Azərbaycan Milli Olimpiya Komandası XXXVIII Yay Olimpiya Oyunlarını 5 medalla (1 qızıl və 4 bürünc) başa vurdu.

Yunan-roma güləşçisi Fərid Mansurov final görüşündə qələbə qazanaraq Afina Olimpiadasının qalibi oldu. Güllə atıcısı İradə Aşumova və stend atıcısı Zemfira Meftahətdinova, həmçinin bojsçular Fuad Aslanov və Ağası Məmmədov isə Afina Olimpiadasını bürünc medalla başa vurdu.

Azərbaycan Afina Olimpiadasında 10 idman növü üzrə 37 idmançı ilə təmsil olundu. Bu Azərbaycanın Olimpiya Oyunlarında idmançı sayının artım tempinin davamı idi — Azərbaycanı 1996-cı il Atlanta Olimpiadasında 23 idmançı, 2000-ci il Sidney Olimpiadasında isə 31 idmançı təmsil eləmişdi. Komandanın heyətində 37 idmançıdan 6-sı qadın idi. Bundan əvvəl Azərbaycanı 1996-cı il olimpiadasında üç qadın, 2000-ci il olimpiadasında isə altı qadın idmançı təmsil edirdi.

Azərbaycan 1996 və 2000-ci illərdə Olimpiya Oyunlarında suya tullanma turnirində təmsil olunsa da, bu səfər heç bir idmançı bu idman növü üzrə vəsiqə qazana bilmədi. Əvəzində Azərbaycan Olimpiya Oyunlarında birinci dəfə bədii gimnastların və taekvondoçuların turnirlərində təmsil olundu.

Komandanın heyətində 37 idmançıdan 24 nəfəri Olimpiya Oyunlarının debütantı idi. Olimpiada təcrübəsi olan 13 idmançıdan üç nəfəri isə bundan əvvəl turnirdə medallara da sahib olmuşdu — Olimpiadanın qalibləri Zemfira Meftahətdinova (atıcılıq) və Namiq Abdullayev (sərbəst güləş), bürünc medalçı Vüqar Ələkbərov (boksçu).

Komandanın ən yaşı üzvü 46 yaşlı güllə atıcısı İradə Aşumova, ən gənc üzvü isə 17 yaşlı üzgüçü Nataliya Filina idi.

  Əsas məqalə:

• DNF — bitirmədi

Afina Olimpiadasında ağır atletlərin turnirləri 14-25 avqustda baş tutdu. Azərbaycanı bu idman növü üzrə beş atlet — Dünya və Avropa Çempionatlarının qalibi Nizami Paşayev, Dünya və Avropa Çempionatlarının bürünc medalçıları Asif Məlikov və Turan Mirzəyev, həmçinin Əlibəy Səmədov və Alan Naniyev təmsil elədi.

Avqustun 16-da -62 kq. turnirində çıxış edən Asif Məlikov mübarizə apardı. Birdən qaldırma mərhələsində Asif Məlikov birinci cəhdində 150.0 kiloqramlıq ştanqın öhdəsindən gələ bilməsə də, növbəti cəhdində ştanqı qaldırmağı bacardı. Üçüncü cəhdində 120.0 kiloqramlıq ştanqı sifariş versə də Asif Məlikov bunun öhdəsindən gələ bilmədi və birdən qaldırma turnirini başa vurdu (nəticəsi 115.0). Təkanla qaldırma mərhələsində Asif Məlikov birinci cəhdində 145.0 kiloqramlıq, növbəti cəhdində isə 150.0 kiloqramlıq ştanqın öhdəsindən gəldi. Sonuncu cəhsində 155.0 kiloqramlıq ştanqı sifariş versə də Asif Məlikov bunun öhdəsindən gələ bilmədi və mərhələni başa vurdu (nəticəsi 150.0). Ümumi nəticədə isə Asif Məlikov 265.0-lıq (115.0+150.0) nəticə ilə olimpiadanı 16 atlet sırasında 12-ci pillədə başa vurdu.

Avqustun 18-də iə 69 kq. turnirində çıxış edən Turan Mirzəyev mübarizə apardı. Birdən qaldırma turnirində Turan Mirzəyev birinci cəhdində 147.5 kiloqramlıq ştanqın öhdəsindən gələ bilsə də, növbəti cəhdlərindən 152.5 kiloqramlıq ştanqı qaldırmağı bacarmadı. Bununla da Turan Mirzəyev birdən qaldırma turnirində dördüncü pillədə qərarlaşdı (nəticəsi 147.5). Təkanla qaldırma turnirində Turan Mirzəyev birinci cəhdindən 180.0, növbəti cəhdində isə 185.0 kiloqramlıq ştanqın öhdəsindən gəldi. Sonuncu cəhsində 190.0 kiloqramlıq ştanqı sifariş verən Turan Mirzəyev bunu qaldırmağı bacarsaydı olimpiadanı medalla başa vuracaqdı. Amma Turan Mirzəyev bunun öhdəsindən gələ bilmədi və mərhələni 185.0-lıq nəticə ilə başa vurdu. Ümumi nəticədə Turan Mirzəyev 332.6-lıq (147.5+185.0) nəticə ilə olimpiadanı dördücü pillədə başa vurdu.

Daha sonra 95 kq. turnirində çıxış edən Əlibəy Səmədov və Nizami Paşayev mübarizə apardı.Əlibəy Səmədov birdən qaldırma mərhələsində birinci cəhdində 155.0, növbəti cəhdində isə 160.0 kiloqramlıq ştanqın öhdəsindən gəldi. Sonuncu cəhdində 165.0 kiloqramlıq ştanqı qaldırmağı bacaran Əlibəy Səmədov birdən qaldırma mərhələsini başa vurdu (nəticəsi 165.0). Təkanla qaldırma mərhələsində isə Əlibəy Səmədov birinci cəhdində 195.0 kiloqramlıq ştanqın öhdəsindən gəldi. Növbəti cəhdində 200.0 kiloqramlıq ştanq sifariş verən Əlibəy Səmədov ştanqı qaldıran zaman zədələndi və turnirdə mübarizəsini başa vurdu. Ümumi nəticədə Əlibəy Səmədov olimpiadanı 360.0-lıq (165.0+195.0) nəticə ilə 15-ci pillədə başa vurdu. Həmin turnirdə mübarizə aparan digər atlet Nizami Paşayev isə olimpiada da uğursuz çıxış elədi.Nizami Paşayev birdən qaldırma mərhələsində hər üç cəhdində 180.0 kiloqramlıq ştanq sifariş versə də, hər üçünün öhdəsindən gələ bilmədi və turniri nəticəsiz başa vurdu.

Avqustun 24-də isə 105 kq. turnirində çıxış edən Alan Naniyev mübarizə apardı. Birdən qaldırma turnirində Alan Naniyev birinci cəhdində 190.0 kiloqramlıq ştanqın öhdəsindən gələ bilməsə də, növbəti cəhdində ştanqı qaldırmağı bacardı. Bununla da Alan Naniyev birdən qaldırma turnirində beşinci pillədə qərarlaşdı. Təkanla qaldırma turnirində Alan Naniyev birinci cəhdində 190.0 kiloqramlıq ştanqın öhdəsindən gələ bilməsə də, növbəti cəhdində ştanqı qaldırmağı bacardı. Sonuncu cəhsində 227.5 kiloqramlıq ştanqı sifariş verən Alan Naniyev bunu qaldırmağı bacarsaydı olimpiadanı medalla başa vuracaqdı. Amma Alan Naniyev bunun öhdəsindən gələ bilmədi və mərhələni 220.0-lıq nəticə ilə başa vurdu. Ümumi nəticədə isə Alan Naniyev 410.0-lıq (190.0+220.0) nəticə ilə olimpiadanı altıncı pillədə başa vurdu.

  Əsas məqalə:

• Q — növbəti mərhələyə adladı

Afina Olimpiadasında atıcılıq idman növü üzrə turnirlər 8-18 avqustda baş tutdu. Azərbaycanı bu idman növü üzrə İradə Aşumova və Zemfira Meftahətdinova təmsil elədi.İradə Aşumova 2002-ci il Dünya Çempionatının gümüş medalçısı idi.Zemfira Meftahətdinova isə 2 dəfə Dünya, 5 dəfə Avropa Çempionatlarının, həmçinin 2000-ci il Sidney Olimpiadasının qalibi olan titullu idmançı idi və Azərbaycan yığmasının əsas "medal ümidi" idi.

Avqustun 15-də 10 metr məsafəyə hava tapançasından atəşaçma turnirində çıxış edən İradə Aşumova mübarizə apardı. Turnirin təsnifat mərhələsində İradə Aşumova 400 xaldan 386-sını toplamağı bacardı. Nəricədə İradə Aşumova 40 idmançı sırasında sadəcə Serbiya və Monteneqro nümayəndəsi Yasna Seraçiçdən geri qalaraq final mərhələsinə vəsiqə qazandı. Final mərhələsində 8 idmançı mübarizə apardı.İradə Aşumova final mərhələsinin favoritlərindən biri olsa da, nəticədə uğursuz çıxış elədi. 1-5-ci atışlardən sonra İradə Aşumova 50.7 balla mərhələnin lideri idi. Amma 6, 7 və 10-cu atışları uğursuz olan İradə Aşumova ümumi nəticədə 482.4 balla Afina Olimpiadasını 8-ci pillədə başa vurdu.

Avqustun 18-də isə İradə Aşumova 25 metr məsafəyə tapançadan atəşaçma turnirində mübarizə apardı.İradə Aşumova bu turnirin əsas favoriti hesab olunurdu. Məhz bu turnirdə İradə Aşumova 2003-cü ildə Dünya Çempionatının gümüş medalına sahib olmuşdu. İradə Aşumova təsnifat mərhələsində 600 xaldan 588-zini toplamağı bacardı və nəticədə mərhələni 38 idmançı sırasında birinci pillədə başa vuraraq final mərhələsinə vəsiqə qazandı. Final mərhələsi gərgin idman mübarizəsi şəraitində baş tutdu. Nəticədə İradə Aşumova final mərhələsində 99.4 bal topladı və sadəcə Bolqarıstan nümayəndəsi Mariya Qozdeva və Çexiya nümayəndəsi Lena Hiovadan geri qalaraq üçüncü pillənin sahibi oldu. Bu minvalla da İradə Aşumova Afina Olimpiadasını bürünc medalla başa vurdu. Bu medal Azərbaycanın Afina Olimpiadasında birinci medal oldu. Azərbaycan Atıcılıq Federasiyasının Prezidenti Vaqif Axundovun sözlərinə görə "İradə Aşumovanın qızıl medal qazana bilərdi, amma son atışları dəqiq olmadığına görə o, bürünc medalla başa vurdu olimpiadanı".

Avqustun 19-da Azərbaycan yığmasının lideri Zemfira Meftahətdinova stend atıcılığı turnirində mübarizə apardı. Son olimpiya çempionu Zemfira Meftahətdinova ötən dörd il ərzində Dünya və Avropa Çempionatlarının qalibi olmuşdu və medala iddialı idi. 12 idmançının mübarizə apardığı təsnifat mərhələsində Zemfira Meftahətdinova birinci cəhdində 25 xal topladı. Növbəti cəhdində də 25 xal toplamağı bacaran Meftahətdinova, üçüncü cəhdində uğurlu seriyanın davamını gətirə bilmədi və cəmi 22 xal topladı. Bununla da o, təsnifat mərhələsini 72 balla tamamladı və sadəcə Macarıstan nümayəndəsi Diana İqalidən geri qaldı. Final mərhələsi isə gərgin idman mübarizəsi şəraitində baş tutdu. Nəticədə Zemfira Meftahətdinova 22 xal topladı və altı idmançı arasında dördüncü pillədə qərarlaşdı. Amma ümumi nəticə həm təsnifat mərhələsi, həm də final mərhələsinin nəticələrinə əsasən aparıldığına görə Zemfira Meftahətdinova 94 xalla üçüncü pillədə qərarlaşdı. Bununla da o, XXVIII Yay Olimpiya Oyunlarının bürünc medalına sahib oldu. Bununla da Zemfira Meftahətdinova Olimpiya Oyunlarında 2 dəfə medala sahib olan birinci qadın idmançı oldu. Olimpiadanın qalibi isə Macarıstan nümayəndəsi Diana İqali oldu.

  Əsas məqalə:

• Q — növbəti mərhələyə adladı

Afina Olimpiadasında bədii gimnastların turnirləri 26–30 avqustda baş tutdu. Azərbaycanı bu idman növü üzrə Anna Qurbanova təmsil elədi. 2003-cü ildə Budapeşt şəhərində (Macarıstan) baş tutan Dünya Çempionatının nəticələrinə əsasən əslində Dinarə Gimatova olimpiya lisenziyasına sahib olmuşdu və Azərbaycanı o, təmsil eləməli idi. Amma avqustda Patras şəhərində (Yunanıstan) təlim-məşq toplanışları zamanı Dinarə Gimatovanın ayağı burxuldu və yığmanın məşqçiləri onu Anna Qurbanova ilə əvəzlədi.

Avqustun 26-da fərdi turnirdə çıxış edən 17 yaşlı Anna Qurbanova mübarizə apardı.Anna Qurbanova təsnifat mərhələsinin birinci günündə halqa ilə proqramda 22.775 bal, top ilə proqramda isə 23.525 bal topladı. Təsnifat mərhələsinin birinci günündən sonra Anna Qurbanova 46.300 balla 14-cü pillədə qərarlaşdı. Təsnifat mərhələsinin növbəti günündə isə Anna Qurbanova gürzlərlə proqramda 22.800 bal, iplə proqramda isə 23.200 bal topladı. Ümumi nəticədə Anna Qurbanova turniri 92.300 balla 24 gimnast sırasında 14-cü pillədə başa vurdu.

  Əsas məqalə:

• Qəl. — qalib gəldi
• Məğ. — məğlub oldu
• RSC — təmiz qələbə
• DSQ — uzaqlaşdırıldı

Afina Olimpiadasında bu idman növü üzrə turnirlər 14-30 avqustda baş tutdu. Azərbaycanı bu idman növü üzrə doqquz idmançı təmsil elədi. Onların sırasında bir nəfər olimpiya medalçısı, bir nəfər Dünya çempionu, bir nəfər Avropa çempionu, dörd nəfər isə Dünya və Avropa Çempionatlarının medalçısı idi.

48 kq. turnirində çıxış edən 30 yaşlı Ceyhun Əbiyev Olimpiya Oyunlarında debüt edirdi.Ceyhun Əbiyev avqustun 18-də olimpiadanın 1/16 final mərhələsində son Avropa Çempionatının bürünc medalçısı Macarıstan nümayəndəsi Pal Beda ilə üz-üzə gəldi. Görüş ərzində rəqibindən tam üstün olan Ceyhun Əbiyev rəqibi üzərində 24:8 hesabı ilə qələbə qazandı və turnirin 1/8 final mərhələsinə adladı. Bu mərhələdə onun rəqibi Atagün Yalçınqaya oldu. Avqustun 21-də gərgin idman mübarizəsi şəraitində baş tutan görüşdə Ceyhun Əbiyev rəqibinə 20:24 hesabı ilə məğlub oldu və Afina Olimpiadasını doqquzuncu pillədə başa vurdu.

51 kq. turnirində isə Fuad Aslanov mübarizə apardı. Olimpiadalarda debüt edən 28 yaşlı Fuad Aslanovun təsnifat mərhələsində rəqibi Madaqaskar nümayəndəsi George Raxotoarimbelo oldu. Avqustun 17-də baş tutan həmin görüşdə Fuad Aslanov rəqibi üzərində təmiz qələbə qazandı və turnirin 1/8 final mərhələsinə adladı. Bu mərhələdə onun rəqibi Gürcüstan nümayəndəsi Nixoloz İzoriya oldu. Nixoloz İzoriya fevralda baş tutan Avropa Çempionatının finalçısı idi. Gərgin idman mübarizəsi şəraitində baş tutan görüşdə Fuad Aslanov rəqibinə 28:22 hesabı ilə qalib gəldi və turnirin 1/4 final mərhələsinə adladı. Bu mərhələdə isə onun rəqibi Polşa nümayəndəsi Andrey Rzani oldu.Fuad Aslanov Andrey Rzani ilə fevralda baş tutan Avropa Çempionatında üz-üzə gəlmişdi və rəqibinə məğlub oldu. Avqustun 25-də baş tutan görüş gərgin idman mübarizəsi şəraitində baş tutdu. Nəticədə Fuad Aslanov rəqibi üzərində 25:24 hesabı ilə qələbə qazandı və olimpiadanın yarım-final mərhələsinə adladı. Finala gedən yolda onun rəqibi Fransa nümayəndəsi Cerome Tomas oldu. Cerome Tomas 2001-ci il Dünya Çempionatının qalibi, 2000-ci il Sidney Olimpiadasının isə bürünc medalına sahib olan təcrübəli idmançı idi. Bununla belə Fuad Aslanov təcrübəli rəqibi ilə başa-baş mübarizə apardı, amma nəticədə rəqibinə 18:22 hesabı ilə məğlub oldu. Bu minvalla da Fuad Aslanov Afina Olimpiadasının bürünc medalına sahib oldu.

54 kq. turnirində çıxış edən Ağası Məmmədov Azərbaycan yığmasının əsas "medal ümidi" hesab olunurdu. 24 yaşlı Ağası Məmmədov 2003-cü ildə Tailandda Dünya Çempionatının qalibi olmaqla bu idman növü üzrə Dünya çempionu olan birinci azərbaycanlı oldu.Ağası Məmmədov olimpiadanın 1/16 final mərhələsində Avstraliya nümayəndəsi Coel Bruner ilə üz-üzə gəldi. Avqustun 17-də baş tutan görüşdə Ağası Məmmədov rəqibi üzərində təmiz qələbə qazandı və turnirin 1/8 final mərhələsinə adladı. Bu mərhələdə onun rəqibi son Avropa Çempionatının bürünc medalçısı Bolqarıstan nümayəndəsi Detelin Dalaliyev oldu. Avqustun 20-də baş tutan görüşdə rəqibindən tam üstün olan Ağası Məmmədov rəqibinə 35:16 hesabı ilə qalib gəldi və turnirin 1/4 final mərhələsində Ukrayna nümayəndəsi Masim Tretya ilə üz-üzə gəldi. Bu görüşdə də Ağası Məmmədov rəqibindən tam üstün oldu və rəqibi üzərində 32:12 hesabı ilə qələbə qazanaraq olimpiadanın yarım-final mərhələsinə adladı. Finala gedən yolda isə onun rəqibi Tailand nümayəndəsi Vorapoj Petçoom oldu. Həmin görüşdə Ağası Məmmədov rəqibinə 20:28 hesabı ilə məğlub oldu və Afina Olimpiadasının bürünc medalına sahib oldu.

57 kq. turnirində çıxış edən Şahin İmranov fevralda Pula şəhərində (Xorvatiya) baş tutan Avropa Çempionatının gümüş medalçısı idi.Şahin İmranovun təsnifat mərhələsində rəqibi CAR nümayəndəsi Ludumo Qalada oldu. Avqustun 16-da baş tutan görüşün üçüncü raundunda Şahin İmranov rəqibi üzərində təmiz qələbə qazandı və olimpiadanın 1/8 final mərhələsinə adladı. Bu mərhələdə isə onun rəqibi apreldə təsnifat turnirinin final görüşündə məğlub olduğu Rusiya nümayəndəsi Alexey Tişçenxo oldu. Həmin görüşün əvvəlindən Şahin İmranov rəqibindən üstün idi. Amma görüşün üçüncü raundunda Şahin İmranov qaşından zədə aldı və referilər görüşün dayandırılması barədə qərar qəbul elədilər. Nəticədə Şahin İmranov rəqibinə məğlub oldu və Afina Olimpiadasında mübarizəsini dayandırdı.Şahin İmranov 18 il sonra verdiyi müsahibəsində bu görüş barədə bunları demişdi: "Əgər qaşımdan zədə almasaydım, Olimpiya Oyunlarının qalibi də ola bilərdim".

60 kq. turnirində Azərbaycanı Avropa Çempionatının qalibi Rövşən Hüseynov təmsil elədi.Rövşən Hüseynovun olimpiadanın 1/16 final mərhələsində rəqibi CAR nümayəndəsi Bonqani Mahlanqu oldu. Avqustun 16-da baş tutan görüşdə Rövşən Hüseynov rəqibinə 22:14 hesabı ilə qalib gəldi və turnirin 1/8 final mərhələsinə adladı. Bu mərhələdə onun rəibi ABŞ nümayəndəsi Visente Esobedo oldu. Avqustun 20-də baş tutan görüşdə rəqibindən tam üstün olan Rövşən Hüseynov rəqibi üzərində 36:18 hesabı ilə qələbə qazandı və turnirin 1/4 final mərhələsinə adladı. Bu mərhələdə isə onun rəqibi üç dəfə Dünya Çempionatının qalibi, 2000-ci il Sidney Olimpiadasının çempionu Kuba nümayəndəsi Mario Kindelan oldu. Avqustun 24 baş tutan görüşdə Rövşən Hüseynov təcrübəli və titullu rəqibinə 11:24 hesabı ilə məğlub oldu. Bununla da 28 yaşlı Rövşən Hüseynov olimpiadanı beşinci pillədə başa vurdu.

69 kq. turnirində çıxış edən Ruslan Xeyirov Dünya və Avropa Çempionatlarının bürünc medalçısı idi, həmçinin dörd il əvvəl olimpiadanı beşinci pillədə başa vurmuşdu. Olimpiadanın 1/16 final mərhələsində Ruslan Xeyirovun rəqibi Kanada nümayəndəsi Adam Trupiş oldu. Həmin görüşdə Ruslan Xeyirov rəqibi üzərində təmiz qələbə qazandı və turnirin 1/8 final mərhələsinə adladı. Bu mərhələdə isə onun rəqibi Çin nümayəndəsi Kanat İslam oldu. Bu görüşdə də Ruslan Xeyirov rəqibinə qalib gəldi (26:16) və olimpiadanın 1/4 final mərhələsinə adladı. Medala gedən yolda onun rəqibi 2001 və 2003-cü illərdə Dünya çempionu olan Kuba nümayəndəsi Lorenzo Araqon oldu. Avqustun 22-də gərgin idman mübarizəsi şəraitində baş tutan görüşdə Ruslan Xeyirov rəqibinə 14:16 hesabı ilə məğlub oldu və olimpiadanı beşinci pillədə başa vurdu.

75 kq. turnirində çıxış edən Cavid Tağıyev fevralda Pula şəhərində (Xorvatiya) baş tutan Avropa Çempionatının bürünc medalçısı idi.Cavid Tağıyevin olimpiadanın 1/16 final mərhələsində rəqibi Yunanıstan nümayəndəsi Georgios Qazis oldu. Gərgin idman mübarizəsi şəraitində baş tutan görüşdə Cavid Tağıyev rəqibinə 33:32 hesabı ilə qalib gəldi və turnirin 1/8 final mərhələsinə adladı. Bu mərhələdə isə onun rəqibi Tailand nümayəndəsi Suriya Prasatinfimai oldu. Bu görüş də gərgin idman mübarizəsi şəraitində baş tutdu. Nəticədə görüş 20:20 hesabı ilə başa çatdı və əlavə göstəricilərə əsasən rəqib qalib gəldi.Cavid Tağıyev isə Afina Olimpiadasını doqquzuncu pillədə başa vurdu.

81 kq. turnirində çıxış edən Əli İsmayılov Dünya və Avropa Çempionatlarının bürünc medalçısı idi, həmçinin dörd il əvvəl olimpiadanı doqquzuncu pillədə başa vurmuşdu.Əli İsmayılov olimpiadanın 1/16 final mərhələsində Braziliya nümayəndəsi Vaşinqton Silva ilə üz-üzə gəldi. Həmin görüşdə Əli İsmayılov rəqibinə 28:22 hesabı ilə qalib gəldi və turnirin 1/8 final mərhələsinə adladı. Bu mərhələdə isə onun rəqibi Yunanıstan nümayəndəsi Elias Pavlidis oldu. Həmin görüşdə Əli İsmayılov rəqibinə 16:32 hesabı ilə məğlub oldu və olimpiadanı doqquzuncu pillədə başa vurdu.

91 kq. turnirində isə Azərbaycan 2000-ci il Sidney Olimpiadasının bürünc medalçısı Vüqar Ələkbərov təmsil elədi. Dörd il əvvəl olimpiadanın bürünc medalına sahib olan Vüqar Ələkbərov bu səfər də medala iddialı idi. Avqustun 18-də 1/8 final mərhələsi baş tutdu.Vüqar Ələkbərovun bu mərhələdə rəqibi Yunanıstan nümayəndəsi Spiridon Kladuças idi. Gərgin idman mübarizəsi şəraitində baş tutan görüşdə Vüqar Ələkbərov rəqibinə 18:14 hesabı ilə qalib gəldi və olimpiadanın 1/4 final mərhələsinə adladı. Bu mərhələdə isə onun rəqibi Suriya nümayəndəsi Naser Al Şami oldu. Görüşün əvvəllindən Vüqar Ələkbərov rəqibindən üstün olsa da, dördüncü raundda qaraciyərindən ağır zərbə aldığına görə referilər məcburi qaydada görüşü dayandırdı və Vüqar Ələkbərovu turnirdən uzaqlaşdırdı. Naser Al Şami qalib elan edildi və o, yarım-final mərhələsinə adlayaraq özü üçün minimum bürünc medalı təmin elədi.Vüqar Ələkbərov isə Afina Olimpiadasını beşinci pillədə başa vurdu.

Bu minvalla doqquz idmançı ilə Afina Olimpiadasında mübarizə aparan Azərbaycan yığması turniri 2 bürünc medalla başa vurdu və qeyri-rəsmi medal sıralanmasını 12-ci pillədə başa vurdu.

  Əsas məqalə:

• Qəl. — qalib gəldi
• Məğ. — məğlub oldu

Afina Olimpiadasında cüdo idman növü üzrə turnirlər 14-20 avqustda baş tutdu. Azərbaycanı bu idman növü üzrə Elçin İsmayılov, Mehman Əzizov və Mövlud Mirəliyev təmsil elədi.Mövlud Mirəliyev son Dünya Çempionatının bürünc medalçısı idi. Komandanın ən titullu cüdoçusu Elçin İsmayılov idi və o, Azərbaycan yığmasının əsas "medal ümidi" hesab olunurdu. 2 dəfə Avropa Çempionatının qalibi olan Elçin İsmayılov həm də mayda Buxarest şəhərində (Rumıniya) baş tutan son Avropa Çempionatının finalçı idi.

Əvvəlcə Avqustun 15-də Elçin İsmayılov mübarizə apardı. Olimpiadanın 1/16 final mərhələsində Elçin İsmayılovun rəqibi Macarıstan nümayəndəsi Mihloş Unqvari oldu. Həmin görüşdə Elçin İsmayılov rəqibinə ipponla məğlub oldu və turnirdə mübarizəsini başa vurdu.

Avqustun 17-də Mehman Əzizov mübarizə apardı. Turnirin 1/16 final mərhələsində Mehman Əzizovun rəqibi Niderland nümayəndəsi Qillaum Elmont oldu. Həmin görüşdə Mehman Əzizov rəqibinə ipponla qalib gəldi və turnirin 1/8 final mərhələsinə adladı. Bu mərhələdə onun rəqibi Belarus nümayəndəsi Sergey Şundihov oldu. Bu görüşdə də Mehman Əzizov rəqibinə qalib gəldi və turnirin 1/4 final mərhələsinə adladı. Bu mərhələdə onun rəqibi Polşa nümayəndəsi Robert Kravzçi oldu. Həmin görüşdə Mehman Əzizov rəqibinə ipponla məğlub oldu və mübarizəni təsəlliverici qrupda davam elədi. Əvvəlcə onun rəqibi ABŞ nümayəndəsi Ri Hvan oldu. Həmin görüşdə Mehman Əzizov rəqibinə ipponla qalib gəldi. Daha sonra onun rəqibi son Dünya Çempionatının qalibi Almaniya nümayəndəsi Florian Vanner oldu. Gərgin idman mübarizəsi şəraitində baş tutan görüşdə Mehman Əzizov güclü rəqibi üzərində ipponla qələbə qazandı və bürünc medal uğrunda görüşə vəsiqə qazandı. Həlledici görüşdə onun rəqibi Rusiya nümayəndəsi Dmitri Nossov oldu. Gərgin idman mübarizəsi şəraitində baş tutan görüşdə Mehman Əzizov rəqibinə vaza-ari balı ilə məğlub oldu və Afina Olimpiadasını beşinci pillədə başa vurdu.

Avqustun 19-da isə Mövlud Mirəliyev mübarizə apardı. Olimpiadanın 1/16 final mərhələsində onun rəqibi Niderland nümayəndəsi Elso van der Qest oldu. Həmin görüşdə Mövlud Mirəliyev rəqibinə ipponla məğlub oldu. Rəqibi turnirin yarım-final mərhələsinə vəsiqə qazandığına Mövlud Mirəliyev mübarizəsini təsəlliverici qrupda davam elədi. Qrupun birinci görüşündə onun rəqibi Misir nümayəndəsi Bassel El-Qarbavi oldu. Həmin görüşdə Mövlud Mirəliyev rəqibinə ipponla qalib gəldi. Qrupun növbəti görüşündə isə onun rəqibi 2000-ci il Sidney Olimpiadasının qalibi Yaponiya nümayəndəsi Kosei İnoe oldu. Həmin görüşdə Mövlud Mirəliyev təcrübəli və titullu rəqibi üzərində ipponla qələbə qazandı. Qrupun üçüncü görüşündə Mövlud Mirəliyevin rəqibi Asqat Jitqeyev oldu. Gərgin idman mübarizəsi şəraitində baş tutan görüşdə Mövlud Mirəliyev rəqibinə vaza-ari balı ilə qalib gəldi və olimpiadanın bürün medal uğrunda görüşünə vəsiqə qazandı. Həlledici görüşdə onun rəqibi Almaniya nümayəndəsi Mixael Yura oldu. Gərgin idman mübarizəsi şəraitində baş tutan görüşdə Mövlud Mirəliyev rəqibinə məğlub oldu və Afina Olimpiadasını beşinci pillədə başa vurdu.

  Əsas məqalə:

• Qəl. — qalib gəldi
• Məğ. — məğlub oldu
• Q — növbəti mərhələyə adladı

Afina Olimpiadasında güləş idman növü üzrə turnirlər 22-30 avqustda baş tutdu. Azərbaycanı bu idman növü üzrə üç yunan-roma güləşçisi və dörd sərbəst güləşçi təmsil elədi. Komandanın heyətində olimpiya çempionu Namiq Abdullayev, Dünya Çempionatının finalçısı Fərid Mansurov, Avropa Çempionatının gümüş və bürünc medalçıları Elman Əsgərov və Rüstəm Ağayev də var idi.

Avqustun 24-də yunan-roma güləşi turnirində çıxış edən Fərid Mansurov mübarizə apardı. Qrup mərhələsindən onun birinci rəqibi 1996 və 2000-ci illərdə olimpiadaların finalçısı olan Kuba nümayəndəsi Xuan Maren oldu. Həmin görüşdə Fərid Mansurov təcrübəli rəqibinə 4:0 hesabı ilə qalib gəldi. Qrup mərhələsinin növbəti görüşündə isə onun rəqibi 1996-cı il Atlanta Olimpiadasının qalibi Polşa nümayəndəsi Riszard Volni oldu. Gərgin idman mübarizəsi şəraitində baş tutan görüşdə Fərid Mansurov rəqibi üzərində 6:2 hesabı ilə qələbə qazandı və qrup mərhələsini birinci pillədə başa vuraraq pley-off mərhələsinə adladı. Həmin gün baş tutan 1/4 final mərhələsində Fərid Mansurov İran nümayəndəsi Pərviz Zeyvənd ilə üz-üzə gəldi. Gərgin idman mübarizəsi şəraitində baş tutan görüşdə Fərid Mansurov rəqibinə 2:1 hesabı ilə qalib gəldi və olimpiadanın yarım-final mərhələsinə adladı. Avqustun 25-də baş tutan görüşdə onun rəqibi İsveç nümayəndəsi Cimmi Samuelsson oldu. Bu görüşdə Fərid Mansurov rəqibi üzərində 4:1 hesabı ilə qələbə qazandı və olimpiadanın final görüşünə vəsiqə qazandı. Həlledici görüşdə onun rəqibi Dünya çempionu, 6 dəfə Avropa Çempionatlarının qalibi olan Şərəf Əroğlu oldu. Final görüşünü Azərbaycanın birinci xanımı Mehriban Əliyeva və dövlət rəsmiləri birbaşa zaldan izlədi. Gərgin idman mübarizəsi şəraitində baş tutan final görüşündə Fərid Mansurov rəqibinə 5:4 hesabı ilə qalib gəldi və Afina Olimpiadasının qalibi oldu.Fərid Mansurov həm də Azərbaycanın Olimpiya Oyunları tarixində medala sahib olan birinci yunan-roma güləşçisi oldu.

Avqustun 25-də yunan-roma güləşi turnirində çıxış edən Vitali Rəhimov və Vüqar Aslanov mübarizə apardı. Həm Rəhimov, həm də Aslanov uğursuz çıxış elədi. Vitali Rəhimov qrup mərhələsində əvvəl 1996-cı il Atlanta Olimpiadasının qalibi Polşa nümayəndəsi Vlodzimierz Zavadziya 4:2 hesabı ilə qalib gəlsə də, sonra Cənubi Koreya nümayəndəsi Yun Ji-Hyuna 0:4 hesabı ilə məğlub oldu və mübarizəsini qrup mərhələsində başa vurdu.

Vüqar Aslanov isə qrup mərhələsində əvvəl Yunanıstan nümayəndəsi Alexios Kolitsopoulosa (2:2), sonra isə Özbəkistan nümayəndəsi Alesandr Doxturişviliyə (0:4) məğlub oldu.Vüqar Aslanov qrup mərhələsinin üçüncü görüşündə Macarıstan nümayəndəsi Tamaş Berziçza ilə üz-üzə gəlməli olsa da, görüş formal əhəmiyyətə sahib olduğuna görə Vüqar Aslanov görüşdən imtina elədi və qrup mərhələsini üç məğlubiyyətlə sonuncu pillədə başa vurdu.

Avqustun 27-də sərbəst güləşçilər — Namiq Abdullayev və Elman Əsgərov mübarizə apardı. Son Olimpiya çempionu Namiq Abdullayev qrup mərhələsinin birinci görüşündə Yaponiya nümayəndəsi Çihara Tenabe ilə üz-üzə gəldi. Gərgin idman mübarizəsi şəraitində baş tutan görüşdə Namiq Abdullayev rəqibinə 2:5 hesabı ilə məğlub oldu və növbəti mərhələyə adlamaq şanslarını itirdi. Formal əhəmiyyətə sahib olan növbəti görüşdə Namiq Abdullayev Hindistan nümayəndəsi Yoqeşvar Duta 6:2 hesabı ilə qalib gəldi və qrup mərhələsini 2-ci pillədə başa vurdu.

Elman Əsgərov isə qrup mərhələsinin birinci görüşündə Moldova nümayəndəsi Ruslan Bodișteanu ilə üz-üzə gəldi. Həmin görüşdə Elman Əsgərov rəqibinə 8:4 hesabı ilə qalib gəldi. Qrup mərhələsinin sonuncu turunda Elman Əsgərov Birləşmiş Ştatlar nümayəndəsi Camil Kelli ilə üz-üzə gəldi. Həm Əsgərov, həm də Kelli qrup mərhələsinin birinci görüşlərində qələbə qazanmışdı və növbəti mərhələyə vəsiqə qazanacaq güləşçi məhz bu görüşdə məlum olacaqdı. Gərgin idman mübarizəsi şəraitində baş tutan görüşdə Elman Əsgərov rəqibinə 2:4 hesabı ilə məğlub oldu və olimpiada da mübarizəsini başa vurdu.

Avqustun 28-də isə sərbəst güləşçilərdən son olaraq Elnur Aslanov və Rüstəm Ağayev mübarizə apardı. Elnur Aslanov olimpiada da uğursuz çıxış elədi.Elnur Aslanov qrup mərhələsində əvvəl Tacikistan nümayəndəsi Yusub Abdusalomova 4:8, sonra isə olimpiya çempionu Kanada nümayəndəsi Daniel İqaliya 1:8 hesabları ilə məğlub oldu və Afina Olimpiadasında mübarizəsini başa vurdu.

Rüstəm Ağayev isə sərbəst güləş üzrə Azərbaycan yığmasında ən uğurlu çıxış edən güləşçi oldu.Rüstəm Ağayev qrup mərhələsinin birinci görüşündə 2000-ci il Sidney Olimpiadasının finalçısı Qazaxıstan nümayəndəsi İslam Bayramuqov ilə üz-üzə gəldi. Həmin görüşdə Rüstəm Ağayev rəqibinə 8:2 hesabı ilə qalib gəldi. Qrup mərhələsinin növbəti görüşündə onun rəqibi Namibiya nümayəndəsi Ni Yaobs oldu. Bu görüşdə Rüstəm Ağayev rəqibi üzərində 11:0 hesabı ilə inamlı qələbə qazandı və qrupu birinci pillədə başa vuraraq pley-off mərhələsinə adladı. Olimpiadanın 1/4 final mərhələsində onun rəqibi Dünya və Avropa çempionu İran nümayəndəsi Əlirza Heydəri oldu. Bu görüşdə Rüstəm Ağayev rəqibinə 0:5 hesabı ilə məğlub oldu və medal uğrunda mübarizəsini başa vurdu. Formal əhəmiyyətə sahib olan beşinci yer uğrunda görüşdə isə Rüstəm Ağayev Çin nümayəndəsi Van Yuanyuana qalib gəldi və olimpiadanı beşinci pillədə başa vurdu.

  Əsas məqalə:

• Qəl. — qalib gəldi
• Məğ. — məğlub oldu

Afina Olimpiadasında qılıncoynatma idman növü üzrə turnirlər 14-22 avqustda baş tutdu. Azərbaycanı bu idman növü üzrə Yelena Jemayeva təmsil elədi. 33 yaşlı Yelena Jemayeva Avropa və Dünya Çempionatlarının qalibi olan titullu idmançı idi.

Avqustun 17-də sablya turnirində çıxış edən Yelena Jemayeva mübarizə apardı. Turnirin təsnifat mərhələsində Yelena Jemayeva Braziliya nümayəndəsi Elora Pattaro ilə üz-üzə gəldi. Həmin görüşdə Yelena Jemayeva rəqibinə 15:8 hesabı ilə qalib gəldi və turnirin 1/8 final mərhələsinə adladı. Bu mərhələdə onun rəqibi İtaliya nümayəndəsi Cioia Marzocca oldu. Bu görüşdə Yelena Jemayeva rəqibi üzərində 15:6 hesabı ilə qələbə qazandı və olimpiadanın 1/4 final mərhələsinə adladı. Bu mərhələdə onun rəqibi Birləşmiş Ştatlar nümayəndəsi Mariel Zaqunis oldu. Gərgin idman mübarizəsi şəraitində baş tutan görüşdə Yelena Jemayeva rəqibinə 11:15 hesabı ilə məğlub oldu və Afina Olimpiadasını beşinci pillədə başa vurdu.

  Əsas məqalə:

• Qəl. — qalib gəldi
• Məğ. — məğlub oldu

Afina Olimpiadasında bu idman növü üzrə turnirlər 25-28 avqustda baş tutdu. Azərbaycanı bu idman növü üzrə Niyaməddin Paşayev və Rəşad Əhmədov təmsil elədi.Rəşad Əhmədov mayda Lillehammer şəhərində (Norveç) baş tutan Avropa Çempionatının bürünc medalçısı idi.Niyaməddin Paşayev isə 2001-ci il Dünya Çempionatının və 2004-cü il Avropa Çempionatının qalibi olan titullu idmançı və Azərbaycan yığmasının əsas "medal ümidi" hesab olunurdu.

Əvvəlcə avqustun 27-də Niyaməddin Paşayev mübarizə apardı.Niyaməddin Paşayevin 1/8 final mərhələsində rəqibi Cənubi Koreya nümayəndəsi Son Min-So oldu. Gərgin idman mübarizəsi şəraitində baş tutan görüşdə Niyaməddin Paşayev rəqibinə 14:15 hesabı ilə məğlub oldu və olimpiada da mübarizəsini başa vurdu.

Avqustun 28-də isə Rəşad Əhmədov mübarizə apardı.Rəşad Əhmədovun 1/8 final mərhələsində rəqibi Trinidad və Tobaqo nümayəndəsi Çinedum Osuji oldu. Həmin görüşdə Rəşad Əhmədov rəqibinə 10:4 hesabı ilə qalib gəldi və turnirin 1/4 final mərhələsinə adladı. Bu mərhələdə onun rəqibi Fransa nümayəndəsi Xrisofe Negrel oldu.Rəşad Əhmədov həmin rəqibinə mayda Avropa Çempionatının yarım-final mərhələsində məğlub olmuşdu. Gərgin idman mübarizəsi şəraitində baş tutan görüşdə Rəşad Əhmədov rəqibi üzərində 24:18 hesabı ilə qələbə qazandı və olimpiadanın yarım-final mərhələsinə adladı. Finala gedən yolda onun rəqibi Dünya və Avropa Çempionatlarının qalibi Bahri Tanrıqulu oldu. Gərgin idman mübarizəsi şəraitində baş tutan görüş 6:6 hesabı ilə başa çatsa da, son xalı Bahri Tanrıqulu qazandığına görə görüşün qalibi oldu.Rəşad Əhmədov isə mübarizəni təsəlliverici qrupda davam elədi. Əvvəlcə onun rəqibi 2000-ci il Sidney Olimpiadasının bürünc medalçısı Victor Estrada oldu. Gərgin idman mübarizəsi şəraitində baş tutan görüş 9:9 hesabı ilə başa çatsa da, son xalı Rəşad Əhmədov qazandığına görə görüşün qalibi oldu və bürünc medal uğrunda görüşə vəsiqə qazandı. Həlledici görüşdə onun rəqibi Dünya və Asiya Çempionatlarının qalibi İran nümayəndəsi Yusif Kərimi oldu. Qələbə qazanacağı halda Rəşad Əhmədov bu idman növü üzrə olimpiya medalına sahib olan birinci Azərbaycan idmançısı olaraq tarixə düşə bilərdi. Amma gərgin idman mübarizəsi şəraitində baş tutan görüşdə Rəşad Əhmədov rəqibinə 8:10 hesabı ilə məğlub oldu və Afina Olimpiadasını dördüncü pillədə başa vurdu.

  Əsas məqalə:

• Q — növbəti mərhələyə adladı

Afina Olimpiadasında üzgüçülərin turniri 14-22 avqustda baş tutdu. Azərbaycanı bu idman növü üzrə Sergey Dyaçov və Nataliya Filina təmsil elədi.

Avqustun 15-də Nataliya Filina mübarizə apardı. 100 metr məsafəyə brass üsulla üzmə turnirində çıxış edən Nataliya Filina təsnifat mərhələsinin A qrupunda 1:20.22 dəqiqə nəticə göstərdi. Bu nəticələrə əsasən Pronina ümumi nəticədə olimpiadanı 48 üzgüçü sırasında 44-cü pillədə başa vurdu.

Avqustun 17-də 100 metr məsafəyə sərbəst üsulla üzmə turnirində çıxış edən Sergey Dyaçov isə təsnifat mərhələsinin A qrupunda mübarizə apardı və 58.26 saniyə nəticə göstərdi. Bu nəticələrə əsasən Dyaçov ümumi nəticədə olimpiadanı 72 üzgüçü sırasında 67-ci pillədə başa vurdu.

  Əsas məqalə:

• Q — növbəti mərhələyə adladı

Afina Olimpiadasında yüngül atletlərin turniri 18-30 avqustda baş tutdu. Azərbaycanı bu idman növü üzrə beş atlet — Teymur Qasımov, Dadaş İbrahimov, Əlibəy Şükürov, Sergey Boçkov və Marina Lapina təmsil elədi.

Avqusun 21-də 100 metr məsafəyə qaçış turnirində çıxış edən Teymur Qasımov mübarizə apardı. Təsnifat mərhələsinin H qrupunda mübarizə aparan Teymur Qasımov 11.18 saniyə nəticə göstərdi və qrupu 8-ci pillədə başa vuraraq növbəti mərhələyə vəsiqə qazana bilmədi. Bununlada Teymur Qasımov olimpiadada mübarizəsini başa vurdu.

Avqustun 23-də qadınların çəkic atma turnirində çıxış edən Marina Lapina mübarizə apardı. Təsnifat mərhələsində mübarizə aparan Marina Lapina 55.34 metr nəticə göstərdi və mərhələni 48 atlet sırasında 46-cı pillədə başa vuraraq final mərhələsinə vəsiqə qazana bilmədi.

Növbəti gün, avqustun 24-də 200 metr məsafəyə qaçış turnirində çıxış edən Dadaş İbrahimov mübarizə apardı. Təsnifat mərhələsinin E qrupunda mübarizə aparan Dadaş İbrahimov 22.60 saniyə nəticə göstərdi və qrupu yeddinci pillədə başa vuraraq növbəti mərhələyə vəsiqə qazana bilmədi. Bununlada Dadaş İbrahimov olimpiadada mübarizəsini başa vurdu.

Avqustun 25-də isə 800 metr məsafəyə qaçış turnirində çıxış edən Əlibəy Şükürov mübarizə apardı. Təsnifat mərhələsinin A qrupunda mübarizə aparan Əlibəy Şükürov 1:52.11 dəqiqə nəticə göstərdi və qrupu yeddinci pillədə başa vuraraq növbəti mərhələyə vəsiqə qazana bilmədi. Bununlada Əlibəy Şükürov da olimpiadada mübarizəsini başa vurdu.

Kişilərin üçtəkanla tullanma turnirində isə Azərbaycanı Sergey Boçkov təmsil eləməli idi. Amma olimpiadada məşq zamanı zədə aldığına görə o, turnirdə mübarizə apara bilmədi.

Azərbaycan Milli Olimpiya Komandası medalların əyarına görə 202 dövlət arasında 50-ci pillənin, medalların sayına görə isə 44-cü pillənin sahibi oldu. Avropa Olimpiya Komitələrinə (EOC) üzv olan 50 dövlət arasında medalların əyarına görə 26-cı, medalların sayına görə isə 24-cü pillənin sahibi olan Azərbaycan, postsovet dövlətləri arasında medalların əyarına görə 8-ci, medalların sayına görə isə 6-cı pillədə qərarlaşdı.

Azərbaycan Prezidenti İlham Əliyevin 4 avqust 2004-cü il tarixli Sərəncamına əsasən XXVIII Yay Olimpiya Oyunlarında medal qazanan Azərbaycan idmançıları və onların məşqçiləri üçün pul mükafatının müəyyən edildi. Sərəncama əsasən Olimpiya Oyunlarında qızıl medal qazanan idmançıya 500 milyon ₼ (onun məşqçisinə 250 milyon ₼), gümüş medal qazanan idmançıya 250 milyon ₼ (onun məşqçisinə 125 milyon ₼), bürünc medal qazanan idmançıya 120 milyon ₼ (onun məşqçisinə isə 60 milyon ₼) məbləğində pul mükafatı müəyyən edildi.

Afina Olimpiadasından sonra Azərbaycan Milli Olimpiya Komandasının heyətindən bir sıra idmançılar və məşqçilər təltif edildi.Azərbaycan Prezidenti İlham Əliyevin 4 sentyabr 2004-cü il tarixli 380 nömrəli Fərmanına əsasən XXVIII Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Olimpiya çempionu Fərid Mansurov, onun şəxsi məşqçisi Əliqulu Həsənoğlu və yunan-roma güləşi üzrə Azərbaycan yığmasının baş məşqçisi Elçin Cəfərov "Şöhrət" ordeni ilə təltif edildi. Olimpiya Oyunlarının bürünc medalına sahib olan idmançılar Ağası Məmmədov və Fuad Aslanov, boks üzrə Azərbaycan yığmasının baş məşqçisi və məşqçisi , idmançılar İradə Aşumova və Zemfira Meftahətdinova, atıcılıq üzrə Azərbaycan yığmasının baş məşqçisi Hafiz Cəfərov və məşqçisi isə "Tərəqqi" medalı ilə təltif edildi.

2001-cü ildə "Azərmarka" MMC tərəfindən 2004-cü ildə Afina şəhərində (Yunanıstan) baş tutan XXVIII Yay Olimpiya Oyunlarına həsr olunan poçt markaları dövriyyəyə buraxıldı.

• Azərbaycan 2004 Yay Paralimpiya Oyunlarında