Cırtdan qonşunun uşaqları ilə birlikdə meşəyə odun yığmaq üçün gedir. Geri qayıdarkən qaranlıqda itirlər və gördükləri işığa tərəf irəliləyirlər. Onlar beləliklə, Divin yaşadığı evə çatırlar. Canavar uşaqları gecə yemək üçün özünə cəlb edir. Cırtdan öz ağlından istifadə edərək uşaqları xilas edir və onlar sağ-salamat evlərinə qayıdırlar.

Cırtdan Azərbaycan nağıllarının ən populyar personajlarından biridir. Ənənəvi azərbaycanlı görünüşü, cəsarəti və zəkası ilə seçilir. Cırtdan bəzən kənd oğlanlarını meşədən odun toplamağa və sonra onu bellərində gəzdirməyə məcbur etdiyi üçün tənbəl bir şəxs kimi təsvir edilir. Buna baxmayaraq, Cırtdan Div ilə qarşılaşdıqda cəsarət göstərir. Təhlükə ilə qarşılaşan Cırtdan özünü qalan uşaqlar arasında ən çevik və cəsarətli kimi göstərir.

1968-ci ildə nağıl əsasında Bakı Kukla Teatrında bir tamaşa qoyulmuşdur. Bu, Azərbaycan yazıçısı və dramaturqu Mirmehdi Seyidzadənin süjet ssenarisinə və ədəbi interpretasiyasına əsaslanırdı.

İlk Azərbaycan animasiya filmi olan "Cırtdan" bu nağılın əsasında hazırlanmışdır.

1981 və 1983-cü illərdə rejissor Boris Əliyevin çəkdiyi "Cırtdan-pəhləvan" adlı iki hissəli animasiya filmi "Azərbaycanfilm" kinostudiyası tərəfindən buraxılmışdır. Filmin baş qəhrəmanı rolunu aktrisa Klara Rumyanova səsləndirmişdir.