Rikorda adası şimal-şərqdən cənub-qərbə doğru 4 km məsafədə uzanır. Ən enli yeri — 2 km-dir. Ada iki hissədən ibarətdir: böyük şimal və kiçik cənub hissə. Bu hissələr bir-biri ilə eni 300 metr olan bərzəxlə birləşir. Adanın ümumi sahəsi 5 km²-dir. Dəniz səviyyəsindən ən yüksək zirvəsi 178 metrdir. Şimal-qərb sahilləri çınqıllı çimərliklərdən ibarətdir. Adanın cənub-şərq sahilləri dik olub qayalıq ərazilərdən ibarətdir. Adanın sahil xəttlərinin uzunluğu 13,3 km-dir. Ada daxilində bir çox kiçik çaylar mövcuddur. Çayların uzunluğu 600 metrdən artıq deyil. Şimal və cənub-qərb hissəsində bataqlaşmış ərazilər mövcuddur. Adanın şərq sahillərində sualtı qayalar üstünlük təşkil edir. Vostoçnaya buxtasında uzunluğu 1 km olan çınqıllı çimərlik var.

Adanın daimi əhalisi yoxdur. Rikorda adası Böyük Pyotr körfəzinin ən böyük adasıdır.

Ada ərazisinin böyük hissəsi alçaq boylu ağaclarla ötürtülüb. Daha çox amur cökəsi və dişli palıd üstünlük təşkil edir. Əlavə olaraq adada dimorfant, araliya, amur üzümü, cır limon, zirinc, itburnu, aktinidiya və s. kimi bitkilərə də gəlinir.

Ada faunasına daxildir: sürünənlər — suilanı, qalxansifətlər, amur suilanı; suda-quruda yaşayanlar — saxalin qurbağası və uzaq şərq qurbağası; məməlilər — tarla siçanı, uzaq şərq siçanı, yenotabənzər it, tülkü və ləkəli suiti; quşlar — adi vələmirquşu, qarabatdaq, berkut, qağayı və s.

1. . goprim.info. 2024-05-05 tarixində . İstifadə tarixi: 2024-05-05.
2. . 2024-05-05 tarixində . İstifadə tarixi: 2024-05-05.
3. . khasan-district.narod.ru. 2021-10-25 tarixində . İstifadə tarixi: 2024-05-05.
4. . 2021-04-20 tarixində . İstifadə tarixi: 2024-05-05.