Atasının ani ölümünün ardından taxta çıxan Sultan Əhməd (Ekin Koç) kiçik qardaşını edam etdirməyəcəyini deyir. Bu əsnada Safiyə Sultanın əmriylə saraya gətirilən Anastasiya () Sultan Əhmədə hədiyyə edilir. Anastasiya ilk öncə evinə və ailəsinə dönmək istəsə də, saray ona burada qalacağını öyrədir və beləliklə, Sultan Əhmədə aşiq olaraq Kösəm (Beren Saat) adını alır. Kösəm 4 şahzadə ilə 4 sultan dünyaya gətirir və bütün düşmanlarına qalib gələrək hasəki sultan olur. İllər sonra Sultan Əhmədin vəfatı ilə Kösəm Sultan üçün qara qış başlayır. Sultan Əhmədin qardaşı Şahzadə Mustafa (Boran Kuzum) "Əkbər və Ərşəd" sistemi ilə taxta çıxır ancaq əqlən zəif olduğu üçün taxtdan endirilərək Kösəm Sultanın ögey oğlu Şahzadə Osman (Taner Ölmez) taxta oturur. Ancaq Sultan Osman yeniçəri orudusunu ləğv edib yeni bir ordu qurmaq istədiyi üçün yeniçərilər tərəfindən taxtdan endirilərək Yeddiqüllə zindanlarında qətlə yetirilir və Sultan Mustafa ikinci dəfə taxta çıxır. Daha sonra Kösəm Sultan tərəfindən taxtdan endirilərək taxta Şahzadə Murad çıxır.

11 yaşlı oğlu taxta keçəndə "səltənət naibəsi" olan Kösəm Sultan (Nurgül Yeşilçay) bütün düşmənlərini məğlub edərək əldə etdiyi güclə yanaşı, dövləti idarə edən bir validə sultan olmuşdur. Ancaq illər keçdikcə böyüyən oğlu Sultan Murad () artıq dövlətin əsl idarəsini əlinə almaq istəyir. IV Murad əzmi, qabiliyyəti və qüdrətiylə Osmanlı imperiyasının Qanunidən sonrakı ən böyük padşahı oldu. Digər tərəfdən ailəsini və vətənini tərk edərək qaçan Şahzadə Farya (Farah Zeynəb Abdullah) ilə bir-birini sevən Sultan Murad anasına qarşı çıxdığı taxt mübarizəsində qardaşları Şahzadə Bəyazid () və Şahzadə Qasımı () qurban versə də, məğlub olur.

Mövsümün sonunda Validə Kösəm Sultanın kiçik oğlu Sultan İbrahimin () səltənət illəri əks olunur. Ancaq bu dəfə əvvəlki gücünü itirən Validə Kösəm Sultan dövlət işlərindən müvəqqəti də olsa uzaqlaşır. Nəhayət, yeganə oğlunu da öz əlləri ilə taxtdan endirən və edam etdirən Validə Kösəm Sultan nəvəsi Şahzadə Mehmedi taxta oturdaraq "validə-i müəzzəm" olaraq dövlət idarəsini yenidən ələ alır. Ancaq bu dəfə ki, rəqibi vaxtilə ən yaxın adamı olan Validə Turhan Sultandır (). Öz əliylə yaratdığı bu düşməni ilə mübarizədə nəvəsini qurban verməyə hazırlaşan Validə Kösəm Sultan özü bu planın qurbanına çevrilir və o gecə qətlə yetirilir.

• Möhtəşəm Yüz İl (teleserial, 2011)

1. ^ . Tims.tv. 
2. ^ . Milliyet.com.tr
3. ^ . Tims.tv.
4. ^ . Tims.tv
5. 2015-03-16 at the Wayback Machine. startv.com.tr.