Səmədzadə Aygün Ziyad qızı (11 yanvar 1967, Bakı) — Azərbaycan bəstəkarı, Azərbaycanın xalq artisti (2018), Azərbaycan Bəstəkarlar İttifaqının üzvü, Sənətşünaslıq üzrə fəlsəfə doktoru, dosent.
Aygün Səmədzadə | |
---|---|
Aygün Ziyad qızı Səmədzadə | |
Ümumi məlumatlar | |
Doğum tarixi | 11 yanvar 1967(57 yaş) |
Doğum yeri | |
Vətəndaşlığı | |
Atası | Ziyad Səmədzadə |
Musiqiçi məlumatları | |
Fəaliyyəti | Bəstəkar, Musiqişünas |
Fəaliyyət illəri | 1985-ci ildən |
Musiqi aləti | piano |
Təhsili |
|
Mükafatları | |
Vikianbarda əlaqəli mediafayllar |
Həyat və yaradıcılığı
Aygün Səmədzadə 1967-ci il 11 yanvarda Bakı şəhərində ziyalı ailəsində dünyaya gəlmişdir. İlk təhsilini Bülbül adına orta ixtisas musiqi məktəbində almış, 1985-ci ildə məktəbi qızıl medal və fərdi təqaüdlə bitirmişdir. Həmin ildə Azərbaycan Dövlət Konservatoriyasının (indiki Bakı Musiqi Akademiyasının) Tarix-nəzəriyyə fakültəsinə daxil olmuş, bir sıra respublika və ümumittifaq elmi-konfrans və müsabiqələrdə iştirakçı və qalib seçilmişdir. Üzeyir Hacıbəyovun anadan olmasının 100 illiyi ilə bağlı keçirilən müsabiqədə diplom, III respublika elmi konfransında ən yaxşı tələbə elmi-işinə görə qızıl medal, Zaqafqaziya ölkələri arasında keçirilən müsabiqədə I dərəcəli diploma layiq görülmüşdür. Konservatoriyanı fərqlənmə diplomu və Ü. Hacıbəyov adına fərdi təqaüdlə bitirdikdən sonra elə həmin ildən "Musiqi tarixi" kafedrasına müəllim kimi fəaliyyətə başlamış və Avropa ölkələrinin musiqi tarixi, Türkdilli xalqların musiqi mədəniyyəti, Musiqi tənqidi kimi fənnlərdən dərs demiş və həmin kafedranın dosenti (1990–2016) olmuşdur. Bəstəkar, musiqişünas Aygün Səmədzadə 2003-cü ildən Azərbaycan Bəstəkarlar İttifaqının üzvüdür.
Aygün Səmədzadə 2003-cü ildə böyük türk bəstəkarı yaradıcılığı ilə bağlı namizədlik dissertasiyasını müdafiə etmişdir. Bundan əlavə, Aygün Səmədzadə Azərbaycan musiqi tarixinə aid bir sıra elmi məqalələrin və publisistik yazıların, o cümlədən, "Azərbaycanda sənət himayədarlığının rolu", "Xurşudbanu Natəvan və Azərbaycan mədəniyyəti", "Şah İsmayıl Xətai və Azərbaycan mədəniyyəti", "Mir Mövsün Nəvvab", "Hacı Zeynalabdin Tağıyevin mədəniyyətimizin inkişafında xidmətləri", "Adnan Sayqun yaradıcılığının bəzi üslub xüsusiyyətləri" adlı məqalələrin müəllifidir.
Aygün Səmədzadə bir çox tanınmış müğənnilərin repertuarında xüsusi yer tutan 200-dən artıq mahnının müəllifidir. Bu əsərlərin bir çoxu albomu, "" albomu, 4 diskdən ibarət "Azərbaycan" albomu və " albomunda cəmlənmişdir.
Aygün Səmədzadə bir çox teatr tamaşaları və filmlər üçün də musiqilər bəstələmişdir. Elçin Əfəndiyevin "Qatil", "Şekspir", Hüseyn Cavidin "Əmir Teymur", "Iblis", İlqar Fəhminin "Mənəm, mən…", Stefan Sveyqin "Yad qadının məktubu" teatr tamaşalarının, "Əlavə təsir", "Sirr", "Axırıncı dayanacaq" filmlərinin bəstəkarıdır.
Aygün Səmədzadə Türküstan, Həsrət, Qumsal, Eşq simfonik lövhələrinin, Həzrət-i Fatimə adlı vokal-xoreoqrafik kompozisiyasının, Cümhuriyyətin 100 illiyinə həsr olunmuş İstiqlal marşının müəllifidir. Müharibə dövründə Aygün Səmədzadə Diaspora marşı, Can Azərbaycan, Zəfər nəğməsi, Qəhrəmanım kimi silsilə mahnılar bəstələmişdir. Bəstəkarın son nailiyyətlərindən biri kimi İkinci Qarabağ müharibəsində qələbəmizə həsr olunmuş HƏSRƏTƏ SON layihəsini göstərmək olar. Qeyd edək ki, əsərin video həlli işğaldan azad olunmuş torpaqlarımızda baş tutmuşdur və bu, erməni vandalizminin incəsənət xətti ilə dünyaya çatdırılmasında maraqlı təşəbbüslərdən sayıla bilər.
Aygün Səmədzadə Əhməd Cavadın sözlərinə silsilə əsərlər yaratmışdır. Bunların sırasına Ey Türk kantatası (Ey Türk, Bismillah, Türk Ordusuna, Elin bayrağı, Mən bulmuşam, Susmaram, Şəhidlərə kimi müstəqil nömrələrdən ibarət), Sən ağlama vokal-instrumental kompozisiyası, Niyə gəlmədin?, Qurban olduğum romansları və başqaları daxildir. Bu əsərlərin premyeraları 2018-ci il 15 sentyabrda Ankarada, 2018-ci il 10 noyabrda Bakıda, 2019-cu il 20 martda Eskişehirdə baş tutmuşdur. Əsərlər Türkiyə Cümhurbaşkanlığı Simfonik Orkestrası, TRT xoru, Azərbaycan Dövlət Simfonik Orkestri tərəfindən ifa olunmuşdur.
2000-ci il "Best of Best" müsabiqəsində onun Məktəb illəri, 2002-ci ildə keçirilən "Nəğmələrin nəğməsi" müsabiqə-festivalda Bu dünyanı nağıl bilək, Yağış mahnıları birinci yerlərlə mükafatlandırılmış, Tut ağacım isə Qran-pri və Tamaşaçı rəğbəti mükafatlarına layiq görülmüşdür.
2008-ci ildə Milli Olimpiya Komitəsinin Mədəniyyət və Turizm Nazirliyi, Azərbaycan Bəstəkarlar İttifaqı ilə birgə elan etdiyi "İdman və Olimpiya" mövzusunda mahnı müsabiqəsinə təqdim etdiyi Qələbə çal adlı əsəri birinci yerə layiq görülmüşdür.
Bəstəkarın 2005, 2009, 2015-ci illərdə Heydər Əliyev Sarayında, 2015-ci ildə Beynəlxalq Muğam Mərkəzində, 2017-ci ildə Şəkidə keçirilən "İpək yolu" Beynəlxalq Musiqi festivalında, 2018-ci ilin iyunun 9-da Cümhuriyyətin 100 illiyi münasibətilə Yaşıl Teatrda müəllif konsertləri olmuşdur.
Aygün Səmədzadə Azərbaycan mədəniyyətinin təbliği ilə bağlı bir sıra televiziya layihələrinin, o cümlədən "Əslində Mən", "Bir mahnının tarixçəsi", "İntrada", "Ekspromt" verilişlərinin ideya müəllifi və rəhbəri olmuşdur. 2019-cu ildə Azərbaycan bəstəkarlarının Vətən haqqında mahnılarından ibarət "Azərbaycan 100 mahnıda" klavirinin ideya müəllifi və layihə rəhbəri olmuşdur.
Aygün Səmədzadə 2012-ci ildən NƏFƏS Sənət mərkəzinin rəhbəridir.
2011-ci il sentyabr ayının 15-də Azərbaycan Respublikasının Əməkdar incəsənət xadimi, 2018-ci ilin 27 mayında isə Azərbaycanın Xalq artisti fəxri adına layiq görülmüşdür.
Teatr və film musiqiləri
Aygün Səmədzadə kino və teatr sahəsində aşağıdakı işlərə imza atmışdır
- Qatil (2003-2012) - Elçin Əfəndiyev, Milli Dram Teatrı, rejissor Mehriban Ələkbərzadə
- Yad qadının məktubu (2006) - Stefan Sveyq, Milli Dram Teatrı, rejissor Bəhram Osmanov
- Əmir Teymur (2014) - Hüseyn Cavid, Milli Dram Teatrı, rejissor Mehriban Ələkbərzadə
- Şekspir (2014) - Elçin Əfəndiyev, İstanbul Şehir Tiyatroları, rejissor Məlahət Abbasova
- Iblis (2019) - Hüseyn Cavid, İstanbul Şehir Tiyatroları, rejissor Məlahət Abbasova
- Mənəm, mən... (2019) - İlqar Fəhmi, Yuğ Teatrı, rejissor Mehriban Ələkbərzadə
Film
- Əlavə təsir (2010) - Elxan Cəfərov
- Sirr (2012) - Ülviyyə Könül
- Axırıncı dayanacaq (2014) - Fikrət Əliyev
- (film, 2019)
Diskoqrafiya
Mahnıları
- Ad günü I (versiya 1) - Rəşad İlyasov
- Ad günü I (versiya 1) - Aysel Əlizadə
- Ad günü II (versiya 1) - Aygün Kazımova
- Ad günü II (versiya 2) -
- Ağla - Eyyub Yaqubov
- Ayrılıq -
- Azərbaycan - Nurlan Növrəsli, Qismət Məmmədzadə, , Aygün Kazımova, İlqar Muradov, Elton Hüseynəliyev
- Azərbaycan -
- Bakı haqqında nağıl - Eyyub Yaqubov
- Bakı küləyi - Eyyub Yaqubov
- Bakım -
- Bakım mənim - Abbas Bağırov
- Bakinskiy roman - Qismət Məmmədzadə
- Bağışla - Lalə Məmmədova
- Bayatılar - Gülüstan Əliyeva
- Bilirəm -
- Bir sevgi (versiya 1) - Nüşabə Ələsgərli
- Bir sevgi (versiya 2) - Lalə Məmmədova
- Bismillah (versiya 1) -
- Bismillah (versiya 2) - Teyyub Aslanov
- Bizdən danışaq - Aygün Kazımova, Rauf Əhmədov
- Bu dünyanı nağıl bilək - İlqar Muradov
- Bu gecə - Aygün Səmədzadə
- Bu sevgi -
- Bu şəhər ikimizindir -
- Can Azərbaycan -
- Darıxdım - Aygün Bəylər
- De ki - Brilliant Dadaşova
- Deyirdilər inanmırdım - Nurlan Növrəsli
- Dəli eşq - Lalə Məmmədova
- Dəniz -
- Diaspora marşı - , Almaxanım Əhmədli, , , , ,
- Dostum -
- Duman, al, apar məni! -
- Elegiya -
- Elin bayrağı - , Nurlan Növrəsli, , ,
- Eşidirsənsə tələs - Elton Hüseynəliyev
- Eşq yağışı -
- Ey, vətən! -
- Ey Türk- Teyyub Aslanov, ,
- Gecələr - Azərin
- Gecə valsı - Nurlan Növrəsli
- Gecikmiş etiraf - Aygün Səmədzadə,
- Gəl qayıdaq bu sahilə - Rəşad İlyasov
- Gəncə - Abbas Bağırov
- Gəncə -
- Gözəlimsən - Aygün Səmədzadə,
- Gözlərindən gülənim (versiya 1) - Nüşabə Ələsgərli
- Gözlərindən gülənim (versiya 2) -
- Gözüm səni axtarır - Nüşabə Ələsgərli
- Həsrət nəğməsi - Rəşad İlyasov
- İnan, günəş doğacaq - Brilliant Dadaşova, , Zamiq Hüseynov, Günay İbrahimli, , , , Aygün Kazımova,
- İstəmirəm bu eşqi - Mətanət İsgəndərli
- İstiqlal - , Günay İbrahimli, , , , Kamilə Nəbiyeva,
- Kaderinle barış - Günay İbrahimli
- Köçüm gərək bu şəhərdən - Gülüstan Əliyeva
- Qəhrəmanım - Aygün Səmədzadə, İlqar Muradov, , Eyyub Yaqubov, Abbas Bağırov
- Qəfil zəng -
- Qəlbində gizli yaşayım - Elnur Məmmədov
- Qələbə çal - Aygün Bəylər, , Natavan Həbibi, ,
- Qurban olduğum- ,
- Layla -
- Məktəb illəri - Lalə Məmmədova
- Məktub -
- Mən bulmuşam - Mələkxanım Əyyubova
- Mən də varam -
- Mənim soyadımda - Lalə Məmmədova
- Neyləyim? - Zülfiyyə Xanbabayeva
- Nədən həyat? - Röya Ayxan
- Niyə gəlmədin? -
- Olmadı olmaz - Aygün Səmədzadə
- Ömrümüzün ilk sevgisi - Elnur Məmmədov
- Ömür gedir - Aygün Səmədzadə
- Payız yağışı - Elton Hüseynəliyev
- Peşmanam -
- Ruhumuz qovuşacaq - Flora Kərimova
- Sevəcəksən gizlicə - , Hava Dolev
- Sevgi deyilmiş - Rəşad İlyasov
- Sən bizimləsən - Brilliant Dadaşova, İlqar Muradov
- Səndən danışmaq nə xoş -
- Sənə möhtacam -
- Sənətkar taleyi - Aygün Səmədzadə
- Sənli günlərimçün darıxmışam - İlhamə Quliyeva
- Subaylığın son gecəsi - Elton Hüseynəliyev
- Susan mahnı - Aygün Səmədzadə
- Şəhidlərə - , Almaxanım Əhmədli, , Nurlan Növrəsli, , ,
- Tənha royal - İlqar Muradov
- Tut ağacım - Aygün Bəylər
- Tut ağacım -
- Tut əlimdən -
- Türk ordusuna -
- Unuda bilmirəm - Aytac Vidadiqızı
- Unut bir anlıq - Gülüstan Əliyeva
- Yağış - Eyyub Yaqubov
- Yar onun - Rəşad İlyasov
- Yarpaqlar titrəsə -
- Yeni il - , , , Ceyhun Zeynalov, ,
- Yol gedirəm (versiya 1) - Aygün Kazımova
- Yol gedirəm (versiya 2) -
- Zəfər nəğməsi - Günay İbrahimli
Simfonik əsərləri
- Türküstan
- Qumsal
- Eşq
- Həsrətə son — fortepiano və orkestr üçün simfonik lövhə.
Rəqsləri
- Akkordeon və orkestr üçün vals
- Buzovnadan Bilgəhə rəqsi
- Dağlı rəqsi
- Humay rəqsi
- Lirik vals
- Şekspir
- Şərq bolerosu
- Təntənəli vals
Albomları
- (2003)
- Azərbaycan (2015)
- (2020)
- (2021)
İstinadlar
- ↑ .
- ↑ anl.az. (az.). . 01.10.2011. 2020-03-03 tarixində . İstifadə tarixi: 2020-03-03.
- Həmidə Nizamiqızı. . medeniyyet.az (az.). Mədəniyyət qəzeti. 5 aprel 2021 tarixində . İstifadə tarixi: 5 aprel 2021.
- lent.az. (az.). . 17.10.2018. 2019-10-18 tarixində arxivləşdirilib. İstifadə tarixi: 2020-03-03.
- lent.az. (az.). . 04.11.2015. 2020-03-04 tarixində arxivləşdirilib. İstifadə tarixi: 2020-03-03.
- axsam.az. (az.). . 25.12.2015. 2021-04-13 tarixində . İstifadə tarixi: 2020-03-03.
- sheki-ih.gov.az. (az.). . 03.06.2017. 2020-03-04 tarixində . İstifadə tarixi: 2020-03-03.
- trend.az. (az.). . 21.05.2018. 2020-03-04 tarixində . İstifadə tarixi: 2020-03-03.
- heydar-aliyev-foundation.org. (az.). . 18.09.2019. 2020-03-04 tarixində . İstifadə tarixi: 2020-03-03.
- azertag.az. (az.). . 27.09.2019. 2020-03-04 tarixində . İstifadə tarixi: 2020-03-03.
- mct.gov.az. (az.). . 27.09.2018. 2019-09-29 tarixində arxivləşdirilib. İstifadə tarixi: 2020-03-03.
- President.Az. (az.). . 15.09.2011. 2017-09-23 tarixində arxivləşdirilib. İstifadə tarixi: 2020-03-03.
- President.Az. (az.). . 27.05.2018. 2020-03-05 tarixində . İstifadə tarixi: 2020-03-03.