Roida Rzayeva

Rzayeva Roida Oqtay qızı 1979-cu il fevralın 3-də Bakı şəhərində anadan olub. 1996-cı ildə Bakı şəhəri 251 saylı orta məktəbi fərqlənmə attestatı ilə bitirib. Elə həmin il Bakı Dövlət Univesitetinin Şərqşünaslıq fakültəsinin Türk bölməsinə daxil olaraq, 2000-ci ildə həmin bölmənin bakalavriat, 2002-ci ildə isə magistratura pillələrini fərqlənmə diplomları ilə bitirmişdir. 2001-2010-cu illərdə dövlət səviyyəsində beynəlxalq tədbirlərdə sinxron tərcüməçi olaraq fəaliyyət göstərmişdir. 2004-cü ildə Türkiyə Respublikasının Azərbaycandakı səfirliyində təcrübə dövrü keçib.

2002-2010-cu illərdə AMEA akademik Z.M.Bünyadov adına Şərqşünaslıq İnstitutunda çalışmışdır. 2007-ci ildə Azərbaycan Milli Elmlər Akademiyası akademik Z.M.Bünyadov adına Şərqşünaslıq İnstitutunda «Müasir Türkiyədə modernləşmənin sosial-mədəni təhlili» mövzusunda namizədlik dissertasiyasını müdafiə edərək, fəlsəfə üzrə fəlsəfə doktoru elmi dərəcəsini almışdır. 2003-2004 və 2007-2008 tədris illərində Bakı Dövlət Univesitetinin Şərqşünaslıq fakültəsində dərs demişdir. 2002-2005-ci illər arasında Azərbaycanda fəaliyyət göstərən Türkiyə Təhsil nazirliyi nəzdində FONO Açıq Öyrətim mərkəzində şöbə müdiri olaraq çalışmışdır. 2013-cü ildə dosent elmi adını almışdır. 2005-2010-сu illərdə Şərqşünaslıq İnstitutunun Gənc Alimlər Şurasının sədri, eyni zamanda AMEA-nın Gənclərin İntellektual İnkişaf Mərkəzi Humanitar və İctimai elmlər bölməsinin rəhbəri və mərkəzin büro üzvü olub. 2008-2010-cu illərdə Azərbaycan MEA-nın Gənclərin İntellektual İnkişaf Mərkəzinin, Azərbaycan Respublikası Gənclər və İdman nazirliyinin və Azərbaycan Gənc Alim, Aspirant və Magistrlər Cəmiyyətinin birgə təşəbbüsü ilə nəşr olunan “Gənc alimlərin əsərləri” elmi jurnalının redaksiya heyətinin üzvü olub. R.Rzayeva 2011-2017-ci illərdə AMEA Fəlsəfə İnstitutunda elmi işlər üzrə direktor müavini vəzifəsində işləmişdir. 2012-2017-ci illərdə Azərbaycan MEA Fəlsəfə İnstitutunda nəşr olunan “Elmi əsərlər” jurnalının baş redaktor müavini olub. 2013-cü ildə Azərbaycan MEA-nın Fəlsəfə və Hüquq İnstitutunun Gənc Alim və Mütəxəssislər Şurasının sədri, 2014-cü ildə isə Azərbaycan Milli Elmlər Akademiyasının Gənc Alim və Mütəxəssislər Şurasının idarə heyətinin üzvü seçilmişdir. 2016-cı ildə «Postmodern və Türkiyə ictimai şüurunun inkişaf konseptlərinin təhlili» mövzusunda doktorluq dissertasiyasını müdafiə edərək, fəlsəfə üzrə elmlər doktoru elmi dərəcəsini almışdır. 2020-ci ildən Azərbaycan Milli Elmlər Akademiyasının akademik Z.M.Bünyadov adına Şərqşünaslıq İnstitutunda Şərqşünaslıq elminin nəzəriyyəsi və tarixi şöbəsinin müdiri vəzifəsində işləyir. 2023-cü ildə professor elmi adını almışdır.

Postmodernizm, multikulturalizm, Şərq-Qərb, qeyri-Qərb müasirliyi, modernizm, modernləşmə, ictimai şüurun inkişafı, alternativ modernliklər, ictimai-mədəni transformasiyalar, ideologiya, media siyasəti, İnformasiya müharibələri, yumşaq güc və s. mövzularda 180-dən çox elmi əsərin müəllifidir, bunların yarısından çoxu respublikadan kənarda çap olunmuşdur. Həm respublikamızda, həm də xaricdə (İngiltərə, İspaniya, İtaliya, Fransa, Cənubi Koreya, Yunanıstan, Türkiyə, Rusiya, Litva, Kipr, Belarus, Qazaxıstan, Gürcüstan, Türkmənistan və s.) bir çox konfransda məruzələrlə çıxış edib. R.Rzayeva 65 sertifikat sahibidir.

• 2002-ci ildə Azərbaycan Respublikası Təhsil Nazirliyi tərəfindən Şərqşünaslıq bölməsi üzrə ən yaxşı məruzəyə görə diplomla təltif edilib.
• 2007-ci ildə Azərbaycan MEA Gənclərin İntellektual İnkişaf Mərkəzi tərəfindən Fəxri Fərman (Dövlət gənclər siyasətinin həyata keçirilməsində fərqləndiyinə, gənc alimlərin mənafelərini müdafiə edən məsələlərdə fəal mövqe tutduğuna görə və 2007 – «Gənclər İli» münasibətilə) ilə təltif edilib.
• 2008-ci ildə Azərbaycan Respublikasının Gənclər və İdman Nazirliyi tərəfindən 2007-ci ildə elm sahəsində nailiyyətlərə görə ilin gənc alimi kimi diplom və mükafatla təltif edilib.
• 2010-cu ildə MDB üzv ölkələrinin gənc alimləri arasında keçirilən “Debütlar birliyi” («Содружество дебютов») Beynəlxalq mükafat uğrunda müsabiqədə “Humanitar və ictimai elmlər” nominasiyası üzrə laureat adına layiq görülüb, diplom və mükafatla təltif edilib.
• 2015-ci ildə Azərbaycan Milli Elmlər Akademiyasının 70 illik yubileyi münasibətilə uzunmüddətli məhsuldar elmi fəaliyyəti nəzərə alınaraq AMEA İctimai Elmlər Bölməsi tərəfindən Fəxri Fərmanla təltif edilib.
• 2024-cü ildə Beynəlxalq Avrasiya Təhsil İttifaqları Birliyi tərəfindən sahəsindəki elmi fəaliyyəti ilə “Türk elm dünyasına” verdiyi töhfələrə görə “Ziya Göyalp cəmiyyət mükafatı” ilə təltif olunub.

Təşkilati, pedaqoji və elmi-tədqiqat fəaliyyətinə görə

• R.Rzayevaya Türkiyə Respublikasının Təhsil Nazirliyi (2003-2008), Türkiyənin Egey Universiteti (2010), Azərbaycan Respublikası Mədəniyyət və Turizm Nazirliyi (2011), Türkiyə Respublikasının Ailə və Sosial Siyasət Nazirliyi (2013), Türkiyə Elmlər Akademiyası (2014) tərəfindən təşəkkürnamələr verilmişdir.

• Пути развития турецкой литературы (R.Əhmədov ilə həmmüəllifliklə). Баку: “Nafta-Press”, 2001, 280 s.
• Rus ve Azerbaycan Kaynaklarında Türk Modernleşmesi. Ankara: Lotus Yayın Grubu, Otorite Yayınları, 2012, 271 s.
• Постмодерн и мультикультурализм: междисциплинарный дискурс. Баку: "Елм ве тахсил", 2015, 300 s.
• Незападная современность в дискурсе постмодерна и культурной полифонии. Баку: "Елм ве тахсил", 2015, 328 s.
• The Challenges of Contemporaneity: Postmodernity and Multiculturalism. Springer, 2016.^[2]
• К вопросу о символической политике постмодернистского мира // Вопросы философии. 2011. № 9.^[3]
• Дихотомия «Запад – не Запад» в дискурсе незападной современности и постмодерна // Вопросы философии. 2012. № 12.^[4]
• Конец метанарративов в контексте проблематики прошлого и вызовов будущего // Вопросы философии. 2014. № 2.^[5]
• Modernleşme Süreci Üzerine.^[6]
• Мультикультурализм в постмодернистском контексте / Proceedings of the XXIII World Congress of Philosophy, 2018.^[7]
• Orientalism and Ottoman Modernisation in the Discourse of Postmodernism // European Journal of Multidisciplinary Studies, 2019.^[8]
• Türk Dünyası ve Stratejik Siyasetin Felsefesi: Yumuşak Güç ve Medya // Sakarya Üniversitesi Türk Akademi Dergisi. 2023. № 2(2).^[9]
• Siyasәtin fәlsәfәsi. Analitik diskurslar: ideologiya, media, diplomatiya. Bakı, “Tәhsil Nәşriyyat-Poliqrafiya” MMC, 2025, 336 sәh.^[10]

1. ↑ Professor Roida Rzayeva [1]
2. ↑ "The Challenges of Contemporaneity: Postmodernity and Multiculturalism". 10 iyun 2018 tarixində arxivləşdirilib. İstifadə tarixi: 22 aprel 2025.
3. ↑ "К вопросу о символической политике постмодернистского мира". 11 mart 2022 tarixində arxivləşdirilib. İstifadə tarixi: 22 aprel 2025. Вопросы философии. 2011. № 9.
4. ↑ "Дихотомия «Запад – не Запад» в дискурсе незападной современности и постмодерна". 21 iyun 2024 tarixində arxivləşdirilib. İstifadə tarixi: 22 aprel 2025.
5. ↑ "Конец метанарративов в контексте проблематики прошлого и вызовов будущего". 13 mart 2022 tarixində arxivləşdirilib. İstifadə tarixi: 22 aprel 2025.
6. ↑ [2]
7. ↑ [3]
8. ↑ [4]
9. ↑ "Arxivlənmiş surət". 5 may 2025 tarixində arxivləşdirilib. İstifadə tarixi: 22 aprel 2025.
10. ↑ “Siyasәtin fәlsәfәsi. Analitik diskurslar: ideologiya, media, diplomatiya” adlı monoqrafiya çapdan çıxıb