Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  1-11 Sinif Derslikler Yukle
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Playboi Carti

ABŞ repçisi
  • Məqalə
  • Müzakirə

Playboi Carti (əsl adı: Cordan Terrell Karter; 13 sentyabr 1995[1][2][…], Atlanta[2]) — ABŞ repçisi; müğənni. Repçinin vokal ifası və geyim tərzi özünəməxsusdur. Hip-hop janrında fəaliyyət göstərir və "reyc" (orij. "rage") istiqamətinin formalaşmasında iştirak edib. İfaçılığında ənənəvi mətn quruluşundan daha çox səs effektlərinə və obraza önəm verir. "Uşaq səsi" (orij. "baby voice") kimi texniki üsullardan istifadə edir.

Playboi Carti
ing. Jordan Terrell Carter
Ümumi məlumatlar
Doğum adı Jordan Terrell Carter
Ləqəbi boi
Doğum tarixi 13 sentyabr 1995(1995-09-13)[1][2][…] (30 yaş)
Doğum yeri
  • Atlanta[2]
Partnyorları
  • İggi Azaliya (2018–2019)[3]
Musiqiçi məlumatları
Fəaliyyəti repçi, müğənni, mahnı yazarı[d], musiqi prodüseri, model[d]
Fəaliyyət illəri 2011-ci ildən
Janrlar trep, klaud rep[d], rage rap[d], pank rep[d], alternativ hip-hop, plugg music[d], lou-fay
Albom şirkətləri AWGE[d], Interscope Records, Opium
playboicarti.com
Vikianbarın loqosu Vikianbarda əlaqəli mediafayllar

C. Karter Atlanta şəhərində anadan olub, təhsilini də orada alıb. 2011-ci ildə "Sir Cartier" təxəllüsü ilə musiqi fəaliyyətinə başlayıb və ilk audio yazılarını "SoundCloud" platformasında yerləşdirib. 2014-cü ildə "Awful Records" şirkəti, 2016-cı ildə isə "Interscope Records" və ASAP Rocky-nin "AWGE" şirkəti ilə müqavilə bağlayıb. İlk miksteypi (2017) "Billboard 200" hit-paradında 12-ci pillədə qərarlaşıb. Həmin albomdan "Magnolia" və Lil Uzi Vert-lə birgə "Wokeuplikethis" kompozisiyaları yayımlanıb. İlk studiya albomu "Die Lit" (2018) "Billboard 200" hit-paradında 3-cü mövqedə yer alıb.

İkinci albomu olan "Whole Lotta Red" (2020) "Billboard 200" hit-paradında birinci yerə yüksəlib. "Rolling Stone" jurnalı bu albomu hip-hop janrında əhəmiyyətli nümunələr sırasına daxil edib. Trevis Skott ("Fein", 2024), Kanye Vest və Ty Dolla Sign ("Carnival", 2024) kimi sənətçilərlə əməkdaşlıqlar qurub. "Carnival" kompozisiyası "Billboard Hot 100"də birinci yerə çıxıb. 2025-ci ildə "Music" adlı üçüncü studiya albomunu təqdim edib. Albom müsbət rəylər alıb və "Billboard 200" hit-paradında növbəti dəfə birinci yerə yüksəlib. Albomdan çıxan "Evil J0rdan" sinqlı "Billboard Hot 100"də ikinci yerdən start götürüb.

İfa karyerasından əlavə, C. Karter 2019-cu ildə "Opium" adlı səsyazma şirkətini və rep qrupunu təsis edib. Ken Carson, Destroy Lonely, "Homixide Gang" və "ASAP Mob" qrupunun üzvü ASAP Nast kimi ifaçılar şirkətlə müqavilə bağlayıb.

Mündəricat

  • 1 Erkən illəri
  • 2 Şəxsi həyatı
  • 3 Diskoqrafiya
  • 4 İstinadlar
  • 5

Erkən illəri

Cordan Terrell Karter 1995 və ya 1996-cı il sentyabrın 13-də Corciya ştatının Atlanta şəhərində doğulub. Riverdeyl qəsəbəsində yaşayıb.[4][5] Ailəsində böyük qardaşı var. Sendi-Sprinqs şəhərindəki Nort-Sprinqs-Çarter məktəbində təhsil alıb.[6] Anası tərəfdən həbəş əsilli olduğunu bildirib.[7]

2016-cı ildə "Complex" nəşrinə verdiyi müsahibədə ali təhsilə və hərbi xidmətə marağı olmadığını, pul qazanmaq yolları axtardığını deyib.[8] İlk vaxtlar peşəkar basketbolçu olmaq istəyib.[9] "The Fader" nəşrinə bildirdiyinə görə, məşqçisi ilə anlaşmazlıq səbəbindən basketbolu buraxıb. Sonra daha çox musiqi ilə məşğul olmağa başlayıb, "H&M"də işləyib və bəzən dərslərdən yayınıb.[10]

İlk musiqi təcrübəsini həmyaşıd qızlarla tanış olmaq üçün getdiyi məktəb xorunda qazanıb.[11] Yeniyetməlik dövründə "Sir Cartier" təxəllüsü ilə rep ifaçılığına başlayıb. Wiz Khalifa, Currensy və "Odd Future"un təsiri ilə mahnılar yazıb. Atlanta şəhərində yerli səviyyəli layihələr və videolar hazırlayıb. İlk videoları Cənubi Atlantanın ticarət mərkəzlərində və dayanacaqlarda dostları ilə birgə çəkilib. Böyük qardaşı ona Gucci Mane və digər atlantalı repçiləri tanıdıb ki, bu da onun ilkin üslubuna təsir göstərib.

C. Karter musiqidən əlavə moda ilə də məşğul olub. Məhəlləsində dar şalvar geyinən və skeytbord sürən ilk şəxslərdən biri olub. Atlantanın "Historic Fourth Ward" skeytparkında rastlaşdığı pank geyim tərzini mənimsəyib.[12] İkinci əl mağazalarından alış-veriş edib, həmyaşıdlarından fərqli geyimlər seçib. Bu səbəbdən bəzən tənqidə məruz qalıb.[13] Məktəbin son illərində dərsləri az ziyarət edib, əsas vaxtını musiqi yazılışı və səsyazma müqaviləsi əldə etməyə sərf edib. Sinif yoldaşları arasında geyim tərzi ilə tanınsa da, məktəbdəki geyim müsabiqələrində iştirak etməyib. 18 yaşında Nyu-Yorka köçüb, qohum və dostlarının yanında qalaraq musiqi fəaliyyətini davam etdirib.

Şəxsi həyatı

C. Karter karyerasının ilk dövrlərində model və repçi Rubi Rouz ilə münasibətdə olub. R. Rouz "Migos" qrupunun "Bad and Boujee" klipində rol aldıqdan sonra məşhurlaşıb.[14][15] İddialara görə, təyyarəyə minməzdən əvvəl R. Rouzun onun telefonlarını gizlətməsi səbəbindən C. Karter havaya atəş açıb. C. Karter bildirib ki, atəş açarkən R. Rouza xətər yetirmək məqsədi daşımayıb.[16] C. Karterin xəyanəti səbəbindən münasibətləri başa çatıb.[17] O, 2017-ci ildə amerikalı model Blek Çayna ilə qısamüddətli münasibətdə olub.[18]

İggi Azaliya və C. Karterin münasibəti 2018-ci ildə konsert turu zamanı başlayıb. Cütlük Atlantanın Bakhed ərazisində məskunlaşıb.[19] 2019-cu ilin sonunda ayrılıblar.[20][21] 2020-ci ildə İ. Azaliya C. Karterdən olan oğlu Oniksi (orij. "Onyx") dünyaya gətirib.[22] İ. Azaliya C. Karteri doğuş zamanı iştirak etməməkdə və xəyanətdə günahlandırıb. C. Karter övladının doğum haqqında şəhadətnaməsini imzalamayıb.[23] 2023-cü ildə ikinci övladının - qızı İvin (orij. "Yves") olduğunu bildirib.[24]

2019-cu ilin iyun ayından etibarən C. Karter Los-Ancelesdən Atlantaya köçüb. O, həmin ərazidə yaşayır və çalışır.

Astma xəstəliyindən əziyyət çəkir.[25]

Diskoqrafiya

Studiya albomları

  • Die Lit (2018)
  • Whole Lotta Red (2020)
  • I Am Music (2024)

İstinadlar

  1. ↑ 1 2 tweet. 2006.
  2. ↑ 1 2 3 4 AllMusic (ing.). 1991.
  3. ↑ https://www.complex.com/music/2018/09/iggy-azalea-relationship-with-playboi-carti-is-official-official.
  4. ↑ Dandridge-Lemco, Ben. "Cover Story: The Secret Life of Playboi Carti". The Fader. 13 iyun 2019 tarixində arxivləşdirilib. İstifadə tarixi: 12 sentyabr 2025.
  5. ↑ Kearse, Stephen. "Playboi Carti, Rap Iconoclast". The Nation. 2 mart 2021. 2 mart 2021 tarixində arxivləşdirilib. İstifadə tarixi: 12 sentyabr 2025.
  6. ↑ Schwadron, Eli. "Happy Birthday, Playboi Carti!". XXL. 13 sentyabr 2016. 3 aprel 2021 tarixində arxivləşdirilib. İstifadə tarixi: 12 sentyabr 2025.
  7. ↑ https://x.com/Kmarchived/status/1840987053913223230?lang=en
  8. ↑ Scarano, Ross. "Almost Famous: Playboi Carti Talks His Come Up, First Mixtape, and Working With Lil Uzi Vert". Complex. 30 iyun 2023 tarixində arxivləşdirilib. İstifadə tarixi: 12 sentyabr 2025.
  9. ↑ Playboi Carti – Everything You Need To Know (Episode 40). The Fader. 23 fevral 2017. 9 iyun 2022 tarixində arxivləşdirilib. İstifadə tarixi: 15 yanvar 2023 – YouTube vasitəsilə.
  10. ↑ Younger, Briana. "Playboi Carti: Life imitates art". Crack. 31 mart 2023 tarixində arxivləşdirilib. İstifadə tarixi: 12 sentyabr 2025.
  11. ↑ Zanes, Anna. "Playboi Carti: In Person". Office. 22 may 2018. 27 may 2018 tarixində arxivləşdirilib. İstifadə tarixi: 12 sentyabr 2025.
  12. ↑ Lee, Christina. "Playboi Carti has never been one to follow the crowd, a fact that is evident on his most recent album, "Whole Lotta Red."". Inked. 9 mart 2021. 9 mart 2021 tarixində arxivləşdirilib. İstifadə tarixi: 12 sentyabr 2025.
  13. ↑ Satenstein, Liana. "Playboi Carti Is the Fashion World's Latest Rapper Heartthrob". Vogue. 18 aprel 2017. 19 aprel 2017 tarixində arxivləşdirilib. İstifadə tarixi: 12 sentyabr 2025.
  14. ↑ "Inside Rubi Rose's life, Including her parents and boyfriend". TheNetline (ingilis). 22 iyul 2020. İstifadə tarixi: 2 iyun 2021.
  15. ↑ "Playboi Carti Allegedly Tried To Have "VladTV" Rubi Rose Interview Removed". HotNewHipHop (ingilis). 27 yanvar 2021. İstifadə tarixi: 2 iyun 2021.
  16. ↑ "Rubi Rose Details How Playboi Carti Allegedly Shot at Her: Watch". HNHH. oktyabr 2019.
  17. ↑ "The Ex-Girlfriend of Blac Chyna's 21-Year-Old Bae Has a Nasty Message for Her". BET.
  18. ↑ "Playboi Carti Says Alleged Romance With 'Homie' Blac Chyna Was Just a 'Good Week'". Complex.
  19. ↑ "Iggy Azalea's Relationship With Playboi Carti Is Official Official". Complex.
  20. ↑ "Iggy Azalea and Playboi Carti Reportedly Break up". 18 dekabr 2019.
  21. ↑ "Playboi Carti and Iggy Azalea Reportedly Split". BET.
  22. ↑ "Playboi Carti Iggy Azalea Baby Boy". XXL Magazine. 6 may 2020.
  23. ↑ "Iggy Azalea Slams Playboi Carti for Not Spending Christmas with His Son (UPDATE)". Complex Networks.
  24. ↑ Walker, Joe. "Playboi Carti Reveals He Has A Daughter On New Song 'H00DBYAIR'". HipHopDX (ingilis). 20 dekabr 2023. İstifadə tarixi: 20 dekabr 2023.
  25. ↑ Darville, Jordan. "Playboi Carti reveals he has the "worst kind of asthma"". The Fader. 7 avqust 2018. İstifadə tarixi: 30 iyul 2019.

Vikianbarda Playboi Carti ilə əlaqəli mediafayllar var.
  • playboicarti.com — rəsmi saytı
  • Playboi Carti — AllMusic saytında
  • Playboi Carti — Discogs diskoqrafiyası
  • Playboi Carti — IMDb səhifəsi
  • Playboi Carti — MusicBrainz diskoqrafiyası  
Mənbə — "https://az.wikipedia.org/w/index.php?title=Playboi_Carti&oldid=8328946"
Informasiya Melumat Axtar