Bizim günlərdə Luvr Muzeyinin antik əşyalar bölməsinin işçisi olan Diana Prins, "" şirkətinin baş direktoru olan Brüs Ueyn tərəfindən Birinci Dünya Müharibəsi dövrünə aid və Diananın keçmişi ilə əlaqəli olan bir fotoşəkil alır.

Amazonların vətəni olan adasında doğulmuş və yaşayan Diana, amazon döyüşçüsü olmağı arzulasa da, onun anası Kraliça Hippolita, qızına döyüş sənəti ilə məşğul olmağı qadaqan edərək, insanların qədim dövrdə amazonları əsir etmələri, müharibə tanrısı insan xislətini pozması, Diananın atası Zevs də daxil olmaqla bütün tanrıları öldürməsi haqqında hekayələr danışır. Zevz ölməmişdən əvvəl, geri qayıdacağı tədirdə oğlu Aresi öldürməyə qadir silah bağışlayır. Anasının sözlərinə görə Diana gildən hazırlanmış və Zevs ona can vermişdir. Lakin, anasının qadağalarına fikir verməyən Dayana xalası ilə birlikdə gizlincə məşq edir. bundan xəbər tutur və Diananınn tanrı gücünə malik olmasını öyrənməsinə kimi məşqlərə icazə verir.

Dayana gənc qız yaşına çatdıqda ABŞ təyyarəçisi Stiv Trevor alman hərbçilərindən qaçarkən qəzaya uğrayır və Femiskira adası yaxınlığında suya düşür. Dayana Trevoru xilas edir, lakin, hərbçini izləyən Almaniya əsgərlərinin də Femiskiranı tapmasına səbəb olur. Bu zaman amazonlar və alman hərbçiləri arasında döyüş baş verir. Döyüşdə amazonların komandanı və kraliçanın bacısı Antioppa öldürülür.

Həqiqət qamçısının təsiri ilə Stiv Trevor amazonlara bildiyi məlumatları danışaraq insanlar dünyasında Birinci Dünya Müharibəsinin baş verməsi, özünün gizli casus olması, Osmanlı imperiyası ərazisində Almaniya üçün tərəfindən kimyəvi silahın hazırlanmasını bildirir. Bütün bunlarda Aresi günahlandıran Dayana müharibəni dayandırmaq üçün insanların dünyasına gəlmək qərarını verir. O, anasının qadağalarına qarşı çıxaraq özü ilə qılınc, qalxan, həqiqət qamçısı və onu Ecazkar qadına çevirən kostyumu götürür. Beləliklə, Dayana Aresi taparaq məhv etmək üçün Stivlə birlikdə Femiskiranı tərk edir.

Londonda Stiv Doktor Marunun qeydləri olan kitabçanı təhvil verir. Kabinetin üzvü olan Ser Patrik Morqan Almaniya ilə sülh danışıqlarına başlanılmasına çalışır. Stiv bildirir ki, Ludendorff sülh dövründə kimyəvi silah üzərində işləri tamamlayaraq onu insanlığa qarşı tətbiq edəcək, Dayana isə Ares olmasını ehtimal edərək onun məhv edilməli olduğunu, bundan sonra müharibələri başa çatacağını bildirir. Lakin, kabinet üzvləri onların fikirlərini ciddi qəbul etməyərək, məsələyə müdaxilə etmələrini qadağan edirlər. Bundan sonra cütlük gizli silahın hazırlandığı Belçika ərazisinə getməyə qərar verir. Ser Patrik onlarla gizlincə görüşərək dəstəyini ifadə edir. Stiv tanışlarından ibarət kiçik dəstək komandası yığır. Bu komandaya casus Samir, mahir atıcı Çarli və qaçaq Çif daxil olur. Belçika ərazisindən keçən hissəsinə çatan dəstə Dayananın başçılığı ilə alman müdafiə xəttini yararaq, almanların nəzarətində olan kəndi azad edir. Dayana və Stiv azadlığı yerli kəndlilərlə bir yerdə qeyd edirlər və bu zaman cütlük arasında yaxınlaşma baş verir.

Ludendorffun yaxınlıqda keçiriləcək balda iştirak edəcəyini öyrənən Stiv də hiylə ilə bala qatılır, Ludendorffu öldürməyi qarşısına məqsəd qoymuş Dayana isə onu izləyir. Stiv Dayananı dayandıraraq qətl törətməsinin qarşısını alır, az sonra Ludendorff kimyəvi silahı yaxınlıqdakı kənddə tətbiq edir. Londona hüçum üçün qaz bombalarının hazırlandığı meydanda Dayana Ludendorfu məğlub edərək öldürür. Lakin, sonradan gözlənilməz halda həmin yerdə Ser Patrik peyda olur və Dayana Aresin əslində Ser Patrik olmasını anlayır. O, Dayanaya insanlığın pozulmuş olmasını, özünüməhvə məhkum olduğunu, xilasa və ikinci şansa layiq olmadığını deyir.

Dayana bunun əksini bildirərək sevgi və mərhəmətin insanlığı xilas edəcəyini vurğulayır. Ares və Diana arasında baş verən döyüşdə, anasının onun mənşəyi haqqında yalan dediyini və əslində Zevsin amazonlara bağışladığı tanrıları öldürməyə qadir silahın özü olmasını öyrənir. Bombalarla dolu təyyarəni təhlükəsiz əraziyə aparmağa çalışan Stiv Diana ilə sağollaşarkən onu sevdiyini bildirir. Aresi məğlub edən Dayana həyatını insanlığın müdafiəsinə həsr etmək qərarı verir. Dəstə Londonda müharibənin başa çatmasını qeyd edən bayrama qatılır.

Bizim günlərdə Dayana Brüs Ueynə e-mail yazaraq fotoya görə təşəkkür edir və həyatın xilası missiyasını davam etdirəcəyini vurğulayır.

Əlavə olaraq, Liza Loven Konqsli Antopanın leytenantı Menalippini, Maylinq Ng, Florens Kasumba, Medelin Vall Beiyner və boksçu Enn Vulf amazonlar Orana, Senator Akanta, Egeriya və Artemidanı canlandırmışlar. Holland modeli Doutzen Kros amazon Vaneliyanı, Polad adam filmində Kar-Vex obrazını canlandırmış Samanta Co isə Euboea adlı amazonları canlandırmışlar.

Ecazkar qadın mövzusunda müstəqil filmin çəkilməsi üçün işlərə 1996-cı ildə start verilmiş, Ayvan Reytmenin prodüser və rejissor kimi çıxış edəcəyi güman edilmişdir. Üç il sonra layihə Con Kohenə təklif edilmiş, o isə Ecazkar qadını prodüser Coel Silverə təklif edərək, Sandra Ballokun baş rolu canlandıracağına güman etmişdir. Silver iki il sonra ssenarinin hazırlanması üçün Todd Alkotta müraciət etmiş, "Silver Pictures" isə layihəni dəstəkləmişdir. 2001-ci ilin mayında Leonard Qoldberq verdiyi müsahibədə Sandra Balloku güclü namizəd adlandırmışdır. Ballok bildirir ki, rolun ona təklif edilməsi zamanı, güləşçi Çayna da rolla maraqlanmışdır. Əvvəl bu roldan imtina etmiş "Zena"nın Lüsi Loulessi qeyd edir ki, Ecazkar qadın "səhvli qəhrəman" kimi təsvir edilsəydi daha yaxşı olardı. O zaman, ssenarinin Alkott, Kohen, Beki Conston və Filip Levens tərəfindən işlənmiş müxtəlif qaralama variantları mövcud idi, 2003-cü ilin avqustunda isə Levens ssenarist Laeta Kaloqridislə əvəzlənmişdir.

2005-ci ilin martında Warner Bros. və Silvester Pictures, Coss Uidonun (Vampir qatili Baffi) film üçün ssenari yazacağını və rejissorluq edəcəyini elan etdi , ödəniş məbləği kimi isə $2 — $3 milyon göstərildi. Həmin zaman Uidon "Sereniti" filmi ilə məşğul olduğuna görə "Ecazkar qadın"ın keçmişini öyrənmək üçün vaxt tələb edir və 2005-ci ilə kimi ssenari ilə məşğul olmur. 2005-ci ilin mayında Uidon bildirir ki, ssenarini tamamilə bitirməmiş aktyor seçiminə başlanmayacaq. Lakin, sonrakı iki ildə də Uidon ssenarini tamamlaya bilmir və layihəni tərk edir.

Uidonun layihəni tərk etməsindən bir gün əvvəl Warner Bros. və Silvester Pictures "Ecazkar qadın" filmi üçün Metyu Cennison və Brent Striklend tərəfindən yazılmış xüsusi ssenari alır. Hadisələrin İkinci Dünya Müharibəsi dövründə cərəyan etdiyi ssenari Silver Pictures rəhbərlərini heyran edir. Lakin, Silver elan edir ki, onların ssenarini almaqda əsas məqsədi hüquqların başqa ələ keçməməsidir; ssenaridə yaxşı ideyalar olsa da, Silver "Ecazkar qadın"ın tarixi dövr filmi olmasını istəmirdi. 2008-ci ilin aprelində Silver, Cennison və Striklendi işə cəlb edərək, Ecazkar qadının yaranmasını yox, Cənnət adasının tarixini təsvir edən və müasir dövrlə əlaqəli ssenari yazılmasını həvalə edir.

2010-cu ildə Warner Bros. Ecazkar qadın, və Akvamen personajları əsasında solo filmlər üzərində iş getdiyini elan edir. 2013-cü ildə həm Akvamen, həm də Ecazkar qadın personajları üçün solo filmlərin çəkilməsi gündəmdə idi. DC rəisi Diana Nelson qeyd edir ki, "mən fəaliyyətə başladığım gündən Ecazkar Qadın, DC və Warner Bros. Üçün, üç əsas prioritet personajdan biri olmuşdur. Biz hələ də çalışırıq, lakin layihə çox mürəkkəbdir." 5 oktyabr 2013-cü ildə WB sədri Kevin Tsudzihara qeyd edir ki, Ecazkar qadın personajının ya televiziyada ya da kinoda təqdim edilməsini istəyir. Bundan bir qədər sonra Pol Feyq studiyaya Ecazkar qadın haqqında döyüş filmi üçün ideyalar verdiyini deyir. Bundan sonra studiya filmi ekranlaşdırmaq üçün qadın rejissor axtarışına başlayır. Baxmayaraq ki, studiyanın ilk seçimi və layihə ilə maraqlanan ilk qadın rejissor olur , sonradan yaradıcılıq fərqlərinə görə layihəni tərk edir.

2015-ci ildə Allan Heynberq, Zak Snayder, Ceff Cons və Seyson Fuşun hekayəsi əsasında Allan Heynberq tərəfindən yazılmış ssenarinin ekranlaşdırılması işini rejissor öhdəsinə götürmüşdür. Gal Qadot qeyd edir ki, "uzun müddət ərzində insanlar bu hekayəyə necə yanaşmağı bilmirdilər. Biz Cenkinslə personajı müzakirə etdikdə belə qərara gəldik ki, Dayananı hələ ki, normal insan kimi təqdim etmək olar, çox qiymətli və bacarıqlı, lakin qadın kimi. O, hissiyyatlı ola bilər. O, ağılllı, müstəəqil və hissiyyatlıdır. O, insan ürəyinə malikdir." Cenkins studiya superqəhrəman filmini çəkmiş ilk qadın rejissor olmuşdur.

Bu versiya, Ecazkar qadının DC genişləndirilmiş kainatı çərçivəsində ilk layv-ekşn filmində göründüyü "Betmen Supermenə qarşı" üçün prikvel kimi hazırlanmışdır. Burada Ecazkar qadının Birinci Dünya Müharibəsinə müdaxilə etməsindən (bu onun mənşəyini İkinci Dünya Müharibəsi ilə əlaqələndirən komikslərdən fərqlənir) bəhs edilir. Hekayənin inkişafına təsir edən amillər kimi Cenkins, personajın yaradıcısı Uilyam Multon Marstonun 1940-cı illərdə nəşr etdirdiyi hekayələr və Corc Peresin 1980-ci illərdə yayımladığı modernləşdirilmiş obrazı göstərmişdir. Filmin ssenarisində DC komikslərinin Yeni 52 layihəsi çərçivəsində rebutu iyun zamanı yol verilmiş dəyişikliklər də izlənmiş və Dayan Zevsin qızı kimi təqdim edilmişdir.

"Betmen Supermenə qarşı" filminin aktyor seçimi zamanı, Qal Qadot, Elodi Yanq və Olqa Kurilenkonu geridə qoyaraq Ecazkar qadın rolu üçün təsdiqlənmişdir. Bəzi fanatlar ilkin olaraq bu seçimə etiraz edərək, Qadotun xarici görkəmini tənqid etmişlər. Sonradan seçimini izah edən Snayder bildirir ki, "O, güclü gözəl və mehriban insandır. Ən əsası isə Qadot eyi zamanda sərtlik və rəhm nümayiş etdirə bilir ki, bizə də lazım olan bu idi." Qadot canlandırdığı Dayana obrazını təsvir edərkən deyir ki, "O, ürəkli insandır, ona görə də hissiyyatlı ola bilər, o, qayğıkeşdir və insanları sevir. Həmçinin o, ilahi gücə malikdir. O, yalnız yaxşılıq tərəfdarıdır və həmişə xeyir üçün döyüşür." Qadot xüsusi olaraq vurğulayır ki, "Dayana çoxlu güc və bacarıqlara malik olsa da, yekun nəticədə hisslərlə yaşayan qadındır." Dayananın xarakterinin onun "Betmen Supermenə qarşı" filmində təqdim edilən xarici görünüşündən necə fərqlənməsi haqqında isə Qadot deyir ki, "Biz, onun daha sadəlövh olduğu yüz il əvvəlki dövrə qayıdırıq" və izah edir ki, "gənc idealist olan Dayana sizə filmdə təqdim edilmiş yetkin, təcrübəli və bacarıqlı qadından fərqlənir." Qadot rol üçün hazırlaşarkən dietadan istifadə etmiş və müxtəlif döyüş idman növləri ilə məşğul olmuşdur. Əvvəl Qal Qadota "Polad adam" filmində rol təklif edilsə də, həmin dövrdə hamilə olduğuna görə o, roldan imtina etmişdir; bu imtina sonradan ona Ecazkar qadın rolu üçün sınaqdan keçirilmə şansı yaratmışdır. Nəticədə Qadotla üç film haqqında müqavilə imzalanmış və o, "Betmen Supermenə qarşı" filmində debüt etmişdir.

Kris Payn, "dələdüz, müasir sivilizasiyanın qorxunc kobud xarakterini görmüş sinik realist" kimi təsvir etdiyi və əlavə olaraq,"sülhsevər və cazibədar oğlandır" olaraq vurğuladığı Stiv Trevor rolunu canlandırır. Yelena Anayanın rolu personajın kinoda debütüdür. Şon Bin və Yeva Qrin isə müvafiq olaraq Ares və rolları üçün nəzərdən keçirilmişdir. 2015-ci ilin noyabrında Səid Taqmaui elan edilməmiş rol üçün seçilmişdir.Nikol Kidmanla Ecazkar qadının anası Hipolita rolunu canlandırmaq haqqında danışıqlar aparılsa da, o, serialında çəkildiyinə görə, layihədən imtina etmişdir.

İstehsala 21 noyabr 2015-ci ildə"Bülbül" iş adı altında start verilmişdir. Filmin çəkilişləri İngiltərənin Kent qraflığı ərazisindəki Aşağı Halstou kəndində, Londondakı Avstraliya Evi, Kinqs-Kross stansiyası və Trafalqar meydanı, Parisdə Luvr muzeyi, Cənubi İtaliyada şəhəri, qəsri, şəhəri, kommunası ərazilərində aparılmışdır. Metyu Censen quruluşçu operator olmuş, bütün çəkilişlər Böyük Britaniya, Fransa və İtaliya ərazisində aparılmışdır. London çəkilişləri 13 mart 2016-cı ildə tamamlanmışdır. 20 mart 2016-cı ilə kimi İtaliyada çəkilişlər aparılmışdır. Aprelin sonlarında çəkilişlər Luvr muzeyində aparılmış, burada "Wayne Enterprises" şirkətinə məxsus avtomobil Qadotla bir yerdə görünmüşdür. Çəkilişlər 9 may 2016-cı ildə tamamlanmışdır. Patti Cenkins və Mett Censen, çəkilişlər zamanı ABŞ rəssamı əsərlərindən ilhamlandıqlarını bildirmişlər. Əlavə çəkilişlər 2016-cı ilin noyabrında aparılmış və bu zaman Qadot beş aylıq hamilə olmuşdur. Bu zaman aktrisanın qarın hissəsinə xroma-key geyim bərkidilmiş və post-prodakşn zamanı lazımlı detallarla əvəz edilmişdir.

Ecazkar qadının vətəni döyüş səhnəsinin çəkilməsi üçün ideal yer axtarışında olan film prodüserləri bütün dünyada axtarışlar etdikdən sonra nəhayət, Cənubi İtaliyanın Salerno əyalətində, Tirren dənizində yerləşən üzərində seçim edirlər. Belə seçim edilməsinin səbəbi, qayalıqlar altında yerləşən vəhşi çimərliklərin günbəgün azalmasıdır. Quruluşçu dizayner Alin Bonetto və onun yerlər üzrə meneceri Çarlz Somers lazım olan məkanın tapılmasından əvvəl 47 məkanı gözdən keçirmiş və onlardan bəzilərində olmuşdular. Alin Bonetto qeyd edir ki, "İtaliya gözəl hava şəraitinə malikdir, dəniz mavi-yaşıl çalardadır, nə çox dərin, nə də çox dalğalı deyil. Bizim işçi qrupu post-prodakşnda bir neçə qaya əlavə etdi və beləliklə seçdiyimiz məkan ideal yerə çevrildi."

Bill Vestenhofer filmdə vizual effektlər üzrə supervayzer , Martin Uelş isə montajçı kimi çıxış etmişdir.

  Əsas məqalə: Ecazkar qadın (film musiqisi)

3 noyabr 2016-cı ildə Böyük Britaniyalı film bəstəkarı film musiqisinin yazılması üçün layihəyə cəlb edilmişdir. Sonradan ona Tom Hou, Pol Munsi və Endryu Kaçinski də qoşulmuşdur. Musiqi albomu filmlə eyni gündə CD, Dijital və vinil formatlarında çıxarılmışdır.

Avstraliya müğənnisi Sia, İngiltərə musiqiçisi birlikdə film üçün "To Be Human" adlı mahnı ifa etmişdir. Mahnının müəllifləri və Rik Nouelsdir.

Filmdə həmçinin, Klifford Qrey və Net Eyer tərəfindən yazılmış, Edqar Trevor və Sesil Kuper tərəfindən ifa edilmiş "Another Little Drink Wouldn't Do Us Any Harm", Fred Qadfrey və Uill Letters tərəfindən yazılmış, Ella Retford tərəfindən ifa edilmiş "Molly O'Morgan", Cek Cadc və Harri Vilyams tərəfindən yazılmış "It's a Long Way to Tipperary", Jan Rodor və Vinsent Skotto tərəfindən yazılmış, Lüsyen Delil tərəfindən ifa edilmiş "Sous les ponts de Paris", Edvard Lokton və Alan Mürrey tərəfindən yazılmış, Yuen Bremner tərəfindən ifa edilmiş "I'll Walk Beside You", Robert Börns tərəfindən yazılmış və Yuen Bremner tərəfindən ifa edilmiş "Green Grow the Rushes, O", İohann Ştrauss tərəfindən yazılmış və Berlin Simli Alətlər Kvarteti tərəfindən ifa edilmiş "Schatzwalzer Op. 4" musiqilərindən istifadə edilmişdir. "Betmen Supermenə qarşı" filminin Hans Zimmer və Junkie XL tərəfindən yazılmış "Is She with You" adlı musiqisi də "Ecazkar qadın" film musiqisinin yazılması zamanı istifadə edilmişdir.

"Ecazkar qadın" filminin premyerası 15 may 2017-ci ildə Şanxayda keçirilmişdir. Filmin 31 may 2017-ci ildə Londonun Odeon Leyçester Meydanı kinoteatrında keçirilməsi nəzərdə tutulan premyerası Mançester Arenada baş vermiş terror hadisəsindən sonra təxirə salınmışdır. Filmin ABŞ premyerası 25 mayda Los-Ancelesdə, Latın Amerikası premyerası isə 27 mayda Mexikoda keçirilmişdir. İlkin olaraq 23 iyunda çıxrılması planlaşdırılan film, bütün dünyada əsasən 2 iyun 2017-ci ildə çıxarılmışdır. Film həm də IMAX versiyada təqdim edilmişdir. Belçika, Sinqapur və Cənubi Koreyada film daha tez, 31 may 2017-ci ildə təqdim edilmişdir. 17 aprel 2017-ci ildə Ecazkar qadın filminin Çində 2 iyunda yayıma girəcəyi elan edilmişdir.

Superqəhrman janrında çəkilmiş "Superqız" teleserialının uğurları "Ecazkar qadın" filminin marketinq istiqamətlərinin müəyyənləşdirilməsinə kömək etmişdir. ""in direktoru Kristen O'Haranın sözlərinə görə, onlar "Ecazkar qadın" filminin marketinq kampaniyasını da "Superqız" serialının marketinqi kimi qurmağı planlaşdırırdılar. O’Haranın sözlərinə görə, "Superqız" üçün seçilmiş ucuz marketinq yolu, qısa zamanda serial ətrafında geniş qadın fanat ordusu toplamağa kömək etmiş və ilk seriyanın efirə çıxmasına yaxın 5 milyona yaxın qadın superqəhrəman fanatı toplamışdı. Daha sonra, filmin çıxarılmasına on beş ay qalmış "Ecazkar qadın" filminin geniş təbliğinə başlanmışdır. Baxmyaraq ki, nə teleserial, nə də film sırf qadın auditoriyası üçün nəzərdə tutulmamışdı, aparılmış kampaniya film ətrafında ilk qadın superqəhrəman fanatları ordusu toplamağa imkan verdi. 2017-ci ilin mayında "Superqız" teleserialının mövsüm finalının yayımı zamanı "Ecazkar qadın" filminin promo videosu yayımlandı, "'" mahnısının sədaları altında Superqız (Melissa Benoyst) Ecazkar qadının çəkmələrində təqdim edildi. Promo videoda 1970-ci illərdə Ecazkar qadın obrazını canlandırmış, hazırda isə "Superqız" telesrialında ABŞ prezidenti rolunu oynayan aktrisa də yer almışdı.

"Ecazkar qadın" filminin televiziya reklamına çəkilən xərc "İntiharçılar dəstəsi" filmi ilə müqayisədə daha çox olmuşdu. "Warner Bros." "İntiharçılar dəstəsi"nin reklamına $2.6 milyon, "Ecazkar qadın" filminin reklamına isə $3 milyon xərcləmişdi.

Onlayn bilet satışı xidməti göstərən "Fandango"nun verdiyi məlumata görə, kompaniya tarixində keçirilmiş 10.000 adamı əhatə edən ən böyük sorğunun nəticələrinə əsasən, "Ecazkar qadın" marketinq kampaniyasının həlledici mərhələsini 2017-ci ilin ən çox gözlənilən blokbasteri kimi yekunlaşdırmışdır. Bundan əlavə, sorğuda iştirak edənlərin 92%-nin müstəqil superqəhrəman qadın personajı əzasında çəkilmiş filmi səbirsizliklə gözlədiklərini, 87%-i isə Hollivudda bu cür filmlərin az çəkilməsinə görə təəssüfləndiklərini bildirmişlər.

2017-ci ilin mayında NASCAR sürücüsü , 10 No. avtomobilini, Kanzasda keçirilən "Go Bowling 400" və Şarlottda keçirilən "Monster Energy Open" yarışlarında "Ecazkar qadın" mövzulu printlərlə bəzəmişdir.

31 may 2017-ci ildə, İqtisadiyyat və Ticarət Nazirliyinin tələb ilə "İsrail dəstəkçilərinin boykot edilməsi" kampaniyası çərçivəsində "Ecazkar qadın" filmi Livanda qadağan edilmişdir. Buna səbəb kimi isə, filmdə Ecazkar qadın rolunu canlandırmış Qal Qadotun keçmişdə İsrail ordusunda qulluq etməsi göstərilmişdir. 7 iyunda jurnalının verdiyi məlumata görə, "Al-Chaab" partiyasının etirazı və "Tunis Gənc Hüquqşünaslar Assosasiyası"nın müraciətindən sonra, Tunis məhkəməsi də Qadotun İsrail vətəndaşlığına malik olması, hərbi qulluq keçməsi və 2014-cü il Qəza müharibəsi zamanı İsraili dəstəkləməsinə görə "Ecazkar qadın" filminin kinoteatr yayımın ölkədə qadağan etmişdir.İordaniyada da filmin qadağan ediləcəyi haqqında məlumat yayılsa da, 11 iyunda "Al Bawaba" xəbər portalı bunun üçün hüquqi əsas olmadığını bildirmişdir.

Bəzi kişi tamaşaçılar, Ostindəki "Alamo Drafthouse Cinema" kinoteatrının yalnız qadınlar üçün seanslar təşkil etməsini kişilərə qarşı seksizm kimi qiymətləndirmişdir.

Alabani Hüquq Məktəbinin professoru Ostin Bərabər Məşğulluq və Ədalətli Mənzil İdarəsinə müraciət edərək kinoteatrın potensial kişi müştərilərinin hüquqlarını pozmasını bildirmişdir.

Kinoteatrlar şəbəkəsi insidentlə bağlı məlumat yayaraq "biz filmin hər kəs tərəfindən izlənməsini istəyirik" deyə bildirmiş və oxşar şəkildə Bruklindəki kinoteatrda da oxşar seansların təşkil edilməsini xəbər vermişdir. "Biletlər satışa çıxarıldıqdan bir saat sonra tamamilə satıldığına görə, biz əlavə seanslar təşkil etməyə məcbur oluruq" deyə kinoteatrdan bildirmişlər.

"Ecazkar qadın" filmi əsasən tənqidçilər tərəfindən müsbət qarşılanmış, bir çox tənqidçilər onu daxil olan ən yaxşı film adlandırmış, Cenkinsin rejissorluğu, Qadot və Paynın aktyor işi və aralarındakı qarşılıqlı münasibəti yüksək qiymətləndirmişlər. Rəy aqqreqatoru "Rotten Tomatoes"da film, 300 rəy əsasında 92% müsbət dərəcə və 7.5/10 balla qiymətləndirilmişdir. Saytın ortaq qərarında deyilir ki, "Həyəcanlandırıcı, ciddi və Qal Qadotun xarizmatik oyunu ilə ilhamlandırılmış Ecazkar qadın müasir görünüşü ilə uğurludur." "Metacritic"də 50 tənqidçinin rəyinə əsasən filmə 76/100 bal verilmiş və "əsasən müsbət rəylər" səsləndirilmişdir. "" tərəfindən keçirilmiş səsvermədə, izləyicilər A+ -dan F-ə kimi olan şkalada filmi A ilə qiymətləndirmişlər.

Tənqidçilər əsasən Kris Payn tərəfindən Stiv Trevor və Qal Qadot tərəfindən Ecazkar qadın personajlarının canlandırılmasını yüksək qiymətləndirmişlər. "Variety" jurnalından Endryu Barker, filmin tərəfindən daha əvvəl təqdim edilmiş filmlərlə müqayisədə daha rahat qəbul edilən hesab edir və yazır: "Heç vaxt birtərəfli yanaşma tərəfdarı olmamış və daha çox Kristofer Nolandan yox, Riçard Donnerdən nümunə götürməyə çalışmış olsam da, Petti Cenkinsin "Ecazkar qadın"ı nəhayət ki, DC-nin ənənəvi qaranlıq stilindən kənara çıxmaqla – səs-küylü, ciddi, bəzən çirkli, lakin, yenə də ilhamlandırıcı – ilhamlandırıcı seçim olan ulduz Qal Qadotun simasında həqiqət, ədalət və Amazon yolunu göstərir"."Vox.com"-da qeyd edilir ki, "Trevor komiks filmlərinin ehtiyacı olan qız dostuna malikdir"."San Francisco Chronicle"dan Mik LaSalli, Qadot, Payn və Tyulisin ifasını tərifləyərək qeyd edir ki, film "fərqli prespektivi" ilə yanaşı, yumor baxımından da yaxşıdır.

"The New York Times"dan A. O. Skott yazır ki, film, "blokbaster brendinqi tələbləri qarşısında sıçrayış edərək, özünü, superqəhrəmanlar kosmosunda nadir nümunə kimi təqdim edə bilir. O, özünü, sonsuz apokaliptik merçendayzinq sıralamasında növbəti mərhələ kimi göstərmir…məni bu dünyada axtardığım nədir? Film. Yaxşı bir film.""Chicago Tribune"dan Maykl Filips "Ecazkar qadın"ı "Kapitan Amerika: İlk qisasçı" filmi ilə müqayisə edərək bildirir ki, " ilk Kapitan Amerika filmi kimi, -nin Ecazkar qadını da, populyar auditoriya üçün filmlər istehsalı mövsümünün başlanğıcını xəbər verir. Cenkins və onun yaradıcı heyəti 1918-ci il Londonunu canlandırır; müharibənin dağıtdığı Belçika; Osmanlı imperiyası; və digər məkanlar yanaşma baxımından təravətli görünür. Burada hərbi qaçqınların ümidsizliyi, Dayananın bu vəziyyətlərin şahidi olması vardır ki, komiks uyğunlaşdırmasında bu, xüsusi ağırlığa malikdir.""IndieWire"dən Keti Erbland filmin mövzu dərinliyini yüksək qiymətləndirərək qeyd edir ki, "Ecazkar qadın müharibə filmidir. Petti Cenkinsin DC Genişləndirilmiş Kainatında ilk – və ümidvarıq ki, son olmayan – işində hadisələr Birinci Dünya Müharibəsi zamanı baş versə də, burada əsas məsələ qəhrəmanın daxili mübarizəsidir.""TheWrap"dan Alonso Duralde də qeyd edir ki, "Dayananın fəaliyyət səhnələri ona görə xoşagələndir ki, onlar müharibənin qızışdırılmasına yox, sakitləşdirilməsinə hesablanıb, müharibəyə qarşı sevgidən istifadə edən yarım-tanrı ideyası abstrakt formalı axmaqlıq kimi səslənsə də, Cenkins bu ideyadan konsepsiya meydana gətirə bilib." "The Washington Post" dan Enn Horndey Qadot və Paynın ifasını tərifləməklə yanaşı, filmin detallı süjeti və nəql xüsusiyyətləri ilə də diqqət çəkdiyini bildirir.

"The Federalist" qeyd edir ki, ""Ecazkar qadın" "İsa hekayəsidir". "Film, süni Yunan mifologiyasına bürünmüşdür, düzdür, lakin, şübhəsiz ki, burada Xristologiyanın da izlərini tapmaq olar.""Ola bilsin ki, burada Məsih, cazibədar və gözəl Amazon kimi təqdim edilb, lakin bu müasir cəmiyyətimizin onu qəbul etməsi üçün atılan addımdır" deyə, xristian feminist M. Hadson qeyd edir.

"The Guardian"dan Stiv Rouz filmi, "patriarxata-meylli subversiya" materialının potensialını tədqiq edə bilmədiyinə görə tənqid edir. "Rolling Stone"dan Piter Travers filmi ekspozisiyadan həddən artıq asılı olduğuna görə tənqid edir: "Ecazkar qadın filmi mənşə hekayəsi ətrafında iyrənc şəkildə fırlanır və hadisələr qısa zamanda bu hekayə içində baş verərək qığılcım kimi yoxa çıxır. Ancaq Qadot və rejissor Petti Cenkins istədikdə biz keçmişlə bağlı hekayələri alırıq."

"Popular Mechanics"dən Devid Hemblinq qeyd edir ki, "Qaz müharibəni qazanmaq üçün vasitə kimi göstərilir; hər iki tərəfdən ölənlərin 85 faizi kimyəvi vasitələrlə qətlə yetirilmişdir. Buna görə də Ecazkar qadın tamamilə haqlıdır.""The Verge"dən Reyçel Bekker qeyd edir ki, elmi baxımdan axmaqlıq olan hidrogen əsaslı kimyəvi silahın süjet xətti üçün istifadə edilməsinə baxmayaraq, film, həqiqətə oxar və qorxunc hekayə təqdim edə bilir. "Birincisi, iprid qazı o qədər qorxunc və dəhşətlidir ki, onu ümumiyyətlə istehsal etmək lazım deyil. Lakin, əgər siz, dağıtmağa meyilli kimyaçı olsaydınız belə, bunu iprit qazında kükürd atomunu hidrogen atomuna dəyişməklə etməzdiniz. Siz bilərdiniz ki, kükürd saxlayıcı olduğuna görə bu zəhərli molekulanı saxlaya bilərdi."

21 sentyabr 2017-ci ildə, $149 milyon istehsalat büdcəsinə malik olan "Ecazkar qadın" filmi, ABŞ və Kanadada $411.7 milyon, digər ərazilərdən isə $407.9 miyonla, ümumilikdə $819.6 milyon gəlir əldə etmişdir. Qiymətləndirmələrə görə, film, istehsal və tantımına xərclənən məbləğin qarşılanması üçün nəzərdə tutulmuş rəqəmdən $300 və ya $460 milyon çox gəlir gətirmişdir.

2017-ci ilin mayında erkən araşdırmaların nəticələri göstərmişdir ki, "Ecazkar qadın" $65–75 milyonla $105 milyon arasında açılış edə bilər. 2 iyun 2017-ci ildə, cümə günü 4.165 kinoteatrda yayıma başlayan film, $3.7 milyon IMAX gəlirir də daxil olmaqla, $38.7 milyon açılış gəliri əldə etmişdir. 2008-ci ildə çəkdiyi "Alatoran" filminin $35.9 milyonluq açılış gəliri göstəricisini geridə qoyan "Ecazkar qadın" filminin bu nəticəsi, qadın rejissor tərəfindən çəkilmiş filmin ən böyük günlük gəlir nəticəsi və "" ($7 milyon) filminin nəticəsini geridə qoyaraq, qadın superqəhrəman filmi üçün ən böyük açılış günü olmuşdur. Cümə axşamı göstərişlərindən əldə edilmiş $11 milyonun da daxil olduğu bu nəticə "Bozun əlli çaları" ($8.6 milyon) filminin nəticələrini geridə qoyaraq qadın rejissor tərəfindən çəkilmiş film üçün ən yaxşı, "" və "" filmlərindən sonra ilin üçüncü ən yaxşı başlanğıc nəticəsi olmuşdur. Bu gəlirdən $1.5 milyonu IMAX ekranlardan əldə edilmişdir.

Açılış həftəsonunda $103.3 milyon gəlir əldə edən film, bir neçə rekord qırmışdır: qadın rejissor tərəfindən çəkilmiş filmin bütün zamanlarda ən böyük ev açılışı (Sem Teylor-Consonun "Bozun əlli çaları" filmini geridə qoymuşdur, "Betmen Supermenə qarşı" filmi nəzərə alınmadan DC Comicsin ən böyük çıxışı ("" filmini geridə qoymuşdur), bütün zamanların ən böyük altıncı sikvel olmayan komiks superqəhrəman filmi və altıncı ən böyük iyun debütü. Üç günlük açılış nəticələrinə görə "Ecazkar qadın" qadın super qəhrəmanın baş rol oynadığı ən çox gəlirli film ("Zirehli geyimli ruh" filmini geridə qoymuşdur) olmuşdur. Film istehsal edildiyi ölkədə $100 milyondan çox gəlir gətirmiş 16-cı superqəhrəman filmi olmuşdur. Açılış həftəsonu gəlirlərinin təxminən 9%-i ($9 milyon) 343 kinoteatrdakı IMAX ekranlardan əldə edilmişdir. İkinci həftəsonunda $58.5 milyon gəlir əldə edən film ikinci həftədə də birinciliyini saxlamışdır. Bu gəlir, ikinci həftəsonu göstəricisinin 43,3% aşağı düşməsi deməkdir ki, bu da orta statistik superqəhrəman filminin 50–60% kimi qeyd edilən oxşar nəticəsindən, həmçinin, "Betmen Supermenə qarşı" ($51.3 milyon) və "İntiharçılar dəstəsi" ($43.5 milyon) filmlərinin nəticələrindən daha yaxşıdır. Üçüncü həftəsonunda $40.8 milyon gəlir əldə edən film, açılış həftəsini yaşayan "" filmindən geri qalaraq ikinci olmuşdur. Bu, "Warner Bros."-in ikinci ən yaxşı üçüncü həftəsonu olmaqla, "Betmen Supermenə qarşı" ($23.3 milyon), "İntiharçılar dəstəsi" ($20.9 milyon) və "Polad adam" ($20.7 milyon) filmlərinin üçüncü həftəsonu nəticələrindən üç dəfə çox olmuşdur. Açılış həftələrini yaşayan "" və "" filmləri ilə mübarizə aparmasına baxmayaraq, dördüncü və beşinci həftəsonlarında film müvafiq olaraq $24.9 milyon və $15.7 milyon gəlirlə, 39% və 36% enişə nail olmuşdur. Bundan başqa, Cennifer Yu Nelsonun "Kunq fu Panda 2" və Fillida Lloydun "Mamma Mia" filmlərinin nəticələrini geridə qoyaraq, qadın rejissor tərəfindən çəkilmiş bütün zamanların ən çox gəlir gətirən filmi olmuşdur. 8 avqustda bilet satışlarından gəlirləri $400 milyona çatan film, ən çox gəlir gətirmiş qadınlar haqqında olan ikinci film (Disneyin "Gözəl və Bədheybət" filmindən sonra), "Warner Bros."in isə üçüncü ən böyük filmi (Kristofer Nolanın "Qara cəngavər" və "" filmlərindən sonra) olmaqla, ən çox gəlirli superqəhrəman mənşə filmi (2002-ci ildə çıxarılmış "Hörümçək adam" filminin nəticəsini geridə qoyub) kimi qeyd edilmişdir. Həmçinin "" filminin nəticəsini geridə qoyan "Ecazkar adın" qadın rejissor tərəfindən çəkilmiş film üçün ən böyük istehsalçı ölkə nəticəsini göstərmişdir.

Beynəlxalq çıxışı Şimali Amerika debütü ilə eyni gündə baş tutmuş "Ecazkar qadın" filminin 55 ərazidə (ümumi çıxışının 72%-i) $92–118 milyon gəlirlə debüt edəcəyi proqnozlaşdırılırdı. Açılış günü Çində $38 milyon, Koreyada $8.5 milyon, Meksikada $8.4 milyon, Braziliyada $8.3 milyon, Birləşmiş Krallıqda $7.5 milyon qazanmış film, həmin günü ümumilikdə $125 milyonla başa vurmuşdur. İkinci çıxış həftəsində Birləşmiş Krallıq, Avstraliya, Fransa və Braziliya da daxil olmaqla filmin beynəlxalq gəlirləri $60 milyona bərabər olmuşdur. 25 iyun 2017-ci ilə kimi filmin, Şimali Amerikadan kənardakı ən böyük bazarları Çin ($90 milyon), Braziliya ($34 milyon), Birləşmiş Krallıq ($28 milyon) və Avstriya ($24 milyon) olmuşdur. Filippində $4.7 milyonla, qeyri-bayram günündə ən çox gəlir gətirmiş film rekordunu qırmış "Ecazkar qadın", "Betmen Supermenə qarşı" filminin nəticəsini geridə qoyaraq Filippində bütün zamanların ən uğurlu altıncı filmi olmuşdur. Filmin sonuncu açılış bazarı Yaponiya olmuş, burada "Ecazkar qadın" 25 avqustda yayıma girərək açılış günündə $3.4 milyon gəlir gətirmiş, beləliklə də onun beynəlxalq gəlirləri $400 milyona çatmışdır.

Üç film üçün müqavilə imzalamış Qal Qadotun ikinci və üçüncü filmləri "Ecazkar qadın" və "Ədalət liqası" filmləri olsa da, aktrisa əlavə iş müqaviləsi də imzalamışdır. Cenkins ilkin olaraq bir film üçün müqavilə imzalasa da, "Variety" jurnalına verdiyi müsahibədə Ceff Cons Cenkins və özünün "Ecazkar qadın" filminin sikveli üçün razılaşma əldə etdiklərini və "ikinci film üçün əla ideyası olmasını" bildirmişdir. 2017 San Diyeqo Komik Kon festivalında Warner Bros. rəsmən "Ecazkar qadın" filminin sikvelinin 13 dekabr 2019-cu ildə çıxarılacağını və "Ecazkar qadın 2" adlanacağını elan etmişdir. Daha sonra Cenkins rəsmən rejissor kürsüsünə qayıtması üçün müqavilə imzalamış, həmçinin Qadotun da baş rola qayıdacağını elan etmişdir. 19 avqust 2017-ci ildə aktrisa Cina Devis "Ecazkar qadın 2" filmində rol almaq istədiyini və bu haqqda Cenkinslə danışdığını bildirmişdir. Bir neçə gün sonra, studiya, Deyv Kallahamın Cenkins və Consla birlikdə filmin ssenarisiin yazılmasında iştirak edəcəyini elan etmişdir.

• — Rəsmi saytı
• – Warner Bros. Pictures
• — Internet Movie Database saytında

• saytında