DC Comics — ABŞ komiks nəşriyyatı. Time Worner-in sahib olduğu Warner Bros. şirkətinin bir hissəsidir. DC Comics ABŞ-nin ən böyük və ən məşhur komiks nəşriyyatlarından biridir. Bir digəri Marvel Comics-dir. DC Comics tərəfindən yaradılmış məşhur personajlara Supermen, Betmen, Möcüzə qadın, Yaşıl Fənər, Fleş, Akvamen, Şahinqız, Yaşıl Ox və Şahin-adam aiddir. Nəşriyyat Ədalət Liqası, Ədalət Cəmiyyəti və Gənc Titanlar kimi məşhur komandaların, eləcə də Joker, Leks Lutor, Pişik-qadın, Darksayd, Ras al Qul, Detstrok, Sinestro və Breynyak kimi super cinayətkarların müəllifidir. DC Comics həmçinin DC dünyasına daxil olmayan "Gözətçilər" və "V Vandetta deməkdir" komikslərini çap etdirmişdir.
| DC Comics | |
|---|---|
 | |
| Ölkə |
 ABŞ
|
| Əsas şirkət | Warner Bros. |
| Status | aktiv |
| Yaranma tarixi | 1934 |
| Qurucu | Malkom Hiler-Nikolson |
| Qərargah | Berbank, Kaliforniya, ABŞ |
| Nəşrlər | komiks |
| Sahib | Time Warner |
| Sayt | |
 Vikianbarda əlaqəli mediafayllar | |
Nəşriyyatın adı hələ Betmen personajı yaradılarkən yer aldığı "Dedektiv komiksləri" ("Dedective Comics") seriyasının baş hərflərindən götürülmüşdür. Nəşriyyatın baş qərargahı 2013-cü ilə qədər Nyu Yorkda yerləşmiş, o tarixdən etibarən isə Kaliforniyanın Berbank şəhərində yerləşməkdədir.
DC Comics və Marvel Comics birlikdə 2008-ci ildə ABŞ-də çap olunan komikslərin 80 %-nin müəllifi idilər.
Tarix
DC Comicsin əsası 1934-cü ildə Malkol Hiler-Nikolson tərəfindən qoyulmuşdur. Nəşriyyatın ilk adı National Allied Publications idi. Nəşriyyatın ilk komiksi 1935-ci ilin fevralında nəşr olunmuş "Yeni əyləncə: Böyük komiks jurnalı" komiksinin ilk sayı idi. 1935-ci ilin dekabrında "Yeni komikslər" nəşr olunmağa başlandı. Bu, komiks Qızıl dövrün başlanğıcının xəbərçisi idi. Daha sonra bu komiksinin adı dəyişdirilərək "Macəra komiksləri" olmuş, 1983-cü ilə qədər 503 sayı nəşr olunmuş, DC Comicsin ən uzun müddət çap olunmuş komiksi olmuşdur. 2009-cu ildə DC Comics bu adla yeni komiks nəşr etməyə qərar vermişdir.
3-cü komiks seriyası "Dedektiv komikslər" olmuşdur. Bu komiksin reklamı 1936-cı ilin dekabrında edilsə də, 1937-ci ilin martında çap olunmuşdur. 1939-cu ilin mayında komiksin 27-ci sayında Betmen personajının peyda olmasından sonra bu komiks xeyli məşhurlaşmışdır. Nəşriyyatın qurucusu Malkom isə nəşriyyatı tərk etmişdir. 1937-ci ildə nəşriyyat adını Dedective Comics almışdır.
Dedective Comics adı ilə ilk təsis olunmuş komiks "Əməliyyat komiksləri" olmuşdur. Bu komiks seriyasında ilk dəfə Supermen yer almışdır. Komiksin 1938-ci ilin iyun ayında nəşr olunmuş ilk sayı komiks dünyasına yenilik gətirmişdi. Bu komiksdə ilk dəfə "super qəhrəman" termini işlədilmişdi və komikslərdə ilk dəfə super qəhrəmanlar iştirak edirdi. Tezliklə nəşriyyat Qum-adam və Betmen kimi məşhur personajlarını yaratmışdır.
22 fevral 2010-cu ildə "Əməliyyat komiksləri"nin ilk sayının nüsxəsi xərracda 1 milyon ABŞ dollarına satılmışdır.
Loqolar
-
1977-2005 -
1983 variant loqo -
2005-2012 -
2012-2016 -
2016-h.h
.svg)
İstinadlar
- Melrose, Kevin. . Comic Book Resources. October 10, 2009. June 1, 2016 tarixində arxivləşdirilib. İstifadə tarixi: September 11, 2009.
- [www.dccomics.com "Official Site"] (). Dccomics.com. April 21, 2010. İstifadə tarixi: June 17, 2010.
- 2008-09-21 at the Wayback Machine Hoovers. Retrieved October 18, 2008.
- Siklos, Richard. . CNN. October 13, 2008. March 17, 2010 tarixində . İstifadə tarixi: May 1, 2010.
- Marx, Barry, and Hill, Thomas (w), Petruccio, Steven (a), Marx, Barry (ed). "Major Malcolm Wheeler-Nicholson DC Founded" Fifty Who Made DC Great: 5 (1985), DC Comics
- 2012-12-31 at the Wayback Machine at the Grand Comics Database
- 2012-10-30 at the Wayback Machine at the Grand Comics Database
- . . Basic Books. 2004. səh. . ISBN 0-465-03657-0.
- . Associated Press via Crain's New York Business. February 22, 2010. February 23, 2010 tarixində arxivləşdirilib. İstifadə tarixi: August 14, 2015. (); ()
Xarici keçidlər
- — DC Comics rəsmi saytı
- Comic Book Verilənlər Bazasında
- : Urban Comics