21 Savage (22 oktyabr 1992[1][2]) — ABŞ–Britaniya repçisi. Atlanta şəhərində böyüyən musiqiçi 2013-cü ildə ifaçılıq fəaliyyətinə başlayaraq, bölgə səviyyəsində rəğbətlə qarşılanan üç müstəqil miksteypini dinləyicilərin ixtiyarına verib. Onun yaradıcılığında əsl yüksəliş mərhələsi prodüser Metro Boomin ilə birgə ərsəyə gətirdiyi "Savage Mode" adlı minialbom layihəsi sayəsində baş tutub. Bu albom Billboard 200 çartında 23-cü pilləyədək yüksəlib. Layihənin "X" (Future-ın iştirakı ilə) və "No Hart" adlı aparıcı sinqlları Billboard Hot 100 çartında ilk qırxlıqda yer alıb. Eyni ildə ifaçı Dreykin "Sneakin" sinqlında qonaq müğənni qismində iştirakı onun şöhrətini daha da artırıb.[4][5][6] O, 2017-ci ilin yanvarında "Epic Records" şirkəti ilə müqavilə imzalayıb.[7]
| 21 Savage | |
|---|---|
 | |
| Ümumi məlumatlar | |
| Doğum adı |
Shéyaa Bin Abraham-Joseph[3] Sha Yaa Bin Abraham-Joseph |
| Ləqəbi | 21 Savage |
| Doğum tarixi | 22 oktyabr 1992[1][2] (32 yaş) |
| Uşağı | 3 |
| Partnyoru |
|
| Musiqiçi məlumatları | |
| Fəaliyyəti | repçi, mahnı yazarı[d], musiqi prodüseri, musiqiçi, söz yazıçısı[d] |
| Fəaliyyət illəri | 2013-cü ildən |
| Janrlar | trep |
| Albom şirkətləri | Epic Records |
|
21savage.com shop.21savage.com |
|
 Vikianbarda əlaqəli mediafayllar | |
21-in ilk studiya albomu "Issa Album" (2017) Billboard 200 çartında ikinci pilləyə çatmış, albomun aparıcı sinqlı "Bank Account" isə Billboard Hot 100-də on ikinci sırada qərarlaşmışdır.[8] Eyni ildə Metro Boomin və Corciyalı rep ifaçısı Offset ilə birgə "Without Warning" adlı albomunu dinləyicilərin ixtiyarına buraxmış, Post Malone-un "Rockstar" sinqlında iştirak etmişdir. Bu kompozisiya Billboard Hot 100 çartında birinci olmuş, 61-ci "Qremmi" mükafatlarında "İlin səsyazması" və "Ən Yaxşı Rep/Vokal İfası" nominasiyalarında təqdim olunmuşdur.[9][10] Repçinin "I Am > I Was" (2018) adlı ikinci albomu Billboard 200-də birinci yerə yüksələn ilk işi olmuşdur. Albomda J. Cole-un iştirakı ilə səsləndirilən "A Lot" mahnısı 62-ci "Qremmi" mükafatlarında "Ən yaxşı rep mahnısı" nominasiyasını qazanmışdır.[11][12][13] Növbəti il Metro Boomin ilə birgə ərsəyə gətirdikləri "Savage Mode II" (2020) albomu Billboard 200 çartında liderlikdə qərarlaşmış, "Runnin" və Dreykin iştirakı ilə səsləndirilən "Mr. Right Now" mahnıları ilk onluğa daxil olmuşdur.[14][15] 21 Dreykin "Jimmy Cooks" (2022) sinqlında iştirak etmiş, bu kompozisiya Hot 100 çartında birbaşa zirvəyə yüksələn ilk mahnısı olmuşdur.[16] Həmin il Dreyk ilə birgə "Her Loss" (2022) albomunu təqdim etmiş, bu albom Billboard 200 çartında birinci yerə yüksələn üçüncü layihəsi kimi yadda qalmışdır.[17]
1992-ci il oktyabrın 22-də Londonda, Plestou rayonundakı Nyuhem Universitet Xəstəxanasında britaniyalı Hezer Karmiliya Cozef və Kevin Kornelus Emonsun ailəsində doğulub. Nəsil şəcərəsi Karib adalarına söykənən gənc musiqiçinin anası Dominika mənşəlidir, atası isə Sent-Vinsent və Qrenadində doğulmuş, baba tərəfdən Haiti köklərini daşıyır.[18][19] Rəqs xoreoqrafı olan əkiz bacıları Kira və Ceyda Devis kimi, atası da Londonda məskunlaşmışdır. Atası Hazırda Vestminster Şəhər Konsulluğunda çalışmaqdadır.[20]
21 erkən yaşlarında valideynlərinin ayrılmasından sonra anası ilə birlikdə Atlantaya köç etməli olub.[21][22][23] On iki yaşında dayısının dəfn mərasimində iştirak etmək üçün Birləşmiş Krallığa qayıdır.[24] Lakin bir ay orada qaldıqdan sonra H-4 vizası ilə yenidən Atlantaya dönür.[25] Məlumata görə, viza növbəti il qüvvədən düşüb.[26] Bir müddət sonra anası, özü kimi Britaniyadan köçmüş endokrinoloq Dr. Amsu Anpu ilə münasibət qurur və onların övladları dünyaya gəlir.[27] 21-in Quantivayus adlı qardaşı narkotik alveri zamanı baş vermiş atışmada həlak olur.[28]
O, Stone Mountain orta məktəbinin yeddinci sinfində oxuyarkən silah daşıdığına görə şərti cəza alıb. Səkkizinci sinifdə nəzarət qaydalarını pozduğu üçün DeKalb məktəb dairəsindən uzaqlaşdırılıb.[29][30][31] Bundan sonra Atlanta metropolitan ərazisindəki müxtəlif məktəblərdə təhsil almağa çalışmış, nəhayət islah müəssisəsinə göndərilmişdir.[32] İslahetmə müəssisəsindən buraxıldıqdan sonra xüsusi proqram vasitəsilə səkkizinci sinfi bitirib, orta məktəbin bir semestrini də oxumuşdur. Ancaq təhsil müəssisələrindən tez-tez uzaqlaşdırılması onu mənəvi cəhətdən sarsıtdığından doqquzuncu sinifdə məktəbi tərk etmişdir.[33] Təhsildən ayrıldıqdan sonra "Bloods" bandası ilə əlaqəli küçə dəstəsinə qoşulmuş, əsasən marixuana satışı ilə məşğul olan narkotacirə çevrilmişdir. Avtomobil oğurluğu və digər cinayətlərdə də əli olub. Yeganə həbsi avtomobilində qanunsuz maddələr tapıldığı zaman baş verib.[34] 2011-ci ildə, 19 yaşında ikən yaxın dostu Larri atışmada həyatını itirib. 2013-cü ildə, 21 yaşında olanda soyğunçuluq cəhdi zamanı düşmən qruplaşmanın üzvləri tərəfindən altı güllə yarası almış, ən yaxın dostu Conni isə həmin hadisədə öldürülmüşdür.[35]
21 Savage və anası qədim Qərbi Afrika inancı olan İfa dininə etiqad bəsləyirlər. Model Ember Rouz ilə 2017-ci ilin iyun ayında münasibətə başlayan repçi, bu əlaqəni növbəti ilin may ayınadək davam etdirmişdir. Eyni ilin oktyabr ayında o, Cirrus SR20 təkmühərrikli təyyarəsində uçuş dərsləri almağa başlayıb.
2018-ci ildə 21 Savage "Guns Down, Paintballs Up" (Silahı yerə qoy, peintbolu əlinə al) adlı təşəbbüsü irəli sürmüşdür. Bu hərəkatın məqsədi ölümcül silahlar əvəzinə peintbol tüfənglərindən istifadəni təşviq edərək silahlı zorakılığı azaltmaq idi. Detroit Polis Departamentinin rəhbəri Ceyms Kreyq bu təşəbbüsü "niyyəti xeyirxah, ancaq yanlış istiqamətlənmiş" kimi dəyərləndirmişdir. Belə ki, peintbol silahlarının iştirakı ilə bir sıra xoşagəlməz hadisələr – bədən xəsarətləri, kütləvi iğtişaşlar, polis avtomobillərinin zədələnməsi, zorakı qarşıdurmalar baş vermişdir. Bundan əlavə, peintbol silahlarının gerçək odlu silahlarla səhv salındığı hallar olmuşdur. Bu hərəkat mülkiyyətə qarşı cinayətlər və qətl hadisələri ilə əlaqələndirilmişdir. 21 Savage bu məsələ barədə açıqlama verməsə də, əlaqəli hadisədə həyatını itirən 3 yaşlı uşağın dəfn mərasiminin xərclərini öz üzərinə götürüb.
Studiya albomları
- Issa Album (2017)
- I Am > I Was (2018)
- American Dream (2024)
Kollaborativ albomlar
- ↑ 1 2 http://georgia.arrests.org/Arrests/Shayaa_Joseph_7097616/.
- ↑ 1 2 22 Savage // Dutch Top 40.
- ↑ https://www.dailymail.co.uk/news/article-6663565/Rapper-21-Savage-federal-immigration-custody-Georgia.html.
- ↑ Rogen, Seth. "21 Savage chops it up with Seth Rogen". Interview Magazine (ingilis). April 26, 2018. July 11, 2018 tarixində arxivləşdirilib. İstifadə tarixi: July 10, 2018.
- ↑ Daniels, Karu F. "Sylvia Rhone named chairman and CEO of Epic Records". New York Daily News. April 23, 2019. April 25, 2019 tarixində arxivləşdirilib. İstifadə tarixi: April 30, 2019.
- ↑ Mitchell, Gail. "How Sylvia Rhone Became Sony Music's Most Powerful African-American Woman: 'Many Questioned My Ability'". Billboard. May 4, 2019 tarixində arxivləşdirilib. İstifadə tarixi: April 30, 2019.
- ↑ "Sylvia Rhone". Berklee College of Music. April 22, 2019 tarixində arxivləşdirilib. İstifadə tarixi: April 30, 2019.
- ↑ C.M., Emmanuel. "The Break Presents: 21 Savage". XXL Magazine. October 9, 2015. July 24, 2016 tarixində arxivləşdirilib. İstifadə tarixi: May 2, 2018.
- ↑ "21 Savage". Grammy Awards (official website) (ingilis). December 5, 2018. April 6, 2019 tarixində arxivləşdirilib. İstifadə tarixi: February 3, 2019.
- ↑ India, Lindsey. "Post Malone's Rockstar Hits No. 1 on Billboard Hot 100 Chart". XXL Magazine. October 16, 2017. December 10, 2017 tarixində arxivləşdirilib. İstifadə tarixi: May 2, 2018.
- ↑ Caulfield, Keith. "21 Savage Spends Second Week at No. 1 on Billboard 200 Albums Chart With I Am > I Was". Billboard. January 6, 2019. August 31, 2019 tarixində arxivləşdirilib. İstifadə tarixi: January 9, 2019.
- ↑ "21 Savage Grammy History". The Recording Academy. June 18, 2020 tarixində arxivləşdirilib. İstifadə tarixi: January 27, 2020.
- ↑ "J. Cole Grammy History". The Recording Academy. April 21, 2019 tarixində arxivləşdirilib. İstifadə tarixi: January 27, 2020.
- ↑ Reed, Ryan. "21 Savage, Metro Boomin Announce Savage Mode 2 LP". Rolling Stone. September 28, 2020. January 18, 2021 tarixində arxivləşdirilib. İstifadə tarixi: September 29, 2020.
- ↑ "21 Savage". Billboard. March 19, 2019 tarixində arxivləşdirilib. İstifadə tarixi: 3 August 2021.
- ↑ "21 Savage". Billboard (ingilis). June 29, 2022 tarixində arxivləşdirilib. İstifadə tarixi: 2022-07-07.
- ↑ Caulfield, Keith. "Drake & 21 Savage's 'Her Loss' Debuts at No. 1 on Billboard 200 Albums Chart". Billboard. November 13, 2022. November 15, 2022 tarixində arxivləşdirilib. İstifadə tarixi: January 30, 2024.
- ↑ Caramanica, Jon. "21 Savage, American Rapper". The New York Times. February 6, 2019. February 7, 2019 tarixində arxivləşdirilib. İstifadə tarixi: February 7, 2019.
His parents both being raised in the UK with his mother's family being from the Caribbean Island of Dominica.
- ↑ "21 Savage Previously Revealed His West Indian Roots". rapcurrent.com. 9 February 2019. 2021-04-20 tarixində orijinalından arxivləşdirilib.
- ↑ Abraham-Joseph, Shéyaa. "21 Savage Breaks Down the Lyrics to 'No Heart'". Rap Genius. November 3, 2016. February 9, 2019 tarixində arxivləşdirilib. İstifadə tarixi: February 7, 2019.
Yeah, my folks Haitian. Like, I'm Haitian. You know what I'm saying. My granddaddy Haitian.
- ↑ Sitat səhvi: Yanlış
<ref>teqi;Targetedadlı istinad üçün mətn göstərilməyib - ↑ Capelouto, J. D. "Breaking: ICE arrests rapper 21 Savage, says he is actually British and overstayed visa". The Atlanta Journal-Constitution. February 5, 2019. February 20, 2019 tarixində arxivləşdirilib. İstifadə tarixi: February 21, 2019.
- ↑ "21 Savage Birth Certificate Reveals He Was Born in the U.K." Rap-Up. February 4, 2019. February 5, 2019 tarixində arxivləşdirilib. İstifadə tarixi: February 4, 2019.
- ↑ Renshaw, David. "21 Savage says his lawyers believe he was targeted by ICE for rapping about immigration control". The Fader (ingilis). February 15, 2019. February 16, 2019 tarixində arxivləşdirilib. İstifadə tarixi: February 16, 2019.
- ↑ Brett, Jennifer. "21 Savage's lawyers say ICE 'provided incorrect information'". The Atlanta Journal-Constitution. February 5, 2019. February 9, 2019 tarixində arxivləşdirilib. İstifadə tarixi: February 10, 2019.
- ↑ Ortiz, Erik. "Rapper 21 Savage describes arrest by ICE: 'We got Savage'". NBC News. February 15, 2019. February 21, 2019 tarixində arxivləşdirilib. İstifadə tarixi: February 21, 2019.
- ↑ Zaynab. "21 Savage's Rumored Father, Dr. Amsu Anpu, Gains Attention Amid ICE Arrest". Hot New Hip Hop (ingilis). February 4, 2019. February 5, 2019 tarixində arxivləşdirilib. İstifadə tarixi: February 7, 2019.
- ↑ James, Andy. "The Brutal Story Behind 21 Savage's Dagger Face Tattoo". DJBooth. November 22, 2018. May 7, 2018 tarixində arxivləşdirilib. İstifadə tarixi: May 2, 2018.
- ↑ Charlamagne tha God, DJ Envy. 21 Savage Interview With The Breakfast Club (Video). New York City: The Breakfast Club (radio show). August 4, 2016. July 16, 2021 tarixində arxivləşdirilib. İstifadə tarixi: May 6, 2018.
- ↑ 21 Savage's American Dream - Untold Stories From London, England to East Atlanta Zone 6 (ingilis), January 24, 2024, January 25, 2024 tarixində arxivləşdirilib, İstifadə tarixi: 2024-01-25
- ↑ Barshad, Amos. "Savage World". The Fader. November 21, 2016. İstifadə tarixi: February 8, 2025.
- ↑ "Everything You Need To Know About 21 Savage". HotNewHipHop. August 23, 2017 tarixində arxivləşdirilib. İstifadə tarixi: August 24, 2017.
- ↑ Darville, Jordan. "21 Savage Talks Being An 'A' Student, Losing His Best Friends On The Breakfast Club". The Fader (ingilis). August 4, 2016. July 11, 2018 tarixində arxivləşdirilib. İstifadə tarixi: July 10, 2018.
- ↑ Hine, Samuel. "21 Savage: From Robbin' Season to Role Model". GQ (ingilis). June 27, 2018. July 11, 2018 tarixində arxivləşdirilib. İstifadə tarixi: July 10, 2018.
- ↑ Russell, Alex. "Meet 21 Savage, Atlanta's Most Respected New Rapper". The Fader. October 1, 2015. August 24, 2017 tarixində arxivləşdirilib. İstifadə tarixi: August 24, 2017.