Azərmarka — Azərbaycan Respublikasının bütün poçt markalarının istehsalı və paylanması üçün məsul Azərbaycan dövlət şirkəti.

Azərmarka
Ümumi məlumatlar
Tipi	dövlətə məxsus müəssisə
Sənaye	Poçt markası
Məhsulu	Poçt markası
Təsis tarixi	1991
Baş qərargahın yeri	Bakı
Vikianbarda əlaqəli mediafayllar

"Azərmarka" şirkəti 1992-ci ildə Azərbaycan Respublikası Rabitə Nazirliyinin 14 iyul 1992-ci il tarixli 104 saylı əmri ilə yaradılmışdır. "Azərmarka" şirkətinin nizamnaməsi 13 sentyabr 1995-ci il tarixində D-707 saylı şəhadətnamə ilə təsdiq edilmişdir. Azərbaycan Respublikası Rabitə Nazirliyi yenidən təşkil edilib. yaranması ilə əlaqədar 15 avqust 2005-ci il tarixində nizamnaməyə müvafiq dəyişiklik edilmişdir. 27 aprel 2021-ci il tarixindən "Azərpoçt"a birləşmişdir.

Poçt markaların çap olunması üçün ilin əvvəlində tematik plan tərtib olunur. Plan əsasında poçt markanın dizaynı "Azərmarka" şirkətində hazırlanır və təsdiq olunması üçün nazirliyə göndərilir. Tematik plan nazirlikdə müvafiq sərəncamla təsdiq olunduqdan sonra müxtəlif mövzuları əks etdirən poçt markalar əlamətdar günlər qabağı çap olunur.

1992-ci ildən bu günə kimi (2012-ci il) "Azərmarka" tərəfindən 100 mövzuda 563 orijinal süjetli poçt markası hazırlanaraq çap olunmuşdur. Görkəmli şəxsiyyətlərə, arxitekturaya, flora və faunaya, milli mövzuya, nəqliyyata, idmana, kosmosa və digər mövzulara aid 145 milyon 600 mindən artıq ümumi tirajla poçt markası çap olunaraq dövriyyəyə buraxılmışdır.

Buraxılış tematikasında Azərbaycanın görkəmli şəxsiyyətləri xüsusi yer tutur. Bu mövzuda görkəmli siyasi və dövlət xadimi Heydər Əliyevə həsr olunmuş 12 marka, 9 poçt markası bloku buraxılmışdır. Poçt markaları vasitəsilə Qara Yanvar və Xocalı soyqırımı faciələri, həmçinin Qarabağın şəhərləri, onun flora və faunası haqqında dünya ictimaiyyətinə məlumatlar çatdırılır.

Şirkətin Prezidenti, İntiqam Əlisoltan oğlu Bağırlı.