Azərbaycan Badminton Federasiyası — Azərbaycanda badmintona nəzarət edən rəsmi qurum. Mənzil-qərargahı Bakı şəhərində yerləşir. Prezidenti Taleh Ziyadovdir.
| Azərbaycan Badminton Federasiyası | |
|---|---|
| Yaranma tarixi | 1962 |
| Mərkəzi |
Bakı, Azərbaycan
|
| Sədr | Taleh Ziyadov |
Tarixi
Azərbaycan Badminton Federasiyası 1962-ci ildə Bakı şəhərində yaradılmış, 1996-cı ildə yenidən təsis edilmişdir. 1998-ci ildən Beynəlxalq Badminton Federasiyasının (İBF) və Avropa Badminton Federasiyasının (EBF) üzvüdür. 1962-ci ildə Bakı şəhərində ilk badminton yarışları və çempionat, 1963-cü ildə Azərbaycan birinciliyi keçirilmişdir. Yeniyetmələrin 1969-cu ildə Klaypeda şəhərində keçirilən SSRİ birinciliyində Q. Hadıyev çempion, 1976-cı il (Mogilyov şəhəri) birinciliyində isə M. Orucov mütləq çempion olmuşdur. 1997-ci ildə İslam Ölkələri Qadınlarının İdman oyunlarında N. Mehdiyeva III yeri tutmuşdur. 2010-cu ildə İran İslam Respublikasında keçirilən beynəlxalq turnirdə Azərbaycan idmançıları qoşa yarışlarda bürünc medal qazanmışlar.
Rəhbərlik
- Taleh Ziyadov — Prezident
- Nəsimi Musayev — Baş katib
Prezidentləri
- Kamal Abdulla – 17 iyun 2015-ci ilə qədər;
- Mikayıl Cabbarov – 17 iyun 2015 – 8 dekabr 2021
- Taleh Ziyadov – 8 dekabr 2021-ci ildən
İstinadlar
- 2022-01-05 at the Wayback Machine. azerbaijans.com (az.)
- 2021-12-09 at the Wayback Machine. apa.az, 08.12.2021 (az.)
- ↑ 2017-02-03 at the Wayback Machine. report.az, 17.06.2015 (az.)