Şelkovski - Haqqinda Melumat

Şelkovski
Şelkovski
	Мохне
	43°30′32″ şm. e. 46°19′57″ ş. u.
Ölkə	Rusiya;
Tarixi və coğrafiyası
Əsası qoyulub	1718
Sahəsi	8.67
Mərkəzin hündürlüyü	19 m
Saat qurşağı	UTC+03:00;
Əhalisi
Əhalisi	13.538 nəf. (2024) ;
Rəqəmsal identifikatorlar
Poçt indeksi	366400
Digər
	Şelkovski
	Vikianbarda əlaqəli mediafayllar

Şelkovski (çeç. Мохне) — Çeçenistan Respublikası, Şelkovski rayonu ərazisində yerləşən kənd. İnzibati cəhətdən Şelkovski rayonunun və Şelkovski kənd sovetliyinin mərkəzidir.

Tarix

Kəndin adı 1718-ci ildə Terek çayı sahilində erməni taciri Səfər Vasiliev tərəfindən qurulmuş ipək fabrikindən meydana gəlmişdir. Zavodun ətrafında əhalisi gürcü və ermənilərdən ibarət olan qəsəbə salınır. Onu salan tacirin adını alan qəsəbə Sarafannikov adlanır. Bir müddət sonra isə Şelkovski olaraq adlandırılır.

1990-cı illərdə Şelkovski rayonunun digər yaşayış məntəqələrində olduğu kimi, buradada rusdilli əhaliyə qarşı çoxsaylı cinayətlər törədilmişdir.

Çeçen əhali arasında geniş yayılmış cinayət və millətçi düşüncələrin artması ilə əlaqədar Şelkovski və Naurski rayonlarının rus sakinləri dəfələrlə Rusiya Federasiyasının rəhbərliyinə Şelkovski və Naurski rayonlarının Çeçenistan Respublikası tərkibindən çıxarılmasını və Stavropol diyarına birləşdirilməsi tələb edən məktublar göndərmişdilərd.

Kəndin rus sakinlərinə qarşı birbaşa cinayətləri İkinci Çeçenistan müharibəsi zamanı gedən hərbi əməliyyatların bitməsindən sonra da qeydə alınırdı.

2000-ci ildən bəri kənddə davamlı olaraq Rusiya Daxili İşlər Nazirliyinin Daxili Qoşunlarının 46-cı Əməliyyat Təyinat Briqadası yerləşdirilmişdir.

2007-ci ilin iyul ayında Çeçenistan Respublikası rəhbərliyi kənddə pravoslav kilsəsi tikmək niyyətini açıqlamışdır.

2008-ci ilin dekabr ayında kənd 290 illik yubileyini qeyd etmişdir.

22 aprel 2016-cı ildə Mahaçkala yepiskopu Varlaam respublika hakimiyyətinin və Rusiya Milli İstehsalçılar Birliyinin dəstəyi ilə Şelkovski gölün ətrafında inşa edilən Müqəddəs Barbara Kilsəsinin yeni binasının təməli üçün ilk təməl daşını qoymuşdur.

Əhali

Milli tərkib

2002-cu il Ümumrusiya siyahıya alınmasının məlumatlarına görə kəndin milli tərkibi haqqında aşağıdakı məlumatlar verilmişdir:

Xalq	Say, nəf.	Ümumi əhaliyə olan nisbəti, %
çeçenlər	7 802	81,43 %
ruslar	1 291	13,47 %
qumuqlar	156	1,63 %
avarlar	58	0,61 %
noqaylar	50	0,52 %
tatarlar	36	0,38 %
digərləri	188	1,96 %
ümumi	9 581	100,00 %

2010-cu il Ümumrusiya siyahıya alınmasının məlumatlarına görə kəndin milli tərkibi haqqında aşağıdakı məlumatlar verilmişdir:

Xalq	Say, nəf.	Ümumi əhaliyə olan nisbəti, %
çeçenlər	9 395	84,55 %
ruslar	1 020	9,18 %
qumuqlar	192	1,73 %
avarlar	117	1,05 %
noqaylar	73	0,66 %
tatarlar	61	0,55 %
darginlər	40	0,36 %
ləzgilər	33	0,30 %
digərləri	172	1,55 %
birdirməyənlər	9	0,08 %
ümumi	11 112	100,00 %

Şelkovsidə kifayət qədər rus icması yaşadığı üçün kənddə Rus Milli Mədəniyyət Mərkəzi təşkil olunmuşdur.

Nəqliyyat

Şelkovskidən Stavropol - magistral yolu keçir. Şərqdə Terek üzərində yerləşən körpü Şelkovski rayonunu Dağıstanın ilə birləşdirir. Kənndə Şimali-qafqaz dəmir yolunun Şelkovski stansiyası yerləşir.