İlham Ənvəroğlu - Haqqinda Melumat

**Əhmədov İlham Ənvər oğlu**
Əhmədov İlham Ənvər oğlu
	İlham Enveroglu
Doğum tarixi	27 may 1970(54 yaş)
Doğum yeri	Azərbaycan SSR; Azərbaycan
Milliyyəti	azərbaycanlı
Atası	Ənvər Əhməd
Elm sahəsi	sənətşünaslıq
Elmi dərəcəsi	Fəlsəfə doktoru
Elmi adı	professor
İş yeri	Səlcuq Universiteti
Mükafatları

İlham Ənvəroğlu ( Əhmədov İlham Ənvər oğlu; d.1975 - Azərbaycan SSR, Ağcabədi şəhəri) - Türkiyədə çalışan tanınmış azərbaycanlı rəssam,dizayner,sənətşünas alim,Səlcuq Universitetinin professoru

Həyatı

İlham Ənvər oğlu Əhmədov 27 may 1970-ci ildə Ağcabədi şəhərində şair, filoloq alim Ənvər Əhmədin ailəsində anadan olmuşdur.

Təhsili

Orta təhsilini Ağcabədi şəhər 11 saylı orta məktəbdə aldıqdan sonra 1989-cu ildə Ə.Əzimzadə adına Azərbaycan Dövlət Rəssamlıq Məktəbini bitirmişdir.1995-ci ildə memarlıq fakültəsindən məzun olmuşdur.1998-ci ildə Türkiyədə Konya şəhərində Səlcuq Universitetində incəsənət fakültəsində təhsil işçisi olaraq çalışmışdır.2000-ci ildə Səlcuq Universiteti İctimai Elmlər İnstitutunda “rəsm təhsili fundamental elm sahəsi” üzrə magistr adını qazanmışdır.

Əmək fəaliyyəti

Səlcuq Universiteti incəsənət fakültəsində müəllim olaraq fəaliyyətə başlamışdır.Hazırda Türkiyədə Konya şəhərində Səlcuq Universitetində dosent olmaqla Gözəl sənətlər (incəsənət) fakültəsində "endüstri ürünləri tasarım bölümü"nün başkanıdır (sənaye məhsulları dizaynı kafedrasının müdiridir).

İştirak etdiyi sərgilər

Rəssam İlham Ənvəroğlu 50-dən çox milli və beynəlxalq sərgilərdə iştirak etmişdir. Bakıda (1995), Konyada (1996, 1997, 1999, 2003, 2005, 2007), Adanada (2006), Bodrumda (2008, 2010), İstanbulda (2009, 2010), Ankarada (2001, 2002, 2003, 2007), Eskişehirdə (2010), Samsunda (2000), Malatyada (2005, 2006), Kayseridə (2006) və Bursada (2007) fərdi sərgiləri rəssamın əsərləri uğurla nümayiş etdirilmişdir.2006-cı ildə 67-ci Dövlət rəsm və heykəl sərgisində, 2008-ci ildə “Kempinski sənət günləri” sərgisində birincilik mükafatına layiq görülmüşdür. İ.Ənvəroğlu 2010-cu ildə Balaton – Szalon Kiçikhəcmli işlər Biennalında böyük mükafatla təltif olunmuşdu. UNESCO Beynəlxalq Plastik Sənətlər Assosiasiyasının (AİAP ) üzvüdür.İ.Ənvəroğlu “Aman ovçu”, “Şaman”, “Kutsal şehirler”, Cənnət quşu” və digər məşhur əsərlərin müəlifidir.

Həmçinin Azərbaycan ilə Birləşmiş Ərəb Əmirlikləri arasında diplomatik əlaqələrin qurulmasının 25 illiyi və Azərbaycanın Dövlət Müstəqilliyi Günü münasibətilə keçirilən mərasimdə rəssamın 30 işi nümayiş etdirilib Azərbaycan Xalq Cümhuriyyətinin 100 illik yubileyi ilə əlaqədar Macarıstanda “Şərqdən Qərbə Hun -Türk simvolları və rəmzləri” adlı fərdi sərgisi olub.

Təltifləri

"Tərəqqi medalı"- Azərbaycan diasporunun inkişafında xidmətlərinə görə

Həmçinin bax

Məzahir Avşar

Ənvər Əhməd

İstinadlar

. 2018-10-28 tarixində arxivləşdirilib. İstifadə tarixi: 2018-06-02.
. 2019-09-06 tarixində . İstifadə tarixi: 2018-06-02.
www.selcuq.edu.tr
”Biz Azərbaycanlıyıq”-Xaricdə yaşayan azərbaycanlı rəssamların kataloqu”, Azərbaycan Respublikasının Diasporla iş üzrə Dövlət Komitəsinin nəşri, Bakı – 2011, səh.190 – 194 (İlham Ənvər oğlu)
[ 2022-11-29 at the Wayback Machine Azərbaycan Respublikası Prezidentinin Sərəncamı ]

Xarici keçidlər

[1] . 2018-10-28 tarixində arxivləşdirilib. İstifadə tarixi: 2018-06-02.

[2] . 2019-09-06 tarixində . İstifadə tarixi: 2018-06-02.

[3] www.selcuq.edu.tr

[4] ”Biz Azərbaycanlıyıq”-Xaricdə yaşayan azərbaycanlı rəssamların kataloqu”, Azərbaycan Respublikasının Diasporla iş üzrə Dövlət Komitəsinin nəşri, Bakı – 2011, səh.190 – 194 (İlham Ənvər oğlu)

[7] [ 2022-11-29 at the Wayback Machine Azərbaycan Respublikası Prezidentinin Sərəncamı ]