Vikipediyaya xoş gəlmisiniz!

Mübariz İbrahimov — Azərbaycan hərbçisi, Azərbaycan Silahlı Qüvvələrində xidmət etmiş gizir. O, 2010-cu ildə Azərbaycanın Milli Qəhrəmanı və Azərbaycanda "ilin adamı" adlarına layiq görülmüşdür. Uşaq yaşlarından idmanın boks növü ilə məşğul olmuş Mübariz İbrahimov 2005-ci ildə orta təhsilini başa vurduqdan sonra hərbi xidmətə çağırılmışdır. Azərbaycan Daxili İşlər Nazirliyinə bağlı xüsusi təyinatlı qüvvələrdə xidmət etmiş İbrahimov iki il sonra hərbi xidmətini bitirmiş, 2009-cu ildə isə Azərbaycan Silahlı Qüvvələrinin sıralarında könüllü xidmətə başlamışdır. Mübariz İbrahimov 18 iyundan 19 iyuna keçən gecə məktub yazaraq, xidmət etdiyi bölmədə heç kimə xəbər vermədən Dağlıq Qarabağ təmas xəttinə doğru irəliləməyə başlamışdır. O, Tərtər rayonunun Çaylı kəndində yerləşən Ermənistan Silahlı Qüvvələrinin zastavasına basqın etmiş və bu döyüş əsnasında həlak olmuşdur. Baş tutan döyüş zamanı İbrahimov 4 erməni əsgərini öldürmüşdür. (Davamı...)

Robinzon Kruzo iqtisadiyyatı — iqtisadiyyatda bəzi fundamental məsələləri daha dərindən tədqiq etmək üçün istifadə olunan sadə struktur. Burada bir istehlakçı, bir istehsalçı və iki əmtəənin formalaşdırdığı iqtisadiyyat təsəvvür edilir. "Robinzon Kruzo" başlığı, 1719-cu ildə Daniel Defo tərəfindən qələmə alınmış eyniadlı romanın adından götürülmüşdür. İqtisadiyyatdakı düşüncə eksperimenti kimi, bir çox beynəlxalq ticarət iqtisadçıları, sadələşdirilmiş və idealizə edilmiş bu fərziyyəni real dünyadakı mürəkkəb halları sadə formada izah etmək qabiliyyətinə sahib olması səbəbindən vacib hesab etməkdədir. Nəzərdə tutulan fərziyyə odur ki, bir agentin olduğunu iqtisadiyyatın təhlili, çoxsaylı iqtisadi agentlərin olduğu real dünya iqtisadiyyatının işləmə prinsiplərini öyrənmək üçün faydalı məlumatlar aşkara çıxarır. Bu anlayış mikroiqtisadiyyatın bir hissəsi kimi istehlakçı və istehsalçı davranışlarını, o cümlədən iqtisadi tarazlığın daha yaxından öyrənilməsi üçün münasibdir. Əslində, iqtisadiyyatın digər sahələrində də Robinzon Kruzo iqtisadiyyatı strukturu eyni məqsəd üçün istifadə olunur. Məsələn, dövlət maliyyəsində Robinzon Kruzo iqtisadiyyatı, ictimai əmtəələrin müxtəlif növlərini və həmçinin müştərək mənfəətlərin müəyyən xüsusiyyətlərini təhlil etmək məqsədi güdür. Artım iqtisadiyyatında isə bu, zəif inkişaf etmiş və ya inkişaf etməkdə olan ölkələrin qənaət və investisiya vasitələrindən istifadə edərək daha davamlı inkişaf yoluna qədəm qoyması məqsədilə artım modelləri təkmilləşdirmək üçün istifadə olunur.

(Davamı...)

Gürcüstan azərbaycanlılarının siyahısı — (şəkildə Əlimərdan bəy Topçubaşov təsvir olunub) Gürcüstan hüdudlarında tarixən yaşayan və ya sadəcə doğulan azərbaycanlılar. Gürcüstanda yaşayan azərbaycanlıların etnik tərkibini qarapapaqlar, qıpçaqlar, saklar, gögərlər və digər türkdilli tayfalar təşkil edir. Hazırda azərbaycanlılar əsasən Gürcüstanın Borçalı (Aşağı Kartli diyarı), Kaxeti və Msxeta-Mtianeti bölgələrində, Acarıstan Muxtar Respublikasında, həmçinin Tbilisi, Rustavi şəhərlərində tarixən kompakt şəkildə yaşayırlar. (Davamı...)

• Əvvəlki günlərin şəkilləri

• Bakı Metropoliteninin sabiq sədri Tağı Əhmədov (şəkildə) vəfat edib.
• İsrailin Livanın paytaxtı Beyruta hava hücumu nəticəsində Hizbullah lideri Həsən Nəsrullah öldürülüb.
• Azərbaycan Milli Məclisinin VII çağırışı formalaşıb və məclisin ilk iclası keçirilib.
• Hizbullah üzvlərinin Livan və Suriyada istifadə etdikləri elektron cihazların partlaması nəticəsində azı 42 nəfər ölüb, minlərlə insan yaralanıb.

Aktual hadisələr: HƏMAS–İsrail müharibəsi  • İsrail–Hizbullah münaqişəsi  • Rusiya–Ukrayna müharibəsi  • Sudanda vətəndaş müharibəsi

• Arxiv
• Məqalə təklif et

• ... ki, "YouTube"un həmtəsisçisi Caved Kərim platformanın biznes qərarlarını tənqid etmək üçün dəfələrlə "Me at the zoo" adlı videosunun (videofaylda) təsvir hissəsindən istifadə edib?
• ... ki, Yaponiyanın Tsu şəhərində yerləşən Yapon Luvr Heykəltaraşlığı Muzeyinin yaradılması üçün 17 dəfə Parisə səfər edilib?
• ... ki, türk və ərəb dastanlarında haqqında bəhs edilən Bəttal Qazi obrazı VIII əsr Əməvi sərkərdəsi Abdullah Bəttala əsaslanır?
• ... ki, Azərbaycan Milli Qəhrəmanı Mübariz İbrahimovun nəşi 4 aydan artıq Ermənistan tərəfindən girov saxlanılıb?
• ... ki, 1934-cü ildə İranda, Fransada, İngiltərədə, Almaniyada və SSRİ-də Firdovsinin minillik yubileyi keçirilib?

• Arxiv
• Yeni məqalə yaz
• Məqalə namizəd göstər

• 1604 — Şekspirin "Otello" faciəsi ilk dəfə Londonun Uaythol sarayında səhnəyə qoyulub.
• 1800 — ABŞ prezidentlərinin iqamətgahı — "Ağ ev" istifadəyə verilib. Onun ilk sakini ABŞ-nin ikinci prezidenti Con Adams oldu.
• 1897 — İtaliya futbol klubu Yuventus yaradılıb.
• 1906 — "Füyuzat" jurnalının ilk sayı çapdan çıxıb.
• 1922 — Türkiyə Böyük Millət Məclisinin qərarı ilə 623 il tarixi olan Osmanlı İmperiyasının mövcudluğuna son qoyulub və sonuncu Osmanlı sultanı VI Mehmed taxtdan endirilib.
• 1925 — İranda Rza xan Pəhləvi hakimiyyətə gəlib və bununla Qacarların hakimiyyətinə son qoyulub.
• 1939 — Süni dölləmə yolu ilə ilk dovşan dünyaya gəlib.
• 1993 — Maastrixt sazişi qüvvəyə minib və Avropa İqtisadi Birliyi rəsmən Avropa Birliyi adlandırılıb.
• 1998 — Avropa İnsan Haqları Məhkəməsi təsis edilib.

Digər günlər: 31 oktyabr – 1 noyabr – 2 noyabr