1963–1984: Uşaqlıq və gənclik

1963-cü il, 14 noyabrda Ukrayna SSR-da Zakarpat vilayətinin Mukaçova şəhərində anadan olmuşdur. Atası — Mark Lvoviç Qorelik (1932–1978), ixtisasca aktyor və səhnə rejissoru olub, Yoşkar-Olada rejissor kimi çalışıb. Anası — Alla Dmitrievna Nikiforova (18 yanvar 1943-cü ildə anadan olub) Lvov Musiqi Kollecini bitirib, caz müğənnisi olub, İvano-Frankivsk Filarmoniyasında Karpat Caz Orkestrində və "Jazz Band"da işləyib. 25 il səhnədə çalışıb. Evləndikdən sonra Lolitanın valideynləri Kiyevə köçdü və Ukrkonsertdə işləməyə başladılar. Lakin atası 1974-cü ildə İsrailə mühacirət etdi , Lolita o zaman dördüncü sinifdə oxuyurdu, anası mühacirət etmək istəmədi və valideynləri boşandı. Lolitanın anası əri İsrailə getdiyi üçün Ukrkoncertdən qovulmuşdu və o , Kiyev Dövlət Musiqi Zalında işə düzəldi.

Lolita valideynləri boşandıqdan sonra nənə və babası ilə Lvova köçdü və 1973-cü ilin sonuna qədər orada yaşadı. Sonra nənəsi öldü və Lolita Kiyevə anasının yanına mənzilə köçdü.

Səkkizinci sinifdən sonra anası Lolitanı qastrol səfərlərinə aparmağa başladı və o, oxumağa maraq göstərdi. 1974-cü ildə Lolitanın anası onu müğənni İrina Ponarovskaya ilə tanış etdi və Ponarovskaya Lolitanı özü ilə birlikdə qastrollara aparmağa başladı.

1981-ci ildə Lolita Moskva Dövlət Mədəniyyət İnstitutunun Tambov filialına mədəni tamaşaların və şənliklərin rejissorluğu ixtisasına sənədlərini verdi. İnstitutda sonradan onun birinci əri olacaq qrup yoldaşı Aleksandr Belyayevlə tanış oldu.Lolita 1985-ci ildə institutu bitirdi.

Daha sonra Tambovdan Odessaya köçdü, burada Aleksandr Belyaev teatrda çalışırdı. Orada Odessa Filarmoniyasında işlədi və orada Alexander Tsekalo ilə tanış oldu. 1987-ci ildə onunla birlikdə Moskvaya getdi, Tsekalonun keçmiş həyat yoldaşı Alena Şifermanı əvəz edərək "Şlyapa" kvartetində oxudu. Moskvada qeydiyyatdan keçmək üçün o, Vitali Milyavski ilə nikaha daxil oldu, lakin bir yerdə yaşamırdılar.

1985–2000: Kabaret dueti "Akademiya"

1985-ci ildə Aleksandr Tsekalo və Lolita Milyavskaya "Kabaret dueti "Akademiya" adlı pop qrupunu yaratdılar. Duet 1990-cı illərin sonuna qədər məşhur idi.

1993-cü ildə Moskva telekanalında Tsekalo və Milyavskayanın aparıcı kimi çıxış etdiyi "TV-Pizza" proqramı yayımlanmağa başladı.

1995-ci ilin sonundan Milyavskaya və Tsekalo Səhər poçtu (ORT) və 1997-ci ildən Sabahın xeyir, ölkə! (RTR) televiziya proqramlarının aparıcıları oldular. On ildən çox müddətdə Lolita əri Aleksandr Tsekalo ilə birlikdə çıxış etdi. Lakin barışmaz fikir ayrılıqları sonda boşanma ilə nəticələndi. 1998-ci ildə Tsekalo ilə evliliyinin sonunda Lolita Yeva adlı bir qız övladını dünyaya gətirdi.

2000–2009: "Lolita. Komplekssiz"

2000-ci ilin yazında Lolita solo karyerasına başladı və "Tsvetoçki" mahnısını buraxdı. 2001-ci ilin yanvarında 50.000 nüsxə satılan eyniadlı albom çıxdı. İki il yarım sonra Lolita ikinci albomunu və "Boşanmış qadının şousu" (RTR) proqramını buraxdı. Diskin satışı 300.000 nüsxəni keçib.

2003-cü ilin mart ayında o, Moskvadakı Rusiya Dövlət Mərkəzi Konsert Salonunda ilk böyük solo konsertini verdi — "Boşanmış qadının şousu".

2005–2007-ci illərdə "Lolita. Komplekssiz" adlı verilişini Pervıy Kanalda apardı. Həmçinin 2005-ci ildə müğənninin 700.000 nüsxəsi satılan"Format" adlı üçüncü diski çıxdı.

2010-cu ildən: Anatomiya və Ranevskaya

2009-cu ildə müğənni yeni "Ostanovite zemlyu" sinqlının daxil olduğu "Zapavşeye" hit kolleksiyasını buraxdı. 2011-ci ildə Britaniyanın The X Factor layihəsinin rus versiyası olan Factor A- nın münsiflər heyətinin üzvü oldu.

ABŞ-ın məşhur biznes jurnalı olan Forbes-ə görə, 2013-cü ildə Lolita Rusiyanın ən zəngin iyirmi musiqiçisi siyahısına daxil idi. 2014-cü ilin mart ayında "Anatomiya" mahnısının klipinin təqdimatı baş tutdu. 2014-cü ilin avqustunda "Na skotç" mahnısına çəkilmiş videonun təqdimatı oldu. 17 noyabr 2014-cü ildə Lolita Milyavskaya "Anatomiya" albomunu buraxdı.

2018-ci ildə isə "Ranevskaya" adlı albomu işıq üzü gördü.

Lolita beş dəfə nikaha girib və boşanıb. Sonuncu beşinci əri tennisçi və fitnes məşqçisi Dmitriy İvanov olmuşdur. Lolita onunla 2010–2020-ci illərdə ailə həyatı yaşayıb.

Qızı Yeva Tsekalo (1998-ci il, 3 noyabrda anadan olub) nənəsi ilə Kiyevdə yaşayır.

Lolita Milyavskaya Rusiyanın daxili siyasətini tənqid edənlər siyahısındadır, xüsusilə, hakimiyyətin dəyişməzliyi, repressiv qanunların qəbulu, regionlarda korrupsiya və yoxsulluğun yüksək səviyyəsi onun tənqid atəşinə tutulur. Lakin ölkə prezidenti Vladimir Putin haqqında hörmətlə danışır.

Lolita dəfələrlə LGBT icmasını dəstəkləyib: gey klublarda konsertlər, homofobiyaya qarşı çıxışları olub, bu problemlərə həsr olunmuş televiziya proqramlarında və mətbuat konfranslarında iştirak etmişdir. 2013-cü ildə Homofobiyaya qarşı Həftə çərçivəsində o, "homoseksual təbliğatı" qadağan edən qanunların qəbulunu pislədi, millətçi hisslərin artmasının təhlükəsinə işarə etdi və heteroseksualları və LGBT insanları faşizmə qarşı birləşməyə çağırdı. Daha sonra qanun layihələrinin təşəbbüskarı Yelena Mizulina ilə şəxsən görüşən müğənni, uşaq nağıllarında homoseksual personajların görünməsi və "pedofiliyanın təbliği" ehtimalını qeyd edərək, onların bu qanunu qəbul etmə səbəblərini daha yaxşı anlamağa başladığını söylədi. Lakin burada bir şey unudulub qanun LGBT təbliğatı qadağan edir və bu icmaya pedofillərin heç bir aidiyyəti yoxdur. LGBTQ+ icmaya məxsus təşkilatlar əksinə özləri çox zaman pedofiliya ilə mübarizə aparırlar. Lakin bütün bunlara baxmayaraq Lolita həmin xanım Mizulinanın fəaliyyətini yüksək qiymətləndirmişdi. 2017-ci ildə "Exo Moskvı " radiosunun dinləyicilərinin suallarını cavablandıran sənətçi Rusiyada LGBT-lərə qarşı ayrı-seçkilik barədə məlumatı "kobud şəkildə şişirdilmiş" adlandırıb, homoseksual dostlarından heç birinin təqib olunmadığını və qəbul edilmiş qanunlara etiraz etmədiyini qeyd edib. O, Avropa ölkələrindəki vəziyyəti tənqid edib. Bundan əlavə, Milyavskaya Ukraynanın hakimiyyət orqanlarına, mediasına və dövlət siyasətinə mənfi münasibətini də bildirmişdi.

2020-ci ilin avqustunda o, Belarus etirazları zamanı zorakılığı kəskin şəkildə pislədi və Aleksandr Lukaşenkonu mühakimə etmək üçün tribunal yaratmağa çağırdı.

2022-ci ilin fevralında Rusiya-Ukrayna müharibəsi başlayandan sonra Milyavskaya müharibə haqqında danışmadı, yalnız Kiyevdəki ailəsi üçün narahatlığını bildirdi. Daha sonra o, Rusiyanın Ukraynaya hücumunu dəstəklədi. 2022-ci ilin aprelində atəşləri dayandırmağı, nasistlərlə məşğul olmağı və ölkədə sülhün bərqərar olmasını arzuladı, noyabrda bildirdi ki, özünü öz ölkəsində yaxşı hiss edir.

7 yanvar 2023-cü ildə Milyavskaya Krımı və şərqi Ukraynanın bir hissəsini işğal edən, Krımı Rusiya Federasiyasının bir hissəsi kimi tanıyan terrorçuları dəstəklədiyinə görə Ukraynanın sanksiya siyahısına daxil edilib. Sanksiyalar aktivlərin bloklanmasını, kapitalın çıxarılmasının qadağan edilməsini, özəlləşdirmədə iştirakın qadağan edilməsini, Ukraynanın dövlət mükafatlarından və titullarından məhrum edilməsini nəzərdə tutur.

• — Лолиты Милявской rəsmi saytı
• // lolitaclub.moy.su
• Официальный сайт радиостанции "Эхо Москвы" // echo.msk.ru (14 апреля 2009 года)
• Официальный сайт радиостанции "Эхо Москвы" // echo.msk.ru (5 октября 2008 года)
• Наталья Николайчик. // 7days.ru (25 октября 2011 года)
• // strana.fm (26 августа 2016 года)
• // infodays.ru