Bayraq haqqında informasiyadan məqalədəki kimi deyil, belə bir şəkil alındı.

Burada dəqiqləşdirilməli olan rənglər və ulduzun dəqiq koordinatının necəliyidir. --

Əvvəlki variant belədir:

--Vago 11:25, 22 Oktyabr 2009 (UTC)

Belə bir sualım var. hal-hazırki A.R. bayrağı 1918-ci ildə qəbul edilib. bəs ona qədər bizim bayraq olmayıb? heç bir bununla bağlı məlumatım yoxdu əgər kimdəsə nəsə məlumat varsa zəhmət olmasa bölüşərdiz. əvvəlcədən təşəkkürlər — Bu imzasız yazı 62.212.236.137 () tərəfindən əlavə edilib;

Hörmətli . Zəhmət olmasa sualı təkmilləşdirin -- Cekli829 11:20, 16 fevral 2010 (Cek vaxtı ilə)

yəqin ki Azərbaycan SSR-nın bayrağını nəzərdə tutur. --Vago 12:17, 17 Fevral 2010 (UTC)

Azərbaycan SSR 1920-1991-ci illərdə mövcud olub. Fikrimcə isə 1918-ci ildən əvvəlləri nəzərdə tutur. Faktiki 1918-ci ildən əvvəl Azərbaycan adlı Respublika mövcud olmayıb... Təbii ki, mövcud olmayan dövlətin bayrağı da ola bilməzdi. -- Cekli829 17:00, 17 fevral 2010 (Cek vaxtı ilə)

Düz deyirsiniz, əvvəlkini soruşurmuş, diqqətsizlik etmişəm. --Vago 13:20, 17 Fevral 2010 (UTC)

XX əsrdəki bayraqlarımızın təsviri ilə bağlı mübahisəli məqamlar var. şəkilləri nəzərdən keçirin.--Sortilegus 17:55, 6 Sentyabr 2010 (UTC)

Demək... Bü mübahisəli məqamlar artıq həll olunub. Bu iş üzərində mən 2006-cı ildən vuruşurdum. Üç rəngli bayrağın mərkəzdə böyük aypara və səkkiz guşəli ulduz ingilis dilli vikiyə naməlum mənbədən gəlmiş və sonra yayılmışdır. Bu belə demək olarsa "параша" (üzr istəyirəm ifadəmə görə. Amma o bayrağı görəndə dəli oluram) olub. Azərbaycan Respublikasının (ADR nəzərdə tutulur) ilk (!) bayrağı qırmızı fonda, mərkəzdə kiçik aypara və səkkiz guşəli ulduz olan bayraqdır. İkinci bayraqsa (müasir) 9 noyabr 1918-ci il qərarı ilə üç rəngli (mavi, qırmızı, yaşıl və mərkəzdə aypara ilə səkkiz guşəli ulduz) bayraq dövlət bayrağı elan olunmuşdur. Bunu Azərbaycan Respublikası Dövlət Heraldika Şurası da təsdiqləyərək, Prezident Kitabxanasında kitab ("Rəmz" adlanır deyəsən) formasında yayımlayır. Həmçinin "Azərbaycan Cümhuriyyəti ensiklopediyası" adlı kitab olmalıdır (adını səhv də yaza bilərəm). Orada da qeyd olunur. Bir mənalı olaraq hansısa Media Forum və ya bu tipli saytlarda göstərilən "düzgün" bayraq formalarına güvənib, bunyu mübahisəli etmək olmaz. Onlar özləri də həmin formaları vikidən götürüblər. Çünki bu yalan elə vikidən başladı. Hal-hazırda gərgin əmək hesabına vəziyyəti düzəltmişik. Özünüz də tezliklə görəcəksiniz ki, artıq o yalançı bayraqlar itir. Çünki vikidə biz artıq işimizi demək olar ki, görmüşük.

Bu da mənbələr:

- elibrary.az - Tarix elmləri namizədi --_{Proger danış} 20:03, 6 Sentyabr 2010 (UTC)

Mənbələrə inandığım üçün Flag of the Democratic Republic of Azerbaijan.png şəklini məqalədə bərpa etdim. --Ira 20:17, 6 Sentyabr 2010 (UTC)

İradə xanım, təşəkkür edirəm! ). Özüm əl dəymədim, qorxdum hörmətsizlik kimi qəbul edərsiniz. Müzakirə səhifəsində yazdım, görürəm ki, özünüz bərpa etməsiniz. Əslində məqalədə sırf bunu göstərməyə elə də ehtiyac yoxdur. Çünki aşağıda qalereyada var. Ancaq bu dezinformasiyaya qarşı bir müddət qalsa məncə yaxşı olar. Bərpa etdiyiniz üçün təşəkkür edirəm. --_{Proger danış} 21:50, 6 Sentyabr 2010 (UTC)

Məlumat etibarlı mənbələrdən verilirsə silmək düzgün deyil. Şəkli bərpa etməklə, əslində mən öz kobud səhvimi düzəltdim :) --Ira 07:15, 7 Sentyabr 2010 (UTC)

XX əsrdə Azərbaycanda əlifba dəyişiklikləri olub. O dəyişiklərə əsasən mən fikir yürüdə bilərəm. Mən tarixçi deyiləm, ona görə hansı bayraq hansı bayraqla dəyişilib onu deyə bilmərəm. Sadəcə bayraqlar üzərindəki yazılara baxıram - Tutaq ki, 1937-1939-cu illər AzərbaycanSSR-nin bayrağındakı hərflər latınladır. Deməli, o illərdə latın əlifbasından istifadə olunub, 1939-1952-ci illərdə bayraq olduğu kimi qalır, yalnız yazı dəyişilir və kirillə yazılır, deməli, 1939-cu ildə latından kirilə keçid olub. 1923-1937-ci illər arası bayrağımız ümumiyyətlə göstərilməyib.--Sortilegus 17:50, 11 Sentyabr 2010 (UTC)

Mübahisəli məsələ bəs haradadır? Kim mübahisə edir? Ümumiyyətlə 1918-də ərəb əlifbasından istifadə edilib, 1920-ci ildə latına keçidlə bağlı proqram başlamalı idi. Onda bayrağımız üçrəngli idi. Bayrağın özü də qəbul olunub 1991-ci ildə, onda da kiril idi. Və? Başa düşmürəm Sizi. Bayraqlarla bağlı heç bir mübahisəli məqam yoxdur. Ümumiyyə bu mübahisələr yalnız vikidə olub. Viki qoyub bunun əsasını. Özüdə mübahisə məhz ADR bayrağı idi. Heraldika şurası, tarix muzeyi və prezident kitabxanası (və əlbəttə ki, bizim :P) sayəsində ADR bayrağı ətrafında yaranmış dezinformasiyaya son qoyuldu. --_{Proger danış} 18:07, 11 Sentyabr 2010 (UTC)

Salamlar. 20-ci əsrdəki Azərbaycan bayraqları barədə məlumat verən ən yaxşı mənbə budur:

Onu da qeyd edim ki Azərbaycan Demokratik Respublikasının bayrağında aypara və ulduzun qırmızı zolaqda, yoxsa bütün bayraq boyu yerləşdiyi hələ də dəqiqləşməyib! Belə ki, 1919-cu il noyabr ayında, parlament binasında çəkilmiş şəkildə aypara və ulduz qırmızı zolaqda yerlədiyi halda, 1920ci ildə cap olunmuş ilk Azərbaycan markasındakı Azərbaycan bayrağının təsvirində aypara və ulduz bütün bayrağı əhatə edir, yəni 3 rəngin üzərində yerləşir. .--Aydinsalis 09:50, 25 Oktyabr 2010 (Bakı)

Mən bu haqda danışmaqdan artıq yorulmuşam. Hər şey artıq çoxdan sübut olunub. Ona qalsa məlumdur ki, Latviyanın bayrağı onun işğalınadək markalarda səhv göstərilirdi. Veksikoloqlardan onlarla eskizim var. Dediyiniz Azərbaycan markasında isə fikir versəniz arxa fon da var. O sadəcə yayılıb. Azərbaycan bayrağı rəsmi olaraq iki variantda olub. Onlarda məqalədə öz əksini tapıb. Bunlar sübut olunmuş faktlardır. Yuxarıdakı yazılarımı oxuyun. --_{Proger danış} 07:09, 25 Oktyabr 2010 (UTC)

İzahınıza görə təşəkkürlər. Yeri gəlmişkən, bizim indiki bayrağ, Azərbaycan Sovet Sosialist Respublikasının sonuncu bayrağı da hesab edilə bilər. Belə ki, məhz, 29 noyabr 1990-cı il tarixdə, Azərbaycan Sovet Sosialist Respublikasının prezidenti bu barədə fərman verib (nədənsə bu fərmanı indi heç kim xatırlamır?): --Aydinsalis 23:20, 25 Oktyabr 2010 (Bakı)

Əslində ratifikasiya bir az gecikib. Həmçinin bu qərar milli hərəkatın (AXC) bir-başa təsiri ilə qəbul olunub... Amma düz deyirsiniz. Sayıla bilər :). --_{Proger danış} 21:21, 25 Oktyabr 2010 (UTC)

Bildiyimə görə 29 noyabr 1990-cı ildə Azərbaycan Sovet Sosialist Respublikasının adı da dəyişdirilərək Azərbaycan Respublikası olmuşdur. Bu məntiqlə baxsaq indiki bayrağımız heç də Azərbaycan Sovet Sosialist Respublikasının sonuncu bayrağı deyil. --Cekli829 10:17, 26 oktyabr 2010 (Cek vaxtı ilə)

Düzdür! 19 noyabrda dəyişdirilib. Hə, onda bu elə sırf Azərbaycan Respublikasının bayrağı hesab olunur. --_{Proger danış} 07:45, 26 Oktyabr 2010 (UTC)

Azərbaycan Sovet Sosialist Respublikasının 50 dənə adı olub, lap birincisi, mən bilən, "Azərbaycan İctimai Şura Cümhuriyyəti" (doğrusu, "ictimai" sözünü mən şərti olaraq qeyd edirəm, mən yalnız bilirəm ki bu rusca "sosialist" sözünün azərbaycanca qarşılığıdır və həmin qarşılıq da i hərfi ilə başlayır, ona görə də hesab etdim ki bu "ictimai"dir.) sonuncu adı isə "Azərbaycan Respublikası"dır! Ötən əsrin 90-cı ilinin sonundakı Azərbaycan Respublikası, əslində Azərbaycan Sovet Sosialist respublikasıdır, çünki o, hələ SSRİ-nin tərkibindədir. Bayraq barədə fərmanı da Azərbaycan Sovet Sosialist Respublikasının prezidenti verib. Biz məsələyə başqa mövqedən yanaşsaq, zənnimcə heç bir mübahisə olmayacaq: Bizim indiki bayraq, Azərbaycanın SSRİ dövründəki son bayrağıdır! Yeri gəlmişkən, bəlkə də heç yeri deyil, amma sizin üçün maraqlı olacağınına əminəm, Türkmənistanda Prezidentin ayrıca bayrağı var. Sonra, 1806-cı ildə Ruslala Şəki xaniığının qoşunları toqquşur, ikinci tərəf məğıub olur, birinci tərəf, ikinci tərəfdən 6 bayraq qənimət götürür, məsələ burasındadır ki, bu bayraqlardan biri Nadir şahın bayrağı olub, amma daha maraqlısı budur ki, həmin bayraq Nadir şahdan 100 il əvvəl Hindistanda hazırlanmışdır. Bu noqteyi-nəzərdən, deməli, həmin bayrağı Nadir şah Hindistan yürüşü zamanı qənimət götürmüş və özününkü etmiş, sonra isə şəkililər onu Nadir şahdan qənimət götürmüş və 70 il özlərində saxlamış, sonra isə ruslar onu qənimət götürmüş özününküləşdirməsələr də, qoruyub saxlamışıar və hal-hazırda bizim Tarix Muzeyində saxlanılır.( ) Bunu ona görə qeyd edirəm ki, məğıubun bayrağının qalıb tərəfindən özününküləşdirilməsi barədə biz heç nə bilmirdik, biz elə bilirdik ki, məğlubun bayrağını yandırırlar, tapdalayırlar, siz demə, heç də belə deyilmiş... Aydinsalis 22:20, 26 Oktyabr 2010 (Bakı)

Biz heç nə bilmirdik deyəndə ki, mənim bu nüanslardan xəbərim var. Ancaq Azərbaycan SSR adı altında bayraq qanunu qəbul etməyib. AR adı ilə qəbul edib. O üzdən də AR bayrağıdır. --_{Proger danış} 17:44, 28 Oktyabr 2010 (UTC)

Heç bir etirazım yoxdur, tamamilə doğrudur. Amma bu da doğrudur ki, bu bizim indiki bayraq Sovet Sosialist Respublikaları İttifaqı tərkibindəki Azərbaycan Respublikasının sonuncu bayrağı olub; bu bayraq 1990-cı ilin sonunda yeni bir bayraq kimi qəbul olunub və ondan sonra indiyə qədər Azərbaycan Respublikasın yeganə bayrağıdır; bu bayraq qəbul olunanda ADC-nin bayrağının bərpa olunmasından heç bir söhbət getməyib və indiyə qədər də heç bir sənəddə bu bayrağın ADC-nin bayrağı olması rəsmən göstərilməyib. Beləliklə, yoldaşlar, bu bayraq ADC-nin yox, Mütəllibovun bayrağıdır desək heç də səhv etmərik! Bundan başqa, bu bayraq Osmanlı dövlətinin 1793 - 1808 və 1826 - 1867 ildəki bayrağından yaradılıb: . əvvəl - Türk qoşunları Azərbaycanda olduğu zaman, həmin Türk bayrağını olduğu kimi qəbul ediblər, 3-4 aydan sonra - Türk qoşunları Azərbaycandan gedəndə isə "biz Türkiyə deyilik !" demək üçün əvvəlki bayrağın yuxarısına mavi, aşağısına yaşıl zolaq əlavə olunub. Sonra; bu bayraq, rəssamlıq nöqteyi-nəzərindən, Azərbaycanın gerbi kimi həddindən artıq zəifdir. Belə ki, bu bayraq rəssam tərəfindən hazırlanmamışdır və rənglər də bir-birinə uyğun gəlmir (yaşıl+qırmızı+mavi - müvəffəqiyyətsiz kompozisiya, heç ən geridə qalmış dövlətlərinin bayrağında da belə sey yoxdur!). Bu bayraq, Türk bayrağından yaradıldığına görə, burada aypara və səkkizguşəli ulduz ağ rəngdədir; belə ki, bayraq 1 rəngdə, yəni yalnız qırmizı olduğu zaman, aypara və ulduzun ağ rəngdə verilməsi yolverilən haldır, amma əgər bayraqda 3 rəng varsa, niyə də aypara və ulduz öz rəngində, yəni sarı rəngdə olmasın? Yuxarıda qeyd etdiyim kimi, bu bayraq əski Türk bayrağına 2 əlavə rəng əlavə edilməklə yaradılmış və bu zaman aypara və ulduzun sarı rəngə boyanması yaddan çıxmışdır. Bayraqda mavi zolaq olduğu halda, özü də bayrağın yuxarısında olduğu halda, aypara və ulduzun qırmızı zolaqda yerləşdirilməsi isə daha böyük naşılıq hesab edilməlidir. Düzdür, mavi zolaqda ağ, yaxud sarı rəngli aypara və ulduz heç də yaxşı görünməzdi, amma aypara və ulduzu qırmızı etməklə bu problemi aradan qaldırmaq mümkün idi. Bir sözlə, necə ki, yuxarıda qeyd etdim, bu bayraq rəssamlıq nöqteyi-nəzərindən həddindən artıq zəifdir, indi onu da əlavə edim ki, həmin səbəbə görə, heç şübhəsiz, bu bayraq gələcəkdə mütləq dəyişdirilməlidir!Aydinsalis 04:20, 31 Oktyabr 2010 (Bakı)

Hörmətli istifadəçi. Yuxarıdakı müzakirələri oxuyun. Şəxsi rəyiniz fikrimcə həddindən artıq absurddur. AR bayrağının ADR bayrağı olmağı sübut olunmuş faktdır. Yuxarıda çox etibarlı, nüfuzlu mənbələr götərilib. Bu mənbələrdə nəinki AR-in, ümumilikdə Azərbaycan bayraqlarının tarixi, yaranması haqda geniş şəkildə yazılıb. Təkrarlanmaq istəməzdim. Müzakirənin yuxarısını oxuyun və "(yaşıl+qırmızı+mavi - müvəffəqiyyətsiz kompozisiya, heç ən geridə qalmış dövlətlərinin bayrağında da belə sey yoxdur!)" kimi cümlələrdən uzaq durun. Fikrinizcə "müvəffəqiyyətsiz" kompozisiya ola bilər, sizə görə "boyanmağı yaddan çıxmış" aypara və ulduz ola bilər, nə bilim öz "rəssami" nöqtey-nəzərinizdən zəif ola bilər - ancaq sözlərin arxasına diqqət etsəniz yaxşıdır. Bu kimi sözlər kiminsə mənəvi haqqını tapdalayır, onları təhqir edir. Həmçinin məni. Absurd iddialar edirsiniz. Bu arada iradlarınızı Heraldika şurasına bildirin. --_{Proger danış} 18:31, 31 Oktyabr 2010 (UTC)

Mənim fikrimə öz şəxsi münasibətinizi bildirdiyinizə görə sizə təşəkkür edirəm. Başqa şəxslər də münasibət bildirərlərsə, onlara da əvvəlcədən təşəkkür edirəm. Amma məni öldürsələr də, assalar da, kəssələr də, həqiqəti deyəcəyəm: Bizim indiki bayraq: 1.Türk bayrağından yaradılmışdır; 2. heç də rəsmən ADC-nin bayrağı kimi qəbul edilməyib, yəni indiyə qədər heç bir fərman və qərarla onun ADC bayrağı olması rəsmiləşdirilməyib; 3. Rənglərinin ardıcıllığı da düzgün deyil, rəssamlıq cəhətdən həddindən artıq zəifdir, təsəvvür edin, digər heç bir bayraqda, rənglər bizim bayraqdakı ardıcıllıqla düzülməmişdir. Bizim bayraq haqqında nə qədər yazıblar, rənglərinin mənasını izah etmək istəyiblər, lakin heç kim mən deyən sözləri deməyib, daha doğrusu demək istəməyib. Gördünüz, bizim bayraqdakı aypara və ulduzun nəyə görə ağ rəngdə olmasını necə gözəl izah elədim, amma indiyə qədər heç kim bu barədə yazmamışdır... Cəsarətli və cəsur olun yoldaşlar! Heç nədən çəkinməyin, həmişə həqiqəti yazın!Aydinsalis 06:20, 01 noyabr 2010 (Bakı)

Mən heç nədən çəkinmirəm :). Sizsə absurd iddiaınızı davam etdirirsiniz. Məcburən təkrarlanıram. Mənbələ baxın:

- elibrary.az Heraldika şurasının maraqlı hesabatları daxildir. - Tarix elmləri namizədi. Bu iki mənbədən əlavə, məqaləyə ADR hökumətinin bayraqla bağlı qəbul etdiyi sənədi də daxil etdim. Baxın, oxuyun və absurd iddialarınızdan əl çəkin. Biz elə hər zaman həqiqəti yazmışıq ;). --_{Proger danış} 09:51, 1 noyabr 2010 (UTC)

Üzr istəyirəm, amma axı sizin təqdim elədiyiniz mənbələrdə mənim "absurd" fikirlərimi təkzib edəcək heç nə yoxdur? Bu mənbələr mənə çoxdan tanışdır, mən özüm də onları internetdə yaymışam. Bu bayrağın Azərbaycana necə gəlməyini də gözəl bilirəm, hələ 1988-ci ildə bu bayrağı heç kim tanımırdı, Azadliq neydanında cəmi 5-6 nəfərlik bir dəstə var idi, onlar qaldırdı bu bayrağı, mən də onların yanında idim. Meydanda cəmi 2 dənə bu bayraqdan var idi. Birini tribunaya göndərdik, çalışırdıq ki mərkəzdə, daha münasib yedə dalğalansın, lakin Nemət də onu tanımırdı, kənara itələyirdi. Bu bayrağın təsvirini Mirzə Xəzər vermişdi...

Bu bayrağın ilk dəfə Şəkidə kütləvi şəkildə istehsal edilməsi barədə ilk mətbu xəbəri də mən yazmışam... İndi onu da əlavə edim ki, Şəkidə hal hazırda bu bayrağın istehsalı məhdud miqyasdadır, yəni yalnız Şəki və yaxın rayonlar üçün. Respublikamızın digər yerlərindəki Azərbaycan bayraqları isə deyilənə görə, Çində və qismən Türkiyədə istehsal olunub. Hə, indi qayidaq yenə əvvəlki məsələyə, görünür siz məni başa düşə bilmirsiniz. Siz mənə "ADR hökumətinin bayraqla bağlı qəbul etdiyi sənədi" göstərirsiniz. Amma bu sənəddə nə var ki? Burada aypara və ulduzun qırmızı zolaqda yerləşməsi, yaxud bütün 3 rəngi əhatə etməsi göstərilməyib axı? Sonra; mən deyirəm ki, Azərbaycan Respublikasında bizim indiki bayraq barədə nə qədər qərarlar, fərmanlar var, amma heç birində bu bayrağın ADC bayrağı olması göstərilmir, siz isə mənim iradlarımı "absurd" hesab edirsiniz, amma əvəzində heç bir fakta istinad edə bilmirsiniz. Əgər mənim fikrim doğrudanda "absurd"dursa, onda zəhmət olmasa göstərin, bu bayraq barədə Azərbaycanın hansı prezidentinin fərmanında, yaxud Milli Məclisin hansı qərarında bu bayrağın ADC-nin bayrağı olması göstərilib? 1990-cı ildə bu göstərilə bilməzdi, çünki, o vaxt bu bayrağı qorxa-qorxa qəbul elədilər, amma müstəqillik dövründə bunu mütləq göstərməli idilər, təəssüf ki... O ki qaldı bayrağın rəssamlıq nöqteyi-nəzərdən zəif olması barədə yazdıqlarıma, bu barədə fikrim qətidir, sizi deyə bilmərəm, mən istəyirəm ki, mənim ölkəmin bayrağı qüsurlardan xali və gözəl olsun, qoy mütəxəssislər də öz sözlərini desinlər, hamı fikrini bildirsin... Aydinsalis 19:50, 01 noyabr 2010 (Bakı)

Əşi mənbələrdə hər şey var. Onun tarixi də, haradan gəldiyi də, hazırki formasının AXC-dən miras qaldığı da, şəkil və illüstrasiyalar da. Bu məqalənin özündə ADR parlamentində şəkil var. Sənəddə qəbul haqda Xoyskinin imzası var. Bu bayrağın təsis edilməsi haqda fərmandır. Mənasını da dəfələrlə ADR liderləri deyiblər. Elə təkcə Rəsuzladənin 9 noyabrda parlametndə o məşhur nitqini misal gətirmək olar. Bunlar hamısı məqalədə var. Hazırda da müasir Azərbaycanın bayraq haqqında fərmanı da analojidir. Heç bir izah yoxdur, ADR-dəki fərmanda olduğu kimi. Fərmandır bu! Bayrağın izahı geniş kütləyə dəfələrlə böyük çıxışlarda edilib. Necə 18-20-ci illərdə eləcə də 88-90-cı illərdə. Bir daha təkrar edirəm sizin "rəssamlıq" nöqteyi-nəzərdən dediyiniz sözlərdə, yuxarıda yazdığınız da absurddur. Müzakirə bitdi. Məqalədəki yazılar etibarlı mənbələrlə sübut edilib. --_{Proger danış} 19:32, 1 noyabr 2010 (UTC)

Yaxşı, bu barədə daha danışmayaq, işin xətrinə, mübahisəni müvəqqəti olaraq donduraq, görürəm əsəbləşirsiniz, amma, məqalədəki bəzi müddəaların dəqiqləşdirilməsinə ehtiyac var; məsələn, bu məqaləyə əlavə edilmiş "Tarixi Azərbaycan dövlətlərinin bayraqları" bölməsinində 1921-1922, 1922-1923-cü ilərin Azərbaycan bayraqları olması iddiası ilə 2 şəkil yerləşdirilib; mən bilən həmin illərdə hələ latın əlifbası qəbul olunmamışdı, nəinki kiril, bayrağınn üstündəki yazı isə kirillədir, düzdür, bu yəqin ki Azərbaycan dilində yox, rus dilindədir. Məndəki mənbədə isə həmin illərə aid Azərbaycan bayraqıarı üzərindəki yazı ərəb həriflərilədir, hansı ki həmin linki sizə göstərmişəm, amma deyəsən heç kim baxmayıb, ona görə həmin mənbəni bir daha diqqətimizə təqdim edirəm, ehtimal etmək olar ki, həmin dövrdə bayrağın bir üzündəki yazılar rus dilində, o biri üzündəki yazılar isə Azərbaycan dilində olub, əgər belədirsə, söz gedən məqalənin müvafiq bölməsində bayrağın hər iki üzünün təsviri göstərilməlidir:

Aydinsalis 08:10, 03 noyabr 2010 (Bakı)

Xatırlatma

Azərbaycan SSR prezidenti Ayaz Mütəllibovun 29 noyabr 1990-cı ildə imzaladığı həmin fərmanın tam adı belədir: "Azərbaycan SSR-in adının və dövlət bayrağının dəyişdirilməsi haqqında" Azərbaycan Sovet Sosialist Respublikası prezidentinin fərmanı. --Cekli829 12:40, 28 oktyabr 2010 (Cek vaxtı ilə)

Məncə ifadə düzgün seçilməyib, bunu əvəzinə "Dünyanın ən hündür bayraq dirəyi" verilsə, daha doğru olar və bayraq haqqında "ən hündürdə dalğalanan" və s. kimi ifadə işlətmək olar.--Vago 07:22, 7 Sentyabr 2010 (UTC)

Məsələ orasındadır ki, dirəkdən əlavə həm də parçadan hazırlanmış ən böyük bayraqdır. --_{Proger danış} 08:19, 7 Sentyabr 2010 (UTC)

Bu anlamda boyüklük ucalıq demək deyil ki... :)--Vago 08:28, 7 Sentyabr 2010 (UTC)

Başa düşmürəm sizi. Həm dirəkdə ucadır həm də bayraqda böyükdür. --_{Proger danış} 10:11, 7 Sentyabr 2010 (UTC)

Dağın ən uca zirvəsi işlədirik, amma "Dünyanın uca bayrağı", yaxud "Azərbaycanın uca bayrağı" ifadəsini işlətmək nə dərəcədə doğrudur? --Vago 10:21, 7 Sentyabr 2010 (UTC)

"Dünyanın ən uca bayrağı" bir az səhv çıxır. Düzdür. Məna cəhətdən səhvdir. Amma buna bir "atom" kimi baxmaq da olar. Sözün mənası bölünməz olsa da özü bölünəndir. Sonradan sadəcə adını dəyişməyiblər. Bu cümləni də deyəndə adamın ağlına məhz ən uca bayraq dirəyi yada düşür. Amma elə də düzgün müqayisə deyildi :P. Cümləni bir az düzəltmək lazımdır. Şərt deyil ki, mənbədə dəqiqliklə olan cümləni köçürülsün bura. Əsas məna eyni olsun. Bəlkə yazaq ki, "Dünyada ən uca bayraq dirəyi və parçadan hazırlanmış ən böyük bayrağı"? --_{Proger danış} 12:32, 7 Sentyabr 2010 (UTC)

Məncə Vagonun təklif etdiyi yazılış daha düzgündür. Çünki, Dövlət bayrağı meydanındakı bayrağın fərqləndirici xüsusiyyəti məhz ən hündür bayraq dirəyi olmasıdır. Parçadan hazırlanmış ən böyük bayraq isə bizdə deyil, mənim yadımda olan son 10 ildə Türkiyə, Yunanıstan, İsrail və son olaraq Mərakeş bayraqlarıdır ki, onların da təkcə uzunluğu 400-500 metr idi. Wertuose 12:51, 7 Sentyabr 2010 (UTC)

İlk dəfədir eşidirəm. İmkan varsa mənbələri də gətirin. Mənim özümə çox maraqlıdır :). --_{Proger danış} 19:29, 10 Sentyabr 2010 (UTC)

Dövlət Bayrağı meydanı layihəsinin rəhbəri, Devid Çambersin müsahibəsindən: “Bakıdakı Dövlət Bayrağı Meydanında asılan bayraq havada dalğalanan bütün bayraqlar arasında rekordçudur. Yəni bu, sadəcə böyük bayraq deyil, çox nəhəng bayraqdır.” Mənbə . --_{Proger danış} 19:29, 10 Sentyabr 2010 (UTC)

Mənbə tapmaq üçün xidmətlərindən istifadə etmək olar ;). Yuxarıda yazılan "havada dalğalanan bütün bayraqlar arasında rekordçudur" ifadəsi yəqin ki, dəqiqdir, amma "havada dalğalanan" sözlərini işlətməmiş "ən böyük bayraq" adlandırmaq düzgün deyildi. Məqalədə bu fikirləri sitat gətirmək və ya onu mənbə kimi göstərərək, ordakı fikri fakt kimi qeyd etmək olar. Wertuose 20:29, 13 Sentyabr 2010 (UTC)

Çox incə və düzgün qeyddir. "Havada dalğalanan" kimi qeyd etmək lazımdır. --_{Proger danış} 22:35, 13 Sentyabr 2010 (UTC)

Hesab edirəm ki məqalənin bu yarımbaşlıq altındakı hissəsi ləğv olunmalıdır

1. Ən uca bayraq indi Düşənbədədir! 2. Dövlət bayrağı meydanı haqqında ayrıca məqalə var və bu məqalədən də həmin məqaləyə keçid var. Əgər etiraz etmirsinizsə, mən həmin hissəni ləğv edim? Aydın Məmmədov 21:35, 4 İyun 2011 (UTC)

Bəlkə XX əsrdə bayraqlar bölməsində "Tarixi Azərbaycan dövlətlərinin bayraqları"nı yerləşdirək?sefer azeri 23:53, 7 Sentyabr 2010 (UTC)

Əlbəttə yerləşdirək! Onlar Azərbaycan bayraqları deyil? Yerləşdirin. --_{Proger danış} 19:21, 7 Sentyabr 2010 (UTC)

Lütfən, Azərbaycan bayraqlarının bu linkdəki təsvirlərinin hamısının həmin bölmədə göstərilməsi barədə fikrinizi də bildirərdiniz: Bunlar niyə gizlədilmədir ki? Heç kim bu mənbəni mötəbər hesab etməyə bilməz. Hesab edirəm ki bu mənbə bizim bayraqlar barədə ən mötəbər mənbədir! Aydın Məmmədov 06:51, 21 may 2011 (UTC)

eziz dostlar, eski elifbada azerbaycan sözü 8 yox, 9 herfle yazılır. bu dehşetli sehvi kim eleyib ve o nece tarixçidir? çox teessüf.Azadagaoglu 15:23, 20 fevral 2012 (UTC)

Açın Ərəbcə "Azərbaycan" məqaləsini oxuyun, 8 hərf var - (أذربيجان), fars dilində isə 9, əslində 8 olmalıdır. Aydın Məmmədov 18:42, 11 mart 2012 (UTC)

müasir erebcede nece yazıldığının meseleye ne dexli var. tarix boyu azerbaycan sözü ereb elifbasıyla 9 herfle yazılıb. o cümleden azerbaycan xalq cümhuriyyeti dövründe. heç olmasa o dövrde kesilen kağız pulların üzerine baxın. dövlet öz adına pul kesib ve üstünde "azerbaycan" sözünü 9 herfle yazıb. bu pulların şekillerini çox yerde, o cümleden azerbaycan xalq cümhuriyyeti ensiklopediyasında görmek olar. her halda "biz indi dövletimizin adını 9 herfle yazırıq, amma gelecekde erebler onu 8 herfle yazar, gelin bayrağımızdaki ulduzu 8 guşeli eleyek" diye fikirleşibler, he? men eger bura bir şey yazmışamsa, emin olaraq yazmışam, oradan-buradan eşitdiklerimle yox. bu güne qeder elimden yüzlerle eski (sadece eski elifbayla sonradan yazılmış yox, tarix olaraq da eski) sened, material keçdi, heö birinde de "azerbaycan" sözü 8 herfle yazılmamışdı.Azadagaoglu (İstifadəçi:Azadagaoglu) 21:41, 11 mart 2012 (UTC)

Əşi, o 8 güşəli ulduzun umumiyyətlə Azərbaycana dəxli yoxdur, bu Osmanlı dövlətinin bayrağından götürülüb, bu barədə yuxarıda yazmışam, o ki qaldı ərəb dilində "Azərbaycan" sözünün yazılışına, bəlkə, ərəb dilində elə həmişədən bu söz 8 hərflə yazılıb? Aydın Məmmədov 17:39, 12 mart 2012 (UTC)

Həmişədən elə yazıldığını da güman eləmirəm. Yəni "Azərbaycan" sözünün 8 herfli yazılışı heç gözümə dəyməyib, özüm də ərəbcə oxumuşam. Məni əsas narahat edən şey budur ki, hansısa bir ölkənin bayrağındakı ulduzun guşələrinin sayının, o ölkənin adındaki hərflərin sayından götürülməsi kimi absürd bir fikir ortalığa atıla bilir və gəlib bura da yol tapır. Heç belə şey olar? Axı hərflərin sayının bu məsələyə nə dəxli ola bilər? İstəyir lap 8 herf olsun; yəni elə olsaydı buna inananlar çıxacaqdı?Azadagaoglu (talk) 19:41, 12 mart 2012 (UTC)

Azərbaycan Bayrağı məqaləsində mavi rəng haqqında yazıda səhv var. Bayraqda mavi rəg olsa da orda göy rəngin izahı verilmişdir. Xahiş edirəm bayraqdakı mavi rəngin mənası haqqında məlumat verəsiniz. — Bu imzasız yazı (m • t) adlı istifadəçi tərəfindən əlavə edilib;

1954-cü ildə SSRİ və Bolqarıstan birlikdə "Герои Шипки" adlı film çəkib. Film Rusiya-Osmanlı müharibəsi (1877-1878) bəhs edilir. Filmin bütün döyüş səhnələrində Osmanlı ordusunun əsgərlərinin əlində öz qırmızı bayraqları ilə yanaşı, üçrəngli Azərbaycan bayrağı ilə də qaçdıqları görünür. Çox guman ki, bunu bizimkilərdən kimsə məqsədyönlü şəkildə filmə salıb və senzuraya məruz qalmayıb. Düşünürəm ki, qeyd etdiyim bu məlumatla bağlı məqaləyə əlavə etmək lazımdır. --►Cekli829 11:06, 25 dekabr 2018 (UTC)

Linki bashqa yerde paylashanda avtomatik Azerbaycan bayragi Iran bayragi ile evez edilir! Xahish edirik duzelish edesiniz! Teshekkurler!

• Məqaləyə vandal müdaxilələr olmuşdu. Geri qaytarıldı. Bir neçə dəqiqəyə düzələr.--NMW03 ^✉ 14:41, 17 avqust 2019 (UTC)

Bu bayraq doğru versiyadırmı? Çünki rəng kodlarına uymur.— ^₪ 06:43, 17 avqust 2020 (UTC)