Ruslan Xeyirov 2000-ci ildə Azərbaycanı Sidney şəhərində (Avstraliya) baş tutan XXVII Yay Olimpiya Oyunlarında təmsil elədi. Ruslan Xeyirov 1/8 final mərhələsində Tunis nümayəndəsi Kamel Çatera 14:8 hesabı ilə qalib gəlsə də, 1/4 final mərhələsində Rusiya nümayəndəsi Oleq Saitova 10:10+ hesabı ilə məğlub oldu. Bununla da Ruslan Xeyirov Sidney Olimpiadasını beşinci pillədə başa vurdu.

Daha sonra Ruslan Xeyirov 2002-ci ildə Perm şəhərində (Rusiya) baş tutan Avropa Çempionatında mübarizə apardı. Ruslan Xeyirov turnirin 1/16 final mərhələsində Estoniya nümayəndəsi Sergey Melisa 14:8 hesabı ilə qalib gəlsə də, 1/8 final mərhələsində Bolqarıstan nümayəndəsi Spas Genova 10:14 hesabı ilə məğlub oldu və Avropa Çempionatını doqquzuncu pillədə başa vurdu.

Ruslan Xeyirovun növbəti turniri 2003-cü ildə Tailandda baş tutan Dünya Çempionatı oldu. Ruslan Xeyirov turnirin 1/16 final mərhələsində Gürcüstan nümayəndəsi Robert Pliyeva, 1/8 final mərhələsində Yeni Zelandiya nümayəndəsi Kahuhura Bentsona 22:6, 1/4 final mərhələsində isə Rusiya nümayəndəsi Andrey Mişina 18:11 hesabı ilə qalib gəldi və turnirin yarım-final mərhələsinə adladı. Finala gedən yolda Ruslan Xeyirov Özbəkistan nümayəndəsi Şerzod Husanova 6:30 hesabı ilə məğlub oldu və Dünya Çempionatının bürünc medalına sahib oldu.

Bir il sonra isə Ruslan Xeyirov Pula şəhərində (Xorvatiya) baş tutan Avropa Çempionatında mübarizə apardı. Ruslan Xeyirov turnirin 1/16 final mərhələsində Polşa nümayəndəsi Miroslav Novosada 22:12, 1/8 final mərhələsində İsrail nümayəndəsi Məhəmməd Sabah Tahaya 5:0, 1/4 final mərhələsində isə İtaliya nümayəndəsi Filip Lo Qresoya üçüncü raundda vaxtından əvvəl qalib gəldi və turnirin yarım-final mərhələsinə adladı. Bu mərhələdə Ruslan Xeyirov Rusiya nümayəndəsi Oleq Saitova 16:20 hesabı ilə məğlub oldu və Avropa Çempionatının bürünc medalına sahib oldu.

Ruslan Xeyirov 2004-cü ildə həm də Azərbaycanı Afina şəhərində (Yunanıstan) baş tutan XXVIII Yay Olimpiya Oyunlarında təmsil elədi. Ruslan Xeyirov 1/16 final mərhələsində Kanada nümayəndəsi Adam Trupişa, 1/8 final mərhələsində isə Çin nümayəndəsi Kanat İslama 26:16 hesabı ilə qalib gəlsə də, 1/4 final mərhələsində Kuba nümayəndəsi Lorenzo Araqona 14:16 hesabı ilə məğlub oldu. Bununla da Ruslan Xeyirov medalın bir addımlığında mübarizəsini dayandırdı və Afina Olimpiadasını beşinci pillədə başa vurdu.

Daha sonra Ruslan Xeyirov 2005-ci ilin noyabrında Myanyan şəhərində (Çin) baş tutan Dünya Çempionatında mübarizə apardı. Ruslan Xeyirov turnirin 1/32 final mərhələsindəcə Türkiyə nümayəndəsi Bülent Ulusoya 14:18 hesabı ilə məğlub oldu və Dünya Çempionatında mübarizəsini başa vurdu.

2007-ci ildə isə Ruslan Xeyirov Birləşmiş Ştatlarda baş tutan Dünya Çempionatını doqqunzuncu pillədə başa vurdu.