2014-cü ilin mayında Danimarkada keçirilmiş 2014 Avroviziya Mahnı Müsabiqəsinə ev sahibliyi etməyə Danimarkanın beş şəhəri - Kopenhagen, Herninq, Olborq, Frederisiya, Horsens iddialı olmuşdur. Onlardan Olborq şəhərdəki otellərin həcminə görə bu siyahını erkən tərk etmişdir. Frederisiya isə Danimarka Radioyayımının şounun sütunsuz məkanda keçirilməsi tələbinə cavab verə bilməyəcəyindən iddiasından əl çəkmişdir. 2 sentyabr 2013-cü ildə Danimarka namizəd şəhərlər içindən Kopenhagenin 2014 Avroviziya Mahnı Müsabiqəsinə ev sahibliyi edəcəyəni elan etmişdir.

Müsabiqə "#Join Us" (Bizə qoşulun) şüarı altında B&W Hallerne arenasında keçirilmişdir. Bundan öncə də Kopenhagen artıq iki dəfə - 1964 və 2001-ci illərdə də Avroviziyaya ev sahibliyi etmişdir. Həmçinin 2005-ci ildə yarışmanın 50 illiyinə həsr olunmuş konsert proqramı da bu şəhərdə baş tutmuşdu.

37 ölkənin iştirak etdiyi Avroviziya 2014 otuz bir ölkənin final uğrunda mübarizə apardığı iki yarımfinal mərhələsindən (birinci yarımfinalda 16 ölkə, ikinci yarımfinalda 15 ölkə) və iyirmi altı ölkənin qalibiyyət uğrunda mübarizə apardığı final mərhələsindən təşkil olunmuşdur. "Böyük Beşlik" ölkələri (Almaniya, Böyük Britaniya, Fransa, İspaniya, İtaliya) və ev sahibi Danimarka müsabiqənin finalında birbaşa iştirak etmək hüququ qazanmışdırlar.

20 yanvar 2014-cü il tarixdə Avroviziya 2014-də iştirak edəcək ölkələrin yarımfinallara bölünməsi üçün püşkatma mərasimi keçirilmişdir. Tədbirdən əvvəl də məlum idi ki, iştirakçı ölkələrdən altısı; Almaniya, Böyük Britaniya, Fransa, İspaniya İtaliya və ev sahibi Danimarka birbaşa finalda iştirak edəcək. Müsabiqənin səsvermə üzrə rəsmi sponsoru olan Digame-nin apardığı hesablamalar nəticəsində 2014-cü ilə kimi bir-birinə çox səs verən ölkələrin fərqli yarımfinallarda iştirak etməsi üçün ölkələr altı səbətə ayrılmışdır. Hər bir səbətdə fərqli səsvermə qruplaşmaları yer almışdır (Balkan ölkələri bir səbətdə, Keçmiş Sovet ölkələri bir səbətdə, Skandinaviya ölkələri bir səbətdə və s.). Həmin bu üsul yarımfinal püşkatması zamanı eyni səbətdə yer alan beş və ya dörd ölkənin eyni yarımfinalda iştirak etməməsinə şərait yaradırdı.

İsrail, İsveç və Norveç püşkatmada iştirak etməmişdir. Belə ki, müsabiqənin ən çox izləyici kütləsinin olduğu düşünülən və biletlərin ən çox satıldığı iki ölkə İsveç və Norveç Avropa Yayım İttifaqının qərarı ilə püşkatmadan öncə fərqli yarımfinallara ayrılmışdırlar. Hər iki ölkənin eyni yarımfinalda iştirak etməsi halında həmin yarımfinalda arenanın 2/3 hissəsini yalnız İsveç və Norveçdən gələn izləyicilərin təşkil edəcəyi və digər ölkələrdən bilet satışlarının az olacağı gözlənilirdi. Eyni zamanda İsrail Avropa Yayım İttifaqının qərarı ilə püşkatmadan azad edilmişdi. Müsabiqənin ikinci yarımfinal tarixinin İsrailin müharibədə həlak olan əsgərləri və eyni zamanda terror qurbanlarını Anım günü ilə üst-üstə düşməsi səbəbindən İsrailin dövlət kanalı IBA bu barədə Avropa Yayım İttifaqına müraciət etmiş və ölkənin püşkatmadan kənar birinci yarımfinalda iştirak etməsinə qərar verilmişdir.

6 may tarixində baş tutan yarımfinal mərhələsində 16 ölkə iştirak etmişdir. Bu yarımfinalda iştirak edən bütün ölkələr və eyni zamanda Fransa, İspaniya və ev sahibi Danimarka səsvermədə iştirak etmişdir. 50% telesəsvermə, 50% münsif səslərinin tətbir olunduğu yeni səsvermə metodu ilə ən çox səs toplayan 10 ölkə müsabiqənin finalına vəsiqə qazanmışdır.

Cədvəldə işarələnmiş ölkələr müsabiqənin final mərhələsinə vəsiqə qazanmışdırlar.

8 may tarixində baş tutan yarımfinal mərhələsində 15 ölkə iştirak etmişdir. Bu yarımfinalda iştirak edən bütün ölkələr və eyni zamanda Almaniya, Böyük Britaniya və İtaliya səsvermədə iştirak etmişdir. 50% telesəsvermə, 50% münsif səslərinin tətbir olunduğu yeni səsvermə metodu ilə ən çox səs toplayan 10 ölkə müsabiqənin finalına vəsiqə qazanmışdır.

Cədvəldə işarələnmiş ölkələr müsabiqənin final mərhələsinə vəsiqə qazanmışdırlar.

Finalçılar:

• "Böyük Beşlik" ölkələri (Almaniya, Böyük Britaniya, Fransa, İspaniya və İtaliya);
• Ev sahibi ölkə (Danimarka);
• Birinci yarımfinal mərhələsində ilk onluğa daxil olan ölkələr;
• İkinci yarımfinal mərhələsində ilk onluğa daxil olan ölkələr.

10 may tarixində baş tutan yarımfinal mərhələsində 26 ölkə iştirak etmişdir. Müsabiqədə iştirak edən bütün ölkələr səsvermədə iştirak etmişdir və Avstriya təmsilçisi ən çox səs toplayaraq müsabiqənin qalibi elan edilmişdirlər.

Aşağıdakı siyahı 1-ci yarımfinalda səs verən ölkələrin 12 xallarını hansı ölkələrə verdikləri göstərilir:

Aşağıdakı siyahı 2-ci yarımfinalda səs verən ölkələrin 12 xallarını hansı ölkələrə verdikləri göstərilir:

Aşağıdakı list, qatılan ölkələrin finalda 12 xallarını hansı ölkələrə verdikləri göstərilir:

•   Andorra - Andorranın RTVA kanalı ölkənin 2014-cü ildə müsabiqədə təmsil olunmayacağını rəsmi olaraq açıqlamışdır. Buna səbəb dövlət tərəfindən telekanalın büdcəsinə olan yatırımların azaldılmasıdır. Andorra Avroviziyada son dəfə Moskvada keçirilən müsabiqədə 2009-cu ildə iştirak etmiş və yarımfinal mərhələsində 15-ci yeri tutmuşdur.
•   Bolqarıstan - Bolqarıstan dövlət kanalı olan BNT 22 noyabr 2013-cü il tarixində Bolqarıstanın Kopenhagendə keçirilən Avroviziyada iştirak etməyəcəyini açıqlamışdır. Buna səbəb olaraq maliyyə böhranı və eyni zamanda ölkənin son illərdə müsabiqədə əldə etdiyi uğursuz nəticələr göstərilmişdir.
•   Bosniya və Herseqovina - 18 dekabr 2013-cü ildə Bosniya və Herseqovinanın BHRT kanalı ciddi maliyyə problemi səbəbindən ölkənin Avroviziya Mahnı Müsabiqəsinə geri dönməyəcəyini açıqlamışdır. Bosniya və Herseqovina Avroviziyada son dəfə Bakıda keçirilən müsabiqədə 2012-ci ildə iştirak etmiş və final mərhələsində 18-ci yeri tutmuşdur.
•   Çexiya - Çex telekanalı olan CT Çexiyanın 2013-cü ildə Avroviziya müsabiqəsinə qayıtmaq niyyətində olmadığını bildirmişdir. Buna səbəb ölkədə yarışmaya olan marağın az olmasıdır. Çexiya Avroviziyada son dəfə Moskvada keçirilən müsabiqədə 2009-cu ildə iştirak etmiş və yarımfinal mərhələsində sıfır xalla sonuncu yerdə qərarlaşmışdır.
•   Kipr - Kiprin dövlət kanalı olan CYBC 3 oktyabr 2013-cü il tarixində Kiprin ölkədəki maliyyə böhranı səbəbindən Kopenhagendə keçirilən Avroviziyada iştirak etməyəcəyini açıqlamışdır.
•   Lüksemburq - 24 iyul 2013-cü ildə Lüksemburqun RTL kanalı Lüksemburqun 2014-cü ildə müsabiqəyə geri dönməyəcəyini bildirmişdir. Buna səbəb ölkədə yarışmaya olan marağın az olması və iştirak üçün lazım olan məbləğin yüksək olmasıdır. Lüksemburq Avroviziyada son dəfə İrlandiyada keçirilən müsabiqədə 1993-cü ildə iştirak etmiş və 20-ci yeri tutmuşdur.
•   Mərakeş - Mərakeşin SNRT kanalı Mərakeşin 2014 Avroviziya Mahnı Müsabiqəsində iştirak etməyəcəyini açıqlamışdır. Mərakeş Avroviziyada ilk və son dəfə Niderlandda keçirilən müsabiqədə 1980-ci ildə iştirak etmiş və sonuncu yerdə qərarlaşmışdır.
•   Monako - Monakonun TMC kanalı Monakonun 2013-cü ildə Avroviziya Mahnı Müsabiqəsinə qayıtmayacağını təsdiqləmişdir. Bununla bağlı əlavə açıqlama verilməmişdir. Monako Avroviziyada son dəfə Afinada keçirilən müsabiqədə 2006-cı ildə iştirak etmiş və yarımfinal mərhələsində 21-ci yeri tutmuşdur.
•   Serbiya - Serbiyanın dövlət kanalı olan RTS 22 noyabr 2013-cü il tarixində maliyyə böhranı səbəbindən Serbiyanın Kopenhagendə keçirilən Avroviziyada iştirak etməyəcəyini açıqlamışdır.
•   Slovakiya - 9 sentyabr 2013-cü ildə Slovakiyanın STV kanalı Slovakiyanın 2014-cü ildə müsabiqədə iştirak etməyəcəyini açıqladı. Bunun maliyyə problemi səbəbindən olduğu düşünülür. Slovakiya Avroviziyada son dəfə Bakıda keçirilən müsabiqədə 2012-ci ildə iştirak etmiş və yarımfinal mərhələsində sonuncu yeri tutmuşdur.
•   Türkiyə - 14 sentyabr 2013-ci ildə Türkiyənin dövlət kanalı TRT müsabiqənin müəyyən qaydalarına narazaçılığını bildirərək, ölkənin 59-cu Avroviziya Mahnı Müsabiqəsində iştirak etməyəcəyini açıqlamışdır. Türkiyə Avroviziyada son dəfə Bakıda keçirilən müsabiqədə 2012-ci ildə iştirak etmiş və final mərhələsində 7-ci yeri tutmuşdur.
•   Xorvatiya - Xorvatiyanın dövlət kanalı olan HRT 19 sentyabr 2013-cü il tarixində Xorvatiyanın Kopenhagendə keçirilən Avroviziyada iştirak etməyəcəyini açıqlamışdır. Buna səbəb olaraq maliyyə böhranı və eyni zamanda ölkənin son illərdə müsabiqədə əldə etdiyi uğursuz nəticələr göstərilmişdir.

• Avroviziya Mahnı Müsabiqəsi