Pyer Born (orij. "Pi'erre Bourne"; 19 sentyabr 1993) — ABŞ musiqi prodüseri, repçi və mahnı müəllifi. Onun ən böyük uğuru 2017-ci ildə gəlib. Həmil il Playboi Carti üçün "Magnolia", 6ix9ine üçün isə "Gummo" adlı mahnıları istehsal edib. Bu iki trek ABŞ-nin "Billboard Hot 100" reytinqində ilk 30-luğa qədər qalxıb.[1][2]
| Pyer Born | |
|---|---|
| ing. Pi'erre Bourne | |
 | |
| Ümumi məlumatlar | |
| Doğum adı | Jordan Timothy Jenks |
| Ləqəbləri | Pi'erre Bourne |
| Doğum tarixi | 19 sentyabr 1993 (32 yaş) |
| Musiqiçi məlumatları | |
| Fəaliyyəti | musiqi prodüseri, repçi, müğənni, mahnı yazarı[d], səs rejissoru |
| Fəaliyyət illəri | 2010-cu ildən |
| Janrlar | hip-hop[d], trep |
| yopierre.com | |
Karyerası boyu Playboi Carti, Lil Uzi Vert, Lil Yachty, Young Thug, Juice Wrld, Young Nudy, Trippie Redd, Kanye Vest, Drake, Nav, Duwap Kaine və 21 Savage daxil olmaqla bir çox məşhur sənətçilərlə birgə işləyib.
Cənubi Karolinanın Kolumbiya şəhərində böyüyüb.[3] Anası Belizdən gəlmiş ikinci nəsil mühacirdir. Uşaqlıq illərində yayları Kuinsdəki Saut- Cameykada nənəsinin yanında keçirirdi və məhz bu dövr onun Şərq Sahili hip-hopuna olan marağını formalaşdırıb. Beliz mənşəli kriol reggi sənətkarı Mobile Malachi ilə qohumluq əlaqələri var. Eyni zamanda məşhur reper Papoose ilə əmiuşağıdır.
Həm reper, həm də qrafik dizayner olan əmisi Dvayt onun üçün əsas ilham mənbəyi olub. İlk bitlərini hələ ibtidai sinifdə oxuyarkən əmisinin kompüterində "FL Studio" proqramında yaratmağa başlayıb. Səhnə adını isə Kinan Tompsonun "Bütün bunlar" (orij. "All That") şousundakı "Pyer Eskarqo ilə gündəlik fransız dili" skeçi və 2002-ci ildə çəkilmiş "Bornun müəyyən edilməsi" filmindən götürüb. Orta məktəb illərində dostları ilə birlikdə "The Bourne Ones" adlı rep qrupu qurub və mahnılarını "Imeem" platformasında yayımlayıblar.
Studiya albomları
- The Life of Pi'erre 4 (2019)
- The Life of Pi'erre 5 (2021)
- Good Movie (2022)
- Made in Paris (2025)
- ↑ Saponara, Michael. "Pi'erre Bourne Talks Crafting 'Yo Pi'erre' With Playboi Carti, Touring With Drake & Metro Boomin' Studio Sessions". Billboard. 27 noyabr 2017. İstifadə tarixi: 6 mart 2018.
- ↑ Benz, Tyler. "Yo, Pi'erre Bourne Is Out of Here". Noisey. 8 avqust 2017. İstifadə tarixi: 6 iyun 2025.
- ↑ Wilson, Levi. "Pi'erre Bourne Covers New Wave Transcendence Issue". New Wave Magazine (ingilis). İstifadə tarixi: 7 iyun 2025.
- Pyer Born — SoundCloud səhifəsi
