Rubi Pikens Tartt (ing. Ruby Pickens Tartt, 13 yanvar 1880 – 29 noyabr 1974[1][2]) — amerikalı folklorşünas, yazıçı və rəssam olmuşdur. O, Cənubun afroamerikalı mədəniyyətini qorumaq üçün keçmiş kölələrin həyat hekayələrini, nağıllarını, xalq ədəbiyyatını və mahnılarını toplayaraq Works Progress Administration (İşin gedişatının idarə edilməsi, WPA) və ABŞ Konqres Kitabxanasına təqdim etməsi ilə tanınır. 1980-ci ildə o, Alabama Qadınlar Şöhrət Zalına daxil edilmişdir.[3][4]
| Rubi Pikens Tartt | |
|---|---|
 | |
| Doğum tarixi | 13 yanvar 1880 |
| Vəfat tarixi | 29 noyabr 1974[1][2] (94 yaşında) |
| Fəaliyyəti | folklorşünas, yazıçı, rəssam, kitabxanaçı, musiqiçi |
 Vikianbarda əlaqəli mediafayllar | |
Rubi Pikens 13 yanvar 1880-ci ildə ABŞ-ın Alabama ştatının Livinqston şəhərində anadan olmuşdur. O, Fanni Uest Şort Pikens və Uilyam Kinq Pikensin iki övladından biri idi. Atası varlı pambıq fermeri idi.
Rubi əvvəlcə Livinqston Qadın Akademiyasında, sonra isə Sofiya Nyukomb Kollecində və Alabama Dövlət Normal Kollecində təhsil almışdır.[5] Burada o, məşhur müəllim Culiya Tutvaylerin rəhbərliyi altında oxumuşdur. 1901-ci ildə o, Nyu-Yorka gedərək Vilyam Merrit Çesin rəhbərlik etdiyi Çes İncəsənət Məktəbində rəssamlıq üzrə təhsil almışdır.[5] O, Çesin texnikasına əsaslanaraq əvvəlcədən çəkilməmiş kətan üzərində birbaşa fırça ilə işləmək metodunu mənimsəmiş və özünəməxsus üslub yaratmışdır. Daha sonra Tartt öz doğma şəhərində incəsənət müəllimi kimi fəaliyyət göstərmişdir. Onun portretləri, natürmortları və landşaft rəsmləri Alabama ştatının müxtəlif ictimai binalarında nümayiş etdirilir.[3] 1904-cü ildə Rubi bankir Uilyam Prat Tartt ilə evlənmiş və bu evlilikdən bir qızı – Fanni Prat Tartt (İnqlis) dünyaya gəlmişdir.[5]
Böyük Depressiya dövründə Tartt və onun ailəsi ciddi maliyyə çətinlikləri ilə üzləşmişdir. İşə ehtiyac duyduğu üçün o, Alabama ştatının York şəhərində WPA-da işə düzəlmişdir.[5]
1936-cı ildə Samter dairəsində WPA-nın Federal Yazıçılar Layihəsinin (FWP) yerli bölməsinin rəhbəri təyin olunmuşdur. Burada o, keçmiş kölələrin həyat hekayələrini, xalq nağıllarını və mahnılarını toplamışdır. Onun fəaliyyəti o dövrdə ABŞ Konqres Kitabxanası üçün xalq mahnıları toplayan etnomusiqişünas Con Lomaksın diqqətini cəlb etmişdir.[5][6] 1937-ci ildə Lomaks və Tartt Sumter dairəsində birgə ekspedisiyaya çıxaraq 300-dən çox xalq mahnısı toplamışlar. Sonrakı illərdə Tartt təkbaşına və ya Lomaks ilə birlikdə əlavə ekspedisiyalar keçirərək Konqres Kitabxanasının Amerika Xalq Mahnıları Arxivi üçün daha çox material toplamışdır. 1939 və 1940-cı illərdə onlar ümumilikdə 800-dən çox mahnı və hekayənin qeydə alınmasını təmin etmiş, həmçinin 80-dən çox müğənninin fotoşəkillərini çəkmişlər. Tarttın qeydə aldığı ən məşhur ifaçılardan biri Vera Hall olmuşdur. O, XX əsrin ən istedadlı blues və xalq musiqisi ifaçılarından biri hesab edilir.[5][6]
- ↑ 1 2 https://encyclopediaofalabama.org/article/ruby-pickens-tartt/.
- ↑ 1 2 https://www.uwa.edu/julia-tutwiler-library/alabama-room-archives/ruby-pickens-tartt-collection/.
- ↑ 1 2 "Ruby Pickens Tartt (1880–1974)". Alabama Women's Hall of Fame, 2000. Retrieved Feb. 27, 2016.
- ↑ "Ruby Pickens Tartt Collection". The University of West Alabama, 2021. Retrieved Dec. 8, 2022.
- ↑ 1 2 3 4 5 6 Jones, Tina Naremore. "Ruby Pickens Tartt". Encyclopedia of Alabama. Retrieved Feb. 27, 2016.
- ↑ 1 2 Windham, Kathryn Tucker. Alabama, One Big Front Porch. NewSouth Books, 2007, pp. 67–70.
- Brown, Alan, ed. Dim Roads and Dark Nights: the Collected Folklore of Ruby Pickens Tartt. Livingston, AL: Livingston University Press, 1993.
- Brown, James Seay, Jr., ed. Up Before Daylight: Life Histories from the Alabama Writers’ Project, 1938–1939. Tuscaloosa: University of Alabama Press, 1982. (Includes stories by Tartt)
- Brown, Virginia Pounds. Toting the Lead Row: Ruby Pickens Tartt, Alabama Folklorist. Tuscaloosa: University of Alabama Press, 1981.
- Solomon, Jack and Olivia Solomon, ed. Honey in the Rock: the Ruby Pickens Tartt Collection of Religious Folk Songs from Sumter County, Alabama. Macon: Mercer University Press, 1992.