qazandığına görə görüşün qalibi oldu.Şərif Şərifov isə XXXII Yay Olimpiya Oyunlarını beşinci pillədə başa vurdu.

Komandanın lideri Hacı Əliyev isə olimpiadanın 1/8 final mərhələsi çərçivəsində baş tutan birinci görüşündə yeddi dəfə qitə çempionatının qalibi olan Seneqal nümayəndəsi Adama Diatta ilə üz-üzə gəldi. Həmin görüşdə Hacı Əliyev 4:0 hesabı ilə qalib gəldi və 1/4 final mərhələsinə adladı. Bu mərhələdə isə o, üç dəfə Asiya Çempionatının qalibi olan Qazaxıstan güləşçisi Daulet Niyazbəyov ilə qarşılaşdı. Həmin görüşdə Hacı Əliyev 9:1 hesabı ilə inamlı qələbə qazandı və Olimpiadanın 1/2 final mərhələsinə adladı. Bu mərhələdə o, Hindistan nümayəndəsi Punia Bajranq ilə üz-üzə gəldi. Gərgin idman mübarizəsi şəraitində baş tutan görüşdə Hacı Əliyev 12:5 hesabı ilə inamlı qələbə qazandı və XXXII Yay Olimpiya Oyunlarının həlledici görüşünə vəsiqə qazandı.

Olimpiadanın final görüşündə Hacı Əliyevin rəqibi Yaponiya güləşçisi Tahuto Otoquro oldu. 2 il əvvəl Nur-Sultan şəhərində baş tutan Dünya Çempionatının təsəlliverici qrupunda Əliyev, məhz Otoquroya gərgin görüşün nəticəsində 9:11 hesabı ilə məğlub olmuşdu. Buna görə də görüş Hacı Əliyev üçün prinsipial əhəmiyyətli idi. Görüşün 55-ci saniyəsində Əliyev fənd tətbiq eləməyə çalışsa da, özü fəndə düşdü. Nəticədə Tahuto Otoquro görüşdə 2:0 hesabı ilə önə çıxdı. Birinci hissənin başa çatmasına 8 saniyə qala Hacı Əliyev növbəti dəfə fənd tətbiq elədi və bu səfər uğurlu alındı. Nəticədə görüşün birinci hissəsi 2:2 hesabı ilə başa çatdı. Görüşün növbəti hissəsinin birinci dəqiqələrində həm Əliyev, həm də Otquro ehtiyatlı güləşçi. Görüşün başa çatmasına bir dəqiqə qala isə gərgin idman mübarizəsi yaşandı. Əliyev rəqibin ayağlarından tutaraq fənd tətbiq eləməyə çalışsa da, Otoquro 10 saniyə ərzində çətin vəziyyətdən çıxmağı bacardı və Əliyevin özünü fəndə saldı. Bu səfər isə Əliyev özü müdafiə olunan tərəf oldu. Nəticədə 30 saniyə ərzində nə Əliyev, nə də Otoquro fənd tətbiq edə bilmədi və görüş ayaqüstə davam elədi. Görüşün sonuna 20 saniyə qala Otoquro Əliyevin ayağından tutaraq fənd tətbiq eləməyə çalışdı. Əliyev bu zaman vəziyyət çıxmaq üçün rəqibi üzərindən aşırmağı bacarsa da, Otoquro cəld fəndi tətbiq elədi. Nəticədə Tahuto Otoquro görüşdə 4:2 hesabı ilə önə çıxdı. Bundan sonra Azərbaycan yığmasının baş məşqçisi Namiq Abdullayev Hacı Əliyevin rəqibi üzərindən aşırmasına görə, ona xal vermədiyi üçün referilərə etirazını bildirdi. Referilər tərəfindən həmin epizoda baxıldığdan sonra Namiq Abdullayevin etirazı qəbul edilmədi və qarşı tərəfə əlavə bir xal verildi. Görüşün son 10 saniyəsində Tahuto Otoquro rəqibin həmlələrindən yayınmağa çalışdı. Məhz buna görə də görüşün sonuna 7.4 saniyə qala Otoquroya sarı vərəqə verildi və Əliyevin hesabına əlavə bir xal yazıldı. Görüşün sonuna 4.0 saniyə qala da eyni vəziyyət yarandı. Otoquroya növbəti dəfə sarı vərəqə verildi və Əliyevin hesabına əlavə daha bir xal yazıldı. Gərgin idman mübarizəsi şəraitində baş tutan görüş elə bununla da başa çatdı. Nəticədə Hacı Əliyev Tahuto Otoquroya 4:5 hesabı ilə məğlub oldu və XXXII Yay Olimpiya Oyunlarının gümüş medalına sahib oldu.

• Q — növbəti mərhələyə adladı

XXXII Yay Olimpiya Oyunlarında idman gimnastların turnirləri 24 iyul-4 avqustda baş tutdu. Azərbaycanı bu idman növü üzrə turnirdə İvan Tixonov və Marina Nekrasova təmsil elədi.Marina Nekrasova Azərbaycanı Olimpiya Oyunlarında təmsil edən birinci qadın idman gimnastı olaraq tarix düşdü.

Kişilərin turnirində çıxış edən İvan Tixonov iyulun 24-də mübarizə apardı.İvan Tixonov əvvəlcə dayanqla tullanmada və halqalarda mübarizə apardı. Nəticədə İvan Tixonov dayaqla tullanma turnirini 13.600 balla, halqalarla turnirini isə 14.200 balla başa vurdu. Daha sonra İvan Tixonov sərbəst və gimnastika atı turnirində mübarizə apardı. Sərbəst turniri 13.233 balla 53-cü pillədə başa vuran İvan Tixonov gimnastika atı turnirində 13.366 balla 38-ci pillənin sahibi oldu. Günün sonunda İvan Tixonov parallel qollar və turnik turnirində mübarizə apardı.İvan Tixonov parallel qollar turnirində 14.200 balla 20-ci pillədə, turnik turnirində isə 13.133 balla 41-ci pillədə qərarlaşdı. Ümumi nəticədə İvan Tixonov təsnifat mərhələsini 80.298 balla 45-ci pillədə başa vurdu və final mərhələsinə vəsiqə qazana bilmədi. Ayrı-ayrı alətlərdə də İvan Tixonov final mərhələsinə vəsiqə qazana bilmədi.

• Kişilər

Qadınların turnirində çıxış edən Marina Nekrasova iyulun 25-də mübarizə apardı.Marina Nekrasova əvvəlcə müxtəlif hündürlükdə qollarda və dirəkdə mübarizə apardı. Nəticədə Marina Nekrasova müxtəlif hündürlükdə qollar turnirini 10.833 balla 83-cü pillədə, dirək turnirini isə 12.266 balla 19-cu pillədə başa vurdu. Daha sonra Marina Nekrasova sərbəst və dayaqla tullanma turnirində mübarizə apardı. Sərbəst turniri 12.000 balla 58-ci pillədə başa vuran Marina Nekrasova dayaqla tullanma turnirində 12.666 balla 71-ci pillənin sahibi oldu. Ümumi nəticədə Marina Nekrasova təsnifat mərhələsini 48.232 balla 70-ci pillədə başa vurdu və final mərhələsinə vəsiqə qazana bilmədi. Ayrı-ayrı alətlərdə də Marina Nekrasova final mərhələsinə vəsiqə qazana bilmədi.

• Qadınlar

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında bu idman növü üzrə turnirlər 5–7 avqustda baş tutdu. Azərbaycanı bu idman növü üzrə turnirdə Firdovsi Fərzəliyev, Rafael Ağayev və İrina Zaretska təmil elədi.

Avqustun 5-də 67 kq. turnirində çıxış edən Firdovsi Fərzəliyev Dünya Çempionatının bürünc medalçısı, Avropa Oyunlarının isə qalibi idi. Firdovsi Fərzəliyev qrup mərhələsinin birinci görüşündə Avropa Çempionatının qalibi Türkiyə nümayəndəsi Eray Şamdan ilə üz-üzə gəldi. Həmin görüşdə Firdovsi Fərzəliyev rəqibinə 1:7 hesabı ilə məğlub oldu. Növbəti görüşdə Firdovsi Fərzəliyev Yaponiya nümayəndəsi Naoto Saqo ilə üz-üzə gəldi. Gərgin idman mübarizəsi şəraitində baş tutan görüşdə Firdovsi Fərzəliyev rəqibi üzərində minimal hesabla qələbə qazandı (1:0). Qrup mərhələsinin üçüncü görüşündə Firdovsi Fərzəliyevin rəqibi Qazaxıstan nümayəndəsi Darçan Assadilov oldu. Həmin görüşdə Firdovsi Fərzəliyev rəqibinə 2:6 hesabı ilə məğlub oldu. Qrup mərhələsinin sonuncu görüşündə isə Firdovsi Fərzəliyev Misir nümayəndəsi Əli El-Savi ilə üz-üzə gəldi. Həmin görüşdə Firdovsi Fərzəliyev rəqibinə minimal hesabla məğlub oldu. Bununla da Firdovsi Fərzəliyev qrup mərhələsini bir qələbə və üç məğlubiyyətlə başa vurdu. Bu nəticələrə əsasən Firdovsi Fərzəliyev qrupu beşinci pillədə başa vurdu və olimpiada da mübarizəsini dayandırdı.

Avqustun 6-da isə 75 kq. turnirində çıxış edən Rafael Ağayev mübarizə apardı. 5 dəfə Dünya Çempionatının, 11 dəfə isə Avropa Çempionatının qalibi olan Rafael Ağayev Azərbaycanın əsas qızıl medal ümidi idi. Qrup mərhələsinin birinci görüşündə Rafael Ağayev Almaniya nümayəndəsi Noa Biç ilə üz-üzə gəldi. Gərgin idman mübarizəsi şəraitində baş tutan görüşdə Rafael Ağayev rəqibi üzərində 2:1 hesabı ilə qələbə qazandı. Qrup mərhələsinin növbəti görüşündə Rafael Ağayev Avstraliya nümayəndəsi Tsuneari Yahiro ilə üz-üzə gəldi. Həmin görüşdə Rafael Ağayev rəqibi üzərində 5:0 hesabı ilə inamlı qələbə qazandı. Qrup mərhələsinin üçüncü görüşündə Rafael Ağayevin rəqibi Qazaxıstan nümayəndəsi Nurqanad Aciqanov oldu. Gərgin idman mübarizəsi şəraitində baş tutan görüşdə Rafael Ağayev rəqibinə 4:2 hesabı ilə qalib gəldi. Bununla da Rafael Ağayev son turun nəticələrindən asılı olmayaraq növbəti mərhələyə vəsiqə qazandı. Qrup mərhələsinin sonuncu görüşündə Rafael Ağayev əzəli rəqibi, Dünya və Avropa Çempionatlarının qalibi İtaliya nümayəndəsi Luici Busa ilə üz-üzə gəldi. Həmin görüşdə Rafael Ağayev rəqibinə 0:4 hesabı ilə məğlub oldu və nəticədə qrup mərhələsini 2-ci pillədə başa vurdu. Yarım-final mərhələsində Rafael Ağayevin rəqibi Macarıstan nümayəndəsi Qabor Harspatai oldu. Həmin görüşdə Rafael Ağayev rəqibi üzərində 7:0 hesabı ilə inamlı qələbə qazandı və olimpiadanın final görüşünə vəsiqə qazandı. Həlledici görüşdə onun rəqibi İtaliya nümayəndəsi Luici Busa oldu. Qrup mərhələsində məğlub olduğu rəqibinə Rafael Ağayev bu səfər qalib gəlməyə hədəfləyirdi. Gərgin idman mübarizəsi şəraitində baş tutan görüşdə Rafael Ağayev rəqibinə minimal hesabla məğlub oldu (0:1). Bununla da Rafael Ağayev XXXII Yay Olimpiya Oyunlarının gümüş medalına sahib oldu.Rafael Ağayev həm də Azərbaycanın Olimpiya Oyunları tarixində bu idman növü üzrə medala sahib olan birinci idmançı olaraq tarixə düşdü.

Avqustun 7-də son olaraq qadınların +61 kq. turnirində çıxış edən İrina Zaretska mübarizə apardı.İrina Zaretska son Avropa Çempionatının qalibi idi və Azərbaycanın əsas medal ümidi hesab olunurdu. İrina Zaretska qrup mərhələsinin birinci görüşündə Yaponiya nümayəndəsi Ayumi Ueusa ilə üz-üzə gəldi. Həmin görüşdə İrina Zaretska rəqibi üzərində 4:1 hesabı ilə qələbə qazandı. Növbəti görüşdə onun rəqibi İtaliya nümayəndəsi Silviya Semerano oldu. Gərgin idman mübarizəsi şəraitində baş tutan görüşdə İrina Zaretska rəqibinə 4:2 hesabı ilə qalib gəldi. Qrup mərhələsinin üçüncü görüşündə İrina Zaretska Qazaxıstan nümayəndəsi Sofya Berultseva ilə üz-üzə gəldi. Gərgin idman mübarizəsi şəraitində baş tutan görüşdə İrina Zaretska rəqibinə 4:5 hesabı ilə məğlub oldu. Qrup mərhələsinin sonuncu görüşündə isə İrina Zaretskanın rəqibi Türkiyə nümayəndəsi Meltem Hocaoğlu oldu. Həmin görüşdə İrina Zaretska rəqibi üzərində 4:0 hesabı ilə qələbə qazandı. Bununla da İrina Zaretska qrup mərhələsini üç qələbə və bir məğlubiyyətlə başa vurdu və birinci pillənin sahibi oldu. Yarım-final mərhələsində isə İrina Zaretska Çin nümayəndəsi Qon Li ilə üz-üzə gəldi. Həmin görüşdə İrina Zaretska rəqibi üzərində 7:2 hesabı ilə qələbə qazandı və olimpiadanın final görüşünə vəsiqə qazandı. Olimpiadanın son günündə çıxış edən İrina Zaretskanın final görüşü Azərbaycan Milli Olimpiya Komandası üçün əhəmiyyətli idi. Komandanın hesabında qızıl medal yox idi və Azərbaycan 25 ildən sonra birinci dəfə olimpiadanı qızıl medalsız başa vura bilərdi. Həlledici görüşdə onun rəqibi Misir nümayəndəsi Feryal Abdeləziz oldu. Gərgin idman mübarizəsi şəraitində baş tutan görüşdə İrina Zaretska rəqibinə 0:2 hesabı ilə məğlub oldu və XXXII Yay Olimpiya Oyunlarının gümüş medalına sahib oldu.

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında qılıncoynatma idman növü üzrə turnirlər 24 iyul-1 avqustda baş tutdu. Azərbaycanı bu idman növü üzrə Anna Başta təmsil elədi.

İyulun 26-da mübarizə aparan Anna Başta 1/16 final mərhələsində ABŞ nümayəndəsi Anna-Yelizavet Stone ilə üz-üzə gəldi. Bu görüşdə Anna Başta rəqibinə 15:10 hesabı ilə qalib gəldi və 1/8 final mərhələsinə adladı. Bu mərhələdə isə onun rəqibi Beynəlxalq Olimpiya Komitəsini təmsil edən Olqa Nihitina idi. Gərgin idman mübarizəsi şəraitində baş tutan görüşdə Anna Başta rəqibinə 14:15 hesabı ilə məğlub oldu və olimpiadada mübarizəsini dayandırdı.Anna Başta müsahibəsində "nəticəsilə razı olduğunu, olimpiadanın onun üçün ciddi təcrübə qazandırdığını" bildirdi.

• DNF — bitirmədi

XXXII Yay Olimpiya Oyunlarında şose velosipedi idman növü üzrə turnirlər 24–28 iyulda baş tutdu. Azərbaycanı bu idman növü üzrə Elçin Əsədov təmsil elədi.

İyulun 24-də baş tutan fərdi turnirdə Elçin Əsədov finişə çata bilmədi və olimpiadanı nəticəsiz başa vurdu.

• Qəl. — qalib gəldi
• Məğ. — məğlub oldu

XXXII Yay Olimpiya Oyunlarında bu idman növü üzrə turnirlər 24–27 iyul baş tutdu. Azərbaycanı bu idman növü üzrə Milad Beygi və Fəridə Əzizova təmsil elədi.

Kişilərin turnirində çıxış edən Milad Beygi apreldə Sofiyada (Bolqarıstan) Avropa Çempionatının gümüş medalına sahib olmuşdu. Milad Beygi turnirin 1/8 final mərhələsində Çin Taybeyi nümayəndəsi Lu Ve-Tin ilə üz-üzə gəldi. Gərgin idman mübarizəsi şəraitində baş tutan görüşdə Milad Beygi rəqibinə 15:11 hesabı ilə qalib gəldi və olimpiadanın 1/4 final mərhələsinə adladı. Bu mərhələdə onun rəqibi Özbəkistan nümayəndəsi Nihita Rafaloviç oldu. Həmin görüşdə Milad Beygi rəqibinə 1:12 hesabı ilə məğlub oldu və olimpiada da mübarizəsini dayandırdı.Milad Beygi müsahibəsində "birinci görüşdə ayağından zədələndiyini və növbəti görüşdə rəqibin bu zədədən istifadə elədiyini" bildirdi.

Qadınların turnirində çıxış edən Fəridə Əzizova isə olimpiadanın 1/8 final mərhələsində Birləşmiş Ştatlar nümayəndəsi Peyce Ferson ilə üz-üzə gəldi. Gərgin idman mübarizəsi şəraitində baş tutan görüşdə Fəridə Əzizova rəqibinə 5:8 hesabı ilə məğlub oldu və olimpiadanın turnirdə mübarizəsini dayandırdı.Fəridə Əzizova müsahibəsində "uğursuz çıxışını pandemiya ilə bağlı idman zallarının bağlı qalması" ilə əlaqələndirdi.2016-cı il Rio-de-Janeyro Olimpiadasında biri qızıl olmaqla üç medala sahib olan Azərbaycan yığmasının bu olimpiada da çıxışı tarixin ən zəif nəticəsi idi.

  Əsas məqalə:

• DNF — bitirmədi

XXXII Yay Olimpiya Oyunlarında triatlon idman növü üzrə turnirlər 26–31 iyulda baş tutdu. Azərbaycanı bu idman növü üzrə Rostislav Pevtsov təmsil elədi.Rostislav Pevtsov bundan əvvəl Azərbaycanı 2016-cı il Rio-de-Janeyro Olimpiadasında təmsil eləmişdi.

Kişilərin turnirində çıxış edən Rostislav Pevtsov iyulun 26-da mübarizə apardı. 1 saat 50 dəqiqə 46 saniyə nəticə göstərən Rostislav Pevtsov olimpiadanı 50 idmançı sırasında 41-ci pillədə başa vurdu.Rostislav Pevtsov müsahibəsində "bu nəticənin gözlədiyim və hədəflədiyim nəticə" olmadığını bildirdi.

• Q — növbəti mərhələyə adladı

XXXII Yay Olimpiya Oyunlarında üzgüçülərin turniri 24 iyul-1 avqustda baş tutdu. Azərbaycanı bu idman növü üzrə Maksim Şemberev və Məryəm Şeyxəlizadəxangah təmsil elədi.

İyulun 24-də olimpiada da Maksim Şemberev və Məryəm Şeyxəlizadəxangah mübarizə apardı. 400 metr məsafəyə complex üsulla üzmə turnirində çıxış edən Maksim Şemberev təsnifat mərhələsinin C qrupunda 4:18.40 dəqiqə nəticə göstərdi. Bu nəticələrə əsasən Şemberev ümumi nəticədə olimpiadanı 26-cı pillədə başa vurdu.

100 metr məsafəyə batterflay üsulla üzmə turnirində çıxış edən Məryəm Şeyxəlizadəxangah isə təsnifat mərhələsinin D qrupunda 1:00.36 dəqiqə nəticə göstərdi. Bu nəticələrə əsasən Şeyxəlizadəxangah ümumi nəticədə olimpiadanı 30-cu pillədə başa vurdu.

• Q — növbəti mərhələyə adladı

XXXII Yay Olimpiya Oyunlarında yüngül atletlərin turniri 30 iyul-8 avqustda baş tutdu. Azərbaycanı bu idman növü üzrə Nazim Babayev və Anna Skidan təmsil elədi.

Avqustun 1-də çəkic atma turnirində çıxış edən Anna Skidan mübarizə apardı. Anna Skidan təsnifat mərhələsində 69.58 metr nəticə göstərdi və olimpiadanı 16-cı pillədə başa vuraraq final mərhələsinə vəsiqə qazana bilmədi.

Avqustun 3-də isə üçtəkanla tullanma turnirində çıxış edən Nazim Babayev mübarizə apardı. Nazim Babayev təsnifat mərhələsində 16.72 metr nəticə göstərdi və olimpiadanı 15-ci pillədə başa vuraraq final mərhələsinə vəsiqə qazana bilmədi.

XXXII Yay Olimpiya Oyunlarında uğursuz nəticədən sonra Azərbaycan idman federasiyaların prezidentləri dəyişməyə başladı.

08.11.2021-ci ildə iqtisadiyyat naziri Mikayıl Cabbarov Azərbaycan Badminton Federasiyasının prezidenti vəzifəsindən istefa verdi. Federasiyanın yeni prezidenti isə Beynəlxalq Dəniz Ticarət Limanı QSC-nin rəhbəri Taleh Ziyadov seçildi.

26.11.2021-ci ildə sabiq vergilər naziri Fazil Məmmədov prezidenti vəzifəsindən istefa verdi. Federasiyanın yeni prezidenti isə müdafiə sənayesi naziri Mədət Quliyev seçildi.

08.12.2021-ci ildə Namiq Əliyev Azərbaycan Güləş Federasiyasının prezidenti vəzifəsindən istefa verdi. Federasiyanın yeni prezidenti isə iqtisadiyyat naziri Mikayıl Cabbarov seçildi.

15.12.2021-ci ildə Xüsusi Dövlət Mühafizə Xidmətinin sabiq rəisi Vaqif Axundov Azərbaycan Atıcılıq Federasiyasının prezidenti vəzifəsindən istefa verdi. Federasiyasının yeni prezidenti isə daxili işlər naziri Vilayət Eyvazov seçildi.

20.12.2021-ci ildə iqtisadiyyat naziri Mikayıl Cabbarov Azərbaycan Qılıncoynatma Federasiyasının prezidenti vəzifəsindən istefa verdi. Federasiyanın yeni prezidenti isə İctimai Televiziyaın rəhbəri Balakişi Qasımov seçildi.

• Azərbaycan 2020 Yay Paralimpiya Oyunlarında