Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinYağış damcısı tortu – su və aqardan hazırlanan, böyük yağış damcısını xatırladan vaqaşi (yapon şirniyyatı) növü. 2014-cü ildə Yaponiyada populyar olmuşdur.[1][2]
| Yağış damcısı tortu | |
|---|---|
.jpg) | |
| Mənşəyi |
 Yaponiya |
| Tərkibi | |
| Əsas | mineral su və aqar |
| İstəyə bağlı komponentlər | kuromitsu və kinako |
| Təfərrüatları | |
| Tipi | vaqaşi |
 Vikianbarda əlaqəli mediafayllar | |
Şirniyyat Yaponiyada mizu şinqen moçi (水信玄餅?) adı ilə tanınır.[3] Yemək yapon desserti şinqen moçi (信玄餅?) əsasında yaradılmışdır. Şinqen moçi 1960-cı illərdə ortaya çıxmışdır,[4] Yamanaşi və Şizuoka prefekturalarında Obon festivalı zamanı ənənəvi olaraq yeyilən yerli abekava moçi (安倍川餅?) şirniyyatından təsirlənərək hazırlanmışdır.[5]
Şinqen moçi kinako (qızardılmış soya unu) və qəhvəyi şəkər siropu ilə hazırlanan düyü tortudur.[4][6] Senqoku dövründə Yamanaşini idarə etmiş daymyo Takeda Şinqenin şərəfinə adlandırılmışdır. Rəvayətə görə o, düyü unu və şəkərdən hazırlanan moçidən təcili qidalanma rasionu kimi istifadə etmişdir.[6][7][8]
Mizu şinqen moçi "Kinseyken" şirkəti tərəfindən yaradılmışdır.[9] Şirkət mineral sularına görə tanınan Hakuşu bölgəsində yerləşir. Bölgə Yaponiyada mineral su istehsalına görə aparıcı bölgələrdən biridir.[10] "Mizu" (水?) "su" deməkdir və "Kinseyken" şirkəti şinqen moçi istehsalı ilə məşğul olmuşdur.[9] 2013-cü ilə qədər şirkət yeməli su ideyasını həyata keçirmək istəmişdir.[9] Dessert populyar olmuş və insanlar yeməyin dadına baxmaq üçün bölgəyə xüsusi səfərlər etmişlər.[11]
Darren Vonq desserti 2016-cı ilin aprelində Nyu-Yorkda keçirilən Smorqasburq yemək sərgisində təqdim edərək ABŞ-yə gətirmişdir.[12][13] Qısa müddət sonra Londonda yerləşən "Yamagoya" restoranı 4 ay ərzində yeməyin başqa bir versiyasını hazırlamışdır.[11]
Yemək mineral sudan və aqardan hazırlanmışdır. Bu səbəbdən yemək demək olar ki, kalorisizdir.[13] Yeməkdə istifadə olunan su Cənubi Yapon Alp dağlarında yerləşən Kaykoma dağından əldə olunur və dadı orta şirin hesab olunur.[9] Aqar jelatinin veqan alternatividir və yosundan hazırlanır.[12]
Suyu və aqarı qızdırdıqdan sonra alınan maye qəlibə salınır və soyudulur.[12] Bəkməzi xatırladan, kuromitsu adlı sirop və kinako adlı soya unu toppinq kimi istifadə olunur.[11] Yemək şəffaf yağış damcısına oxşadılır, lakin bəzən döş implantları və meduzalarla müqayisə olunur.[11] Demək olar ki, dadsız olan dessert ağıza daxil olduqda dərhal əriyir, bu səbəbdən dərhal yeyilməlidir, çünki əridikdən 20–30 dəqiqə ərzində buxarlanır.[11][14]
- ↑ "賞味期限がたったの30分！ 山梨でしか味わえない絶品「水信玄餅」は事前準備をしっかりして挑むべし！". Rocket news 24. 23 iyun 2021. 28 fevral 2023 tarixində arxivləşdirilib. İstifadə tarixi: 23 fevral 2024.
- ↑ Crowley, Chris. "Here's the New Japanese Water Cake That Will Debut at Smorgasburg". Grub Street (ingilis). 31 mart 2016. İstifadə tarixi: 5 iyun 2023.
- ↑ 1 2 "History of Kikyouya Company". Kikyouya Company (yapon). İstifadə tarixi: 5 iyun 2023.
- ↑ "History of the Kikyou Shingen Mochi". Kikyou Shingen Mochi. 8 dekabr 2003. 8 dekabr 2003 tarixində arxivləşdirilib. İstifadə tarixi: 5 iyun 2023.
- ↑ 1 2 "信玄餅 | 金精軒". 金精軒 | 山梨県北杜市で和菓子屋を営んでおります。 (yapon). 31 yanvar 2011. İstifadə tarixi: 18 iyul 2021.
- ↑ "Raindrop Cake, A Low Calorie Japanese Dessert You Need To Try!". Honest Food Talks (ingilis). 1 iyun 2021. İstifadə tarixi: 18 iyul 2021.
- ↑ Kay. "This amazing water cake just may be the most delicate sweet ever created!". SoraNews24 (ingilis). 4 iyun 2014. İstifadə tarixi: 5 iyun 2023.
- ↑ 1 2 3 4 "Mizu Shingen Mochi: Water You Can Eat?". Japan Info. 9 fevral 2016. 16 mart 2018 tarixində arxivləşdirilib. İstifadə tarixi: 16 avqust 2018.
- ↑ "2019年 水信玄餅をお求めの方へ | 金精軒". 金精軒 | 山梨県北杜市で和菓子屋を営んでおります。 (yapon). 1 may 2019. İstifadə tarixi: 18 iyul 2021.
- ↑ 1 2 3 4 5 Maitland, Hayley. "Everything You Need To Know About Raindrop Cakes". British Vogue. 14 avqust 2018. İstifadə tarixi: 16 avqust 2018.
- ↑ 1 2 3 "What is a Raindrop Cake – How to Make a Raindrop Cake". Delish. 13 mart 2018. İstifadə tarixi: 16 avqust 2018.
- ↑ 1 2 Strutner, Suzy; Aiken, Kristen. "Get Ready, This Magical Raindrop Cake Is Coming To America". HuffPost. 31 mart 2016. İstifadə tarixi: 16 avqust 2018.
- ↑ "水信玄餅って何? 作り方や「天使の涙」との違いについて紹介 (1) | マイナビニュース". 24 fevral 2024. 24 fevral 2024 tarixində arxivləşdirilib. İstifadə tarixi: 20 iyun 2024.
Vikianbarda Yağış damcısı tortu ilə əlaqəli mediafayllar var.