Poli Zink

Poli Zink - amerikalı döyüş sənətləri çempionu,Daoyin müəllimi və Meymun Kunq-fusunun tanınmış ustasıdır.O,həmçinin Yin və Yanq Yoqa kimi də tanınan Yin yoqanın yaradıcısıdır.

Kaliforniyanın Hollivud şəhərində böyüyən Zink,atası vasitəsilə Zen çay evləri ilə,Hollivud bulvarında küçələrdə yoqa ilə məşğul olan hipilər vasitəsilə isə Müasir yoqa ilə tanış oldu.^[1] 14 yaşında o,"Yoqa haqqında tam illüstrasiyalı kitab"dan,eləcə də PBS telekanalında Riçard Hittleman və Lilias Folanla "Lilias,Yoqa və Siz" proqramlarından öyrənərək yoqa məşqlərinə başladı.16 yaşında isə kunq-fu öyrənməyə başladı.Los-Anceles Şəhər Kollecində oxuduğu illərdə,Honq-Konqdan olan tələbə Ço Çat Lin ona əsaslı inkişaf etmiş yoqa pozaları vasitəsilə kunq-fu bacarıqlarını təkmilləşdirə biləcəyini göstərdi.^[2] Bundan sonra Zink on il ərzində Ço ilə fərdi şəkildə çalışaraq kunq-funun üç ayrı üslubunu öyrəndi.O,Ço Çat Linqin yetirməsi kimi bu üslubları Qərbdə tanıtmaq üçün hazırlanmışdı.Bu dövrdə Zink döyüş sənəti turnirlərində uğurla çıxış etməyə başladı və ardıcıl üç il - 1981,1982,1983-cü illərdə Long Biç Beynəlxalq Karate Çempionatının qalibi oldu.^[3] Hər üç ildə "silah formaları" kateqoriyasında,iki ildə isə "əllə döyüş" kateqoriyasında Qran Pri qazandı.

1970-ci illərin sonlarında Zink yoqa öyrətməyə başladı.O,Daoist təlimlərini və Hatha yoqanı öz yaratdığı pozalar və yanaşma ilə birləşdirərək Yin yoqanı təsis etdi.^[4]