Riqa (latış. Rīga‎) — Latviyanın paytaxtı və Baltikyanı ölkələrdə ən böyük şəhər.

Riqa
Rīga
Bayraq[d] Gerb[d]
Bayraq[d] Gerb[d]
56°56′51″ şm. e. 24°06′25″ ş. u.
Ölkə
Tarixi və coğrafiyası
Əsası qoyulub 1201
Sahəsi
  • 304 km² (1 yanvar 2023)
  • 253,05 km² (1 yanvar 2023)
Mərkəzin hündürlüyü 6 ± 1 m
Saat qurşağı
  • Şərqi Avropa yay vaxtı[d]
  • Şərqi Avropa vaxtı[d]
Əhalisi
Əhalisi
  • 660.187 nəf. (1 yanvar 2023)
Rəsmi dili
Rəqəmsal identifikatorlar
Telefon kodu +371 66-67
Poçt indeksi LV-1000
Nəqliyyat kodu LV
Digər
Riqa xəritədə
Riqa
Riqa
Vikianbarın loqosu Vikianbarda əlaqəli mediafayllar

Şəhər Dauqava çayı üzərində, Riqa körfəzinin yaxınlığında yerləşir. SSRİ dağıldıqdan sonra müstəqillik qazanmış ölkənin (1991) paytaxtında yaşayan rusların (180 000 nəfər) şəhəri tərk etməsi ilə şəhər əhalisinin sayı xeyli azalmışdır. Riqa ölkənin siyasi, iqtisadi və mədəni mərkəzidir. Qədim liman şəhəri olan Riqa yeni stildə tikililərlə bərabər illərdən bəri qorunub saxlanmış köhnə məhəllələrə də malikdir.

Tarixi

1150-ci ildən isveçli tacirlər Dauqava çayı ətrafında, kiçik çay olan Ridzeneyə daimi olaraq alverə gəlirlər. Bu çay sonralar torpaqla doldurulur. Yalnız bugünkü küçələrin işləri əsasında bu çayın yerini təyin etmək mümkündür. XII əsrin sonuna yaxın alman tacirləri Latviyaya getməyə başlayırlar. 1201-ci ildə Bremendən olan episkop Albert fon Buksıveden tərəfindən yaradılan şəhər Riqa (Ridzne sözünün almanca tələffüzündən əmələ gəlmişdir) Latviyanın paytaxtına çevrilir. Episkopunun tabeçiliyində olan Riqa getdikcə ticarət mərkəzinə çevrilir. İlk dövrlərdə Riqa sürətlə inkişaf edir. Belə ki, şəhərin sahəsi 30 il ərzində 6 dəfəyə qədər böyüyür. 1211-ci ildən əsasən tacirlərdən ibarət şəhər sakinləri formalaşmağa başlayır. 1225-ci ildən sakinlər şəhər başçısını özləri seçmək hüququnu qazanırlar. Riqa şurası ilk dəfə olaraq 1225-ci ildə sənədlərdə qeyd olunmuşdur və ehtimala görə 1222/23-cü illərdən fəaliyyət göstərmişdir.

Alman tabeçiliyində

Şərqdə müstəmləkəçilik siyasəti daxilində episkoplar, əsasən isə almaniyadan olanlar Latviya ərazilərini əz əllərinə keçirməyə çalışırlar. Burada onlar cəngavərlərdən ibarət olan Alman Ordeni tərəfindən dayaqlanırdılar. Alman Ordeni sərbəst fəaliyyət göstərən, kilsənin tabeçiliyində olan təşkilat idi. O tezliklə Riqanın episkopu ilə qarşıdurma yaradır. Livland ərazisində fəaliyyət göstərən Ordenin bölməsi belə adlanan "Landmayster"in tabeleyində idi.

Riqa episkopu və Alman Ordeni arasında sürən, istər silahla, istərsə də danışıq prosesləri ilə müşaiət olunan çəkişmələr birbaşa Papa tərəfindən nəzarət edilirdi. Episkoplar o cümlədən alman imperatorluğu da daxil olmaqla yaxınlıqda yerləşən ölkələrdə, şəhərlərdə kömək axtarırlar. 1492-ci ildə Neuermöhlen ətrafında getmiş döyüşlərdən sonra, Riqa şəhərinin episkopu Alman Ordenini şəhərin müdafiəçisi kimi qəbul edir və sonra öz ordusu ilə onun tərkibində Smolina gölü ətrafında gedən döyüşlərdə (1502) iştirak edir.

1522-ci ildə Riqa islahat hərəkatına qoşulur. Bu episkopların hakimiyyətinin sonu demək idi. Riqanın sonuncu episkopu Vilhelm fon Brandenburg olmuşdur. Onun getməsindən sonra 1561-ci ildə şəhər Polşa-Litva tərəfindən tutulur. 1621-ci idə Riqa isveç şahı İİ Qustav tərəfindən zəbt edilir. 1656–1659-ci illərdə gedən rus-isveç müharibəsi zamanı Riqa mühasirədə qalsa da o XVİİİ əsrin əvvəlinə qədər İsveçin tərkibində qalır. Bu ərəfədə şəhər sərbəst fəaliyyət göstərir. 1710-cu ildə İ Pyotr şimalda apardığı müharibələr zamanı Riqanı zəbt edir və bu 1721-ci il Niştadt sülh müqaviləsi ilə nəticələnir. Riqa Çar rusiyasına qatılır və 1796-cı ilə qədər Baltikyanı quberniyasının paytaxtı olur. XİX əsrin sonuna kimi Riqa mühüm dəniz limanına çevrilir. Rusiya müstəmləkəsi olmasına baxmayaraq o öz alman stilli şəhər strukturunu qoruyub saxlayır. 1891-ci ilə qədər rəsmi dil kimi alman dili işlədilirdi. Bundan sonra isə rəsmi dil rus dili olur.

Dünya müharibəsi

 
3 sentyabr 1917-ci ildə alman qoşunlarının Riqaya daxil olması.

1913-cü ildə Riqanın əhalisinin 40% latışlar, 20% ruslar, 13% almanlar və təxminən 7% yəhudilər təşkil edirdi. Bundan əlavə nəzərə çarpacaq dərəcədə polşa və litva azlıqları da vardı.

1881-ci ildə nisbət almanların xeyrinə dəyişir. Onların nisbəti 30% təşkil edir. Yerdə qalanının 33% latış, 19% rus və 8,5% yəhidi idi. Şəhərin inkişafı birinci dünya müharibəsi səbəbindən dayandırılır. Müharibə zamanı şəhərin əhalisinin 200 minini Çar rusiyası işçi kimi ölkənin mərkəzinə aparır.

1917/18-ci illərdə almanların zəbtindən sonra latviyalılar 18 noyabr 1918-ci ildə öz müstəqilliklərini elan edirlər. Qırmızı Ordu inqilabdan sonra onların bu müstəqilliyinin ləğvini əldə edə bilmir və baltikdən geri çəkilmək məcburiyyətində qalır. Ancaq bu müstəqillik uzun çəkmir. 1939-cu ildə Hitler-Stalin arasındakı pakta əsasən Latviya yenidən rusların tabeçiliyinə keçir. Bu zaman baltik almanlari, almaniya tərəfindən yeni zəbt olunmuş Varteqauya köçürülürlər. 17 iyun 1940-cı ildə sovet tankları Riqanın mərkəzinə daxil olurlar. Riqa Latviya Sosialist Respublikasının paytaxtı olur.

İkinci dünya müharibəsi başlayandan sonra 1941-ci ildə Riqa alman ordusu tərəfindən yenidən tutulur. 1941–44-cü illərdə şəhər Şərqi rayxskommisariatın mərkəzi olur. Bu ərəfədə şəhərdə yaşayan 4000 yəhudi həbs olunaraq konslaqerlərdə həlak olurlar.

1944-cü ildə Riqa rus ordusu tərəfindən zəbt edilir. Döyüşlərdə şəhərin böyük hissəsi dağıdılır. Bu işğal 1990-cı ilə qədər davam edir.

SSRİ dağıldıqdan sonra, 21 avqust 1991-ci ildə Latviya yenidən öz müstəqilliyini qazanır. Riqa yenə də azad Latviyanın paytaxtı olur.

Əhali

 
Riqanın iqlim diaqramı
İl Əhalinin sayı
1767 19.500
1800 29.500
1840 60.000
1867 102.590
1881 169.329
1897 255.879
1913 472.068
1920 185.100
1930 377.900
1940 353.800
İl Əhalinin sayı
1941 335.200
1945 228.200
1950 482.300
1955 566.900
1959 580.400
1965 665.200
1970 731.800
1975 795.600
1979 835.500
1987 900.300
İl Əhalinin sayı
1990 909.135
1991 900.455
1992 889.741
1993 863.657
1994 843.552
1995 824.988
1996 810.172
1997 797.947
1998 786.612
1999 776.008
İl Əhalinin sayı
2000 764.329
2001 756.627
2002 747.157
2003 739.232
2004 735.241
2005 731.762
2006 727.578
2007 722.485
2008 719.613
2010 709.145
 
Riqanın köhnə hissəsinin Dauqava çayı üzərindən görünüşü

Qardaş şəhərləri

Riqanın aşağıdaki siyahılanmış şəhərləri ilə qardaş şəhəri sayılır:

Şəhərin görməli yerləri

Şəhərin əsas görməli yeri UNESCO tərəfindən qorunan onun qədim hissəsidir. Dunay çayının sağ tərəfində yerləşən bu köhnə hissə indiyə kimi öz qədimliyini saxlamışdır.

Şəhərin görməli yerlərindən:

İstinadlar

  1. Г. Ф., В. Р—в, Л. В. Рига (rus.). // Энциклопедический словарь СПб: Брокгауз — Ефрон, 1899. Т. XXVIа. С. 680–683.
  2.  (alm.). 1994.
  3. . Central Statistical Bureau of Latvia.
  4. . Central Statistical Bureau of Latvia.
  5. . Riga City Council. 28 October 2022 tarixində . İstifadə tarixi: 5 December 2022.
  6. . Europeprize.net. 7 September 2013 tarixində arxivləşdirilib. İstifadə tarixi: 19 August 2013.
  7. . Web.archive.org. 14 November 2007. 14 November 2007 tarixində arxivləşdirilib. İstifadə tarixi: 26 July 2009.
  8. . Beijing Municipal Government. 17 January 2010 tarixində arxivləşdirilib. İstifadə tarixi: 23 June 2009. ()
  9. . Mairie de Bordeaux (French). 7 February 2013 tarixində arxivləşdirilib. İstifadə tarixi: 29 July 2013.
  10. . Délégation pour l’Action Extérieure des Collectivités Territoriales (Ministère des Affaires étrangères) (French). 7 February 2013 tarixində arxivləşdirilib. İstifadə tarixi: 29 July 2013.
  11. Frohmader, Andrea. . Das Rathaus Bremen Senatskanzlei [Bremen City Hall - Senate Chancellery] (German). 18 July 2011 tarixində . İstifadə tarixi: 9 August 2013.
  12. . Dallas-ecodev.org. 28 May 2010 tarixində arxivləşdirilib. İstifadə tarixi: 23 May 2010.
  13. . Kobe Trade Information Office. 21 April 2013 tarixində . İstifadə tarixi: 11 August 2013.
  14. . Taipei City Council. 2 November 2012 tarixində arxivləşdirilib. İstifadə tarixi: 23 August 2013.
  15. . 2016-11-10 tarixində . İstifadə tarixi: 2015-01-28.
  16. . um.warszawa.pl (polyak). Biuro Promocji Miasta. 4 May 2005. 11 October 2007 tarixində arxivləşdirilib. İstifadə tarixi: 29 August 2008. ()
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023