Vaqif Səmədoğlu medalı – XX əsr Azərbaycan poeziyasının görkəmli nümayəndəsi, "60-cılar ədəbi nəsli"nin önücüllərindən biri və Azərbaycan sərbəst şeirinin reformatorlarından olan Vaqif Səmədoğlunun (1939–2015) adını daşıyan medal 2019-cu ildə Vaqif Səmədoğlu Mərkəzinin sədri, şairin həyat yoldaşı, yazıçı və şərqşünas Nüşabə Babayeva-Vəkilovanın təşəbbüsü ilə təsis olunub və Mərkəzin İdarə Heyətinin qərarı ilə verilir.

Vaqif Səmədoğlu medalı
Vaqif Səmədoğlu medalı
Ölkə	Azərbaycan
Tip	medal
Kimə verilir	ədəbiyyat və mədəniyyət adamlarına; ictimai xadimlərə
Status	hər il təqdim olunur
Statistika
Təsis tarixi	2019
İlk təltif	2019 Anar
Son təltif	2023 Səlim Babullaoğlu
Ardıcıllıq
Yüksək mükafat	yoxdur
Aşağı mükafat	yoxdur

Həm azərbaycanlı, həm də dünyanın müxtəlif ölkələrindən olan tanınmış ədəbiyyat və mədəniyyət adamları, ictimai xadimlər üçün nəzərdə tutulan medal əsas iki meyarla verilir:

1. Azərbaycan ədəbiyyatının və mədəniyyətinin, ayrıca olaraq Vaqif Səmədoğlu irsinin təbliğinə görə;
2. Dünya ədəbiyyatına və xüsusən dünya poeziyasına verdiyi töhfələrə görə;

Medal heykəltəraş və rəssam tərəfindən hazırlanıb.