Hadisədən bir müddət əvvəl 8 erməni təxribatçı Kəlbəcər rayonunun Ağdaban kəndinə basqın edib, onlar sakinlər tərəfindən tutulublar. Tərk-silah edilən terrorçular Kəlbəcər milisinə təhvil veriliblər.

Həmin erməniləri Xankəndiyə aparmaq üçün gələn hərbi helikopter havaya qalxarkən qəza törədib. Helikopter yerə yaxın olduğundan stadiondakı 8 uşağı vertolyotun pəri tikə-parça edib.

Helikopterin pilotları 366-cı motoatıcı alayın sərxoş hərbçiləri olublar.

• Məmmədov Sahib Sultan oğlu (10 yaş),
• Salmanov Razim Tofiq oğlu (8 yaş),
• Valehov Anar Qardaşxan oğlu (7 yaş),
• İbişov Cahid Telman oğlu (10 yaş),
• Əsgərov Səxavət Dəmir oğlu (14 yaş),
• Əsgərov Natiq Məhəmməd oğlu (14 yaş),
• Xəlilov Bəxtiyar Rəhim oğlu (11 yaş),
• Orucov Azər Zakir oğlu (7 yaş).

1991-ci ildə Kəlbəcər Xeyriyyə Cəmiyyətinin təşəbbüsü ilə rayon mərkəzində həlak olan 8 uşağın xatirəsinə abidə qoyulmuşdur. Kəlbəcər işğal olunandan sonra həmin abidə ermənilər tərəfindən dağıdılmışdır.

2022-ci ildə "Azərbaycan Televiziya və Radio Verilişləri" QSC-nin "Azərbaycantelefilm" Yaradıcılıq Birliyi Kəlbəcərin ilk şəhidləri olan 8 uşağın başına gətirilən faciə ilə bağlı "Gizli qalsın" adlı sənədli film hazırlayıb. Film iyulun 17-də saat 21:30-da AzTV-də yayımlanıb.