Bu səhifədə iş davam etməkdədir. |
Həsən Nəzəri və ya Həsən Nəzəri Qazyani — hərbçi, iqtisad elmləri doktoru, 21 Azər hərəkatının iştirakçısı.
| Həsən Nəzəri | |
|---|---|
 | |
| Doğum tarixi | fevral 1921 |
| Doğum yeri | |
| Vəfat tarixi | 1993 |
| Fəaliyyəti | zabit |
 Vikianbarda əlaqəli mediafayllar | |
Həsən Nəzəri 1921-ci ilin fevral ayında Bəndər-i Ənzəli şəhərində anadan olub.[1] Orta məktəbi bitirdikdən sonra Hərbi Hava Qüvvələri Akademiyasında təhsil alıb.[1]1942-ci ildə Hərbi Hava Qüvvələri Akademiyasını birinciliklə bitirib, leytenant rütbəsi və "Biliyə görə" medalı alıb. 1942-ci ildən 1945-ci ilə qədər İsfahanda yerəşən zabitlər üçün Hərbi Hava Qüvvələri məktəbində xidmət edib. Bununla yanaşı gizli siyasi fəaliyyətlə də məşğul olub.[1][2] Tudə partiyasının üzvü kimi onun hərbi təşkilatını qurmaq üçün fəaliyyət göstərib və Əbülhəsən Rəhmani, Məhəmməd Agahi, Abbas Səqayi və Tağı Musəvi ilə birlikdə təşkilatlanıb.[3] 1945-ci il avqustun sonlarında həbs olunub. Həbsdən qaçaraq Xorasan üsyanında iştirak edən zabitlər qrupuna qoşulub. Daha sonra Azərbaycana gəlib. Azərbaycan Milli Hökuməti qurulduqdan sonra ordunun formalaşdırılmasında iştirak edib.[1] Zəncan ətrafında Zülfüqari dəstələri və eləcə də Teymur Bəxtiyarinin başçılıq etdiyi dəstlərə qarşı döyüşüb.[1]
Azərbaycan Milli Hökuməti dağıldıqdan sonra Azərbaycan SSR-ə mühacirət edib.[4] Mühacirət edənlər 1947-ci ilin mart aprel aylarında yaşamaq və işləmək üçün müxtəlif bölgələrdə yerləşdirildilər.[5] Pişəvərinin təklifi ilə gələcəkdə partizan müharibəsi aparmaq, Cənubi Azərbaycanda şah qoşunlarına müqavimət göstərmək üçün seçkin fədai və hərbçilərdən 2 dəstə yaradıldı.[5] Onlardan biri Hacıkəndə, digəri isə Şəki şəhərinə göndərildilər.[6] Hacıkənddəki dəstəyə Tağı Musəvi, Şəkidəki dəstəyə isə Həsən Nəzəri başçı təyin olundu.[5] Seyid Cəfər Pişəvəri avtomobil qəzasında dünyasını dəyişdikdən sonra təlimdə olan fədai dəstələri ləğv olunur. Bundan sonra Həsən Nəzəri ali təhsilini davam etdirib.[4] Bakı Ali Partiya Məktəbində təhsil alıb.[7] Sonra Şərqi Almaniyaya köçüb.[8] 1970-ci illərin əvvəllərində Berlində iqtisad üzrə elmlər doktoru adını alıb.[4] Şərqi Almaniyada yaşadığı dövr ərzində bir neçə universitetdə dərs deyib və iqtisadiyyatla bağlı bir neçə kitab yazıb.
1979-cu ildə İran İslam İnqilabından sonra İrana geri qayıdıb. Bir müddət burda yaşadıqdan sonra Qərbi Almaniyaya köçüb.[9] Öz xatirələrini qələmə alıb.[10] Xatirələrinin birinci hissəsini çap etdirib. İkinci və üçüncü hissələri nəşrə hazırlasa da 1993-cü ildə dünyasını dəyişdikdən sonra bu xatirələri yoxa çıxıb.[4]
- ↑ 1 2 3 4 5 Nəzəri, 1997. səh. 5
- ↑ Nəzəri, 1997. səh. 52
- ↑ Nəzəri, 1997. səh. 64
- ↑ 1 2 3 4 Nəzəri, 1997. səh. 6
- ↑ 1 2 3 Rəhimli, 2009. səh. 118
- ↑ Balayev, 2018. səh. 68
- ↑ Haşimi, 2002. səh. 55
- ↑ Rəhimli, 2019. səh. 162
- ↑ Rəhimli, 2009. səh. 162
- ↑ Rəhimli, 2009. səh. 191
- Balayev, Xaqan. Azərbaycanın sosial-siyasi həyatında cənublu mühacirlərin iştirakı (1947-1991) (az.). Bakı: Elm və təhsil nəşriyyatı. 2018. səh. 198. ISBN 9789952370911.
- Haşimi, Əbülfəz. Mübarizələrdə keçən ömür (az.). Bakı: Maarif nəşriyyatı. 2002. səh. 136. ISBN 9789952370911.
- Nəzəri, Həsən. Uğursuz təyinatlar (fars). Tehran. 1997. səh. 313.
- Rəhimli, Əkrəm. Mübarizə burulğanlarında keçən ömür: Seyid Cəfər Pişəvəri (az.). Bakı: Nurlar NPM. 2009. səh. 400. ISBN 9789952450064.