Kor ərəbin mahnısı — görkəmli Azərbaycan bəstəkarı Fikrət Əmirovun Azərbaycan şairi, yazıçı və dramaturq Hüseyn Cavidin "Şeyx Sənan" dram əsərinin tamaşasına bəstələdiyi mahnı. Mahnının ilk ifaçısı Məmmədəli Əliyev olub.
| Kor ərəbin mahnısı | |
|---|---|
| İfaçılar |
Şövkət Ələkbərova Məmmədəli Əliyev Rəşid Behbudov Faiq Ağayev Alim Qasımov Mənsum İbrahimov Babək Niftəliyev Eyyub Yaqubov Mələkxanım Əyyubova |
| Yayımlanıb | XX əsr |
| Dil | Azərbaycan dili |
| Bəstəkar | Fikrət Əmirov |
| Sözlərin müəllifi | Hüseyn Cavid |
Mahnının sözləri
Nə eşq olaydı, nə aşiq, nə nazlı afət olaydı!
Nə xəlq olaydı, nə xaliq, nə əşki-həsrət olaydı!
Nə dərd olaydı, nə dərman, nə sur olaydı, nə matəm!
Nə aşiyaneyi-vüslət, nə bari-firqət olaydı!
Könüldə nuri-məhəbbət, gözümdə pərdeyi-zülmət!
Nə nur olaydı, nə zülmət, nə böylə xilqət olaydı!
Tükəndi taqəti-səbrim, ədalət, ah! Ədalət!
Nə öncə öylə səadət, nə böylə zillət olaydı!
İstinadlar
- В. С. Виноградов. Мир музыки Фикрета. — Язычы, 1983. — С. 103. — 129 с.