Phova

Phova (tib.: འཕོ་བ་, Vayli: pho ba; sanskr. संक्रांति, saṃkrānti^IAST və ya परकायप्रवेश, parakāyapraveśa^IAST, hərf. "yerin dəyişdirilməsi") — Vacrayana ənənəsinin ardıcılları tərəfindən icra edilən yogik meditasiya praktikası.

Phova praktikasının əsas məqsədi ölüm anında şüurun başın təpəsindəki fontanel vasitəsilə köçürülməsinə hazırlıqdır. Bu hərəkət nəticəsində şüur Buddanın müdriklik ağlı ilə birləşərək Amitabha Buddanın Təmiz torpağ — Sukhavati (Devaçen) aləmində yenidən doğulmanı təmin edir. Phova yalnız şəxsin özü üçün yox, həm də başqaları, o cümlədən buddist olmayanlar və heyvanlar üçün də icra oluna bilər. Bu praktikanın müxtəlif növləri mövcuddur və onların seçimi fərdin hazırlıq səviyyəsinə, təcrübəsinə və fərdi qabiliyyətlərinə uyğun şəkildə müəyyən edilir. Phova Naropanın altı yoqası sırasına daxildir, lakin Naropa phovanın bütün növlərini yox, yalnız müəyyən formalarını öyrətmişdir.^[1]