Sabah Saleh oğlu Şəriəti 1989-cu il yanvarın 1-də Sənəndəc şəhristanının Sənəndəc şəhərində anadan olub. 2002-ci ildən güləşlə məşğul olur. Şəxsi məşqçisi .

Sabah Şəriəti 2009-cu ilin aprelində Azərbaycanda baş tutan "Azerbaijan Wrestling Federation Cup" beynəlxalq turnirində mübarizə apardı və turnirin qalibi oldu. 2010-cu ilin fevralında isə o, İranın Qum şəhərində baş tutan Yadigar İmamın xatirəsinə həsr olunan beynəlxalq turnirdə 8-ci pillənin sahibi oldu.

Daha sonra Sabah Şəriəti İran yığmasının məşqçilərinin ona etimad göstərməməsinə görə üç il beynəlxalq turnirlərdə mübarizə apara bilməmişdi. Etimad göstərilməməsinin əsas səbəbi, həmin illərdə yunan-roma güləşi üzrə İran yığmasının "bir nömrəli" güləşçisinin 2011-ci il Asiya Çempionatının qalibi və Dünya Çempionatının bürünc medalçısı olan hesab olunması idi. Məhz bu səbəbə görə Dünya və Avropa Çempionatlarında İranı təmsil edirdi. 2013-cü ilin yanvarında İran əsilli güləş mütəxəssisi yunan-roma güləşi üzrə Azərbaycan yığmasının baş məşqçisi vəzifəsinə təyin ediləndən sonra 2013-cü ildə Sabah Şəriəti milliləşdirildi və Azərbaycan yığmasına gətirildi.

Sabah Şəriəti Azərbaycan yığmasının heyətində beynəlxalq səviyyədə birinci turnirinə 2013-cü ilin noyabrında qatıldı. Şəriəti 22–24 noyabrda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı. Turnirin final görüşündə o, Gürcüstan nümayəndəsi 6:1 hesabı ilə məğlub elədi və qızıl medalın sahibi oldu.

Sabah Şəriəti 2014-cü ildə birinci turnirinə 1–2 fevralda İstanbul şəhərində baş tutan Vehbi Emrenin xatirəsinə həsr olunan beynəlxalq turnir çərçivəsində qatıldı. O, birinci görüşdəcə Rusiya təmsilçisi Vitali Lindsiyə məğlub oldu və 12-ci pillənin sahibi oldu. Daha sonra Sabah Şəriəti 1–2 martda Macarıstanda baş tutan Qran-Pri beynəlxalq turnirində çıxış elədi və turniri 7-ci pillədə başa vurdu.

2014-cü ilin əsas turnirlərindən biri 1–6 apreldə Finlandiyanın Vantaa şəhərində baş tutan Avropa Çempionatı idi. Avropa Çempionatlarında debüt edən Sabah Şəriəti, 1/8 final mərhələsi çərçivəsində baş tutan birinci görüşdə 2012-ci il London Olimpiadasının bürünc medalçısı və 2 dəfə Dünya Çempionatının qalibi olan Estoniya nümayəndəsi ilə üz-üzə gəldi. Titullu rəqibi ilə görüş gərgin idman mübarizəsi şəraitində baş tutdu. Heyi 4:0 hesabı ilə irəlidə olsa da, Şəriəti geridönüş edə bildi. Nəticədə Sabah Şəriəti gözlənilmədən təcrübəli rəqibinə 5:4 hesabı ilə qalib gəldi və 1/4 final mərhələsinə adladı. Bu mərhələdə o, 2012-ci il London Olimpiadasının digər bürünc medalçısı olan İsveç təmsilçisi ilə qarşılaşdı. Bu səfər Sabah Şəriəti rəqibinə 0:4 hesabı ilə məğlub oldu və Avropa Çempionatında mübarizəni dayandırdı.

Avropa Çempionatından sonra Sabah Şəriəti birinci turnirinə 15–16 mayda İranın Tehran şəhərində baş tutan yunan-roma güləşi üzrə Dünya Kuboku çərçivəsində qatıldı. Azərbaycan yığması "A" qrupunda Cənubi Koreya, Ermənistan, Finlandiya və İran yığmaları ilə mübarizə apardı. Azərbaycan yığması birinci görüşdə İran güləşçiləri ilə üz-üzə gəldi və 0:8 hesabı ilə məğlub oldu. Bu görüşdə Azərbaycan yığmasının heyətində çıxış elədi. Növbəti görüşdə Azərbaycan güləşçiləri Ermənistan yığması ilə üz-üzə gəldi və 8:0 hesabı ilə qalib gəldi. Komandanın heyətində Sabah Şəriəti Vaçi Yeğiazaryan üzərində 4:1 hesabı ilə qələbə qazandı. Qrup mərhələsinin üçüncü görüşündə Azərbaycan güləşçiləri Cənubi Koreya yığması ilə üz-üzə gəldi və gərgin idman mübarizəsi şəraitində baş tutan görüşdə rəqibi üzərində 5:3 hesabı ilə qələbə qazandı. Komandanın heyətində Sabah Şəriəti Kim Yonq-Mini 4:0 hesabı ilə məğlub elədi və qələbədə pay sahibi oldu. Qrup mərhələsinin sonuncu görüşündə Azərbaycan güləşçiləri Finlandiya yığması ilə üz-üzə gəldi və 6:2 hesabı ilə qələbə qazandı. Həmin görüşdə Sabah Şəriəti rəqibinə məğlub olsa da, bu ümumi nəticəyə təsir göstərmədi. Qrup mərhələsinin nəticələrinə əsasən İran yığması final görüşünə, Azərbaycan yığması üçün bürünc medal uğrunda görüşə vəsiqə qazandı. Bürünc medal uğrunda görüşdə Azərbaycan yığması Macarıstan güləşçiləri ilə üz-üzə gəldi. Həlledici görüşdə Azərbaycan yığması rəqibin üzərində 6:2 hesabı ilə inamlı qələbə qazandı. Komandanın heyətində Sabah Şəriəti Balint Lamini 1:0 hesabı ilə məğlub elədi və qələbədə pay sahibi oldu. Bununla da Azərbaycan yığması yunan-roma güləş üzrə Dünya Kubokunun bürünc medalına sahib oldu.

Sabah Şəriəti növbəti uğurunu iyulda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində qazandı. Finala gedən yolda bütün rəqiblərini məğlub edən Sabah Şəriəti, turnirin həlledici görüşündə bir il əvvəl analoji turnirin final görüşündə qalib gəldiyi Gürcüstan nümayəndəsi ilə üz-üzə gəldi. Görüşün əvvəllərində Şəriəti 5:1 hesabı ilə irəlidə olsa da, görüşün 1:16-cı dəqiqəsində Kacaya rəqibinə inamlı fənd tətbiq elədi və təmiz təmzi qələbə qazandı. Bununla da Sabah Şəriəti turnirin gümüş medalına sahib oldu.

2014-cü ilin əsas turniri 8–14 sentyabrda baş tutan Dünya Çempionatı oldu. Dünya Çempionatlarında debüt edən Sabah Şəriəti, turnirin birinci görüşündə İsveç nümayəndəsi ilə üz-üzə gəldi. Gərgin idman mübarizəsi şəraitində baş tutan görüş 2:2 hesabı ilə başa çatdı. Qaydalara əsasən son xalı qazanan güləşçi görüşün qalibi hesab olunurdu. Nəticədə son xalı qazandığı üçün görüşdə qalib gəldi. Sabah Şəriəti isə Dünya Çempionatında mübarizəsini dayandırdı.

Sabah Şəriəti 2014-cü ildə beynəlxalq səviyyədə sonuncu turnirinə 6–10 noyabrda Rusiyada baş tutan Komandalararası "Alrosa Cup" beynəlxalq turniri çərçivəsində qatıldı. Azərbaycan yığması birinci görüşdə Bolqarıstan güləşçiləri ilə üz-üzə gəldi. Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan yığması qalib gəldi. Komandanın heyətində qələbədə pay sahibi olan güləşçilərdən biri də Sabah Şəriəti idi. Növbəti görüşdə Azərbaycan güləşçiləri Rusiya yığması ilə qarşılaşdı və rəqibinə 2:6 hesabı ilə məğlub oldu. Azərbaycan yığmasının heyətində qələbə qazanan güləşçilər Şəhriyar Məmmədov və Sabah Şəriəti idi. Reqlamentə əsasən Azərbaycan yığması bürünc medal uğrunda görüşdə mübarizə apardı. Həlledici görüşdə Azərbaycan güləşçiləri Macarıstan yığması ilə üz-üzə gəldi və 6:2 hesabı ilə inamlı qələbə qazandı. Komandanın heyətində Sabah Şəriəti Balint Lam üzərində qələbə qazanaraq bürünc medalın qazanılmasında pay sahibi oldu. Ümumi olaraq turnir ərzində Azərbaycan yığmasının heyətində üç görüşün hamısında qalib gələn yeganə güləşçi Sabah Şəriəti oldu.

Sabah Şəriəti ilin sonunda Azərbaycan Çempionatında mübarizə apardı və bütünc rəqibləri üzərində qələbə qazanaraq turnirin qalibi oldu.

Sabah Şəriəti 2015-ci ildə birinci turnirinə Azərbaycan yığmasının heyətində fevralda İranın Tehran şəhərində baş tutan Dünya Kuboku çərçivəsində qatıldı. Azərbaycan yığması "A" qrupunda Almaniya, İran və İsveç yığmaları ilə mübarizə apardı. Azərbaycan yığması birinci görüşdə İran güləşçiləri ilə üz-üzə gəldi və 6:2 hesabı ilə qalib gəldi. Komandanın heyətində Sabah Şəriəti Bəhnam Mehdizadə üzərində 8:0 hesabı ilə qalib gəldi və qələbədə pay sahib oldu. Növbəti görüşdə Azərbaycan güləşçiləri Almaniya yığması ilə qarşılaşdı. Bu görüşdə də Azərbaycan yığması rəqibi üzərində inamlı qələbə qazandı — 7:1. Həmin görüşdə Sabah Şəriəti Eduard Popp üzərində 1:0 hesabı ilə qalib gəldi və növbəti dəfə qələbədə pay sahibi oldu. Qrup mərhələsinin sonuncu görüşündə Azərbaycan yığması İsveç güləşçiləri ilə üz-üzə gəldi və 7:1 hesabı ilə qalib gəldi. Sabah Şəriətinin görüşdə rəqibi, ötən il ərzində Avropa və Dünya Çempionatlarında məğlub olduğu İsveç nümayəndəsi idi. Bu səfərdə o, əzəli rəqibinə məğlub oldu — 0:2. Qrup mərhələsinin nəticələrinə əsasən Azərbaycan yığması final görüşünə vəsiqə qazandı. Həlledici görüşdə Azərbaycan yığması Rusiya güləşçiləri ilə üz-üzə gəldi. Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan güləşçiləri qalib gəldi. Bununla da yunan-roma güləşi üzrə Azərbaycan yığması tarixində birinci dəfə Dünya Kubokunun qalibi oldu.

Dünya Kubokundan sonra güləş üzrə Azərbaycan yığmasının bütün diqqəti I Avropa Oyunlarına yönəldi. 12–28 iyunda baş tutacaq I Avropa Oyunlarında mübarizə aparacaq güləş üzrə Azərbaycan yığmasının heyəti iyunun 8-də açıqlandı. Heyətdə Sabah Şəriətidə yer aldı. Sabah Şəriəti iyunun 14-də I Avropa Oyunlarında mübarizə apardı. Sabah Şəriəti 1/8 final mərhələsində Ukrayna nümayəndəsi Niholay Kuçmı ilə üz-üzə gəldi. Sabah Şəriəti rəqibi üzərində 8:0 hesabı ilə inamlı qələbə qazandı və 1/4 final mərhələsinə adladı. Bu mərhələdə o, ötən il Qızıl Qran-Pri turnirinin həlledici görüşündə məğlub olduğu Gürcüstan təmsilçisi ilə qarşılaşdı. Gərgin idman mübarizəsi şəraitində baş tutan görüşdə Sabah Şəriəti qələbə qazandı — 5:2. Bununla da o, I Avropa Oyunlarının yarım-final mərhələsinə adladı. Finala gedən yolda Sabah Şəriəti Belarus nümayəndəsi İosif Çuqoşvili ilə üz-üzə gəldi. Həmin görüşdə Sabah Şəriəti 5:0 hesabı ilə qalib gəldi və final görüşünə vəsiqə qazandı. Həlledici görüşdə isə o, 2012-ci il London Olimpiadasının bürünc medalçısı, 1 dəfə Dünya və 4 dəfə Avropa Çempionatlarının qalibi olan Türkiyə təmsilçisi ilə üz-üzə gəldi. Həmin görüşdə o, rəqibinə 1:3 hesabı ilə məğlub oldu. Bu minvalla da Sabah Şəriəti I Avropa Oyunlarının gümüş medalına sahib oldu.

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Sabah Saleh oğlu Şəriəti "Tərəqqi" medalı ilə təltif edildi.

2015-ci ilin əsas turniri 6–12 sentyabrda Birləşmiş Ştatların Las-Veqas şəhərində baş tutan oldu. Həmin Dünya Çempionatında 1–6-cı pillələrin sahibi olan güləşçilər, 2016-cı ildə baş tutacaq XXXI Yay Olimpiya Oyunlarına vəsiqə qazanacaqdı. Sabah Şəriəti Dünya Çempionatının birinci görüşündə Macarıstan nümayəndəsi Balint Lam ilə üz-üzə gəldi. Həmin görüşdə o, rəqibi üzərində 3:1 hesabı ilə qələbə qazandı və növbəti mərhələyə adladı. Bu mərhələdə Sabah Şəriəti Venesuela təmsilçisi Ervin Karaballo ilə qarşılaşdı və rəqibi üzərində inamlı qələbə qazandı — 9:0. Bununla da Sabah Şəriəti Dünya Çempionatının yarım-final mərhələsinə adladı. Finala gedən yolda o, I Avropa Oyunlarının final görüşündə məğlub olduğu ilə üz-üzə gəldi və bu səfər də rəqibinə məğlub oldu — 0:6. Mübarizəsini bürünc medal uğrunda görüşdə davam edən Sabah Şəriəti, bu görüşdə Ukrayna təmsilçisi Olehsandr Çerneshi ilə qarşılaşdı. Həmin görüşdə o, rəqibinə məğlub oldu və Dünya Çempionatını beşinci pillədə başa vurdu. Sabah Şəriəti medala sahib ola bilməsə də, Rio-de-Janeyro Olimpiadasına vəsiqə qazandı.

Dünya Çempionatından sonra Sabah Şəriəti 6–8 noyabrda Rusiyada baş tutan Komandalararası "Alrosa Cup" beynəlxalq turnirində mübarizə apardı. Azərbaycan yığması birinci görüşdə Belarus güləşçiləri ilə üz-üzə gəldi. Gərgin idman mübarizəsi şəraitində baş tutan görüşdə Azərbaycan yığması 5:3 hesabı ilə qalib gəldi. Komandanın heyətində qələbədə pay sahibi olan güləşçilərdən biri də Sabah Şəriəti idi. Növbəti görüşdə Azərbaycan güləşçiləri Türkiyə yığması ilə qarşılaşdı və rəqibi üzərində 5:3 hesabı ilə qələbə qazandı. Azərbaycan yığmasının heyətində qələbə qazanan güləşçilərdən biri də Sabah Şəriəti oldu. Reqlamentə əsasən Azərbaycan yığması qızıl medal uğrunda görüşdə mübarizə apardı. Həlledici görüşdə Azərbaycan güləşçiləri Rusiya yığması ilə üz-üzə gəldi və rəqibinə 2:6 hesabı ilə məğlub oldu. Komandanın heyətində qələbə qazanan güləşçilər İslam Abbasov və Sabah Şəriəti idi. Bununla da Azərbaycan yığması turnirin gümüş medalına sahib oldu. Ümumi olaraq turnir ərzində Azərbaycan yığmasının heyətində üç görüşün hamısında qalib gələn güləşçilər İslam Abbasov və Sabah Şəriəti oldu.

Sabah Şəriəti 2015-ci ildə sonuncu turnirinə 26–30 noyabrda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində qatıldı. Sabah Şəriəti əvvəlcə 1/8 final mərhələsində Estoniya təmsilçisi üzərində 3:0, sonra isə 1/4 final mərhələsində ABŞ nümayəndəsi Robert Smit üzərində 8:0 hesablı qələbə qazandı və turnirin yarım-final mərhələsinə adladı. Finala gedən yolda o, İran nümayəndəsi Bəhnam Mehdizadə ilə üz-üzə gəldi və 2:0 hesabı ilə qalib gəldi. Həlledici görüşdə isə Sabah Şəriəti Qazaxıstan təmsilçisi Nurmahan Tinəliyev ilə üz-üzə gəldi və gərgin idman mübarizəsi şəraitində baş tutan görüşün nəticəsində 8:4 hesabı ilə qalib gəldi. Bununla da o, növbəti dəfə Qızıl Qran-Pri beynəlxalq turnirinin qalibi oldu.

2016-cı ilin əsas turniri avqustda Braziliyanın Rio-de-Janeyro şəhərində baş tutacaq XXXI Yay Olimpiya Oyunları idi. Olimpiadadan əvvəl Sabah Şəriəti 8–14 martda Latviyanın Riqa şəhərində baş tutan Avropa Çempionatında mübarizə apardı. Sabah Şəriəti birinci görüşündə Ukrayna nümayəndəsi Olehsandr Çerneshi ilə üz-üzə gəldi və rəqibinə məğlub oldu. Rəqibi turnirin final görüşünə vəsiqə qazandıqından Sabah Şəriəti, təsəlliverici qrupda mübarizə apardı. Təsəlliverici qrupun birinci görüşündə o, Polşa təmsilçisi Luhasz Bana ilə qarşılaşdı və rəqibi üzərində 10:0 hesabı ilə qələbə qazandı. Növbəti görüşdə isə Sabah Şəriəti Almaniya nümayəndəsi Eduard Pop ilə üz-üzə gəldi. Gərgin idman mübarizəsi şəraitində baş tutan görüşdə o, rəqibinə 1:3 hesabı ilə məğlub oldu və Avropa Çempionatını yeddinci pillədə başa vurdu.

Olimpiadadan əvvəl Sabah Şəriəti sonuncu turnirinə 18–20 iyunda Rumıniyanın Buxarest şəhərində baş tutan beynəlxalq turnirdə qatıldı. Həmin turnirdə o, bütünc rəqibləri üzərində qələbə qazandı və qızıl medalın sahibi oldu. Bundan sonra bütün diqqətlər Rio-de-Janeyro Olimpiadasına yönəldi.

XXXI Yay Olimpiya Oyunları

  Əsas məqalə: Azərbaycan 2016 Yay Olimpiya Oyunlarında

XXXI Yay Olimpiya Oyunları 5–22 avqustda Braziliyanın Rio-de-Janeyro şəhərinin ev sahibliyində baş tutdu. Yunan-roma güləş üzrə Azərbaycan yığmasının heyətinə beş güləşçi cəlb olundu. Heyətə 2008 və 2012-ci illərdə Olimpiadanın gümüş medalçısı olan Rövşən Bayramov (59 kq.), qalibi Rəsul Çunayev (66 kq.), 2015-ci il Avropa Oyunlarının çempionu Elvin Mürsəliyev (75 kq.), bürünc medalçısı Saman Təhmasibi (85 kq.) və 2015-ci il Avropa Oyunlarının gümüş medalçısı Sabah Şəriəti (130 kq.) daxil edildi.

Sabah Şəriəti Rio-de-Janeyro Olimpiadasında avqustun 15-də mübarizə apardı. Sabah Şəriəti 1/8 final mərhələsi çərçivəsində baş tutan birinci görüşdə Birləşmiş Ştatlar nümayəndəsi Robbi Smit ilə üz-üzə gəldi. Həmin görüşdə Şəriəti, Smit üzərində 8:2 hesabı ilə qələbə qazandı və 1/4 final mərhələsinə adladı. Bu mərhələdə o, təcrübəli və titullu güləşçi, 2 dəfə Dünya və 5 dəfə Avropa Çempionatlarının qalibi olan ilə qarşılaşdı. Bundan əvvəl Sabah Şəriəti, rəqibi ilə 2 dəfə üz-üzə gəlmişdi və hamısında məğlub olmuşdu. Bu səfər də görüşdə üstün tərəf Kayaalp oldu və o, rəqibi üzərində təmiz qələbə qazandı. Olimpiadanın final görüşünə vəsiqə qazandıqından Sabah Şəriəti, təsəlliverici qrupda mübarizə apardı. Təsəlliverici qrupun birinci görüşündə Sabah Şəriəti Venesuela nümayəndəsi Ervin Karaballo ilə üz-üzə gəldi. Həmin görüşdə o, rəqibi üzərində 8:0 hesabı ilə inamlı qələbə qazandı və bürünc medal uğrunda görüşə vəsiqə qazandı. Həlledici görüşdə Sabah Şəriətinin rəqibi Almaniya təmsilçisi Eduard Pop oldu. Bundan əvvəl Sabah Şəriəti, rəqibi ilə 2 dəfə üz-üzə gəlmişdi — 2015-ci ildə Avropa Oyunlarında qalib gəlsə də, 5 ay əvvəl Latviyada baş tutan Avropa Çempionatında məğlub olmuşdu. Görüşün əvvəlindən üstün tərəf Sabah Şəriəti idi. Eduard Pop isə passiv güləşirdi. Məhz buna görə də referilər görüşün 1:15-ci dəqiqəsində Eduard Popun görüşü parter vəziyyətində davam eləməsinə qərar verdi. Bu vəziyyətdə hücum edən tərəf Şəriəti, müdafiə olunan tərəf isə Popp oldu. Sabah Şəriəti rəqibin parter vəziyyətində olmasından istifadə elədi və "çevirmə" fəndini tətbiq elədi. Bu zaman Eduard Popun ani diqqətsizliyi, Sabah Şəriətinin onun üzərində təmzi qələbə qazanması ilə başa çatdı. Bu minvallada Sabah Şəriəti XXXI Yay Olimpiya Oyunlarının bürünc medalına sahib oldu.

Sabah Şəriəti təltitetmə mərasimindən sonra jurnalist Qabil Mehdiyevə verdiyi müsahibəsində medal qazandığı üçün şad olduğunu və qələbəsini Azərbaycana həsr elədiyini bildirdi.

Azərbaycan Prezidenti İlham Əliyevin 1 sentyabr 2016-cı il tarixli 2292 nömrəli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Sabah Saleh oğlu Şəriəti Azərbaycan Prezidentinin fəxri diplomu ilə təltif edildi.

Sabah Şəriəti XXXI Yay Olimpiya Oyunlarından sonra noyabrda baş tutan Qızıl Qran-Pri beynəlxalq turnirində mübarizə aparmadı. Buna səbəb, onun məşqlərin birində zədələnməsi idi.

Sabah Şəriəti Olimpiadadan sonra birinci turnirinə 2017-ci ilə mart ayında yunan-roma güləşi üzrə Azərbaycan yığmasının heyətində İranın Abadan şəhərinin ev sahibliyində baş tutan yunan-roma güləşi üzrə Dünya Kuboku çərçivəsində qatıldı. Azərbaycan yığması "B" qrupunda Belarus, Türkiyə və Ukrayna yığmaları ilə mübarizə apardı. Azərbaycan yığması birinci görüşdə Türkiyə güləşçiləri ilə üz-üzə gəldi və 5:3 hesabı ilə qalib gəldi. Komandanın heyətində Sabah Şəriəti, Ali Nail Arslan üzərində 2:0 hesabı ilə qələbə qazandı və qələdəbə pay sahibi oldu. Növbəti görüşdə Azərbaycan güləşçiləri Belarus yığması ilə qarşılaşdı. Bu görüşdə də Azərbaycan yığması rəqibi üzərində qələbə qazandı — 5:3. Həmin görüşdə Azərbaycan yığması hesabda 5:2 irəlidə olan zaman, Sabah Şəriəti məğlubiyyətin ümumi hesaba təsiri olmayacağı üçün görüşdə çıxış eləmədi. Qrup mərhələsinin sonuncu görüşündə Azərbaycan yığması Ukrayna güləşçiləri ilə üz-üzə gəldi və bu səfərdə 5:3 hesabı ilə qalib gəldi. Həmin görüşdə Azərbaycan yığmasının məşqçiləri Oyan Nəzərianiyə etimad göstərdi. Nəticədə isə o, rəqibinə 1:2 hesabı ilə məğlub oldu. Qrup mərhələsinin nəticələrinə əsasən Azərbaycan yığması final görüşünə vəsiqə qazandı. Həlledici görüşdə Azərbaycan yığması Rusiya güləşçiləri ilə üz-üzə gəldi. Gərgin idman mübarizəsi şəraitində baş tutan görüşdə Azərbaycan yığması rəqibinə 3:5 hesabı ilə məğlub oldu. Həmin görüşdə Azərbaycan yığması ümumi nəticədə 3:4 hesab ilə məğlub olan zaman, sonuncu qarşılaşma baş tutdu. Azərbaycan yığmasının heyətində Sabah Şəriəti, Olimpiadanın bürünc medalçısı ilə üz-üzə gəldi. Gərgin idman mübarizəsi şəraitində baş tutan görüş 1:1 hesabı ilə başa çatdı. Qaydalara əsasən son xalı qazanan güləşçi görüşün qalibi hesab olunurdu. Nəticədə son xalı qazandığı üçün görüşdə qalib gəldi. Bununla da yunan-roma güləşi üzrə Azərbaycan yığması Dünya Kubokunun gümüş medalına sahib oldu.

Daha sonra Sabah Şəriəti 12–22 mayda baş tutan IV İslam Həmrəyliyi Oyunlarında mübarizə apardı. Sabah Şəriəti birinci görüşdə Pakistan nümayəndəsi Musab Xan ilə üz-üzə gəldi və rəqibi üzərində 10:0 hesabı ilə qalib gəldi. Növbəti görüşdə isə o, Özbəkistan təmsilçisi Mumincon Abdullayev ilə qarşılaşdı. Həmin görüşdə Sabah Şəriəti rəqibinə 0:8 hesabı ilə məğlub oldu və mübarizəni bürünc medal uğrunda görüşdə davam elədi. Həlledici görüşdə o, Suriya nümayəndəsi Raca Alxrad ilə üz-üzə gəldi. Rəqibini 10:0 hesabı ilə məğlub edən Sabah Şəriəti, IV İslam Həmrəyliyi Oyunlarının bürünc medalına sahib oldu.

2017-ci ilin əsas turniri 20–26 avqustunda Fransanın Paris şəhərində baş tutan Dünya Çempionatı oldu. Çempionatdan əvvəl Azərbaycan güləşçilərindən Rəsul Çunayevi turnirin "favoriti", Sabah Şəriətini isə turnirin "qaranlıq atı" adlandırmışdı. Amma Sabah Şəriəti gözlənilən ümidləri doğrulda bilmədi. Şəriəti birinci görüşdəcə Ukrayna nümayəndəsi Nihola Kuçmıya 1:2 hesabı ilə məğlub oldu və mübarizəni dayandırdı.

Sabah Şəriəti 2018-ci ildə birinci turnirinə 22–25 fevralda Kiyev şəhərində baş tutan beynəlxalq turnirdə qatıldı. Həmin turnirdə o, final görüşündə Belarus nümayəndəsi Giorgi Çuhaşviliyə məğlub oldu və gümüş medalın sahibi oldu.

Daha sonra Sabah Şəriəti 30 aprel-8 mayda Rusiyada baş tutan Avropa Çempionatında mübarizə aparmalı idi. Amma o, fevralda zədələndiyi üçün yunan-roma güləşi üzrə Azərbaycan yığmasının baş məşqçisi Avropa Çempionatında onu, Turman Eyyubov əvəzlədi.

2018-ci ilin əsas turniri Macarıstanın Budapeşt şəhərində baş tutan Dünya Çempionatı idi. Dördüncü dəfə Dünya Çempionatında mübarizə aparan Sabah Şəriəti, turnirin birinci görüşündəcə Ukrayna nümayəndəsi Olehsandr Çerneshiyə ilə üz-üzə gəldi. Həmin görüşdə o, rəqibinə 2:5 hesabı ilə məğlub oldu və mübarizəni dayandırdı.

2019-cu ildə Sabah Şəriəti tədricən əvvəl sahib olduğu formanı bərpa edirdi. O, 2019-cu ildə birinci turnirinə fevralda Macarıstanda baş tutan Macarıstan Qran-Prisi beynəlxalq turniri çərçivəsində qatıldı. Nəticədə Sabah Şəriəti həmin turnirdə medal qazana bilmədi və turniri 8-ci pillədə başa vurdu.

2019-cu ilin əsas turnirlərindən biri 8–14 apreldə Rumıniyanı Buxarest şəhərində baş tutan Avropa Çempionatı oldu. Əvvəl sahib olduğu formanı tam bərpa edən Sabah Şəriəti, turnirin iddialı güləşçilərindən biri idi. Sabah Şəriəti birinci görüşdə Çexiya nümayəndəsi Stepan David ilə üz-üzə gəldi. Həmin görüşdə o, 7:1 hesabı ilə qalib gəldi və 1/8 final mərhələsinə adladı. Bu mərhələdə Sabah Şəriəti üç dəfə Dünya, yeddi dəfə isə Avropa Çempionatlarının qalibi olan ilə üz-üzə gəldi və bu səfərdə rəqibinə məğlub oldu — 0:5. turnirin final görüşünə vəsiqə qazandıqından Sabah Şəriəti, təsəlliverici qrupda mübarizə apardı. Təsəlliverici qrupun birinci görüşündə o, Xorvatiya nümayəndəsi Ante Milhoviçi 10:2 hesabı ilə məğlub eləsə də, növbəti görüşdə Rumıniya təmsilçisi Alin Alexus-Çurariuya 0:2 hesabı ilə məğlub oldu. Bununla da Sabah Şəriəti Avropa Çempionatını yeddinci pillədə başa vurdu.

2019-cu ilin əsas turnirindən biri 20–30 iyunda Belarusda baş tutan II Avropa Oyunları oldu. 4 il əvvəl baş tutan Avropa Oyunlarının gümüş medalına sahib olan Sabah Şəriəti, bu səfərdə medal qazanmağa iddialı idi. Sabah Şəriəti 1/8 final mərhələsi çərçivəsində baş tutan birinci görüşdə 2 ay əvvəl Rumıniyada Avropa Çempionatında qalib gəldiyi Xorvatiya nümayəndəsi Ante Milhoviç ilə üz-üzə gəldi. Həmin görüşdə o, rəqibi üzərində təmiz qələbə qazandı və 1/4 final mərhələsinə adladı. Bu mərhələdə Sabah Şəriəti Gürcüstan təmsilçisi ilə qarşılaşdı. "Köhnə rəqiblər" 4 il əvvəl baş tutan analoji turnirdə də üz-üzə gəlmişdi və o zaman üstün tərəf Sabah Şəriəti olmuşdu. Bu səfər isə görüşdə qalib gələn tərəf oldu. Gərgin idman mübarizəsi şəraitində baş tutan görüşdə o, rəqibi üzərində 10:4 hesabı ilə qalib gəldi. turnirin final görüşünə vəsiqə qazandıqından Sabah Şəriəti, təsəlliverici qrupda mübarizə apardı. Təsəlliverici qrupun birinci görüşündə o, Litva nümayəndəsi Romas Fridrihas ilə üz-üzə gəldi. Həmin görüşdə Sabah Şəriəti 3:1 hesabı ilə qalib gəldi və bürünc medal uğrunda görüşə vəsiqə qazandı. Həlledici görüşdə o, Norveç təmsilçisi Oscar Marvi ilə qarşılaşdı. Gərgin idman mübarizəsi şəraitində baş tutan görüşdə Sabah Şəriəti rəqibi üzərində 3:2 hesabı ilə qələbə qazandı və II Avropa Oyunlarının bürünc medalına sahib oldu.

Sabah Şəriəti Avropa Oyunlarından sonra birinci uğuruna 2020-ci ilin yanvarında imza atdı. Sabah Şəriəti Fransanın Nitsa şəhərində baş tutan Fransa Qran-Prisi beynəlxalq turnirində mübarizə apardı və final görüşündə Qazaxıstan nümayəndəsi Nurmahan Tinəliyev üzərində qələbə qazanaraq turnirin qızıl medalına sahib oldu.

2020-ci ilin əsas turnirindən biri İtaliyanın Roma şəhərində baş tutan Avropa Çempionatı oldu. Sabah Şəriəti Avropa Çempionatının 1/8 final mərhələsinə çərçivəsində baş tutan birinci görüşündə Ermənistan nümayəndəsi David Ovasapyan ilə üz-üzə gəldi. Həmin görüşdə o, rəqibi üzərində 3:0 hesabı ilə qələbə qazandı və 1/4 final mərhələsinə adladı. Bu mərhələdə Sabah Şəriəti ötən il Buxarest şəhərində baş tutan analoji turnirdə məğlub olduğu Rumıniya təmsilçisi Alin Alexus-Çurariu ilə qarşılaşdı və bu səfərdə ona məğlub oldu — 2:3. Rəqibi turnirin final görüşünə vəsiqə qazandıqından Şəriəti, təsəlliverici qrupda mübarizə apardı. Təsəlliverici qrupun birinci görüşündəcə Sabah Şəriəti Rusiya nümayəndəsi Zurab Qedexauri ilə üz-üzə gəldi və rəqibinə məğlub olaraq Avropa Çempionatını yeddinci pillədə başa vurdu. Avropa Çempionatından sonra Sabah Şəriəti uzun müddət zədələrdən müalicə olundu və buna görə də turnirlərdə mübarizə aparmadı.

Zədələrdən müalicədən sonra Sabah Şəriəti birinci turnirinə 2021-ci ilin 14–18 yanvarında Fransanın Nitsa şəhərində baş tutan Fransa Qran-Prisi beynəlxalq turniri çərçivəsində qatıldı. Turnirin qrup mərhələsində o, Çili nümayəndəsi Yasmani Ahosteyə məğlub oldu, Gürcüstan təmsilçisi Sulxani Buidzeyə isə qalib gəldi. Həmin nəticələrə əsasən Sabah Şəriəti turnirin gümüş medalına sahib oldu. Bundan sonra Sabah Şəriəti ciddi zədə səbəbindən 1 il 5 ay müddətində beynəlxalq turnirlərdə mübarizə apara bilmədi.

Sabah Şəriəti 16 aydan sonra birinci uğuruna 2022-ci ilin 22–25 iyununda İtaliyanın Roma şəhərində baş tutan Matteo Pellisonenin xatirəsinə həsr olunan beynəlxalq turnirdə imza atdı. Sabah Şəriəti turnirin 1/8 final mərhələsində Macarıstan təmsilçisi Dariusz Vite üzərində 8:0, 1/4 final mərhələsində isə ABŞ nümayəndəsi Kolton Şultz üzərində 10:0 hesabı ilə inamlı qələbə qazandı və turnirin yarım-final mərhələsinə adladı. Finala gedən yolda o, Azərbaycan yığmasının üzvü Beka Kandelaki ilə üz-üzə gəldi. Gərgin idman mübarizəsi şəraitində baş tutan görüş 1:1 hesabı ilə başa çatdı. Qaydalara əsasən son xalı qazanan güləşçi görüşün qalibi hesab olunurdu. Nəticədə Sabah Şəriəti son xalı qazandığı üçün görüşdə qalib gəldi və final görüşünə vəsiqə qazandı. Həlledici görüşdə o, ilə qarşılaşdı. Bundan əvvəl Sabah Şəriəti, rəqibi ilə dörd dəfə üz-üzə gəlmişdi və hamısında məğlub olmuşdu. Bu səfər də Sabah Şəriəti təcrübəli və titullu rəqibinə məğlub oldu — 0:4. Bununla da o, beynəlxalq turnirin gümüş medalına sahib oldu.

Sabah Şəriəti növbəti turnirinə avqustda Konyada baş tutan V İslam Həmrəyliyi Oyunları çərçivəsində qatıldı. Qrup mərhələsində Özbəkistan nümayəndəsi Mumincon Abdullayev və Qazaxıstan təmsilçisi Anton Savenho üzərində qələbələr qazanan Sabah Şəriəti, turnirin yarım-final mərhələsinə adladı. Bu mərhələdə o, Türkiyə nümayəndəsi Osman Yıldırım ilə üz-üzə gəldi və rəqibinə 1:3 hesabı ilə məğlub oldu. Bürünc medal uğrunda görüşdə isə növbəti dəfə Qazaxıstan təmsilçisi Anton Savenhdan üstün olan Sabah Şəriəti, V İslam Həmrəyliyi Oyunlarının bürünc medalına sahib oldu.

2022-ci ilin əsas turniri 10–18 sentyabrda Serbiyanın Belqrad şəhərində baş tutan Dünya Çempionatı oldu. Turnirin birinci görüşündə Hindistan nümayəndəsi Satiş Antil üzərində 10:1 hesabı ilə qələbə qazanan Sabah Şəriəti, 1/8 final mərhələsində İran təmsilçisi Amin Mirzəzadəyə 0:10 hesabı ilə məğlub oldu. Rəqibi turnirin final görüşünə vəsiqə qazandıqından Sabah Şəriəti, təsəlliverici qrupda mübarizə apardı. Təsəlliverici qrupun birinci görüşündə Qazaxıstan nümayəndəsi Alimxan Sizdiqova 3:2 hesabı ilə qalib gələn Sabah Şəriəti, növbəti görüşdə Gürcüstan təmsilçisi Yaqub Kacayaya 3:5 hesabı ilə məğlub oldu və Dünya Çempionatını yeddinci pillədə başa vurdu.

2013-cü ildə Sabah Şəriəti əvvəl fevralda Xorvatiyanın Zaqreb şəhərində baş tutan Zagreb Open beynəlxalq turnirində uğursuz çıxış elədi və turniri 18-ci pillədə başa vurdu. Apreldə isə Sabah Şəriəti Avropa Çempionatının final görüşündə Türkiyə nümayəndəsi Rıza Kayaalpa məğlub olaraq Avropa Çempionatının gümüş medalına sahib oldu.

•   "Tərəqqi" medalı — Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Sabah Saleh oğlu Şəriəti "Tərəqqi" medalı ilə təltif edildi.
• Azərbaycan Prezidentinin fəxri diplomu — Azərbaycan Prezidenti İlham Əliyevin 1 sentyabr 2016-cı il tarixli 2292 nömrəli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Sabah Saleh oğlu Şəriəti Azərbaycan Prezidentinin fəxri diplomu ilə təltif edildi.

• Gənclər və İdman Nazirliyinin (GİN) versiyasına görə 2016-cı ilin ən yaxşı 25 idmançından biri.

• Azərbaycan 2016 Yay Olimpiya Oyunlarında