İstifadəçi:Ayxan İsmayılov/Qaralama2
Yıldız Texniki Universiteti
YTÜ
türk. Yıldız Teknik Üniversitesi
Loqonun şəkli
Universitetin Davutpaşa və Beşiktaş şəhərcikləri, 2007
Əvvəlki adları Kondüktör Mekteb-i Âlisi (1911)
Ulduz Universiteti (1982)
Ulduz Texniki Universiteti (1992)
Şüar türk. Yıldızlarla Bir Asra Atılan İmza
azərb. Ulduzlarla bir əsrə atılan imza‎
Əsası qoyulub 1911
Yenidən təşkil olunub 1982, 1992
Tip Dövlət universiteti
Tədqiqat universiteti
Rektor
Tələbə sayı 34.289
Xarici tələbə sayı 2.808 (11%)
Bakalavr sayı 25.532
Magistrant sayı 7.037
Aspirant sayı 2.189
Doktor sayı 243
Professor sayı 306
Müəllim sayı 1.697
Şəhər İstanbul
Tabeliyində 11 fakültə, 3 kollec, 3 institut
Rənglər                Tünd göy, sarı və ağ
Universitet şəhərciyi
  • Yıldız şəhərciyi
  • Davutpaşa şəhərciyi
Metro Davudpaşa—YTÜ
Sayt

Yıldız Texniki Universiteti (türk. Yıldız Teknik Üniversitesi) — mühəndislik və təbiət elmləri ilə yanaşı ictimai elmlərdə də xüsusi nailiyyətlər əldə etmiş, Türkiyənin İstanbul şəhərində yerləşən ən qədim təhsil ocaqlarından biri. Mərkəzi şəhərciyi Beşiktaşda yerləşir. Ən böyük şəhərciyi olan Davutpaşa isə Əsənlərdə yerləşir. Universitet nəzdində 11 fakültə, 3 kollec və 3 elmi tədqiqat institutu fəaliyyət göstərir.

1911-ci ildə Parisdəki "Ecol De Conducteur" tədris proqramı əsasında Konduktor Məktəb-i Alisi adı altında fəaliyyətə başlayan, tarixi respublikadan əvvələ qədər uzanan nadir universitetlərdəndir. 1937-ci ildə ölkə üçün ixtisaslı mühəndis və texniki heyət yetişdirən təhsil ocağına çevrilmişdir. 1959-1960-cı illərdə yeni tədris binasının inşası başa çatdıqdan sonra universitetin ilk akademik kitabxanası açılmışdır. 1992-ci ildə isə hal-hazırki müasir adını qazanmışdır. Osmanlı dövründən günümüzədək Beşiktaş və Davutpaşa daxil olmaqla 2 müxtəlif şəhərciklərdə tədris aparılır. Boş vəziyyətdə olan Ayazağa şəhərciyinin isə yenidən qurulma prosesi 2020-ci ildən bəri davam edir.

Yıldız Texniki Universiteti, Türkiyənin ən güclü infrastrukturuna sahib dövlət universitetlərindən biridir. Boğaziçi və İstanbul Texniki Universiteti ilə birlikdə siyahıda ən üst pillələrdə olan universitet nəzəri dərslərlə yanaşı, emalatxanalar, laboratoriyalar və sahə kursları ilə də tədris verir. Türkiyənin ən böyük və inkişaf etmiş texnoparkına sahib olan universitet həmçinin Türkiyədə Erasmus vasitəsilə xaricə ən çox tələbə göndərən universitet titulunu da qazanmışdır. 2012-ci ilin may ayında Yıldız Texniki Universiteti Türkiyənin ilk tam miqyaslı ISO 9001 sertifikatlı universiteti adına layiq görülmüşdür. Bununla yanaşı, 2020-ci il Türkiyə universitetləri məzunlarının iş tapma indeksinə görə, Yıldız Texniki Universitetinin məzunları mühəndislik, biznes, iqtisadi və beynəlxalq sahələr üzrə 2-ci, pedaqoji sahələr üzrə isə 4-cü sıradadır. Dünya universitetləri reytinq təşkilatı Times Higher Education tərəfindən dərc edilən məlumatlara əsasən isə universitet, mühəndislik ixtisasları üzrə dünyada 301-400-cü, biznes və iqtisadi ixtisaslar üzrə 301-400-cü, pedaqoji ixtisaslar üzrə 301-400-cü, incəsənət ixtisasları üzrə isə 601-700-cü yer üzrə qərarlaşmışdır. Həmçinin, Türkiyədə sıfır tullantı sertifikatına sahib olan ilk dövlət universitetidir.

Universitetin ən böyük Davutpaşa şəhərciyi 25.000-dən çox tələbənin tədrisinə ev sahibliyi edir, Şəhərcikdə 7 fakültə, 4 yataqxana, 1 tibbi mərkəz və 1 texnopark ilə yanaşı poçt, kafe və bank fəaliyyət göstərir. 1994-cü ildə nəqliyyatı asanlaşdırmaq üçün Davutpaşa metrostansiyası fəaliyyətə girmişdir. Universitetin digər, Beşiktaş şəhərciyində isə 3 fakültə, 1 yataqxana və 1 tibbi mərkəz fəaliyyət göstərir. Bu şəhərciyə isə ən yaxın olan Ulduz metrostansiyası 2023-cü ildə istifadəyə açılmışdır. Universitetdənkənar fəaliyyətlər çərçivəsində incəsənət, fotoqrafiya, klassik türk musiqisi, polifonik xor, klassik musiqi, xalq musiqisi və teatrşünaslıq, müxtəlif idman növləri üzrə ixtisaslaşmış 65 hobbi klubu yer alır. Universitet nəzdində amerika futbolu, buzüstü xokkey, basketbol, , kiberidman, voleybol və digər bir çox idman növləri üzrə ümumilikdə 12 komanda aktiv olaraq fəaliyyət göstərir.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

Tarixçə

Konduktor Məktəb-i Alisi

Konduktor Məktəb-i Alisi, Osmanlı İmperiyasında tikintisi sürətlənən avtomobil və dəmir yolu, körpü tikintisi kimi müxtəlif ictimai işlərdə iştirak edəcək texniki kadrların hazırlanması məqsədi ilə yaradılmışdır. 1911-ci il mayın 11-də Osmanlı İmperiyasının məclisində gündəmə gətirilən ali məktəbin rəsmi təsis edilmə tarixi 31 iyul 1911-ci il kimi qeydiyyata düşmüşdür. Ali məktəb statusundaki Konduktor Məktəb-i Alisi Parisdə tədris olunan "Ecol De Conducteur" proqramı əsasında 2 illik təhsil verməyə 1911-ci ilin sentyabr ayından etibarən başlamışdır. Xüsusi binanın inşa edilməsinə kifayət qədər vaxt olmadığı üçün Divanyolu üzərindəki, hal-hazırda İstanbulun Sultanəhməd rayonunda yerləşən olaraq bilinən Salih Əfəndi malikanəsi ayrılmış və ilk müdirliyə cəbr-riyaziyyat müəllimi Həzim bəy təyin edilmişdir. Məktəbin açılmasından bir neçə həftə sonra başlayan Tripoli müharibəsi səbəbindən 1913-cü ildə hər biri 40 tələbəlik sinifdən sadəcə 14 nəfər məzun ola bilmişdir. Balkan müharibələri, Birinci Dünya Müharibəsi, daha sonra isə İstanbulun işğalına şahidlik edən ali məktəb tez-tez yer dəyişmək məcburiyyətində qalmasına baxmayaraq, təhsilini fasiləsiz davam etdirmişdir. 1913-cü ildə qurumun rəhbəri olan İbrahim Səlahəddin bəy müharibə və işğal illərində müəllim tapmaqda çətinlik çəkdiyi üçün tədrisi tamamilə tək başına keçmək məcburiyyətində qaldı. 1923-cü ilə qədər tələbələrinin bir çoxunu cəbhəyə göndərən ali məktəbdən sadəcə 66 nəfər mühəndis adını qazanmışdır. Mühəndis adını qazanan tələbələr Osmanlı İmperiyasının bir çox layihələrində iştirak etmişdir.

Nafia Elm məktəbi

1923-cü ilin payızında, respublikanın elan edilməsindən bir müddət əvvəl Konduktor Məktəb-i Alisi, Mühəndislik məktəbinin yerləşdiyi Gümüşsuyu kazarmasının bir hissəsinə köçürüldü və müəssisənin də adı dəyişdirilərək Nafia Elm mMəktəbi olaraq adlandırıldı. Növbəti ildən pulsuz internat təhsilinə başlanıldı və ölkənin hər yerindən yeni tələbələr qəbul edildi. Kurikulumda aparılan dəyişikliklər nəticəsində təhsil müddəti altı ay uzadılmış, məktəbin müddəti iki il yarıma çatdırılmış və məzunlara elm xadimi diplomları verilməyə başlandı.

1930-cu ildə Bədriyyə xanım Nafiyə Elm məktəbini bitirərək həm məktəbin, həm də gənc respublikanın ilk qadın elm xadimi oldu. 1931-ci ildə ​​Ankarada yerləşən Nafia Elm məktəbi məzunları dərnəyi yaradıldı. Həmin ilin qış ayında İbrahim Səlahəddin bəy səhhətinə görə rəhbərliyi tərk etdikdən sonra yerinə Cevdət Ərdəmi təyin edildi. Təhsil müddətinə daha bir ay əlavə edildi və tədris üç ilə qədər uzadıldı və beləliklə də, məzunların daha ixtisaslı olmağında böyük addım atıldı. 1935-ci ildə mühəndis Atıf Tansuğ rəhbərliyə təyin edildi. Həmin ilin yayında alınan qərarla məktəbin tədris binası Gümüşsuyundan Quruçeşmədəki Memduh Paşa Köşkünə köçürüldü.

İstanbul Texniki məktəbi

Dövrün ictimai işlər naziri Əli Çətinqayanın təşəbbüsləri ilə 4 dekabr 1936-cı il tarixli 3074 saylı əlavə qanunla mövcud məktəb proqramı yenidən dəyişdirildi. Beləliklə, Nafia Elm məktəbi həm iki illik texniki, həm də dörd illik mühəndislik proqramını həyata keçirməyə başladı. Bundan sonra təhsil ocağının adı İstanbul Texniki məktəbi olaraq dəyişdirildi. 1936-cı ildə iki fərqli təhsil növü ilə həm texnik, həm də mühəndis hazırlamağa başlayan məktəb 1937-ci ilin yaz aylarında tələbə sayının artması səbəbindən Ulduz sarayı kompleksində ayrılan binalara köçürüldü. 1937-ci il noyabrın 11-də prezident Mustafa Kamal Atatürkün imzası ilə məktəbin əsasnaməsi qəbul edilmişdir.

Ulduz sarayındakı taxta köşklər sinif otağı və kitabxana kimi istifadə edilərkən, Çuxursaray yataqxana kimi təşkil edildi. Digər tarixi binalardan mühümü isə memar Emin Onat tərəfindən hazırlanmış planlara uyğun olaraq xarici gövdə divarları qorunaraq yenidən inşa edilmiş və 1939-cu ilin payızında inşaat və mexanizm ixtisaslarının tədrisinə açılmışdır.

1941-ci ildə Maarif Nazirliyinin tabeliyində olan məktəbin ilk məcmuəsi 1942—1943-cü il məzunları üçün hazırlanır və diplom nömrələri institut bütövlüyünün qorunub saxlanmasını təmin etməklə Nafiə Elm Məktəbinin qaldığı yerdən davam etdirilir. Anadoluya ilk texniki səfərin təşkili, diplom layihəsi kursunun proqrama əlavə edilməsi, Mühəndislik bölməsinin nəzdində Memarlıq və Elektrik şöbələrinin açılması, ölkədə ilk Xəritə və Kadastr Şöbəsinin yaradılması və ilk Axşam Texnikumu da Texnikumun damı altında həyata keçirilir.

1951-ci ilin payızında iki illik texniki şöbələr bağlanır. 1959-cu ilin payızında yeni tədris korpusu istifadəyə verildi. Həmin il magistratura proqramları tələbə qəbuluna başlayır və ölkə daxilində açılan digər texniki məktəblərə mane olmaması üçün qurum İstanbul Yıldız Texniki Məktəbi adlanır. Məktəbin simvolik müdirlərindən olan Atıf Tansuğ bir ili Nafia Elm Məktəbində olmaqla 25 il çalışarkən, Prof. Texniki məktəbin “Akademiya” statusunu qazanmasında isə Adnan Ergenelinin böyük rolu olub. 3 iyun 1969-cu il tarixli 1184 saylı qanunla İstanbul Dövlət Mühəndislik və Memarlıq Akademiyası yaradıldı və Texniki Məktəbin müddəti başa çatdı.

İstanbul Dövlət Mühəndislik və Memarlıq Akademiyası

3 iyun 1969-cu il tarixli rəsmi qəzetdə dərc edilən 1184 saylı qanunla İstanbul Texniki məktəbi yeni status və quruluş qazanaraq adı İstanbul Dövlət Mühəndislik və Memarlıq Akademiyası olaraq dəyişdirilir. Beləliklə, tədris müəssisəsi daxilində akademik heyət təhsil səviyyəsinə uyğun olaraq assistent, müəllim, doktor, dosent və professor olmaq üzrə vahid iyerarxiya strukturu olan kafedralar yaradılır. Mühəndislik təhsili verməklə yanaşı, bu sahəyə yeniliklərin gətirilməsi məqsədilə akademiyanın tərkibində elektrik, xəritə və kadastr, inşaat, maşın və memarlıq şöbələri nəzdində 40 kafedra yaradıldı. Hər kafedraya ən az 1 professor nəzarət edirdi. Nuriyə Pınar Ərdəm isə həm geologiya kafedrasının professoru, həm də akademiyanın sədri olaraq vəzifəyə başlayan ilk qadın olmuşdur. Tələbə hərəkatının məşhur olduğu bu illərdə akademiyada tələbə boykotları və siyasi baxışlar zəminində müxtəlif münaqişələr yaşanmış, sadəcə 1970-ci ildə qurumun rəhbərliyi 3 dəfə dəyişmişdir.

Nəticədə, İstanbul Texniki məktəbində bir müddət direktor vəzifəsini icra etmiş Vakkas Aykurt akademiyanın sədri olaraq təyin edilir və bundan sonra vəziyyət bir müddət sabitləşir. 1971-ci ildə İstanbulda özəl mühəndislik məktəblərinin milliləşdirildiyi dövrdə Vətən mühəndislik, İşıq mühəndislik, Kadıköy mühəndislik, Qalatasaray mühəndislik, İstanbul Kimya liseyi və Cağaloğlu Mühəndislik məktəbləri İstanbul Dövlət Mühəndislik və Memarlıq Akademiyasının tərkibinə qatılır. 4 qat artımla gündüz növbəsində 5100, 5 qat artımla isə axşam növbəsində 8000 tələbə akademiyada təhsil almağa başlayır. 1973-cü ildə riyaziyyat və fizika ixtisaslarından ibarət əsas elmlər fakültəsi fəaliyyətə başlayır. Akademiyanın rəhbərliyinə daha sonradan Müzəffər Sağışman təyin edilir və artan tələbə sayına uyğun olaraq laboratoriyalar yenilənir. Yenilənmələr Süha Tonerin rəhbərliyi dövründə də davam etməklə yanaşı, konfrans salonu və idman sahələri də fəaliyyətə başlayır. 1982-ci ildə qəbul edilən Ali Təhsil qanunu çərçivəsində edilən məcburi dəyişikliklərlə bütün akademiyaların universitet olaraq yenidən qurulmasına qərar verildi və beləliklə, İstanbul Dövlət Mühəndislik və Memarlıq Akademiyası yerini Yıldız Universitetinə buraxır.

Yıldız Universiteti

1980-ci il 12 sentyabr hərbi çevrilişindən sonra konstitusiya quruluşu yenidən bərpa olunarkən, Ali Təhsil Qanunu qəbul edilmiş, ölkədəki bütün akademiyalar universitetə ​​çevrilmişdir. Beləliklə, 30 mart 1983-cü il tarixli 2809 saylı qanunla İstanbul Dövlət Mühəndislik və Memarlıq Akademiyası Yıldız Universiteti olaraq adlandırıldı. Akademiyanın son rəhbəri Süha Toner yeni universitetə rektor təyin edilmiş, bütün mühəndislik ixtisasları vahid mühəndislik fakültəsində, memarlıq ixtisasları isə vahid memarlıq fakültəsi adı altında toplanmışdır. Bundan əlavə olaraq Kocaeli Dövlət Mühəndislik və Memarlıq Akademiyası da fakültəyə çevrilərək Yıldız Universitetinin tərkibindəki vahid memarlıq fakültəsinə qatılmışdır. 1959-cu ildən bu yana davam edən magistratura təhsili İctimai Elmlər və Elmlər İnstitutu olaraq iki ayrı başlıq altında qruplaşdırılmış, rektorluğun nəzdində İncəsənət və Elmlər fakültəsi yaradılmışdır. Bir müddət sonra xarici dillər, Atatürk prinsipləri və inqilabları tarixi, bədən tərbiyəsi və incəsənət fakültələri açıldı.

Özəl mühəndislik məktəblərinin milliləşdirilməsi prosesində İstanbul Dövlət Mühəndislik və Memarlıq Akademiyası strukturuna daxil olan qurumlara aid olan Şişli və Ayazağadakı binalar İncəsənət və bədən tərbiyəsi fakültəsinə təyin edildi. Müasir dövrün tələblərinə uyğun olaraq dəyişən Yıldız Universitetində daha sonradan kompüter mühəndisliyi, dəniz memarlığı mühəndisliyi, sənaye mühəndisliyi, elektronika və rabitə mühəndisliyi peşə məktəbləri açılır. Sabancı ailəsinin dəstəyi ilə Yıldız şəhərciyində universitet əməkdaşlarının uşaqları üçün uşaq bağçası və kitabxana tikdirilir. Süha Tonerin ikinci dəfə rektor seçildiyi dövrdə Türkiyədə ilk muzeyşünaslıq magistr proqramının yaradılması və universitet şəhərciyində Yüksəl Sabancı Mədəniyyət və İncəsənət mərkəzinin açılması kimi bir çox təqdirəlayiq mədəniyyət və incəsənət fəaliyyətləri xüsusi diqqət çəkir. Yıldız Fondu ilə xaricdəki məzunları ABŞ-ın Merilend ştatında bir araya gətirməyi hədəfləyən məzunlar birliyinin yaradılması da Yıldız Universiteti dövründə baş vermişdir.

Yıldız Texniki Universiteti

3 iyul 1992-ci il tarixli 3837 saylı qanunla ali təhsil müəssisələrinin strukturunda yenidən dəyişiklik baş tutmuş və Yıldız Universiteti Yıldız Texniki Universiteti olaraq adlandırılmışdır. Kocaeli Peşə Liseyi və Kocaeli Mühəndislik Fakültəsi universitet tərkibindən ayrılmış, Yıldız Universiteti dövründən qalan və 12 ixtisasın birləşməsi ilə yaradılan tək mühəndislik fakültəsi ləğv edilərək, elektrik və elektronika, inşaat, maşınqayırma və kimya-metallurgiya olmaqla 4 ayrı mühəndislik fakültəsi adı altında yenidən strukturlaşdırılmışdır. İncəsənət və memarlıq fakültələri öz mövqelərini qorumuş, iqtisadi və inzibati elmlər fakültəsi isə yeni fakültə olaraq universitetin tərkibinə əlavə olunmuşdur. Beləliklə, Yıldız Texniki Universiteti 7 fakültə, 2 institut, 1 peşə məktəbi və rektorluğa tabe olan fakültələrdən ibarət yeni struktura malik olmuşdur.

Rektor Süha Toner 1992-ci ilin iyul ayında təqaüdə çıxdıqdan bir ay sonra Yıldız Texniki Universitetinin təsis qərarı təsdiqləndi və mühəndislik fakültəsi dekanı Turqut Uzel Yıldız Texniki Universitetinin ilk rektoru olur. Dörd illik xidmətdən sonra Ayhan Alkış rektor seçilir. 2004-2008-ci illər arasında Durul Örən, 2008-2016-cı illər arasında İsmail Yüksəl, 2016-2020-ci illərdə isə Bahri Şahin universitetin rektoru vəzifəsində çalışır. 2020-ci ildə Türkiyə prezidenti Rəcəb Tayyib Ərdoğanın qərarı ilə Tamer Yılmaz rektor olaraq təyin edilir. 2021-ci ildə Türkiyədə sıfır tullantı sertifikatına sahib ilk universitet adına layiq görülmüş Yıldız Texniki Universiteti ağıllı şəhərcik layihəsi adı altında təkrardan emal edilmiş enerji və təmiz suyun istifadə üzrə atılan addımları ilə böyük diqqət çəkmişdir. 2021-ci il Türkiyə Respublikası Ali Təhsil Şurası tərəfindən açıqlanan məlumatlara əsasən, tədqiqat universitetləri siyahısında A1 qrupunda Türkiyənin beşinci ən yaxşı tədqiqat universiteti olan Yıldız Texniki Universiteti, eyni zamanda son iki ilin ən uğurlu texnopark mükafatının da sahibidir.

1991-ci ildən bəri universitetin tarixi ad dəyişiklikləri
 
Konduktor Məktəb-i Alisi
1911—1922
 
Nafia Fənn Məktəbi
1923—1936
 
İstanbul Texniki Məktəbi
1936—1969
 
İstanbul Dövlət Memarlıq və Mühəndislik Akademiyası
1969—1982
 
Yıldız Universiteti
1982—1992
 
Yıldız Texniki Universiteti
1992—h.h

Qəbul statistikası

Universitetin statistik göstəriciləri
2016 2017 2018 2019 2020
Ayrılan yerlərin sayı 3.535 3.680 4.017 4.145 4.192
Tələbələrin sayı 35 639 36 569 34 372 34 492 -
Qəbul faizi 82.2 96.5 82.5 71.9 -
Məzunların sayı 5 665 5 370 5 337 5 571 -
YKS ortalama balı 386,382 332,053 352,271 351,851 411,114

Yıldız Texniki Universitetinə qəbul Türkiyədə aparılan 500 ballıq yerli qəbul imtahanı vasitəsilə aparılır. Universitetdə ən yuxarı keçid balı 507,617 ilə kompüter mühəndisliyi, ən aşağı isə 298,871 balla mədəni irsin qorunması və restavrasiyası fakültəsi üzrə olmuşdur. Qlobal universitet sıralamalarında qabaqcıl yer tutan memarlıq üçün keçid balı 461,120, elektronika mühəndisliyi üçün 458,589, iqtisadiyyat ixtisası üçün isə 351,831 olmuşdur. 2016-cı ildə qəbul olanların bal ortamalası 386,382 olarkən, 2019-cu ildə bu göstərici geriləyərək 351,851 bala düşmüşdür.2019-cu ildə tələbələr üçün keçən ilə nisbətən 128 daha çox yer olmaq üzərə ümumilikdə 4 145 boş yer ayrılmışdır. 210 yer ilə mexatronika mühəndisliyi ən çox yer ayrılan, 30 yer ilə elektronika və rabitə mühəndisliyi isə ən az yer ayrılan ixtisas olmuşdur.

2019-cu ildə universitetə müraciət edənlərin 71.9%-i qəbul almış, tələbələrin sayı ümumilikdə 34 392 olmuşdur. Universitetə qəbul olanların 59.1%-i İstanbul sakini, 40.9% isə digər şəhərlərin sakini olmuşdur. Digər şəhərlər arasında Ankara, İzmir, Malatya, Muğla, Kayseri, Şanlıurfa və Zonquldak daha çox seçilmişdir. Qəbul alan tələbələrin 52,7%-i qadın, 47,3%-i isə kişi olmuşdur.2018-ci ildə 1.015 tələbənin, 2019-cu ildə isə ümumilikdə 987 tələbənin qeydiyyatı silinmişdir.2016-cı ildə 5 665, 2017-ci ildə 5 370, 2018-ci ildə 5 337, 2019-cu ildə isə 5 571 tələbə universiteti uğurla bitirərək məzun adını qazanmışdır.

Beynəlxalq əlaqələr

Reytinq

Beynəlxalq universitet sıralamaları (2018)
Siyahı Sıralama
ARWU 901-1000
762
RUR 660
Times 801-1000
USNWR 769

Türkiyənin ən yaxşı 9-cu dövlət universiteti tituluna sahib Yıldız Texniki Universiteti, 2018-ci ildə Times Higher Education tərəfindən dünyanın ən yaxşı 1000 reytinqli universiteti siyahısına daxil edilmişdir.2020-ci il QS World University Rankings sıralamasında Yıldız Texniki Universiteti elektrik-elektronika və mexanika fakültələri üzrə 351-400-cü sıralarda yer almışdır. Fizika və astronomiya fakültələri üzrə isə 501-550-ci yerdə qərarlaşmışdır. Bununla yanaşı, iqtisadiyyat və idarəetmə fakültəsi üzrə siyahıda 451-500-cü yeri tutumuşdur. Dünya universitetləri reytinq təşkilatı Times Higher Education tərəfindən dərc edilən Sosial Elmlər, İqtisadi və İnzibati Elmlər və Hüquq sahələri üzrə 2022-ci il dünya universitetləri reytinqi siyahısında Yıldız Texniki Universiteti, ODTÜ, Sabancı və Bilkent universitetləri ilə birgə olaraq 401-500-cü sırada yerini almışdır.

Dünya universitetlərinin akademik reytinqi 2019-cu il siyahısına görə universitet inşaat mühəndisliyi üzrə 201-300-cü, mexanika mühəndisliyi üzrə 301-400-cü, fizika və kimya mühəndisliyi üzrə isə 401-500-cü yerdə qərarlaşmışdır.ABŞ-nin News & World Report qəzetinin sıralamasına görə isə Yıldız Texniki Universiteti ən reytinqli qlobal universitetlər arasında 769-cu, mühəndislik ixtisası üzrə isə 292-ci yeri tutmuşdur.2019-cu il görə isə universitet mühəndislik ixtisası üzrə 762-ci, riyaziyyat və kompüter elmləri sahəsi üzrə 422-ci sırada yer alır. URAP 2018 siyahısında isə universitet, mühəndislik fakültəsi üzrə 461-ci yeri tutmuşdur.RUR reytinqi tərəfindən 2019-cu ildə hazırlanan siyahıya görə isə universitet qlobal sıralamada 660-cı, texniki elmlər üzrə 529, təbiət elmləri üzrə isə 598-ci yerdə qərarlaşmışdır. EECA Universitet Sıralaması 87-dir.

Akkreditasiyalar və beynəlxalq üzvlüklər

Yıldız Texniki Universitetində boloniya prosesinə uyğun tədris aparılır. Məhz bu səbəblə də diplom Avropa ölkələrində tanınır və magistraturaya müraciətlər daha asan qəbul edilir. Bununla yanaşı universitet , , və nın rəsmi üzvüdür. Yıldız Texniki Universiteti Erasmus proqramının aktiv üzvlərindən biridir və Türkiyənin xaricə ən çox tələbə göndərən universiteti tituluna sahibdir. Həmçinin, Türkiyə universitetləri arasında ən çox təqaüd alan 3 universitet siyahısındadır.

Tanınmış məzunlar

1911-ci ildən bəri bir çox məşhur müğənni, yazıçı, sənətçi və siyasətçilər də daxil olmaqla on minlərlə şəxs məzun adını qazanmışdır.

İstinadlar

  1. . www.yok.gov.tr (türk). 5 aprel 2023 tarixində . İstifadə tarixi: 5 aprel 2023.
  2. (PDF). Türkiye Cumhuriyeti Cumhurbaşkanlığı (türk). 14 avqust 2020 tarixində (PDF). İstifadə tarixi: 5 aprel 2023.
  3. ↑ . Times Higher Education (THE) (ingilis). 6 oktyabr 2022. 5 aprel 2023 tarixində . İstifadə tarixi: 5 aprel 2023.
  4. . istanbul.edu.tr (türk). İstanbul Üniversitesi. 2020-11-16 tarixində . İstifadə tarixi: 14 noyabr 2020.
  5. ↑ . yildiz.edu.tr (türk). 5 aprel 2023 tarixində . İstifadə tarixi: 5 aprel 2023.
  6. ↑ (PDF). eory.yildiz.edu.tr (türk). 5 aprel 2023 tarixində (PDF). İstifadə tarixi: 5 aprel 2023.
  7. . İstanbul metropoliteni, İstanbul Böyükşəhər Bələdiyyəsi (türk). 4 aprel 2021 tarixində . İstifadə tarixi: 5 aprel 2023.
  8. . İstanbul metropoliteni, İstanbul Böyükşəhər Bələdiyyəsi (türk). 5 aprel 2023 tarixində . İstifadə tarixi: 5 aprel 2023.
  9. . İstanbul metropoliteni, İstanbul Böyükşəhər Bələdiyyəsi (türk). 5 aprel 2023 tarixində . İstifadə tarixi: 5 aprel 2023.
  10. . Tercih Koçu (türk). 27 sentyabr 2020. 2021-10-28 tarixində . İstifadə tarixi: 20 sentyabr 2020.
  11. . Google Docs (türk). 2021-09-11 tarixində . İstifadə tarixi: 20 avqust 2020.
  12. . Google Docs (türk). 2021-09-12 tarixində . İstifadə tarixi: 20 avqust 2020.
  13. . Google Docs (türk). 2021-09-12 tarixində . İstifadə tarixi: 20 avqust 2020.
  14. . Google Docs (türk). 2021-09-10 tarixində . İstifadə tarixi: 20 avqust 2020.
  15. . yokatlas.yok.gov.tr (türk). 2022-08-24 tarixində . İstifadə tarixi: 20 avqust 2020.
  16. . www.ogi.yildiz.edu.tr (türk). 2021-07-28 tarixində . İstifadə tarixi: 20 avqust 2020.
  17. . Google Docs. 2021-09-10 tarixində . İstifadə tarixi: 20 avqust 2020.
  18. . Google Docs (türk). 2021-09-09 tarixində . İstifadə tarixi: 20 avqust 2020.
  19. . www.shanghairanking.com (ingilis). 2018. 2021-02-24 tarixində arxivləşdirilib. İstifadə tarixi: 20 avqust 2020.
  20. Studies, Centre for Science and Technology. . CWTS Leiden Ranking (ingilis). 2018. 2019-10-13 tarixində . İstifadə tarixi: 20 avqust 2020.
  21. . roundranking.com (ingilis). 2018. 2018-06-12 tarixində . İstifadə tarixi: 20 avqust 2020.
  22. . Times Higher Education (THE) (ingilis). 18 avqust 2017. 2017-09-06 tarixində . İstifadə tarixi: 20 avqust 2020.
  23. . usnews.com (ingilis). 2018-03-09 tarixində . İstifadə tarixi: 20 avqust 2020.
  24. . Times Higher Education (THE) (ingilis). 18 avqust 2017. 2017-09-06 tarixində . İstifadə tarixi: 20 avqust 2020.
  25. . Sabah (türk). İstifadə tarixi: 12 iyun 2023.
  26. . Top Universities (ingilis). 26 fevral 2020. 2022-07-16 tarixində . İstifadə tarixi: 20 avqust 2020.
  27. . Top Universities (ingilis). 25 fevral 2020. 2021-04-02 tarixində . İstifadə tarixi: 20 avqust 2020.
  28. . Top Universities (ingilis). 25 fevral 2020. 2020-07-27 tarixində . İstifadə tarixi: 20 avqust 2020.
  29. . www.shanghairanking.com (ingilis). 2017-07-14 tarixində arxivləşdirilib. İstifadə tarixi: 20 avqust 2020.
  30. . usnews.com (ingilis). 2019-04-06 tarixində . İstifadə tarixi: 20 avqust 2020.
  31. . www.urapcenter.org (ingilis). 2019-01-14 tarixində arxivləşdirilib. İstifadə tarixi: 20 avqust 2020.
  32. . www.urapcenter.org (ingilis). 2018-09-07 tarixində arxivləşdirilib. İstifadə tarixi: 20 avqust 2020.
  33. . roundranking.com (ingilis). 2018-06-12 tarixində . İstifadə tarixi: 20 avqust 2020.
  34. . Top Universities (ingilis). 08 sentyabr 2020. 2022-06-10 tarixində . İstifadə tarixi: 2020-09-08.
  35. Dergisi, Kariyerim. . Kariyerim Dergisi (türk). 31 oktyabr 2019. 5 aprel 2023 tarixində . İstifadə tarixi: 5 aprel 2023.
  36. . ytukampus.com (türk). 19 noyabr 2020. 5 aprel 2023 tarixində . İstifadə tarixi: 5 aprel 2023.
  37. . mansetizmir.com (türk). 5 aprel 2023. 5 aprel 2023 tarixində . İstifadə tarixi: 5 aprel 2023.
  38. . Memurlar.Net (türk). 5 aprel 2023 tarixində . İstifadə tarixi: 5 aprel 2023.

Həmçinin bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023