Bihar yoqa məktəbi

Svami Satyananda 19 yanvar 1964-cü il, Vasant Pançami günündə öz mürşidi Svami Sivananda Sarasvatinin xatirəsinə akhanda jyoti (əbədi çıraq) yandıraraq Bihar Yoqa Məktəbini (BSY) açmışdır.1960-cı illərin ortalarından etibarən məktəb yoqa təlim mərkəzinə çevrilmişdir. Mungerdə müntəzəm olaraq on beş günlük və bir aylıq kurslar, altı aylıq sadhana kursu və 1967-ci ildə doqquz aylıq Beynəlxalq Müəllimlər Hazırlığı kursu təşkil olunurdu.^[2]1968-ci ildə məktəbin təlimlərini yaymaq məqsədilə Svami Satyananda ilk dünya turuna çıxaraq Malayziya,Sinqapur,Avstraliya,Yaponiya,ABŞ,Kanada,İngiltərə,Fransa,Hollandiya,İsveç,Avstriya və İtaliyada olmuşdur. O, yoqanı insan şəxsiyyətinin fiziki,emosional və mənəvi tərəflərini tarazlaşdıran bir elm kimi təqdim edərək, onu həyatın bütün sahələrinə uyğun bir yol göstərmişdir.^[3]1969–1985-ci illər arasında isə o, Həm Hindistanda, həm də dünyanın müxtəlif ölkələrində dəfələrlə səyahət etmiş,yoqanı "qapıdan-qapıya, sahildən-sahilə" insanlara çatdırdı.

İclaslar və konqreslər bir çox ölkələrdə müntəzəm hal almış və Svami Satyananda müəllim, ilhamverici şəxsiyyət və yoqi kimi tanınmış, yoqa isə demək olar ki, hər evdə tanınan bir anlayışa çevrilmişdir.^[4]1973-cü ildə Bihar Yoqa Məktəbi həm Sri Svami Sivanandanın sannyasaya çıxmasının 50 illiyini, həm də Svami Satyanandanın 50 illik yubileyini qeyd etmək məqsədilə Qızıl Yubiley Yoqa Konvensiyasına ev sahibliyi etmişdir.^[5]Tədbirdə görkkəmli şəxslər — Dvarakapit Şankaracharyası Yaqudquru Svami Shahtananda, B. K. S İyenqar, Rishikeshdəki İlahi Həyat Cəmiyyətindən Svami Chidananda, Assamdan Svami Sivananda və Madrasdan Kaviyoqa Shuddhananda Bharati çıxış etmişlər.

1983-cü ildə Svami Satyananda Sarasvatinin mənəvi varisi Svami Niranjananda Sarasvati Bihar Yoqa Məktəbinin prezidenti vəzifəsini icra etməyə başlamışdır.^[6]1988-ci ildə isə Svami Satyananda Bihar Yoqa Məktəbini tərk edərək, ali sadhanaya yönəlmək və cəmiyyətin kənarda qalmış, yoxsul təbəqələrinin rifahı naminə çalışmaq üçün Charkhand ştatının Rikhia kəndinə köçmüşdür.^[7]Öz gurusunun göstərişinə əsasən,2009-cu ildə Svami Niranjananda bütün institut məsuliyyətlərindən imtina etmiş və sannyasa yolunu qəbul etmişdir. Hazırda o, paramahansa sannyasin həyat tərzi və sadhanaları ilə müstəqil bir sannyasin kimi yaşayır.

1994-cü ildə Yoqa Araşdırmaları İnstitutu yaradılmışdır. Məktəb həmçinin "Yoga Magazine" jurnalını nəşr etdi.

1970–1980-ci illərdə Bihar Yoqa Məktəbi öz yoqa təcrübələrini geniş şəkildə yaymışdır. Məktəbin əsas prinsiplərindən biri "yoqa təlimlərini həm ailə həyatı yaşayanlara, həm də sannyasinlərə ötürmək" idi.^[8]Hindistanda və dünyanın müxtəlif ölkələrindəki tibb mərkəzlərində, eləcə də məktəbin özündə, yoqa təcrübələrinin və yoqik həyat tərzinin astma, şəkərli diabet və ürək xəstəlikləri kimi xəstəliklər üzərində təsirini müəyyənləşdirmək üçün elmi tədqiqatlar aparılmışdır.1971-ci ildə Bilaspurda 40 günlük diabet düşərgəsi keçirilmiş,1978-ci ildə isə Orissa ştatının Sambalpur şəhərində diabet üzrə müalicə proqramı təşkil olunmuuşdur.1977-ci ildə Bihar Yoqa Məktəbində Yoqa Tədqiqat Mərkəzi yaradılmış, bu mərkəz sonradan genişlənərək 1984-cü ildə təsis olunmuş Yoqa Tədqiqatlar Fonduna çevrilmişdir.1982-ci ildə isə BSY, Dr. Hiroshi Motoyamanın həyata keçirdiyi yoqa və tədqiqat proqramına dəstək vermişdir.

Məktəb müxtəlif sənaye müəssisələrində — Bhilai Polad Zavodu, Tisco Camshedpur, Hindustan Copper Ltd, Barauni Neftayırma Zavodu Məmurlar Klubu, Assamdakı Hindistan Neft Korporasiyası, Qərbi Benqaliyadakı Haldia Neftayırma Zavodu, Trombaydakı BARC, Bhopaldakı BHEL, həmçinin kağız sənayesi,^[9]Hindistan dəmir yolları və hökumət müəssisələrində, o cümlədən Kolkata Hindistan Ticarət Palatası və Bhopal İdarəetmə və Təlim İnstitunda yoqa tədrisinə dəvət olunmuşdur. Bu proqramlarda iştirak edənlər işdə məhsuldarlığı artırmaq və nəticə etibarilə istehsalı yüksəltmək imkanı qazanmışlar. Korporativ sektordan əlavə olaraq, Svami Satyananda yoqa təlimlərini məktəblərə, həbsxanalara və terapevtik sahələrə də təqdim etmişdir.

Hindistanda yoqa üzrə tədqiqatlara Bombey şəhərində K. E. M Xəstəxanasında K. K. Datey və Orissadakı Burla Tibb Kollecində Dr. Panda tərəfindən başlanılmışdır. Daha sonra Avstraliyada xərçəngin müalicəsi və melatoninin artırılması, ABŞ-də isə ürək-damar xəstəlikləri, asılılıqlar, biofeedback və alfa dalğaları üzrə araşdırmalar aparılmışdır.

1987-ci ildə Bihar Hökumətinin Təhsil Nazirliyinin yeni təhsil siyasətinə əsasən bütün dövlət məktəblərində yoqanın tətbiqi məqsədilə Ganga Darshanda 300 məktəb müəlliminə yoqa təlimi keçirilmişdir.

1983-cü ildən etibarən Svami Niranjananda Satyananda Yoqa-Bihar Yoqa ənənəsin praktik və sosial tətbiqlər vasitəsilə cəmiyyətə təqdim etmişdir. Biznes sektoru, tibbi peşəkarlar, təhsil müəssisələri, dövlət qurumları və mənəvi təşkilatlar, seminarlar, təlimlər və dərslər üçün müraciət etmişdir.^[10]Yoqa Tədqiqatlar Fondu beynəlxalq səviyyədə Yoqa Astma Tədqiqat Düşərgələri keçirmiş,Böyük Britaniyada AIDS,Avropanın müxtəlif ölkələrində isə asılılıq mövzularında tədqiqatlar aparılmışdır.Bihar ştatında həbsxanalarda yoqa layihəsi həyata keçirilmişdir.Hindistan ordusu da yoqa öyrənmək və tətbiq etmək üçün məktəblə əlaqə saxlamışdır. Məktəb Bikanerdəki səhrada, Ladakhda və Siachen Buzlaq bazasında ordu personalı üçün yoqa düşərgələri təşkil etmişdir.

1993-cü ilin noyabrında Svami Niranjananda Bihar Yoqa Məktəbində Svami Satyanandanın sannyasa yoluna çıxmasının 50 illiyini qeyd etmək məqsədilə Tyag Qızıl Yubiley Dünya Yoqa Konvensiyasına ev sahibliyi etmişdir.^[11]Tədbirin açılış nitqini Rishikeshdəki İlahi Həyat Cəmiyyətindən Svami Chidananda Sarasvati söyləmişdir. Təxminən 16,000 nəfər iştirak etmiş və bir çox görkəmli alimlər, mənəvi şəxsiyyətlər və sənətçilər tədbirdə iştirak etmişdir.

2013-cü ildə Bihar Yoqa Məktəbinin təcrübəli müəllimləri və növbəti nəslin təlimçiləri tərəfindən Hindistanın müxtəlif yerlərində yoqa şivirləri, proqramlar və konvensiyalar keçirilmişdir.2013-cü ilin oktyabrında isə Mungerdə Bihar Yoqa Məktəbinin Qızıl Yubileyi və Dünya Yoqa Konvensiyası təşkil olunmuşdur.^[12]Bu tarixi tədbirdə 50 mindən çox yoqa praktikantı, müəllimi, tələbəsi və həvəskarı həm şəxsən, həm də internet vasitəsilə iştirak etmişdir. Konvensiya Bihar Yoqa Məktəbinin yoqa təbliğində 50 illik fəaliyyətinin tamamlanmasını qeyd etmişdir.

2015-ci ildə məktəb "Yoqanın İkinci Fəsli" adlanan mərhələyə başlamışdır. Bu mərhələ yoqanın məqsədini anlamaq və təcrübədən keçirmək üçün yoqa vidhya — yoqa elminin dərinliklərinin öyrənilməsinə həsr olunmuşdur. İkinci fəsildə əsas diqqət gündəlik həyatda tətbiq edilə bilən yoqa vidhya və yoqik həyat tərzinin inkişafına yönəlmişdir. Müəllim hazırlığı kursları dayandırılmış, bunun əvəzinə sağlamlıq üçün yoqa kapsulları və Hatha yoqa, Raja yoqa və Kriya yoqa üzrə ardıcıl yoqa yatrları təşkil etmişdir. Hər il bir ay davam edən "Proqressiv Yoqa Vidhya Təlimi" yalnız ciddi və sadiq tələbələr üçün təqdim olunmuşdur.2018-ci ildə keçirilən Munger Yoqa Simpoziumunda rəsmi olaraq İkinci Fəsil başlanmış və bu tədbirdə dünyanın müxtəlif ölkələrindən 1000-dən çox yoqaçarya və yoqa müəllimi iştirak etmişdir.2020-ci ildən etibarən Bihar Yoqa Məktəbi sağlamlıq və stresslə bağlı disbalansların idarəsi üçün onlayn təqdimatlar təqdim etməyə başlamışdır. Məktəb bu gün də müstəqil qurum olaraq fəaliyyət göstərir və onun heç bir filialı yoxdur.

Bihar Yoqa Məktəbi Asana, Pranayama, Pratyahara, Dharana və Dhyana kimi yoqa təcrübələrini öyrədir. Məktəbdə Kriya yoqa, Kundalini yoqa, Nada yoqa və Laya yoqa mərhələli şəklidə təqdim olunur.^[13]Bundan başqa, Raja yoqa, Jnana yoqa, Bhakti yoqa, Karma yoqa, Tantra, Samkhya və Vedanta fəlsəfələri tədris edilir. Yoqa burada həyat tərzi kimi qəbul olunur və gündəlik fəaliyyətlərin, münasibətlərin, düşüncələrin və emosiyaların keyfiyyətini artırmağa xidmət edir. Hatha yoqa texnikaları — Shatkarma, Asana, Pranayama, Mudra və Bandha birləşdirilmiş şəkildə öyrədilir.

Avstraliya Kral Komissiyası 1970–1980-ci illərdə Yeni Cənubi Uels,Avstraliyadakı Mangrove Mountaində yerləşən Satyananda Yoqa Aşramında baş vermiş uşaq istismarı iddialarını araşdırmışdır. İddia olunan sui-istifadə hallarının bir neçə fərd tərəfindən 1974–1989-cu illər arasında törədildiyi bildirmişdir. On bir şahid Avstraliyada, iki şahid isə həm Avstraliyada, həm də Hindistanda zorakılıq hallarını iddia etmişdir.^[14]Lakin bu ifadələr "araşdırma çərçivəsinə daxil deyil" və "yoxlanılmamış" hesab olunduğundan, yekun hesabatda Satyananda barəsində hər hansı nəticə çıxarılmamışdır.

Psixoterapevt Josna Pakhana və yoqa müəllimi və tədqiqatçısı Jaklin Hargreaves yazırlar ki,1970-ci illərdə Avstraliyadakı Satyanandanın Mangrove Mountain aşramında "şokedici səviyyədə istismar halları dərin kök salmışdı.^[15]"Onlar bildirirlər ki, Kral Komissiyası Svami Satyananda Sarasvatinin (1923–2009), Satyananda yoqa məktəbinin qurucusu və rəhbəri olaraq Mangrove Mountain aşramı (və onun mərkəzləri) üzərində ali səlahiyyətə malik olduğunu nəticə kimi qeyd etmişdir.

2019-cu ildə Hindistan Baş naziri Bihar Yoqa Məktəbinə yoqanın təşviqi və inkişafı sahəsində göstərdiyi əhəmiyyətli xidmətlərinə görə Milli Yoqa Mükafatını təqdim etmişdir.