Hər kəsə salam, Grenzsoldat adlı istifadəçidən tez-tez qaydaları pozması ilə bağlı şikayətlər olunur. İstifadəçinin müzakirə səhifəsinə və buradakı müraciətə baxmaq kifayət edər. İstifadəçinin bəzən çox dəyərli bəzən isə mənasız və zərərli redaktələri olur. Bildiyiniz kimi daha öncə də başqa istifadəçi adı ilə dəfələrlə bloklanıb və hətta qeyri-müəyyən bloku müzakirə olunub. Buna görə də hələlik 1 aylıq blok müddəti təyin etmişəm. Buradakı müzakirəyə əsasən qərar verilməsini istəyirəm. Lütfən münasibət bildirən hər kəs istifadəçinin fəaliyyətini yaxşı yoxlayıb buna görə dəyərləndirsin. Çünki şikayətlər də bəzən əsassız və qərəzli ola bilir. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Solavirum, ) Hörmətlə — eldarado(müzakirə | fəaliyyət | meta səhifəsi) 11:57, 17 noyabr 2022 (UTC)

Mən istifadəçinin vikipediyaya ziyan vurduğunu düşünmürəm. Kütləvi redaktələr aparmaq qayda pozmaq demək deyil. Sadəcə olaraq digər istifadəçilərlə məsləhətləşmədən öz bildiyi kütləvi dəyişikliklərini aparır ki, bu da işimizi çətinləşdirir. Dünən məqalələrdə etdiyi kütləvi redaktələrlə mən də razı deyiləm. Amma Atakhanlı-nın "onun qədər vikipediyaya ziyan vuran adam yoxdur" sözləri düzgün deyil. Grenzsoldatın yaratdığı məqalə sayı heç inzibatçıların çoxunda yoxdur. Sadəcə olaraq bu istifadəçiyə başa salmaq lazımdır ki, oturub 1000-2000 səhifədə dəyişiklik edəcəksənsə, müzakirə apar, sonra et. Şiroi Akuma 12:48, 17 noyabr 2022 (UTC)

Fikirlərimi White Demon dedi. Mən çoxdan vikidə olsam da hər zaman həmkarlarla məsləhətləşib dəyişiklik edirəm. Bu yoldaş isə özü-özlüyündə qərar verir və kütləvi dəyişiklik edir. Sadəcə demək lazımdı ki nə edəcəksənsə məsləhətləş, sonra et. Yəni kütləvi nəsə edəndə. — Araz Yaquboglu (müzakirə) 12:52, 17 noyabr 2022 (UTC)

White Demon ilə bir qədər razıyam. "Edit description" funksiyası və müzakirə səhifəsi müəyyən səbəblə yaradılıb, onlardan istifadə etmək lazımdır. İstifadəçi bəzi hallarda doğrudan öz istəyi ilə, digərlərinin fikrini nəzərə almadan hərəkət edir. Bunu sonlandırmaq lazımdır. --► Hörmətlə: SolaVirum 13:52, 17 noyabr 2022 (UTC)

Məncə məsləhətləşmə aparmadığına görə sərt xəbərdarlıq edilsə yaxşı olardı. White Demon ilə razıyam. Turkmen ^müzakirə09:59, 18 noyabr 2022 (UTC)

Fikirlərinizlə razıyam. Hazırda bir aylıq blok müddəti təyin etmişəm, bu barədə nə düşünürsüz? Çoxdur yoxsa kifayətdir? — eldarado(müzakirə | fəaliyyət | meta səhifəsi) 11:57, 18 noyabr 2022 (UTC)

Məncə də, burada başlıca problem kommunikasiya yoxluğundan qaynaqlanır. Yoldaşların da qeyd etdiyi kimi, bəlkə də istifadəçi müvafiq məsləhətləşmələri aparsaydı situasiyalar bu həddə çatmazdı. İndiki halda, keçmiş bloklar da nəzərə alındıqda, fikrimcə, blok müddəti adekvatdır. Burocan (müzakirə) 18:19, 21 noyabr 2022 (UTC)

Yenidən hamınıza salam, istifadəçi müzakirəni silərək arxivləşdirir. Lakin hər birində k-ları yenə dəyişib rus k-sı eliyir. Dəfələrlə desə də xeyri yoxdur. Öz istifadəçi səhifəsi olsa da doğru deyil və düşünürəm ki, artıq qeyri-müəyyən vaxtadək bloklanmasının vaxtıdır. Fikirlərinizi bilmək istiyərdim. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Solavirum, ) Hörmətlə — eldarado(müzakirə | fəaliyyət | meta səhifəsi) 13:50, 18 yanvar 2023 (UTC)

  Lehinə:. Bu istifadəçinin vikicəmiyyətə qarşı bu cür saymazyana davranışı artıq illərdir ki, davam edir. Vikipediyaya verdiyi töhfə nə qədər yüksək olsa belə, qaydalara və xəbərdarlıqlara məhəl qoymaması bu şəxsin komandada ortaq hərəkət etmək bacarıqlarına yiyələnə bilmədiyini göstərir. Bu səbəbdən müddətsiz bloklanmasını dəstəkləyirəm. Əvvəlki bloklarının açılmasının da tərəfdarı olmamışam, çünki eyni saymazyana davranışı 3 il, 5 il əvvəl də nümayiş etdirirdi.--Wertuose (müzakirə) 14:08, 18 yanvar 2023 (UTC)

  Lehinə:. 6 İlə yaxındır azərbaycanca Vikipediyada inzibatçıyam. Bu dövr ərzində istifadəçi xəbərdarlıqlara rəğmən "kiril к-sı" da daxil olmaqla, müxtəlif səbəblərdən dəfələrlə bloklanıb, bəzi hallarda uzun müddətli. Bunlardan əlavə, istifadəçi son aylarda azad olmayan faylların kütləvi silinməsi ilə məşğul idi, burası anlaşılandır, lakin istifadəçi elə özü son dönəmlər kütləvi şəkildə azad olmayan, hazırda həyatda olan şəxslərin fotolarını azvikiyə yükləyib (bax, bax, bax, bax, bax), bəzi hallarda həmin şəxlərin vikianbarda azad fayllarının olmasına rəğmən (bax, bax, bax, bax). Wertuose-un da dediyi kimi, bu hərəkətləri vikicəmiyyətə qarşı saymazyana davranış hesab edirəm ! — Nicat^{49   ⋠müzakirə⋡} 18:44, 18 yanvar 2023 (UTC)

  Şərh: Rus "к"sini bilə-bilə əlavə edir səhifələrə? Bir neçə il bundan əvvəl bilirəm ki, bizim 3-4 istifadəçimizdə bu problem vardı - telefondan redaktə edəndə bütün latın hərfləri normal latın hərfləri kimi əks olunurdu, sadəcə "k" kirilə çevrilirdi. Səhv etmirəmsə rəhmətlik Ənvər müəllimdə də vardı belə bir problem. Amma fayl silmə məsələsində sizinlə razıyam. Bəlkə yüzlərlə unikal fayl sildi ki, vikipediyadan başqa onlar heç bir yerdə yox idi. Həmin fayllara "qeyri-azad" şablonu qoyub saxlamaq da olardı. — Sortilegus (müzakirə) 19:31, 18 yanvar 2023 (UTC)

İstifadəçinin öz müzakirə səhifəsində "k"ları bu cür dəyişdirməsi Vikipediyaya ziyan vurmur. Amma bir neçə gün Commons-da yüklədiyim şəkillərin açıqlama hissəsində götürüb "k"ları kirilləşdirmişdi, orası qəribə gəldi. Çəmbərəkənd parkı üçün yüklədiyim fayllarda bu cür hərəkət etməsi maraqlıdır. Şiroi Akuma 22:21, 18 yanvar 2023 (UTC)

Qlobal bloklanmağı həll yolu hesab etmirəm. Bu istifadəçi dəfələrlə başqa-başqa adlarla vikiyə daxil olub, bloklanıb, yeni adla daxil olub. Vikiyə də töhfələri çoxdu. Ziyanı da olsa belə. Bunun yolu odur ki, bu istifadəçi hamımızın ciddi nəzarətində olsun. Məsələn o azad olmayan şəkilləri sildirəndə mən də onun yüklədiyi azad olmayan şəkilləri silirdim. Onda başa düşürdü ki belə etmək olmaz. K məsələsi də onu kimi biz onun yazılarında onları düzəltsək o özü bezib daha elə yazmayacaq. — Araz Yaquboglu (müzakirə) 05:56, 19 yanvar 2023 (UTC)

Araz Yaquboglu, Araz müəllim bu müzakirəni oxuyun zəhmət olmasa. — eldarado(müzakirə | fəaliyyət | meta səhifəsi) 11:55, 19 yanvar 2023 (UTC)

redaktəyə görə mən də razıyam artıq. İstifadəçini başa düşməkdə çətinlik çəkirəm. Ümid edirəm ki, əməllərini izah edə bilər, çünki mən sadəcə çaşqınlıq içindəyəm. --► Hörmətlə: SolaVirum 13:58, 19 yanvar 2023 (UTC)

istifadəçi həmişə gəlib burada töhfə verib, ən çox əməyi keçənlərdəndir. Lakin məni çaşqınlıq içində buraxır, çatmır mənə artıq. --► Hörmətlə: SolaVirum 14:02, 19 yanvar 2023 (UTC)

Eldarado, White Demon, istifadəçi özü "k" hərfi məsələsində istinad edir. Bunun həqiqiliyinə inansaq, ki, inanıram (və açığı desəm, ikinci variantımız da yoxdur), inzibatçı təcrübəmizdə belə hala rast gəlməmişik. Bununla bağlı bir təlimatdan da xəbərim yoxdur. İstifadəçinin öz müzakirə səhifəsində hərfləri dəyişməsində problem yoxdur bu arada, necə ki, Azerifactory öz istifadəçi ad fazasında qeyd dəftəri tuta bilirdi (və mən buna da narazılıq bildirmirdim). Bəlkə deyirəm mən çalışım ki, digər dillərdə bir neçə təcrübəli inzibatçı ilə danışım bu məsələ barədə. --► Hörmətlə: SolaVirum 14:16, 19 yanvar 2023 (UTC)

  Lehinə: İstifadəçinin rus "k" hərfilə bağlı yaratdığı gündəmlə bağlı illərdir problem yaşanır. Bununla əlaqədar ötən illər boyu mən də dəfələrlə müraciət etmişəm. Məsələn, bu - [1] onların birincilərindəndir. Bu təcrübə AzVikinin axtarış sisteminə də ciddi zərbə vurur, nəticədə məqalələr çətinliklə tapılır, əlavə iş görülməsinə ehtiyac yaranır. İlk baxışdan hərflər eyni görünsə də, əslində rusdilli vikipediyada kimsə я yerinə bizim ə hərfindən, yaxud ingilis əlifbasının w hərfindən istifadə etsə nə baş verərsə, bu da ona oxşar məsələdir. --Babək Akifoğlu (müzakirə) 18:18, 19 yanvar 2023 (UTC)

Azerifactory fəaliyyətini dayandırdığını açıqladıqdan sonra ancaq öz istifadəçi ad fazasında redaktə edib qeydlər tuturdu, bu da düzgün deyildi. Çünki burada ancaq ensiklopediyanı genişləndirmək üçün olmaq lazımdır, qeyd dəftəri kimi tutmaq yox. Şiroi Akuma 05:02, 20 yanvar 2023 (UTC)

Yuxarıdakı müzakirəyə əsasən təklif edirəm ki, istifadəçini 6 aylıq bloklayaq, gələcəkdə yenidən qayda pozarsa o zaman müzakirəsiz qeyri-müəyyən blok tətbiq edərik. Əgər təklifimə etiraz edən olmazsa 3 gün sonra bloku tətbiq edəcəm. Hörmətlə — eldarado(müzakirə | fəaliyyət | meta səhifəsi) 05:29, 24 yanvar 2023 (UTC)

İstifadəçi tərəfimdən 6 aylıq bloklanmışdır. Hörmətlə — eldarado(müzakirə | fəaliyyət | meta səhifəsi) 05:55, 30 yanvar 2023 (UTC)

Salam hörmətli inzibatçılar adını qeyd etdiyim istifadəçi fikrimcə vikipediyanın normal işini pozur. trvikidə də qeyri-müəyyən vaxtadək bloklanmasını nəzərə alaraq təklif edirəm ki, uzun müddətli bloklansın. Zəhmət olmasa mövzu ilə bağlı öz mövqeyinizi bildirəsiniz. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Solavirum, ) Hörmətlə — eldarado(müzakirə | fəaliyyət | meta səhifəsi) 17:41, 6 yanvar 2023 (UTC)

Ümumiyyətlə, istifadəçilər həmin müzakirəyə qoşulmasalar yaxşıdır, çünki istifadəçi söz başa düşmür, söhbəti də əlaqəsiz yerlərə çəkir. TrVikidə müddətsiz bloklanıb deyə darıxıb bura gəlib. Şiroi Akuma 18:02, 6 yanvar 2023 (UTC)

Doğrusu, mən müzakirənin bu gün artıq tamamilə fərqli məcrada irəlilədiyini az öncə gördükdən sonra müvafiq tədbir görmək niyyətində idim. @White Demon tamamilə haqlı olaraq qeyd edir ki, istifadəçi kontr arqumentləri tamamilə iqnor edir. Maraqlısı budur ki, istifadəçinin Azərbaycandilli Vikipediyada etdiyi cəmi redaktə sayı 80-dir, və bu redaktələrin az qala 3/4 hissəsi konkret sözügedən mövzu ətrafındadır. Müzakirələr zamanı isə istifadəçinin ritorikası səbəbindən VP:N prinsipi ardıcıl surətdə pozulub. Bütün bunları nəzərə alaraq, istifadəçinin fəaliyyətinin uzunmüddətli məhdudlaşdırılmasına dair təklif olunan tədbiri adekvat hesab edirəm. Burocan (müzakirə) 18:12, 6 yanvar 2023 (UTC)

Müzakirələrə göz atdım. Bu şəxsin təxribat xarakterli yanaşmaya malik olduğu qənaətinə gəldim. Bu səbəbdən onun Az-vikiyə faydasından çox zərərinin toxuna biləcəyini nəzərə alaraq qeyri-müəyyən müddətə bloklanmasının tərəfdarıyam. — Q🅾⚓Ç🅾Ⓜ🅰Q ^✉ 20:24, 6 yanvar 2023 (UTC)

Eldarado, mən Modern primat məsələsini keçdim, digər istifadəçilər guya normaldır? Onların yazdıqlarını metaya göstərsən, layihəni dayandırarlar ki, icma nə gündədir. "görünüşə görə də sadəcə bir erməni və ya HDP trollusan", "Ağzınızda terrorçu deyirsiz onlarda ölənlər şəhid deyil. Şəhid din və milli, mənəvi dəyərdi!". Qıraqdan baxan deyər Vikipediyanın dil bölməsi deyil, Ülkü Ocaqları təşkilatının veb-saytıdır. Təklif edirəm ki, EditeY və NKOzi, Azərbaycanca Vikipediyanın qaydalarını yox, Vikipediyanın prinsiplərini pozduqlarına görə müddətsiz bloklansınlar. --► Hörmətlə: SolaVirum 01:23, 7 yanvar 2023 (UTC)

Solavirum ilə razıyam, həmin müzakirədə səsləndirilən bu cür fikirlər bizim vikicmaya heç yaraşmır. Elə bil Vikipediya deyil, Facebookda hansısa "Bozqurdlar" qrupunda gedən yazışmalardır. Şiroi Akuma 10:15, 7 yanvar 2023 (UTC)

Məncə artıq qeyr-müəyyən müddətə bloklama məsələsində tərəddüt etməyə son verməliyik. AzVikinin kifayət qədər aktiv redaktoru var. Əgər həqiqətən qaydaları pozursa bloklansın. Solavirum, NKOzi-ni bloklamağınızın səbəbi nədir? O, cəmi 1 cümlə yazıb və orada qəribə birşey yoxdur.Turkmen ^müzakirə07:22, 9 yanvar 2023 (UTC)

İstifadəçi Modern primat inzibatçıların ümumi müzakirəsinə əsasəm, vikipediyanın normal işini pozduğu üçün qeyri-müəyyən vaxtadək bloklanmışdır. Hörmətlə — eldarado(müzakirə | fəaliyyət | meta səhifəsi) 08:07, 10 yanvar 2023 (UTC)

Müddət: 14 iyun - 29 iyun

Wealszy-nin müraciətinə əsasən inzibatçı hüquqlarının alınması ilə bağlı ilkin səsvermə başladılmışdır. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Atakhanli, Solavirum, ) zəhmət olmasa səsvermədə iştirak edəsiniz. Hörmətlə — eldarado(müzakirə | fəaliyyət | meta səhifəsi) 19:31, 14 iyun 2023 (UTC)

1.   Əleyhinə: Wertuose hər zaman mənim üçün etalon olub. Şəxsi həyatda tanıdığım üçün demirəm, Azərbaycanca Vikipediyanın inkişafı yolunda çəkdiyi zəhməti danmaq mümkünsüzdür. İnzibatçı kimi fəaliyyəti məhdud olsa da, statusunun alınması üçün tutarlı əsaslar mövcud deyil. Digər tərəfdən də, Vikipediya ilə bağlı xarici ölkələrdəki tədbirlərdə iştirak etmək üçün inzibatçı olması da mütləq deyil. Wertuoseun son aylarda fəaliyyətini bərpa etdiyini də qeyd etməliyəm.— Baskervill (müzakirə) 21:19, 14 iyun 2023 (UTC)
2.   Əleyhinə: bu mövzuda bir dəfə də müzakirə olmuşdu və mən onda da əleyihinə olmuşdum. Wertuose əvvala son vaxtlar kifayət qədər fəaliyyətini bərpa edibdir, ikincisi də onun vikipediya üçün etdiyi bir çox işlər burada görünmür. Bu qədər sadə. — Araz Yaquboglu (müzakirə) 04:44, 15 iyun 2023 (UTC)
3.   Əleyhinə: — Turkmen ^müzakirə06:29, 15 iyun 2023 (UTC)
4.   Əleyhinə: AzViki üçün faydası keçən idarəçidir. — Babək Akifoğlu (müzakirə) 17:40, 15 iyun 2023 (UTC)
5.   Əleyhinə: Daha əvvəllər də fikrimi bildirmişəm.— Nicat^{49   ⋠müzakirə⋡} 19:30, 15 iyun 2023 (UTC)

•   Şərh: Wertuose 6 ayda 500 redaktə eləmədikcə hər 6 aydan bir, ya ildə 1 dəfə statusunun alınması ilə bağlı belə müzakirə açmalı olacağıq. Hər dəfə də deyəcəyik ki, vikipediyadankənar fəaliyyətinə görə lazımlı idarəçidir, statusu qalsın. Halbuki, vikipediyadankənar fəaliyyət üçün idarəçi statusu şərt deyil. Amma başqa idarəçilərdən kimsə qeyri-fəal olan kimi onu göndərəcəyik "qılınc altına". Drabdullayev17-ə qarşı davrandığımız kimi. Qıraqdan baxan vikipediya redaktoru da görəcək ki, azvikinin idarəçiləri tərəfli davranırlar, eyni situasiyada bir idarəçiyə qarşı bir, digərinə qarşı fərqli münasibət göstərirlər. Bu cür haqlı iradla qarşılaşmamaq üçün gərək 6 ayda 500 redaktə şərtini ləğv edək. Şəxsi münasibətə qalsa, Wertuose ilə digər idarəçilərdən daha qədimdən şəxsən tanışıq, dostuq, fəaliyyətini də yüksək qiymətləndirirəm. Amma tərəfli olmaq istəmirəm. Əgər bir prinsip, qanun varsa, o hamı üçün olmalıdır və hamı ona əməl etməlidir. Yox, idarəçilərdən içi mən qarışıq hansınınsa toxunulmazlığı, xüsusi imtiyazı varsa, onu da rəsmən açıqlamaq lazımdır ki, day hər dəfə 6 ayda bir belə müzakirə açmağa gərək qalmasın.— Sortilegus (müzakirə) 04:58, 16 iyun 2023 (UTC)

  Mən @Sortilegus ilə tam razıyam, deyəsən artıq 2-ci və ya 3-cü müzakirədir bu. Bilirəm ki, bu müzakirə bağlansa belə, bir neçə ay sonra da eyni müzakirə açılacaq, qayıdacayıq başa. Həm də qıraqdan baxanda da digər istifadəçilərdə yaxşı təəssürat oyatmır. Ondansa birbaşa səsverməni təşkil etmək və bütün vikiicmanın qərar verməsini gözləmək lazımdır ki, məsələ kökündən həll olunsun. Şiroi Akuma 05:45, 16 iyun 2023 (UTC)

  Burada hər iki istifadəçi ilə həmfikirəm. Bu halda, qıraqdan (belə baxanda, nə də içəridən) heç xoş təəssürat yaratmır. --► Hörmətlə: SolaVirum 11:29, 21 iyun 2023 (UTC)

  Şərh: Səs verən və şərh bildirən hər kəsə təşəkkürümü bildirirəm. Amma mənə maraqlıdır ki, bu müzakirə ümumiyyətlə hansı əsasla açılıb? Axı sonuncu səsvermə 2022-ci ilin 28 oktyabrında yekunlaşdırılıb və o vaxtdan ötən 6 ay ərzində 500 redaktəm olub. Elə isə müzakirənin açılma səbəbi nədir? Başlanğıc nöqtəsi kimi götürülməli olan tarix 28 oktyabr 2022-ci ildir. Ondan sonrakı 6 ay isə 28 aprel 2023-cü ildə başa çatıb və həmin tarixdə mənim 500-dən artıq redaktəm var idi. Ümumiyyətlə, bu təklifi irəli sürən istifadəçiyə qaydalara məhəl qoymadan bu cür əsassız təqiblə məşğul olmasına görə xəbərdarlıq etmək düzgün olardı, yeni müzakirə başlatmaq yox.--Wertuose (müzakirə) 09:55, 17 iyun 2023 (UTC)

Eldarado, zəhmət olmasa, 2022-ci ilin noyabr ayından 2023-cü ilin aprel ayı daxil olmaqla 6 aylıq redaktə sayıma baxardın. Ümumi 506 redaktə var. Araşdırmamış, hansısa qərəzli istifadəçinin kortəbii tələbi əsasında səsvermə başlatmaq düzgün deyildi. Xahiş edirəm bu səsvermə dayandırılsın və səhvən başladıldığı izah yerində yazılmaqla səhifədən silinsin.--Wertuose (müzakirə) 07:26, 18 iyun 2023 (UTC)

Yekunlaşdırma: Səsvermə, hesablama xətasına görə dayandırıldı və bu səsvermə gələcək müzakirələrdə nəzərə alınmayacaq. Hörmətlə — eldarado(müzakirə | fəaliyyət | meta səhifəsi) 19:04, 21 iyun 2023 (UTC)

Salam dəyərli həmkarlar. Önəmli məsələ ilə bağlı fikirlərinizi almaq istəyirəm. Uzun müddətdir xeyli istifadəçinin və qeyri-istifadəçinin şikayətlərinə əsasən bu müzakirəni başlatmaq qərarına gəldim. Zərərçəkmişlərin və şahidlərin fikirlərinə əsasən: Adı qeyd olunan istifadəçi məqalələri SNS-də sildirir daha sonra həmin şəxslə əlaqə saxlyıb məqaləsinin ödənişlə bərpa etdirir. Bu mövzu ilə bağlı səhv etmirəmsə müzakirələr olub daha öncə də. Hətta şəxs məqalənin davamlı nəzarətdə saxlanılması və silinməməsini təmin etmək üçün rəsmi müqavilələr bağlayıb aylıq ödəniş alır. Bu müqavilələrin draft nümunəsi ilə də tanış olmuşam. Bundan əlavə istifadəçinin 31 hesabı envikidə kukla istifadəçi adından bloklanıb. 21 hesabının şübhəli, 10 hesabı isə təsdiqlənərək, kukla hesab adından bloklanıb. İstifadəçi açıq şəkildə azvikinin normal işini pozur və vikipediyanın açıq, azad vikipediya olması adına ləkə salır. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Turkmen, Toghrul R, Baskervill, Burocan, Atakhanli, Solavirum, ) Əgər etiraz yoxdursa qeyd edilən kateqoriyalardakı bütün hesabların azvikidə qeydi-müəyyən vaxtadək bloklanmasını həyata keçirmək istəyirəm.

PS: imkan daxilində yuxarıdakı mövzu ilə bağlı da fikirlərinizi qeyd edin və həmin qaydalara əlavə və dəyişiklikləri icra edək. Hörmətlə — eldarado(müzakirə | fəaliyyət | meta səhifəsi) 18:35, 25 iyul 2023 (UTC)

Əlavə olaraq bir nəfərin dediyinə əsasən istifadəçi imzasının sonuna "blue stick" işarəsi qoyub və hər kəsə hesabının vikipediya tərəfindən təsdiqləndiyini bildirir. — eldarado(müzakirə | fəaliyyət | meta səhifəsi) 18:39, 25 iyul 2023 (UTC)

  Lehinə: @Eldarado, bu cür başlığı mən də açmaq istəmişdim, amma ortada sübut olmadığı üçün çəkinmişəm. Bu cür müqavilələrin draft nümunəsi ilə tanış olmusuzsa, bu artıq bloklama üçün ciddi səbəbdir, istifadəçinin vikipediyanın prinsiplərini ödənişdən üstün sayması çox ciddi ziyan vurub və ya vurur. TrVikidə də eyni səbəbdən bloklanıb. Həqiqətən dəhşət şeydir, Vikipediyanı ödəniş mənbəyi kimi manipulyasiya etmək. Mənə də arada pul qarşılığında Vikipediyada nələrdə etmək təklif olunur, amma heç vaxt qəbul etmirəm. Pul qarşılığında Vikipediyanın dəyərlərinə ziyan vurmaq, burada ancaq ensiklopediya üçün olmaq prinsipini pozmaq qəbuledilməzdir. Bloklama təklifinizi tam dəstəkləyirəm. Şiroi Akuma 18:43, 25 iyul 2023 (UTC)

@NMW03 istifadəçinin EnVikidəki kuklalarının analizini aparıb. Şiroi Akuma 21:03, 25 iyul 2023 (UTC)

  Lehinə: Qeyri-müəyyən müddətədək bloklanmasını dəstəkləyirəm. Bu mövzuda mənə də çox şikayət gəlib. İstifadəçi patrul olmasını əsas gətirərək dəfələrlə açıqlanmamış maddi gəlir əldə edib. Bəzi hallarda isə hüquq-mühafizə orqanları ilə hədələyib. Hətta bəzi məqalələrin silinməsi üçün də pul istəyib. Digər layihələrdə də eyni vəziyyətdir. — Toghrul R (m) 18:49, 25 iyul 2023 (UTC)

  Lehinə: vəziyyətin bura qədər gəlməsinə təəssüf edirəm. bu gün demək olar ki, bütün məmurlar, iş adamları vikipediyaya azad ensiklopediya kimi yox, tam başqa bir yer kimi baxır. sözün əsl mənasında vikidən iyrənirlər. bunu adicə sadə insanların vikiyə qarşı lağ-lağı facebook kommentlərində də görmək mümkündür. bu cür baxış da vikiyə hər tərəfdən ziyan vurur. mən heç vaxt ödəniş qarşılığında məqalə yaradılmasına qarşı olmamışam, təbii ki qaydalar çərçivəsində, ensiklopedik əhəmiyyətlilik çərçivəsində. amma vikidə təhdidlərə, şantajlara, məqaləsi olan imkanlı şəxslərin, iş adamları, məmurların zorla məqaləsini sildirib daha sonra yaratması üçün pul təklif eləməsi və ya yeni yaradılan səhifələrdə manapoliya qurması, heç cürə yeni səhifələr borderindən hansısa yeni istifadəçinin məqaləsini bu yana buraxmaması, bir növ orada "məni də bir gör, sonra keç" prinsipi, məqaləni qorumaqdan ötrü bir növ Neftlix abunəliyi kimi sistem qurması və bunu uzun-uzadı daha da uzada bilərəm. bir sözlə, istifadəçinin qeyri-müddətə bloklanmasını tam dəstəkləyirəm. mənim xəbərim olmadan mənim şəxsi nömrəmi digər şəxslərə ötürməsi və mənə əlavə problemlər yaşatması və məni Daxili İşlər Nazirliyi ilə hədələməsi və s. ümumiyyətlə bu günə qədər bəzi məsələlərdə Elşad bəyə çox göz yumsam da, hətta məncə, digər həmkarlarım da müəyyən mənada göz yumsa da artıq vəziyyətə əl atmağın vaxtıdır, hətta gecikirik. Atakhanli (müzakirə) 19:27, 25 iyul 2023 (UTC)

İstifadəçi sizi hədələyirdi və siz bunu indi deyirsiz? Hədələyən kimi bu barədə məlumat vermək lazım idi ki, o saat tədbir görək. Ümumiyyətlə, belə başa düşürəm ki, başqa istifadəçilər istifadəçinin belə fəaliyyəti barədə neçə vaxtdır ki, xəbərdar idilər, amma indi açıqlayırlar. O saat bildirilməməsi problemi sadəcə dərinləşdirir. Şiroi Akuma 19:33, 25 iyul 2023 (UTC)

White Demon, istifadəçinin bu istiqamətdə fəaliyyəti davamlı olduğuna görə bir müddət gözləmək uyğun gəlir. --► Hörmətlə: SolaVirum 20:36, 25 iyul 2023 (UTC)

  Lehinə: bu məsələ haqqında mənə də bir neçə dəfə şikayət gəlib. Səsləndirilən fikirlər ilə razıyam. --► Hörmətlə: SolaVirum 20:37, 25 iyul 2023 (UTC)

  Lehinə: Mən də şübhələnmişdim, amma birmənalı sübut olmadığından, müzakirəyə çıxarmaq istəmirdim. Araşdırmaya görə təşəkkürlər Eldarado.— Nicat^{49   ⋠müzakirə⋡} 20:52, 25 iyul 2023 (UTC)

  Lehinə: Azvikidə ödəniş qarşılığında məqalə yaratmaq ciddi formada yayılıb. Diqqətimi çəkən məqamlardan biri toyxanalarda və ya youtube-da çıxış edən şəxslərə google panel, mavi tık adları altında məqalələrin yaradılmasıdır. Yəni məsələ təkcə Elshad Iman (Elşad İman) yekunlaşmır. Mövcud vəziyyətdə istifadəçi müddətsiz bloklanmalı və oxşar fəaliyyətləri aşkar edildiyi təqdirdə yenidən blok edilməlidir. Müəyyən vədlər qarşılığında da məqalə yaradan dırnaq arası vikipediyaçılarada dərs olmalıdır ki, burada kimdənsə pul alıb, məqaləsini yarada biləcəyiniz bir yer deyil. Vəziyyət o həddə gəlib çatıb ki, birazdan hansısa müğənni gəlib deyəcək ki, 1.000 manat (məsələn) pul vermişdim, niyə silmisiz mənim məqaləmi ? — Baskervill (müzakirə) 03:44, 26 iyul 2023 (UTC)

  Şərh: Solavirum, müzakirə yeni açılıb və ən əsası müzakirə yekunlaşdırılmadan istifadəçini bloklamağınız xoş hal deyil. Lütfən bu kimi halları təkrarlamayın, bunu heç müzakirə açmamış özüm də edə bilərdim əlimdə xeyli sübut olduğu üçün. Hörmətlə — eldarado(müzakirə | fəaliyyət | meta səhifəsi) 03:46, 26 iyul 2023 (UTC)

  Lehinə: Müxtəlif qurumlardan, şəxslərdən daim bu istifadəçi ilə bağlı şikayətlər daxil olur. Pulla məqalə yaratması, sildirməsi, silinməsinə nail olduqdan sonra pul alıb yenidən yaradılmasına dair müzakirə başlatması halları dəfələrlə olub. Bu səbəbdən Eldaradonun təklifini tam dəstəkləyirəm. Üstəlik Atakhanlını hədələməsi onun qlobal ban olunması üçün də əsas verir. Amma əsas fəaliyyətinin az-vikidə olması, tr-viki və en-vikidə bloklanması səbəbindən bizdə müddətsiz bloklanması da kifayətdir. Amma digər inzibatçılardan çox xahiş edərdim ki, 3-5 aydan sonra istifadəçinin "bir də belə şey etməyəcəyinə dair and içməsini" əsas götürüb onun blokunu açmağa dair yeni müzakirə başlatmasınlar. Əvvəllər çox belə hallar olub və bu sonradan az-vikiyə daim ziyan vurub.--Wertuose (müzakirə) 06:34, 26 iyul 2023 (UTC)

  Lehinə: Problemli istifadəçidir. Bu deyilənlər haqqında mən də eşitmişəm. Bir məsələyə də diqqət etməliyik - bunu sözügedən istifadəçi haqqında demirəm, sübutum yoxdur, amma bilirəm ki, ödənişlə kiminsə haqqında məqalə yaradılır, sonra məqaləni yaradanlar özləri həmin məqaləni silinməyə namizəd edirlər, 5-6 nəfər özləri səs verib məqalənin silinməsinə qarşı çıxırlar və beləcə məqaləni gələcək silinmələrdən sığortalayırlar. Başqa kimsə gələcəkdə məqaləni silinməyə namizəd edərsə, əllərində əsas olur ki, desinlər, müzakirə olunub və saxlanılmasına qərar verilib.— Sortilegus (müzakirə) 10:07, 26 iyul 2023 (UTC)

  Lehinə: Araşdırmalar belə bir faktı üzə çıxarıbsa, bu birbaşa vikipediyanın əsas dayaqlarından biri olan könüllülük prinsipinə ziddir. Müəyyən müddətlik tədbir görülməsinin tərəfdarıyam. --Babək Akifoğlu (müzakirə) 17:32, 26 iyul 2023 (UTC)

Yekunlaşdırma: İstifadəçinin əlaqəli olduğu bütün hesablar qeyri-müəyyən vaxtadək bloklanmışdır. Hörmətlə — eldarado(müzakirə | fəaliyyət | meta səhifəsi) 21:10, 26 iyul 2023 (UTC)

Salam dəyərli inzibatçılar. İstifadəçi Samral artıq uzun müddətdir ki, hər müzakirədə qaydaları pozur, istər haqlı istərsə də haqsız olduğu müzakirələrdə Nəzakət qaydalarını pozur və dəfələrlə fərqli istifadəçilərə qarşı kobuq şəkildə nəzakətsizlik edir. Son müzakirədə də haqqımda vikicəmiyyətin heç bir rol oynamadığını mənə görə Baskervillin statusunun qaldığını bildirir. Gadir-ə qarşı, isə White Demon və Atakhanlı-ya qarşı kobud şəkildə nəzakətsizlik etmişdir. Mən hələ son iki gün ərzində olanları qeyd etdim, daha əvvəl də dəfələrlə nəzakətsizlik etmiş lakin bloklanmamışdır. Düşünürəm ki, bundan istifadə edir artıq. İstifadəçinin zatən hər kəsə bəllidir. Buna baxmayaraq hələ də istədiyi kimi yazır istədiyi şəxsə ağzına gələni deyir. Keçmiş bloklarını və bundan dərs çıxarmamağını nəzərə alaraq istifadəçinin iki illik bloklanmasını tələb edirəm. Lütfən hər biriniz, (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Turkmen, Toghrul R, Baskervill, Burocan, Atakhanli, Solavirum mövzuya münasibətinizi bildirin və yan keçməyin. Hörmətlə — eldarado(müzakirə | fəaliyyət | meta səhifəsi) 20:00, 1 avqust 2023 (UTC)

Nə qədər blok alıb bu istifadəçi. Özü də ən azı 10 fərqli inzibatçı tərəfindən.— Sortilegus (müzakirə) 20:08, 1 avqust 2023 (UTC)

@Eldarado salam, istifadəçinin təhqirə məruz qalması və ona qarşı edilən haqsızlığa soyuqqanlı yanaşılması normal olaraq bu vəziyyətə gətirib çıxarır. Məsələnin bitərəflik nöqteyi-nəzərindən baxsaq, əgər istifadəçilərdən birinin dəfələrlə nəzakətsizlik etməsini əsas gətiririksə, digəri haqqında da eyni qaydada müzakirə açmalıyıq. Çünki digər istifadəçi də kifayət qədər açıq şəkildə kobudluq və nəzakətsizlik edib Vikidə. Hətta dəfələrlə üzr istədikdən sonra təkrar-təkrar edib. Həmçinin dostluq əlaqələrini Vikipediyaya daşımaq düzgün deyil deyə düşünürəm. Turkmen ^müzakirə20:22, 1 avqust 2023 (UTC)

  Əleyhinə: mən sadəcə Samral-ın bloklanmasına qarşıyam. Fakt odur ki, hər iki istifadəçi müzakirə qaydalarını pozub, şəxsi münasibətləri çərçivəsində olan söhbəti vikipediyaya daşıyıblar, Facebookda etməli olduqları söhbəti burada aparıblar. Baskervill istifadəçiyə qarşı kobud ifadələr səsləndirib, şəxsi məlumatlarını yayıb, aralarındakı münaqişəyə görə namizəd məqaləni əsassız arxivləşdirib (ödənişlə yaradılmış məqalə status ala bilməz deyə şey yoxdur), Samral isə bir çox istifadəçi ilə kobud rəftar edib, "ayıb olsun", "əcəb elədim də" tərzində müzakirələr aparıb, qərəzli şəkildə kukla məsələsini gündəmə gətirib. Sonra başlayıblar aralarındakı şəxsi problemlərini burada mübahisə etməyə. Ya hər iki istifadəçi bloklanmalıdır, ya heç biri. Sadəcə birinin bloklanıb, digərinin bloklanmaması ədalətsizlikdir. 2 il çoxdur bu arada, təklif edirəm ki, 6 aylıq blok olduqca kifayət edir hər iki istifadəçiyə.— Şiroi Akuma 20:28, 1 avqust 2023 (UTC)

Turkmen, kim tərəfdən təhqirə məruz qalıb? Atakhanli? White Demon? Gadir? Yoxsa mən tərəfdən? Axı mən başqa şeydən danışıram. Mən heç qeyd etdiyiniz iki istifadəçinin şəxsi zəmində etdiyi mübahisəni burada qeyd etməmişəm. Həmin mövzuya da münasibət bildirdiyim üçün yekunlaşdırmağı və ya o mövzuya burada toxunmağı doğru saymadım. Fikrimi bilmək istəyirsinizsə məsələnin şəxsi zəmində olduğu bəllidir və hansısa təhqir görmədim. Orda da yazdım ki, varsa cümləni qeyd edin bilim hansı sözdü o elə ağır təhqir, ona görə də fikrimi bildirim. Dostluq münasibətinə gəldikdə isə tam olaraq anlamadım, məni nəzərdə tutursuz? Göstərin zəhmət olmasa dostluq əlaqələrimi buraya daşıdığımı. Əksər istifadəçi və inzibatçılarla dəfələrlə görüşmüşəm hətta oturub yeyib içmişik, elə sizin özünüzlə belə fərqli şəhərlərdə fərqli məkanlarda 10 a yaxın görüşümüz olub. Kimsə gəlib desə ki, Eldarado ilə dostluq münasibəti qurursuz və bura daşıyırsız, necə olar münasibətiniz? Bezdim artıq bu mövzudan kimin kimlə münasibəti pisdi onu qaralamaq üçün gəlib deyir Eldarado ilə dostdu və tərəfini saxlayır.(Söz olsun deyə yazmadım, konkret deyim,heç kəsin də xətrinə dəyməsin. Samral Baskervill ilə mübahisə edir məni atır ortaya, sizin Baskervillə mübahisələriniz olub məni atırsız ortaya, Toghrul R Baskervill ilə arası pisləşir məni atır ortaya. Niyə bir dəfə Nicat gəlib demir ki, Eldarado ilə Baskervill dostdu və ya digər inzibatçılardan və ya istifadəçilərdən biri?) Kimlə probleminiz var özü ilə həll edin məni niyə qatırsız ortaya. Səbəb də soruşanda heç kəs heçnə deyə bilmir qalır yazım cavabsız. Hörmətlə — eldarado(müzakirə | fəaliyyət | meta səhifəsi) 20:40, 1 avqust 2023 (UTC)

White Demon, o mövzu ilə dı bağlı ayrı müzakirə açmaq olar. Qeyd etdiyiniz fikri dəstəkləyirəm. Baskervill i də nəzakətsizlik etdiyi üçün bloklamaq olar. Gərək inzibatçı alətindən istifadə edib bloku qaldırmasın. Bunu edərsə statusunun alınması üçün müzakirə başlatmaq olar. Samrala 6aylıq blokun az olduğunu düşünürəm bu qədər şeydən sonra. Hörmətlə — eldarado(müzakirə | fəaliyyət | meta səhifəsi) 20:45, 1 avqust 2023 (UTC)

@Eldarado, inzibatçılar özlərinə tətbiq olunmuş bloku qaldıra bilmirlər. Əvvəllər edə bilirdilər, amma bir neçə il öncə bu hüquq alınıb. Məsələn, siz məni indi bloklasaz, özümü blokdan çıxara bilməyəcəm. Şiroi Akuma 20:47, 1 avqust 2023 (UTC)

White Demon, Təşəkkür edirəm məlumat üçün, bilmirdim bunu. O zaman Baskervillin bloku ilə bağlə yeni başlıqda müzakirə başladıram. Hörmətlə — eldarado(müzakirə | fəaliyyət | meta səhifəsi) 20:52, 1 avqust 2023 (UTC)

White Demon cənab mən hansı şəxsi məlumatı yaymışam ? Samral məni telefon danışığı zamanı təhqir edib. Mən icmanı bu barədə məlumatlandırmalıyam ki, insanlar proseslərin gedişatı haqqında ətraflı məlumat və bilgi sahibi olsunlar. Turkmen qeyd edirsiniz ki, mən tez-tez kobudluqlar etmişəm. Zəhmət olmasa son 3 il ərzində etmiş olduğum kobudluqları göstərə bilərsinizmi ? İcmanın 3 il bundan əvvəl qərar verdiyi bir məsələni daha nə qədər gündəmə gətirməyi düşünürsüz ? Lütfən tez-tez pozduğum qaydaları mənə göstərin. Mən son 3 il ərzində hər bir istifadəçiyə qarşı hörmətli və ehtiramlı davranış nümayiş etdirmişəm. Hər şeyi detallı formada burada açıqlaya bilmirəm. Yenə, məni şəxsi söhbətləri yaymaqda günahlandıracaqlar. Bilmədiyiniz çox söhbətlər var və onları bilməyiniz üçün nələr edə bilərəm ?— Baskervill (müzakirə) 21:36, 1 avqust 2023 (UTC)

  Əleyhinə: Hər iki şəxs səbrsizlik edərək köhnə olmuşlar zəmnində müzakirə aparıblar. Bu baxımdan və həm də Samralın aktiv istifadəçi olduğundan bloklanmasının əleyhinəyəm. — Araz Yaquboglu (müzakirə) 05:36, 2 avqust 2023 (UTC)

Hər 2 istifadəçi nəzakətsizlik, kobudluq, səbirsizlik və s. təyinlərə uyğun gələn hərəkətlər ediblər. Hesab edirəm ki, hər ikisinə qarşı hər hansı cəza tədbiri görülməlidir. Uzunmüddətli blokun əleyhinəyəm, çünki aktiv istifadəçi uzunmüddətli blok olunanda onu Vikipediyada saxlayan səbəblərdən asılı olaraq, ya başqa profil açacaq, ya da birdəfəlik buranı tərk edəcək. Bu halda hansının baş verəcəyini dəqiq bilmirik, amma güman edirəm ki, Samral Vikipediyanı tərk edəcək tipdə istifadəçi deyil. Ona görə qısamüddətli, 1-2 aylıq blokun daha effektiv ola biləcəyini düşünürəm. Baskervill isə Samralı istifadəçi kimi nə qədər yaxşı tanısa da, şəxsi münasibətləri Vikipediyada müzakirə etdiyinə, istifadəçinin tələbinə verdiyi kəskin reaksiyaya görə ən azı xəbərdarlıq edilməlidir. Bu məsələdə Samralın özünün də istifadəçi kimi yaratdığı imicin rolu var, yuxarıda da qeyd edildiyi kimi, az qala 10 müxtəlif inzibatçı tərəfindən bloklanmış istifadəçidir və demək ki, problem təkcə inzibatçılarda deyil.--Wertuose (müzakirə) 21:30, 2 avqust 2023 (UTC)

Yenidən hər birinizi salamlayıram və bu iki mövzuya münasibət bildirməyinizi istəyirəm. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Turkmen, Toghrul R, Baskervill, Burocan, Atakhanli, Solavirum. Son iki ildə, azvikidə yaranan istənilən mübahisəli məsələyə ilk qaçanlardan biri mən olmuşam və məsələnin yekunlaşdırılmasında da ən çox rolu olan inzibatçılardan biri mənəm. Bundan əlavə istər inzibatçılara olunan müraciətlərdə, istər statusların alınmasında və ya verilməsində ilk addım atan və sonlandıran ən fəal inzibatçılardan biri mən olmuşam. Lakin bu son movzuda artıq mənim tərəf tutmam gündəmə gəlib. Nədənsə bundan öncəki heç bir mövzuda bu fikirləri səsləndirənlər olmamışdı. Buna görə də hər birinizin mözuya biganə qalmamağı və müzakirə edib yekun qərar verməyinizi rica edirəm. Bu cür mübahisələr azvikiyə zərərdən başqa bir şey vermir. Buna görə də bu cür fəaliyyətin daha da uzanmasının tərəfdarı deyiləm. Hörmətlə — eldarado(müzakirə | fəaliyyət | meta səhifəsi) 19:07, 4 avqust 2023 (UTC)

  Lehinə:Samral azvikinin təcrübəli redaktorlarından biridir. Səhv etmirəmsə azvikinin ən qısamüddətli inzibatçısı statusuna da sahibdir. Ümumi fəaliyyətini azviki üçün gərəkli hesab edirəm. Amma həmişə problemli redaktor olub, bloklanma statistikası da bunu göstərir. Bu cür təcrübəli redaktorları uzunmüddətli bloklamaq azvikiyə heç nə qazandırmır, ancaq onlara burada istədiklərini etməyə şərait yaratmaq də azvikidəki nizam-intizamı pozur. Bloklama siyahısından da görünür ki, qısamüddətli blokların heç bir xeyri yoxdur. Mən blok müddətini 1 il müəyyənləşdirməyi təklif edirəm.— Sortilegus (müzakirə) 21:45, 4 avqust 2023 (UTC)

Sortilegus mən sizin də inzibatçı fəaliyyətinizin uğurlu olmasına şübhə ilə yanaşıram. Əvvəl fiziki təhdid məsələsini gözardı edib məni birbaşa "düşmən" adlandırdınız. İndi də Samrala blok, Baskervillə istisna? Neytral olduğunuzu heç düşünmürəm və bu, viki icma üçün təhlükəlidir. --► Hörmətlə: SolaVirum 14:54, 6 avqust 2023 (UTC)

Solavirum mən isə düşünürəm ki, siz də heç kobudluqda Samral-dan geri qalmırsınız, üstəlik də inzibatçının yol verməməsi gərəkən provakativ fəaliyyətlə də məşğul olursunuz. İnzibatçı barışdırıcı, ortaq məxrəcə gətirici olmalıdır. Siz isə mübahisələri daha da alovlandırırsınız. Bax, burada da bir istifadəçinin müzakirəsi getdiyi halda, bircə şərhinizlə məni də mübahisə tərəfinə çevirməyə çalışırsınız. Mənim sizin fəaliyyətinizi bu müzakirədə təftiş etmək firkim yoxdur. Onun üçün ayrı başlıq açıb statusunuzun alınmasının müzakirəsini başladacağam. Sadəcə zaman tapıb iştrirak etdiyiniz müzakirələrdəki bütün qayda pozuntularınızı linklər olaraq bir yerə toplamaq qalıb. Düşünürəm ki, bunun üçün çox da əziyyət çəkməyə ehtiyac olmayacaq. — Sortilegus (müzakirə) 15:31, 6 avqust 2023 (UTC)

Sortilegus, burada konkret qayda pozuntusu var, özü də elə belə pozuntu deyil. Kiminsə başını yarırlar, başı yarılan qalıb qıraqda, mən də başı yarana dəstək durum, adını da verim "barışdırıcı" olmaq? Ümid edirəm ki, bir gün oxşar şey sizin də başınıza gələr və o zaman anlayarsınız, amma o vaxtda artıq gec ola bilər. Məncə də buyurun müraciət edin mənim haqqımda. AzVikidə mövcud olan bu tanışlıq münasibətləri platformanın hesabatlılığını alt-üst edib. --► Hörmətlə: SolaVirum 15:34, 6 avqust 2023 (UTC)

Solavirum, mən 16 ildir azvikinin ən aktiv 2-3 redaktorundan biriyəm və əgər bu 16 ildə başıma belə bir iş gəlməyibsə, yəqin ki, bundan sonra da gəlməz. Çox da ümid eləməyin. Bir də ki, "başıyarılan" heç də həmişə günahsız olmur. Əgər 10 fərqli idarəçi fərqli-fərqli vaxtlarda adamın "başını yarıblarsa" o başı da bir sorğu-suala çəkmək lazımdır. Tanışlıq münasibəti nəyə deyirsiz? Keçən dəfə məni Sultan11 ilə dost çıxarmışdınız, ümid edirəm ki, bu dəfə də məni Baskervill-lə dost olmaqda ittiham etməzsiniz.— Sortilegus (müzakirə) 15:48, 6 avqust 2023 (UTC)

hörmətli inzibatçılarımız diqqətli olmalıdır ki, barışdırıcı mövqeyi neytrallığı pozaraq əlavə mübahisələrə səbəb olmasın. Atakhanli (müzakirə) 15:57, 6 avqust 2023 (UTC)

Solavirum çox təəssüflər olsun ki, inzibatçı statusumun alınması üçün bu qədər səy göstərirsiniz. Sizi başa düşürəm. Buna qarşı olan inzibatçıların olması sizi və bəzi vikipediyaçıları narahat edir. Prosesə qarşı olan inzibatçıların mövcudluğu mənim inzibatçı statusumun alınması məsələsini geçikdirir və bu ehtimalı zaman-zaman azaldır. Cəmi 3 il bundan əvvəl inzibatçı statusumun alınmasına ilk qarşı səsi elə siz vermişdiniz. İndi sizə sual etmək istərdim ki, həmin tarixdən bu günə nə dəyişib ? Həmin zaman aralığında hansı qayda pozuntularına yol vermişəm ? Sizdən çox, Nəzakət qaydalarını pozan yoxdur. Maraqlıdır ki, mənim inzibatçı statusumun alınması üçün qruplaşma yaradanlar sizin bu yazı tərzinizə görməzdən gəlirlər və ya ümumiyyətlə görmək istəmirlər. İndi deyəcəksiniz ki, nəsə problem varsa, ümumi müzakirəyə çıxarılsın və etimad səsverməsi keçirilsin. Əminsiniz ki, etimad səsverməsi zamanı şəxsən tanıdığınız onlarla vikipediyaçı qalsın səsini gözü yumlu verəcəklər. — Baskervill (müzakirə) 19:11, 6 avqust 2023 (UTC)

• "inzibatçı statusumun alınması üçün bu qədər səy göstərirsiniz"
• "... sizi və bəzi vikipediyaçıları narahat edir"
• "statusumun alınması üçün qruplaşma yaradanlar sizin bu yazı tərzinizə görməzdən gəlirlər və ya ümumiyyətlə görmək istəmirlər"
• "etimad səsverməsi zamanı şəxsən tanıdığınız onlarla vikipediyaçı qalsın səsini gözü yumlu verəcəklər"

Baskervill, elə bax bu ifadələrinə görə sizin inzibatçı statusunuz haqqında müzakirə açmaq lazımdır. Bu, biabırçılıqdır. Samraldan üzr istədiniz, amma yenə də eyni ritorika ilə davam edirsiniz. "Cəmi üç il əvvəl" baş tutan kukla hesab polemikasının qaldırılmasını məqbul saymırsınız, amma "cəmi üç il əvvəl" qeyd etdiyim bir şeyi dəfələrlə üzümə vurmağı uyğun görürsünüz. Bu, sadəcə və sadəcə viki-icmanı ələ salmaqdır.

Mən qınamıram, pis öyrəşdiriblər sadəcə. Güldən artıq söz deyən adam olur pis, bəy tərifi verən olur əla. Yenə deyirəm, nəsə qruplaşma varsa, sübut edin. Sübut etmirsinizsə, birbaşa böhtan atırsınız. Bu da qayda pozuntusudur, amma sizin bu proses zamanı pozduğunuz qaydalar Dədə Qorqud dastanını dolduracaq qədərdir. --► Hörmətlə: SolaVirum 19:16, 6 avqust 2023 (UTC)

Hələ məni səs ovçuluğu ilə ittiham etmək ayrı məsələdir. Biri onsuz da mənə "düşmən" deyir, o biri də ümumiyyətlə olmamış şeyi üstümə atır. İstənilən adamdan soruşmaq olar ki, Solavirum başına adam yığıb öz lehinə səs verdirib, deyər yox. Şükür, hansısa qurumdan özümə səslər doldurmuram, hər adama sosial şəbəkədən yazıb öz tərəfimə çəkmirəm. --► Hörmətlə: SolaVirum 19:18, 6 avqust 2023 (UTC)

• "Şükür, hansısa qurumdan özümə səslər doldurmuram" (burada mənim bir zamanlar çalışdığım AMEA Mərkəzi Elmi Kitabxana nəzərdə tutulur)
• "hər adama sosial şəbəkədən yazıb öz tərəfimə çəkmirəm" (bu isə haqqımda ən çox səsləndirilən itthiamlardan biri. Güya ki, insanlara facebookdan səs istəməyimlə bağlıdır)

Solavirum, bəs sizin bu ifadələrinizi hara yazaq ? İnzibatçı kimi 2023-cü il təqvim ili ərzində cəmisi alətlərindən istifadə etmiş vikipediyaçılar kənarda qalıb, siz məhz mənim statusumun alınması üçün səsvermənin keçirilməsini tələb edirsiniz. Səbəbi nədir ? — Baskervill (müzakirə) 19:29, 6 avqust 2023 (UTC)

Solavirum, yuxarıda açıq formada VP:N-in 11-ci bəndini pozmusunuz və buna görə sizi heç bir məsuliyyət gözləmir. Hamı bilir ki, siz əsəbləşəndə fikirlərinizi istədiyiniz formada ifadə etmək sərbəstliyinə sahibsiniz. — Baskervill (müzakirə) 19:33, 6 avqust 2023 (UTC)

Baskervill, mənim həmin ifadələri sizə qarşı istifadə etdiyimi güman edə bilərsiniz, amma fakt kimi işlədə bilmərsiniz. Ortaya atılmış sözdür, niyəsə siz öz üzərinizə götürdünüz. Həmin nəzərdə tutduğunuz inzibatçı sizin etdiklərinizi etmir. Nə gözəl, bir az daha çox inzibatçı fəaliyyətim olsun, amma yeri gələndə adi istifadəçiləri əzməyə çalışım, şəxsi məlumatlarını yayım? Özü də vəziyyətə baxıram, dəhşətə gəlirəm. Samralın şəxsi məlumatlarını yaydığınızı bilavasitə qəbul edirsiniz, amma deyirsiniz ki, "nolsun, qayda yoxdur da bunu tənzimləyən".

Mən səbəbi on beş dəfə demişəm bəlkə də. "Hamı bilir ki, siz əsəbləşəndə fikirlərinizi istədiyiniz formada ifadə etmək sərbəstliyinə sahibsiniz" elə özü də rişxənddir. Mənə sizin şəxsiniz önəmli deyil, əhəmiyyətli deyilsiniz mənim üçün. Sizə qarşı qruplaşma qurmuşamsa, sübut edin, ya da belə şey deməyin. Deməkdən keçib əslində, ya sübut edin, ya da davamını inzibatçılıq səsverməsində danışarıq. Etdiklərinizin bu qədəri də artıq bəsdir. --► Hörmətlə: SolaVirum 19:39, 6 avqust 2023 (UTC)

Solavirum, hamı çox gözəl bilir ki, burada söhbət məndən gedir. * "Şükür, hansısa qurumdan özümə səslər doldurmuram" deyəndə kimi nəzərdə tuturduz ? Burocan yoxsa Babək Akifoğlunu ? Mənə cavab olaraq yazmış olduğunuz rəydə, söhbətin məndən getməsini başa düşmək o qədərdə çətin deyil. Məni inzibatçılıq səsverməsini başlatmaqla təhdid edirsiniz. Samral məni telefon danışığı zaman təhqir edib və bloka atıb. Ardından görmüş olduğunuz hadisələr baş verib və məndə, icmanı baş verən hadisələrlə bağlı məlumatlandırmışam. — Baskervill (müzakirə) 19:48, 6 avqust 2023 (UTC)

Baskervill

• Xeyr, burada hamı etmiş ola bilər və sırf öz üzərinizə götürməyiniz də maraqlıdır.
• Təhdid filan etmirəm, haradan çıxardınız, bilmirəm. Səhərdən adama deyirəm ki, əhəmiyyətli yeriniz yoxdur həyatımda, məcbur dirəşirsiniz ki, yox, sən qruplaşma qurmusan və məndən bunu istəyirsən!

Yekunlaşdırın da bunları, ayıbdır. Burada kimlə məzələnilir, bilmirəm, amma mənim xoşuma gəlmir. --► Hörmətlə: SolaVirum 19:50, 6 avqust 2023 (UTC)

Solavirum, mənə ən çox təsir edən məqamlardan biri Səs ovçuluğu ilə bağlı yazılmış rəy olmuşdu. Samral inzibatçılara müraciət səhifəsində yazmışdı ki; Son və yekun qərarı viki-icma verəcək inşallah. Əvvəlcədən onu da qeyd edim ki, inşallah sizin etimad səsvermənizdə iştirak edəcək kimlərsə mən bu müzakirəni başladıb sizin etimad səsvermənizi tələb etdikdən sonra aktivləşmiş istifadəçi hesabları olacaqsa, biləsiz ki, o səslərin heç biri nəzərə alınmayacaq inşallah. Vəs-salam. - buradan o nəticə çıxır ki, mənim inzibatçı hüququmun alınmasına qarşı olan səslər xüsusi formada yoxlanılacaq və 1-1 təftiş ediləcək ki, bu şəxslərə kimsə məlumat verib ya yox. Hesab edirəm ki, bu qədər "ədalətli" və "şəffaf" seçki keçirməyə ehtiyac yoxdur. — Baskervill (müzakirə) 19:56, 6 avqust 2023 (UTC)

mən Samral deyiləm və aramızda keçən bu müzakirədə Samralın etdiyi qeydlərin bir təsiri yoxdur. Samral inzibatçı deyil və səsvermə prosesinə nəzarətin necə olacağını özündən müəyyən edə bilməz, lakin burada daha böyük məqamlar var və o da sizin bu davranışlarınızdır. --► Hörmətlə: SolaVirum 20:00, 6 avqust 2023 (UTC)

Solavirum, Baskervill mübahisəni durdurun. Hər ikiniz də inzibaçı olaraq məsələni həll etmək əvəzinə əksinə ortalığı qarışdırırsınız və nəzakət qaydalarını pozursunuz. Solavirum, xüsusən də siz, nə üçün açılan hər iki başlığda üzərinizə düşən məsuliyyəti yerinə yetirmək əvəzinə ortalığı qarışdırmağa çalışırsınız? Bir həftədir açılan mövzuya münasibətinizi bildirməkdən çəkinirsiz və gəlib əlaqəsiz yeni bir mübahisyə zəmin yaradacaq şərh yazırsınız. Axı hər kəsin adını iki dəfə teg edib mövzu ilə bağlı fikirlərinizi qeyd etməyi istəmişəm. — eldarado(müzakirə | fəaliyyət | meta səhifəsi) 20:26, 6 avqust 2023 (UTC)

Mən də sizin istəyinizi reallaşdırmışam. "Ortalığı qarışdırmaq" ifadəsi düzgün deyil, ortada konkret insident var və bunu ört-basdır etmək olmaz. --► Hörmətlə: SolaVirum 20:36, 6 avqust 2023 (UTC)

Solavirum, düzgün olsa da olmasa da faktdır. Deyirsiz amma yuxarıda mövzu ilə bağlı fikrinizi görmədim, digər idarəçi ilə bağlı fikirlərinizi qeyd etmisiniz. Zəhmət olmasa mövzu ilə bağlı fikirlərinizi qeyd edin ki, mövzunu yaxın zamanda yekunlaşdıraq. Hörmətlə — eldarado(müzakirə | fəaliyyət | meta səhifəsi) 20:45, 6 avqust 2023 (UTC)

  Lehinə: Səbirsizlik nümayiş etdirməyin bəraəti yoxdur. İstifadəçinin qaydaları çox yaxşı bilməsi və eyni mövzu üzrə dəfələrlə bloklanması buna əsas verir. Azı 2 aylıq blokun lehinəyəm. — Toghrul R (m) 06:40, 7 avqust 2023 (UTC)

Yekunlaşdırma: neqativ hal sülh yolu ilə həll olundu, hər 2 tərəfin bloklanmaması qərarı alınmışdır. Atakhanli (müzakirə) 16:19, 9 avqust 2023 (UTC)

Dəyərli həmkarlar, İnzibatçı Baskervill Samrala qarşı nəzakət qaydalını pozması və şəxsi zəmində olunan mübahisəni vikipediyaya daşıması üçün sizi blok müddətinin təyin olunmasına dəvət ediəm. Yuxarıda adlarını qeyd etdiyim inzibatçıları bu mövzuya da münasibət bildirmələrini rica edirəm. Hörmətlə — eldarado(müzakirə | fəaliyyət | meta səhifəsi) 21:07, 1 avqust 2023 (UTC)

Bloklanmam üçün heç bir tutarlı əsas yoxdur. İstifadəçi mənimlə mobil telefon üzərindən əlaqə saxlayıb və yaşadığım ölkə ilə bağlı xeyli söhbətlər aparıb. Bir necə gün sonra isə orada qarşıma çıxsan, səni belə-belə edəcəm deyərək məni təhdid və təhqir edib, bloka atıb. Ardından bu gördüyünüz məsələlər baş verib. Mənim Səmralla heç bir problemim yoxdur. İstifadəçidən yazdığım fikirlərə görə üzr istəmişəm. Bir şey olmamış, statusun əlindən alınması və bloklanmanın tətbiq edilməsini doğru hesab etmirəm. Başqa vaxtı, blok bir cəza növü kimi istifadə oluna bilməz qaydalarından danışırıq.— Baskervill (müzakirə) 21:41, 1 avqust 2023 (UTC)

Yenidən hər birinizi salamlayıram və bu iki mövzuya münasibət bildirməyinizi istəyirəm. (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Turkmen, Toghrul R, Baskervill, Burocan, Atakhanli, Solavirum. Son iki ildə, azvikidə yaranan istənilən mübahisəli məsələyə ilk qaçanlardan biri mən olmuşam və məsələnin yekunlaşdırılmasında da ən çox rolu olan inzibatçılardan biri mənəm. Bundan əlavə istər inzibatçılara olunan müraciətlərdə, istər statusların alınmasında və ya verilməsində ilk addım atan və sonlandıran ən fəal inzibatçılardan biri mən olmuşam. Lakin bu son movzuda artıq mənim tərəf tutmam gündəmə gəlib. Nədənsə bundan öncəki heç bir mövzuda bu fikirləri səsləndirənlər olmamışdı. Buna görə də hər birinizin mözuya biganə qalmamağı və müzakirə edib yekun qərar verməyinizi rica edirəm. Bu cür mübahisələr azvikiyə zərərdən başqa bir şey vermir. Buna görə də bu cür fəaliyyətin daha da uzanmasının tərəfdarı deyiləm. Hörmətlə — eldarado(müzakirə | fəaliyyət | meta səhifəsi) 19:06, 4 avqust 2023 (UTC)

Baskervill-in bloklanmasını düzgün hesab etmirəm. Məncə, ümumiyyətlə əgər inzibatçı vəziyyəti o səviyyəyə gətirib çıxarıbsa ki, onun bloklanması müzakirə olunur, gərək o özü statusundan imtina etsin. İnzibatçının qeyri-aktivliyə, hansısa başqa səbəblərə görə statusunun alınmasını müzakirə etmişdik, bloklanmasının müzakirəsi deyəsən azviki tarixində bir ilkdir. Baskervill-in neçə il bundan qabaq kukla hesabı işlətməsi ilə bağlı məsələnin daim gündəmə gətirilməsini düzgün hesab etmirəm. Bu məsələdə hətta ona qarşı aparılan bir kampaniya elementlərini də sezirəm. Çünki o vaxt məsələ müzakirə olundu, səsvermə keçirildi və vikicəmiyyət ona etimad göstərdi. O məsələ bağlandı. Bürokrat statusundan öz istəyi ilə imtina etməsini də doğru addım kimi qiymətləndirirəm. Çünki bürokrat seçilməsində şəxsən mənim üçün çox sayda qaranlıq məqamlar vardı. Azvikidə ana səhifənin yenilənməsi, məqalələrin redaktəsi, vandalizm hallarına qarşı mübarizəsi təqdirəlayiqdir. Amma onda inzibatçıya lazım olan ən əsas xüsusiyyətlər çatışmır - əsəblərini ələ almaq, kobudluq etməmək, mübahisələrin həllində soyuqqanlı olmaq. Halbuki son 3 ildə bu məsələdə də xeyli irəliləyiş var. Bütün bu yazdıqlarımı nəzərə alandan sonra inzibatçı ilə bağlı hansı qərarın verilməsi gərəkdiyi məsələsində özüm də qərarsız qalmışam.— Sortilegus (müzakirə) 22:12, 4 avqust 2023 (UTC)

Heç bir bloklanmaya ehtiyac görmürəm. Araz Yaquboglu (müzakirə) 11:10, 5 avqust 2023 (UTC)

Bloklanmaya ehtiyac var. Bir istifadəçinin şəxsi məlumatlarını ortaya atır. Ümumiyyətlə, kukla hesab məsələsində bloklanmalı idi sözügedən inzibatçı. Belə bir təcrübə də yoxdur ki, kukla hesab işlədəni bağışlasınlar. Bu, istisna idi və icma olaraq səhv etmişik deyə düşünürəm. --► Hörmətlə: SolaVirum 12:41, 6 avqust 2023 (UTC)

Solavirum hansı şəxsi məlumatları ortaya atmışam ? İstifadəçi mənimlə şəxsi zəmində problem yaşayıb və bunu Vikipediyaya daşıyıb. İcmanı əsil olanlar barədə məlumatlandırmaq şəxsi həyatı ortaya atmaqdırmı ? — Baskervill (müzakirə) 13:03, 6 avqust 2023 (UTC)

Vikipediyadan kənar məlumatı atmısınız da ortaya ay Baskervill, hara fırlasan nəticə budur. Şəxsi məlumatı o halda yaymaq olar ki, kimsə fəaliyyətinə görə fiziki təhdid alsın, ya da hansısa qruplaşma aparılsın, onu da belə ortalıq yerdə yox, hansısa inzibatçı ilə şəxsi (e-mail) danışırsan. Bunu siz də bilirsiniz. --► Hörmətlə: SolaVirum 14:51, 6 avqust 2023 (UTC)

Solavirum harda yazılıb ki, yalnız fiziki təhdid aldığın zaman və ya qruplaşma aparılan zaman bu barədə paylaşım etmək olar ? Digər tərəfdən mənə qarşı qruplaşma olduğunu güya bilmirsiniz ? Bunlar hansısa qaydaya söykənir, yoxsa sizin şəxsi düşüncələrinizdir ?— Baskervill (müzakirə) 19:03, 6 avqust 2023 (UTC)

Baskervill, sizə qruplaşma var ya yox, bilmirəm. Konkret dəliliniz varsa, buyurun. Burada Kurtlar Vadisi serialı çəkildiyinə şübhə edirəm, ona görə fərziyyələri qoyaq qırağa. Burada mən qeyd etdiyim məsələlər qeyd olunub. Ayrıca komitə var bu məsələlər üçün, amma azvikidə inzibatçılar bəs edir, çünki o qədər adam da yoxdur. "yoxsa sizin şəxsi düşüncələrinizdir" kimi qıcıqlandırıcı ifadələrdən çəkinin, amma iş işdən keçib çoxdan. --► Hörmətlə: SolaVirum 19:06, 6 avqust 2023 (UTC)

Solavirum Kurtlar Vadisi bənzətməsini mən etsəydim, Toghrul R bunu rişxənd və ara sözdən istifadə kimi qiymətləndirib, Sizcə Ağsaqqalına kəm baxanın günü yaman olar :) ifadəsi bir inzibatçının statusunun alınması üçün yetərli səbəbdirmi və ya burada Təhqir, təhdid və aqressiyaya yol verilməməlidir qaydası pozulubmu ? Yəni, siz əsəbləşəndə bu təbii hal kimi qiymətləndirilir, ancaq mən nəsə yazanda bu inzibatçı statusunun alınması üçün bir əsasa çevirilir ? en:Wikipedia:Harassment bu qayda Azvikidə qəbul edilib ? İcmanın müzakirə əsaslı səsvermə ilə qəbul etmədiyi bir qaydanı mütləq formada Azvikidə tətbiq etmək lazımdır yoxsa hər vikidə qəbul olunmuş qayda bizim üçün də, rəsmi qayda olaraq keçərli olmalıdır ? — Baskervill (müzakirə) 19:21, 6 avqust 2023 (UTC)

Baskervill, bənzətmə etmək normaldır, çünki belə fövqəltəbii qruplaşmadan söhbət açan mən yox, sizsiniz. Belə mən yazım, siz yazın gedirik, amma siz elə sübut göstərmədən qruplaşmadan danışırsınız, kimisə tərəflilikdə günahlandırırsınız. İkinci məsələyə gəldikdə, sizin məntiqinizlə VP:N qəbul olunmazdan əvvəl hamı bir-birinə söyüş qoya bilirdi? Primitiv etika qaydaları var. Bunu biləcək qədər yaşınız və təcrübəniz var, amma qəbul etməməkdə israr edirsiniz. --► Hörmətlə: SolaVirum 19:26, 6 avqust 2023 (UTC)

Həmkarlar, təqribən bir həftə müddətində işlərim səbəbindən müzakirələri oxuya bilməsəm də, vaxtımı ayırıb yazılan bütün fikirləri bir-bir oxudum. Qısaca deyim ki, inzibatçı nümunəvi olmalıdır. Əgər yaxşı nizam və intizam yarada bilmirsə, onun bu fəaliyyətinin davam etdirməsindən söz gedə bilməz. Bu heç. Qaldı ki, bloklama məsələsinə, məncə, ən azı 2 aylıq blokun tətbiq edilməlidir. Bundan əlavə, inzibatçılıq hüququnun alınmasına dair müzakirənin başladılmasının vacib olduğunu düşünürəm. Əslində, blok müddəti daha uzun ola bilər, çünki istifadəçi bir neçə qaydanı zəncirvari pozub və Samral-ın şəxsi məlumatlarını açıq şəkildə yayıb. Xahiş edirəm, 5-6 min baytlıq cavablarla müzakirəni şişirib insanların saatlarla zamanını almayın. Onun əvəzinə 5 min baytlıq hansısa məqaləni yazsanız daha çox fayda vermiş olacaqsınız. — Toghrul R (m) 06:38, 7 avqust 2023 (UTC)

Toghrul R, sözügedən istifadəçi mənimlə həmin problemli elə şəxsi məsələyə görə başladıb. Belə olduğu təqdirdə mən nə etməli idim ? Həqəqitən maraqlıdır, əgər bir vikipediyaçı, digəri bir vikipediyaçı ilə Vikipediyadan kənar ciddi bir problem yaşayırsa, hansı formada icmanı bu proses haqqında məlumatlandırmalıdır ?— Baskervill (müzakirə) 09:50, 7 avqust 2023 (UTC)

@Baskervill bunun Vikipediya ilə heç bir əlaqəsi yoxdur. Buradan kənarda, şəxsi mesaj qutusunda yazılmış mesajlar Vikipediyada önəm daşımır — Toghrul R (m) 13:14, 7 avqust 2023 (UTC)

Kənarda yaşadığınız problemlərin vikipediya ilə əlaqəsi nədir? Samral sizi Facebook və ya Whatsapp'da vikipediya ilə əlaqəsi olmayan bir mövzuda təhqir edib söyübsə bunun Vikipediya əlaqəsi yoxdur. Şiroi Akuma 14:05, 7 avqust 2023 (UTC)

Yekunlaşdırma: neqativ hal sülh yolu ilə həll olundu, hər 2 tərəfin bloklanmaması qərarı alınmışdır. Atakhanli (müzakirə) 16:21, 9 avqust 2023 (UTC)

Salam, hörmətli inzibatçılar. Grenzsoldat-ın müzakirə səhifəsində açdığı başlığa fikir bildirməyə dəvət edirəm. — Toghrul R (m) 06:08, 10 mart 2023 (UTC)

Salam, mən bu mövzuda mövqe bildirmək istəmirəm. Çünki bir dəfə istifadəçiyə demişdim ki, fəaliyyətinizi nəzərə alaraq dəstək çıxıb bloku qaldıracam ama yenidən qayda pozsanız bir daha xeyrinizə fikir bildirməyəcəm blokla bağlı. Həmin hadisədən sonra istifadəçi bir dəfə hesab dəyişdi və dəfələrlə eyni qaydanı təkrar təkrar pozdu. — eldarado(müzakirə | fəaliyyət | meta səhifəsi) 15:21, 12 aprel 2023 (UTC)

  Əleyhinə: Salam, bənzər güzəştlərin illər ərzində şahidi olmuşam, amma istifadəçi yenə qaydaları pozub və bloklanıb.— Nicat^{49   ⋠müzakirə⋡} 19:18, 12 aprel 2023 (UTC)

Yekunlaşdırma: İstifadəçi artıq fəaliyyət göstərir. Ona görə də müzakirəni sonlandırıram.— Sortilegus (müzakirə) 02:25, 18 avqust 2023 (UTC)

Hər kəsə salam (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Solavirum, ). Zəhmət olmasa burada gedən son müzakirəni oxuduqdan sonra fikirlərinizi burada qeyd edin. İstifadəçi məni tərəfli, qərəzli və hüquqlarımdan sui-istifadə etməklə ittiham edir. Buna görə də burada müzakirə açıb yekun qərarı ümumi müzakirə əsasında verilməsini istədim. Bloku qaydalara əsasən tətbiq etmişəm, öz fikirlrimə əsasən deyil. Əgər biz isifadəçi müzakirəsində edilən nəzakətsizlik qaydalarına əsasən istifadəçiləri bloklayırıqsa deməli bu qayda da bütün səhifələrdə keçərlidir. Lütfən müzakirəni oxuyub fikirlərinizi bildirin. Hörmətlə — eldarado(müzakirə | fəaliyyət | meta səhifəsi) 05:36, 10 may 2023 (UTC)

@Eldarado müzakirədəki arqumentləri oxudum və kifayət qədər əsaslı olanlara rast gəldim. Məncə, bu məsələnin kökündə yatan səbəb qaydanın açıq-aşkar hansı səhifələrə tətbiq edilib-edilməməsini müəyyənləşdirilməməsidir. Blokmalanı dəstəkləməmin səbəbi də həmin qaydaya istinad etməyimdir.

Məsələnin həlli kimi istifadəçiləri blokdan azad edərək qaydaya yenidən baxmağı, eləcə də müəyyən düzəlişlər etməyi təklif edirəm. Bundan əlavə, arxivləşdirici botlar da əlavə etmək olar ki, bu da istifadəçilərin müzakirə səhifələrini arxivləşdirməsini avtomatlaşdırar. — Toghrul R (m) 07:08, 12 may 2023 (UTC)

Mən istifadəçilərin bloklanmasını dəstəkləmirəm. Baxmayaraq ki, Xeyal-ın irad tipli mesajları o saat silməsini xoşuma gəlməsə də. Bunun əsas bir səbəbi var. Mən əvvəllər istifadəçilərə demişəm ki, öz müzakirə səhifələrindəki mesajları silməklə bağlı bizim Vikipediyada açıq-aşkar qayda qanun yoxdur, ona görə müzakirə səhifələrini silməkdə bir problem görmürəm. Mən bu fikirləri səsləndirdikdən bir müddət sonra bu məsələ üzərində bloklanmaq istifadəçi üçün xoş təcrübə deyil.— WhiteDem✪n 02:04, 13 may 2023 (UTC)

baxmayaraq ki, atılan addımda istinadlar edilib, əsaslandırılıb və mənim özüm də müzakirə səhifələrinin silinməsinə qarşıyam, amma düşünürəm ki, bununla bağlı qaydalarda problem var. qaydalara uyğun düzəlişlər, əlavələr edilməlidir. bütün bunları nəzərə alaraq hər 2 istifadəçinin (Xeyalın blok müddəti bitib artıq) blokunun azad olunması yanındayam. hər 2 istifadəçi aktivdir və təcrübəlidir. əminəm ki, bununla bağlı qaydalarda konkretlik olsa idi heç biri bu addımı atmazdı. Atakhanli (müzakirə) 09:39, 15 may 2023 (UTC)

Qaydalarda qarışıqlıq, uyğunsuzluq və ya problem varsa bu mən yanlış qərar vermişəm anlamına gəlməməlidir. Mən heç bir istifadəçiyə qarşı qərəzim yoxdur. İstifadəçi ilk günlərdən normal qoşulsaydı müzakirələrə mən çox saxlamayacaqdım zatən bloku. Necəki bütün kobud və nəzakətsiz yazılarına rəğmən blok müddətini azaltdım. Dəfələrlə şahidi ola bilərsiz ki, qaydaları kobud şəkildə pozan istifadəçilərin müraciətinə əsasən bloklarını qaldırmışam. Amma əminəm ki, Gadir adlı istifadəçi yenə qaydaları pozacaq yenə digər istifadəçilərlə kobud davranacaq. Metaya da müraciət olundu, Stüardlar local qaydalar çərçivəsində verilən qərar olduğunu qeyd etdilər. Mövqeyinizi bildirdiyiniz üçün sizə təşəkkür edirəm və istifadəçinin blokunu açıram ümid edirəm ki, mən yanılmış olaram. Hörmətlə — eldarado(müzakirə | fəaliyyət | meta səhifəsi) 07:13, 17 may 2023 (UTC)

Hörmətli həmkarlar (Sortilegus, Wertuose, Babək Akifoğlu, Araz Yaquboglu, Eminn, White Demon, Nicat49, Qolcomaq, Turkmen, Toghrul R, Baskervill, Burocan, Solavirum, ), yuxarıdakı istifadəçilər bilərəkdən eyni fəaliyyətlərinə davam edirlər. Local qaydaları bilərəkdən əzirlər. Qaydalarda boşluq varsa onlar yenilənənə kimi mövcud qaydalara əməl olunmalıdır. Bütün bunları nəzərə nəzərə alaraq istifadəçinin ilə nəzakət qaydalarını da pozmuş sayılır. Buna görə də istifadəçini uzun müddətli blokunu tələb edirəm. Lütfən fikirlərinizi bildirin. Hörmətlə — eldarado(müzakirə | fəaliyyət | meta səhifəsi) 11:31, 25 may 2023 (UTC)

Yekunlaşdırma: Uzunmüddətli bloka da ehtiyac yoxdur. Digər inzibatçıların yuxarıdakı şərhlərini də nəzərə alaraq müzakirəni bir daha bağlamağı doğru hesab edirəm.— Sortilegus (müzakirə) 02:24, 18 avqust 2023 (UTC)

salam hörmətli həmkarlar. bildiyiniz kimi, Gadir 1 sentyabr tarixində təxminən 4 aylıq bloklandı. həmin bloklanmanın üzərindən aylar keçib. indiki halda 1 yanvar 2024-ci il tarixində blokdan azad olunacaq. yəni, hardasa 1 aydan bir az çox qalıb. istifadəçi ilə yaşadığımız və yaşadığım problemləri hamımız bilirik. o səbəbdən uzun-uzun açmağa gərək yoxdur. fakt ondan ibarətdir ki, istifadəçinin vikipediyaya böyük marağı, coşğusu var. və açığı düşünürəm ki, bu qədər blokda qalması kifayət edər. kifayət etmədiyini qəbul ediriksə, bu, bir növ istifadəçini sona kimi cəzalandıraq prinsipi ilə eyni tutula bilər. əgər, digər inzibatçılar da dəstəkləyərsə, @Gadir-in blokdan azad olunması ilə bağlı təşəbbüs edə bilərik. biz razı olmasaq belə, yanvarın 1-i, yeni ildə istifadəçinin blok müddəti bitir zatən. amma istifadəçini blokdan azad etməklə onun yeni ilə daha həvəsli başlamasına nail ola bilərik. istifadəçini küsdürməyək, dəstək olaq ki, etdiyi səhvlərdən nəticə çıxararaq fəaliyyətinə davam eləsin.
qeyd: təklif ilə bağlı istifadəçidən hər hansı bir mesaj almamışam. Atakhanli (müzakirə) 22:51, 16 noyabr 2023 (UTC)

Əgər istifadəçinin belə bir təklifi yoxdursa buna bir ehtiyac görmürəm. — Baskervill ☼ - De Gəlsin ! 23:32, 16 noyabr 2023 (UTC)

Özü təklif edib mənə. --► Hörmətlə: SolaVirum 12:08, 17 noyabr 2023 (UTC)

özü də təklif edibsə əla. dəyərləndirmək faydalıdır. mən blokdan azad olunmasının şəxsən lehinəyəm. digər inzibatçılarımızın da daha bağışlayıcı mövqedə olmasına ümidlənirəm Atakhanli (müzakirə) 12:34, 17 noyabr 2023 (UTC)

Bloku açılacaqsa gərək birinci "aydınlığını" versin. Nemoralis (müzakirə) 12:37, 17 noyabr 2023 (UTC)

Aydınlıq deyəndə ki, vikipediyaçılar arasında müəyyən qərəz və qruplaşmaların olması qeyri-adi deyil. Adicə məktəbdə sinif otağında baş verir belə hadisələr. Tərk etdiyini deyib qayıtmaq "nito hərəkət" deyil. --► Hörmətlə: SolaVirum 15:20, 17 noyabr 2023 (UTC)

Mən də blokun vaxtından əvvəl açılmasının lehinəyəm. Araz Yaquboglu (müzakirə) 13:52, 17 noyabr 2023 (UTC)

Qətiyyən razı deyiləm. İki dəfə istifadəçinin blokunu vaxtından əvvəl açmışam. Faydalı olmur. Eminn (müzakirə) 14:22, 17 noyabr 2023 (UTC)

Mən də lehinəyəm bu arada. Tək problemi çox teq etməsidir, bunu da azaldar deyə ümid edirəm. --► Hörmətlə: SolaVirum 15:18, 17 noyabr 2023 (UTC)

Qeyd olunan təklif ilə heç razı deyiləm. Bloklanmaların normalda tez açılmasının tərəftarı olmuşam. Lakin təcrübələrimə görə deyə bilərəm ki, heç uğurlu olmayıb əksi olub. İstifadəçi dəfələrlə və ciddi qayda pozuntuları edib və ümumi müzakirə əsasında 4 aylıq blok qərarı qəbul olunub. Əgər yenidən müzakirə olunacaqdırsa nə anlamı vardı müzakirənin. Bu cür müzakirələri anlamsız və vaxt itkisi sayıram. Eyni zamanda bəzi inzibatçı və fəal istifadəçilərimizin önəmli bir mövzu açılarkən səssiz qalıb bu cür müzakirələrdə isə hər zaman iştirak etməsi məni məyus edir. Hörmətlə — eldarado(müzakirə | fəaliyyət | meta səhifəsi) 15:21, 17 noyabr 2023 (UTC)

Eldarado ciddi pozuntular hansılar olub ki? Mən xatırlamıram açığı. Səhv etmirəmsə, məktəbli yeniyetmədir və bu zaman ünsiyyət prosesində nəsə xoş qarşılanmayacaq abu-hava olmuş ola bilər, amma mənim yadıma gəlmir. --► Hörmətlə: SolaVirum 15:27, 17 noyabr 2023 (UTC)

Solavirum, keçmişdə istifadəçi ilə bağlı açılmış mövzulara baxa bilərsiz. Orada hər biri qeyd olunub. — eldarado(müzakirə | fəaliyyət | meta səhifəsi) 15:40, 17 noyabr 2023 (UTC)

  Lehinə: məncə ilk şansdı və həm də istifadəçi özü də səhvlərini anlayır. Blokun açılmasının tərəfdarıyam. Turkmen ^müzakirə16:18, 17 noyabr 2023 (UTC)

1 ay daha gözləmək olmazmı ? Belə hərəkətlərlə bloklama məsələsini gözdən salırsınız. İstifadəçilər düşünəcək ki, 6 ay blok təyin edilsə, sona 30-40 gün qalmış ürəkləri yumuşalacaq və açacaqlar. Təklif olunan arqumentlər blok müddətinin vaxtından əvvəl açılması üçün əsaslı deyil. Mən razıyam, açılsın deməklə deyil. Əsaslandırılmış fikir olmalıdır ki, icmanı barmağına dolayan şəxsin blok müddəti niyə vaxtından əvvəl açılmalıdır ? Hörmətlə:— Baskervill ☼ - De Gəlsin ! 16:21, 17 noyabr 2023 (UTC)

@Baskervill @Eldarado dediyiniz ilə razıyam. amma bu dəfə son dəfə istifadəçiyə qarşı etimad göstərməyimiz mümkünsüzdürmü? istifadəçi bu arada buraya müraciət də edib və vədlər verib. @Eminn bəy, fikirinizə haqq verirəm, amma mən də düşünürəm ki, bu dəfə istifadəçiyə qarşı bağışlayıcı mövqedə ola bilərik. etimadımızı doğrultması üçün növbəti şans verə bilərik. Atakhanli (müzakirə) 17:23, 17 noyabr 2023 (UTC)

Xahiş edirəm, bunu etməyək. Axırıncı dəfə siz bloklamışdınız, mən tez açmışdım. Buna görə aramızda anlaşılmazlıq da yaşanmışdı. İstifadəçiyə uzağı 2 dəfə şans vermək olar. Eminn (müzakirə) 15:31, 19 noyabr 2023 (UTC)

Müzakirəni rahat nəticələndirmək üçün müzakirədə bildirilən fikirlərə əsasən belə sıralama etdim. Atakhanli (müzakirə) 17:28, 17 noyabr 2023 (UTC)

Lehinə:

1. Atakhanli
2. Araz Yaquboglu
3. Solavirum
4. Turkmen

Əlehinə:

1. Eminn
2. Eldarado
3. Baskervill
4. Nemoralis

Atakhanli, bunu nə üçün qeyd etmisiniz? Səsvermə ilə verilir bu cür qərarlar? Konsensus olmadığı müddətcə blokun açılması doğru deyil. Hörmətlə — eldarado(müzakirə | fəaliyyət | meta səhifəsi) 17:41, 17 noyabr 2023 (UTC)

konsensus olub-olmamasını rahat anlamaq üçün bəy. müzakirə uzanarsa, inzibatçıların qənaətə gəldiyi son fikrini burada qeyd edib rahat nəticələndirmək üçün Atakhanli (müzakirə) 17:48, 17 noyabr 2023 (UTC)

Atakhanli, mənim səsimi nəzərə almamısınız ? Mən fikirimdə qətiyəm. Hörmətlə:— Baskervill ☼ - De Gəlsin ! 18:28, 17 noyabr 2023 (UTC)

əlavə etdim həmkar. özünüz də edə bilərsiniz, fikrinizi dəyişmək istəsəniz. oxuyanda qəti fikir bildirməmisiniz deyə əlavə etməmişdim Atakhanli (müzakirə) 21:30, 17 noyabr 2023 (UTC)

Atakhanli məsələ ilə bağlı konsensus yoxdur. Maraqlıdır ki, istifadəçi oxşar fəaliyyətə davam edəcəyi halda məsuliyyəti öz üzərinizə götürməyə hazırsınız ? — Baskervill ☼ - De Gəlsin ! 22:15, 17 noyabr 2023 (UTC)

@Baskervill narahatlığınızı bildirdiyiniz üçün təşəkkür edirəm. Bir inzibatçı kimi mən də, Vikipediyada sağlam icmanın və müsbət mühitin saxlanmasının vacibliyini tam qiymətləndirirəm. İstifadəçinin qayda pozuntularını etiraf edirəm və sizi əmin etmək istəyirəm ki, bu məsələyə ciddi yanaşacam.
Sualınıza cavab olaraq istifadəçinin fəaliyyətini yaxından izləmək məsuliyyətini qəbul etməyə hazıram. Mən başa düşürəm ki, növbəti şanslar gözləntilərlə gəlir və mən istifadəçinin Vikipediya qaydalarına əməl etməsini təmin etməyə sadiqəm. İstifadəçi pozucu davranışa davam edərsə, mən müvafiq tədbirlər görməyə, o cümlədən hər hansı pozuntuları dərhal müzakirəyə çıxarmağa hazıram.
Mən müsbət dəyişiklik potensialına inanıram və istifadəçini daha konstruktiv töhfələrə yönəltmək üçün ona bir şans verməyimizi istəyirəm. Atakhanli (müzakirə) 22:30, 17 noyabr 2023 (UTC)

Müsbət dəyişiklik potensialına inanırsınız, çox gözəl blok müddəti bitər hamıya aydın olar bu potensiyala malikdir istifadəçi ya yox. Təcrübə bunu göstərir ki, dəfələrlə qayda pozan istifadəçilər uzun blokdan sonra daha məsuliyyətli qayıdıblar. Bunlara misal olaraq, Grenzsoldat və Murad_97 ni göstərmək olar. — eldarado(müzakirə | fəaliyyət | meta səhifəsi) 23:33, 17 noyabr 2023 (UTC)

Əleyhinəyəm. Burda kimisə həbs etməmişik ki blokdan bir neçə ay keçəndən sonra "amnistiya" qəbul edib blokunu tez açaq. Üstəgəl istifadəçinin Wealszy adlı istifadəçinin beynini "Azvikidə qruplaşmalar var" fikri ilə doldurub azvikini tərk etməsinə səbəb olduğunu düşünürəm. Nemoralis (müzakirə) 19:07, 19 noyabr 2023 (UTC)

 N Konsensus əldə olunmadı. Ümumiyyətlə bu mövzu ilə bağlı qərar onsuzda inzibatçıların müzakirəsi nəticəsində verilmişdir. Bir neçə ay sonra bunu yenidın gündəmə gətirmək anlamsızdır. Əgər tək bir inzibatçının qərarı ilə bloklansaydı və ya qeyri-müəyyən blok tətbiqi olsaydı hardasa razılaşmaq olardı yeni bir müzakirə ilə. Hörmətlə — eldarado(müzakirə | fəaliyyət | meta səhifəsi) 18:01, 23 noyabr 2023 (UTC)