Kanqal və çoban iti arasında xaç olan Boji 2021-ci ildə ictimai nəqliyyatla İstanbulun ilçələri arasında səyahət etdiyi üçün tanınıb. O, bu adı metroya mindiyi zaman boji sahəsində yatdığı üçün almışdır. Onun səfərləri zamanı vətəndaşlar tərəfindən çəkilmiş fotoları internetdə yayılaraq məşhurlaşmışdır.

18 avqust 2021-ci ildə İstanbul Böyükşəhər Bələdiyyəsi tərəfindən Bojiyə taxılan mikroçip sayəsində Bojinin İstanbulun iki qitədəki ilçələri də daxil olmaqla bir gündə 29 dayanacaq gəzdiyi müəyyən edildi. Bojinin marşrutunu izləmək üçün xüsusi proqram da hazırlanıb.

2021-ci ilin oktyabr ayından etibarən Bojinin qidalanmasını öz üzərinə götürdü. Onun üçün Kadıköy-Moda tramvay xəttində xüsusi daxma tikilib. Boji günlərinin bir hissəsini bələdiyyəyə məxsus qocalar evində keçirir.

Boji haqqında beynəlxalq xəbər agentlikləri və mediada da məlumatlar yayılıb və onun nüfuzu Reuters Xəbər Agentliyi vasitəsilə dünyaya yayılıb.

Onun Boji adından türk və ingilis dillərində tvitləri olan Twitter hesabı var və 20 noyabr 2021-ci il tarixinə olan məlumata görə 110.000-ə yaxın izləyicisi var. Bundan əlavə, onun Instagramda da 105 min izləyicisi var.

Boji üzərindəki GPS izləmə cihazı ilə hər gün izlənir.

2022-ci ildə iş adamı Bojini sahiblənmişdir.

20 noyabr 2021 tarixində "İBB-nin müqaviləli işçisi BOJİ tramvayı kirlətdi" başlığı ilə sosial mediada tramvay oturacağında nəcis olan bir görüntü paylaşıldı.İBB sözçüsü eyni sosial mediada nəcisin başqa bir şəxs tərəfindən gətirilərək oturacağa qoyulduğu anın tramvayın təhlükəsizlik kameraları tərəfindən çəkilmiş videosunu paylaşdı. Hadisə baş verən gün Bojinin sığınacaqda olduğu məlum olub. Bojinin tramvaya nəcisini buraxdığı iddiasının arxasında Esənlər Bələdiyyə başçısı olduğu iddia edilib.