Ana səhifənin Bilirsinizmi bölməsi vikipediya məqalələrində yer alan maraqlı faktları oxucularla tanış etmək, beləcə, həmin məqalərə diqqət çəkmək məqsədi daşıyır. Bu səhifə Bilirsinizmi bölməsi üçün fakt namizədliklərini koordinasiya etmək və bölməyə marağı artırmaq üçün nəzərdə tutulmuşdur.
Bilirsinizmi kriteriyaları
- Faktın yer aldığı məqalə vikiləşdirilmiş olmalı, məlumatları istinadlı olmalı və ən az 2000 bayt ölçüsündə (istinadları, cədvəlləri, siyahıları, şablon başlıqlarını çıxmaqla) olmalıdır.
- Fakt məqalənin içərisində etibarlı bir mənbə ilə göstərilməlidir, yəni mütləq istinadlı olmalıdır.
- Fakt oxucuda maraq oyadan, diqqəti cəlb edən, maraqlı bir məlumat ehtiva etməlidir. Standart məlumatlar (Bakı Azərbaycanın ən böyük şəhəri və paytaxtıdır, "Koroğlu" operasının müəllifi Üzeyir Hacıbəyovdur) bilirsinizmi bölməsində verilməməlidir.
- Fakt dəqiq və tez bir zamanda dəyişməyən bir məlumat ehtiva etməlidir.
Formatlaşdırma
- Fakt sadəcə bir cümlə şəklində verilməli, aydın və cəlbedici formada yazılmalıdır.
- Fakt cümləsində yer aldığı məqalənin adı qalın şriftlə verilməli və həmin məqaləyə keçid verilməlidir.
- Cümlənin uzunluğu 200 simvoldan (boşluqlar daxil) çox olmamalıdır.
- Fakt cümləsi tərəfsiz yazılmalıdır.
- Məqalə personaj və ya uydurma haqqındadırsa, cümlə real dünyaya uyğun şəkildə verilməlidir.
Fotolar
Bilirsinizmi bölməsindəki şəkil:
- Azad lisenziyalı olmalıdır.
- Məqalədə olmalı və fakt cümləsinə uyğun olmalıdır.
- Ölçüsü 160px-dən çox olmamalıdır.
- Fotonun aid olduğu fakt cümləsinin içərisində (şəkildə) yazısı qoyulmalıdır. Həmin fakt bölmədə ilk fakt kimi verilməlidir.