Serhat 24 oktyabr 1964-cü ildə İstanbulda anadan olmuşdur. Atası İsmail Hakkı, eyni zamanda Serhatin anasının da doğum yeri olan Trabzon doğumlu bir dənizçi zabit idi. İbtidai təhsilini Üsküdarın İcadiye səmtində aldıqdan sonra Bəyoğludakı İstanbul Özəl Alman Litseyində oxumuşdur. 1988-ci ildə İstanbul Universitetinin Stomatologiya fakültəsinin məzunu olmuşdur.1990-cu ildə Burdurda iki aylıq məcburi hərbi xidmət keçmişdir.

Serhat 1994-cü ildə "End Productions" adlı produksiya şirkətini qurmuşdur. Həmin il prodüserliyini etdiyi Amerikan yarışma proqramı "Jeopardy"-nin Türkiyə versiyası olan "Riziko!"-nun TRTdə yayınlanması mövzusunda anlaşma əldə etmişdir. Serhat eyni zamanda, ilk bölümü 3 oktyabr 1994-cü ildə yayımlanan proqramın aparıcılığını da etmişdir. 1995-ci ildə, "Ən yaxşı kişi aparıcı" və "Ən yaxşı Yarışma Proqramı" kateqoriyalarında Qızıl Kəpənək mükafatını qazanmışdır. 1996-cı ildə, "Ən yaxşı yarışma proqramı" kateqoriyasında bir daha bu mükafata layiq görülmüşdür. 430-dan çox bölümü yayımlanan proqram, 1996-cı ilin sonlarında yayından qaldırılmışdır. Həmin il prodüserliyini "End Productions"un etdiyi yarışma proqramı Hədəf 4 ("Connect Four"-un Türkiyə versiyası), TRT 1də yayınlanmağa başlamışdır. 1997-ci ildə Kanal 6-da yayınlanmağa başlanan və Britaniya yarışma proqramı Midas Touch-un Türkiyə versiyası olan Altına Hücum-un prodüserliyi də firma tərəfindən gerçekləşdirilmişdir. 72 bölümü yayımlanan proqram həmin ildə də sona çatmışdır. 1998-ci ildə Riziko!, Serhatın aparcılığı ilə Kanal 7 ilə birlikdə ekranlara geri dönmüşdür. Riziko!-nun 1999-cu ildə sonlanmasıyla birlikdə Serhat, Kanal 7-də altı bölüm yayımlanan "Serhat'la Rizikosuz" adlı əyləncə proqramının aparıcılığını və prodüserliyini etmişdir. Bir neçə aylıq aranın ardından 2000-ci ildə bir daha Kanal 7-yə dönən Riziko!-ya, 65 bölümün ardından son verildi. Sentyabr 2005-ci ildə, "End Productions"un prodüserliyində Show TVdə yayımlanan Kalimerhaba adlı proqramı Katerina Mutsatsos ilə birlikdə aparmışdır. Serhatın 2009-cu ilin sonlarında, 18 musiqiçinin qatılımıyla təşkil etdiyi "Caprice the Show" adlı rəqs orkestri, irəliləyən illər içərisində müxtəlif performanslar sərgiləmişdir.

Produksiya şirkəti vasitəsi ilə Liseylərarası Musiqi yarışması (1998-indiyə kimi), Megahit-Beynəlxalq Akdeniz Mahnı Yarışması (2002-2004) ve Rəqs Marafonu (liseylər ve universitetlər arasında ayrılıqda hazırlanan rəqs yarışması, 2009-indiyə kimi) kimi müxtəlif yarışmaları da təşkil etmişdir.

Serhatın musiqi kariyeri 1997-ci ildə, "Rüya" ve "Ben Bir Daha" mahnılarından ibarət ilk sinqlını yayınlamasıyla başladı. 2005-ci ildə, Fransız müğənni Viktor Lazlo ilə duet oxuduğu ikinci sinqlı "Total Disguise" yayınlandı. Mahnının söz və musiqisi Olcayto Ahmet Tuğsuz tərəfindən yazılmış və mahnı, Fransızca və İngiliscə olaraq səsləndirilmişdi. Sinqlda ayrıca mahnının müxtəlif remiks versiyaları da yer almışdır. 2005-ci ildə "Chocolate Flavour" adlı sinql, "Total Disguise" ile birlikdə Yunanıstanda nəşr olunmuşdur. 2008-ci ildə rus-gürcü müğənni Tamara Qverdtsiteli ilə birlikdə "I Was So Lonely", "No No Never (Moscow-Istanbul)" və "Ya + Ti" ("Total Disguise" mahnısının rus dilindəki versiyası) mahnılarını buraxmışdır.

2014-cü ildə Serhat, çalışmalarına Fransa və Almaniyada davam etməyə başlamışdır. "Je M'Adore" adlı Fransızca mahnını əhatə edən beşinci sinqlı eyni il yayınlanırkən, mahnının video klipi Terri Verqnesnin rejissorluğu ilə Parisdə çəkilmişdir. "Je M'Adore" Deutsche DJ Black/Pop Charts'ta 5 həftə boyunca 1-ci sırada yer alarkən, Black 30'da 1-ci, British Dance Charts'da 2-ci, French Dance Charts'da 8-ci, Swiss Dance Charts'da isə 9-cu yerədək yüksəlmişdir. 12 yanvar 2016-cı ildə San Marino RTV telekanalı İsveçin paytaxtı Stokholm keçirilən 2016 Avroviziya Mahnı Müsabiqəsinda San Marinonu Serhatın temsil edəcəyini açıqlamışdır. Serhat müsabiqədə ifa etdiyi "I Didn't Know" mahnısı ilə birinci yarımfinalda 12-ci yerdə qərarlaşaraq, finala adlaya bilməmişdir. Daha sonra Serhat həmin mahnını disko versiyasını Amerikan müğənnisi və bəstəkarı Marta Voş ilə duet şəklində ifa etmişdir. Bu versiya Dens Klub mahnıları hit paradında 25-ci yerədək yüksəlmiş və bununla da Serhat hit parada daxil olmağa nail olan yeganə türk ifaçı olmuşdur. 2018-ci ildə o, 2005 Avroviziya Mahnı Müsabiqəsinin qalibi Elena Paparizu ilə birlikdə "Total Disguise" mahnısının yeni versiyasını təqdim etmişdir. Serhat İsraildə keçirilən 2019 Avroviziya Mahnı Müsabiqəsində yenidən San-Marinonu təmsil edəcək. Onun müsabiqədə ifa edəcəyi "Say Na Na Na" mahnısı mart ayının 7-də təqdim olunmuşdur. Serhat müsabiqədə 77 xalla 19-cu yerdə qərarlaşaraq, San-Marinoya müsabiqədəki ən yaxşı nəticəsini qazandırmışdır.

• 1997: "Rüya-Ben Bir Daha"
• 2004: "Total Disguise" (Viktor Lazlo ilə duet)
• 2005: "Chocolate Flavour"
• 2008: "I Was So Lonely-No No Never" (Tamara Qverdtsiteli ilə duet)
• 2014: "Je M'Adore"
• 2016: "I Didn't Know"
• 2016: "I Didn't Know" (Marta Voş ilə duet)
• 2018: "Total Disguise" (Elena Paparizu ilə duet)
• 2019: "Say Na Na Na"

Serhat 2010-cu ildən İstanbul Alman Litseylilər Dərnəyi (Verein der Ehemaligen Schüler der Deutschen Schule Istanbul) rəhbəri, 2013-cü ildən İstanbul Özəl Alman Litseyi İdarə Dərnəyi (Verein zum Betrieb der Deutschen Schule Istanbul) idarə heyəti üzvüdür.

• 1998: Türkiyə Milli Olimpiyada Komitəsi - "İdman Karyerası Nominasiyası" üzrə "Təbrik Məktubu"
• 2003: Beynəlxalq Festival Təşkilatları Federasiyası (FIDOF) - Ənənəvi yoldaşlıq qızıl üzüyü
• 2004: İskəndəriyyə Şəhərinin Qızıl Açarı

• — Rəsmi saytı