Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinWaze Mobile Ltd[3] (/weɪz/; ivr. ווייז מובייל בע"מ), Waze (ivr. ווייז), əvvəlki adı ilə FreeMap Israel — Google-un GPS dəstəkləyən smartfonları və digər kompüterləri peyk naviqasiyası proqramı ilə təmin edən törəmə şirkəti. Növbəli naviqasiya ilə yanaşı, mobil şəbəkə üzərindən məkandan asılı məlumatları endirərkən istifadəçi tərəfindən təqdim olunan səyahət vaxtlarını və marşrut təfərrüatlarını özündə birləşdirir. Waze öz tətbiqini ictimaiyyət tərəfindən idarə olunan, yüklənməsi və istifadə edilməsi pulsuz olan təşəbbüs kimi təsvir edir.
| Waze | |
|---|---|
 | |
 | |
| Tipi | mobil tətbiq, avtomobil naviqasiya sistemi, məhsul, onlayn xidmət[d] |
| Əməliyyat sistemi | Android, iOS |
| Yayımlanma tarixi | 2010 |
| Platforma | Android, iOS |
| Sonuncu versiya | |
| Sayt | waze.com |
 Vikianbarda əlaqəli mediafayllar | |
Proqram ilk olaraq İsraildə Ehud Şabtay, Amir Şinar və Uri Levin tərəfindən yaradılmış Waze Mobile şirkəti tərəfindən hazırlanıb. İlkin layihənin maliyyələşdirilməsi İsrailin iki vençur kapitalı firması olan Magma və Vertex Ventures Israel, həmçinin Amerikan vençur kapitalı şirkəti Bluerun Ventures tərəfindən təmin edilib. 2013-cü ilin iyun ayında Waze Mobile Google tərəfindən 1,3 milyard ABŞ dollarına satın alınıb.[4][5][6]
Proqram təxminən 130 milyon istifadəçiyə hiperlokal reklam vasitəsilə gəlir qazanır.[7]
2006-cı ildə israilli proqramçı Ehud Şabtay FreeMap Israel kimi tanınan cəmiyyət layihəsini yaratdı, layihənin hədəfi pulsuz məzmun, yeniləmələr və paylanma ilə ivrit dilində tərtib edilmiş İsrailin açıq rəqəmsal xəritəçəkmə məlumat bazasını yaratmaq idi.[8] Şabtay 2008-ci ildə ilkin layihəni kommersiyalaşdırmaq üçün Waze adlı bir şirkət yaratdı.[9] 2009-cu ildə şirkətin adı Waze Mobile Ltd olaraq dəyişdirildi.
2010-cu ildə şirkət maliyyələşdirmənin ikinci mərhələsində 25 milyon ABŞ dolları,[10] 2011-ci ildə əlavə 30 milyon dollar maliyyə vəsaiti cəlb etdi.[11] 2011-ci ildə tətbiqə küçə yarmarkaları və etiraz aksiyaları kimi yerli hadisələr də daxil olmaqla, real vaxt rejimində icma tərəfindən seçilmiş nöqtələri göstərmə funksiyası əlavə olundu.[12]
2011-ci ilin dekabr ayına qədər Waze 80 nəfəri işə götürdü, onlardan 70-i Raananada, qalan 10 nəfər isə Palo-Altoda yaşayırdı.[13][14] 2012-ci ilin noyabr ayında şirkət satıcılara və reklamçılara cihaz müəyyən bir yerdə olduqda kiçik bir işarənin göründüyü və istifadəçini həmin işarə ilə qarşılıqlı əlaqəyə girməyə təşviq edən, coğrafi yerə əsasən çıxan reklamlar göstərməyi təklif etdi.[15] Waze həmçinin televiziya xəbər stansiyalarına cari trafik hesabatlarını və xəbərdarlıqları birbaşa Waze tətbiqindən yayımlamaq üçün öz veb interfeysini təklif edir. Xidmət 2013-cü ilin iyun ayına qədər Amerikanın 25 televiziya xəbər stansiyası tərəfindən istifadə edilmişdi.[16] O həmçinin 24 iyul 2013-cü ildən Braziliyanın Rio-de-Janeyro şəhərində, Rionun Əməliyyat Mərkəzinin daxilində,[17] eləcə də 2012-ci ildən Amerikanın Nyu-York və Nyu-Cersi ştatlarında istifadə olunur.
2013-cü ildə mobil şəbəkə operatorlarının ticarət birliyi olan GSM Association, assosiasiyanın Mobile World Congress sərgisində "Waze"ə "Ən Yaxşı Ümumi Mobil Proqram" mükafatını verdi.[18]
2013-cü ilin iyununda Waze Google tərəfindən 1,3 milyard dollara satın alındı.[4][5][6] Waze-nin o vaxtkı 100 işçisi orta hesabla təxminən 1,2 milyon dollar maaş alırdı ki, bu da İsraildə yüksək texnologiya işçilərinə edilən ən böyük ödəniş idi.[19]
Həmin ay ABŞ-ın Federal Ticarət Komissiyası (FTK) Google-un Waze-i satın almasının rəqabət qanununu potensial olaraq pozub-pozmadığını araşdırmağa başladı.[20] Waze, Google Maps-in mobil xəritə sektorundakı çox kiçik rəqibləri qrupu arasında idi. FTK sonradan müqaviləyə etiraz etməyəcəyinə qərar verdi.[21] Böyük Britaniyanın Ədalətli Ticarət İdarəsi və İsrail Antiinhisar Orqanı da araşdırmaya başladı və onlar da satınalmaya heç bir etiraz etmədi.[22][23][24] Bununla belə, FTK 2020-ci ildə Google-un 2013-cü ildə Waze-i satın almasını yenidən araşdıracağını açıqladı.[25]
- ↑ Navigation Waze et trafic - Applications sur Google Play. 2025.
- ↑ Navigation Waze et trafic dans l'App Store. 2025.
- ↑ "ווייז מוביל בע"מ". OpenCorporates. 11 fevral 2008. 20 avqust 2023 tarixində arxivləşdirilib. İstifadə tarixi: 20 avqust 2023.
- ↑ 1 2 "Google buys Waze map app for $1.3bn". the Guardian (ingilis). 11 iyun 2013. 3 sentyabr 2022 tarixində arxivləşdirilib. İstifadə tarixi: 3 sentyabr 2022.
- ↑ 1 2 Cohan, Peter. "Four Reasons Google Bought Waze". Forbes (ingilis). 3 sentyabr 2022 tarixində arxivləşdirilib. İstifadə tarixi: 3 sentyabr 2022.
- ↑ 1 2 Kelleher, Suzanne Rowan. "Did Google Just Deliver A Death Blow To Waze?". Forbes (ingilis). 3 sentyabr 2022 tarixində arxivləşdirilib. İstifadə tarixi: 3 sentyabr 2022.
- ↑ Pressman, Aaron; Lashinsky, Adam. "Why Waze Doesn't Share Traffic Data With Google Maps—Data Sheet". Fortune. 11 oktyabr 2019. 11 oktyabr 2019 tarixində arxivləşdirilib. İstifadə tarixi: 11 oktyabr 2019.
- ↑ "FreeMap Israel". Freemap Israel. 9 mart 2008 tarixində orijinalından arxivləşdirilib.
- ↑ "FreeMap Israel". Freemap Israel. 7 fevral 2009 tarixində orijinalından arxivləşdirilib.
- ↑ Hardawar, Devindra. "Waze revs up crowdsourced driving app with $25M". Venturebeat. 7 dekabr 2010. 7 mart 2018 tarixində arxivləşdirilib. İstifadə tarixi: 5 may 2019.
- ↑ Geron, Tomio. "Waze Nabs $30M From Kleiner Perkins, Li Ka Shing; Mary Meeker To Advise". Forbes. 18 oktyabr 2011. 5 noyabr 2012 tarixində arxivləşdirilib. İstifadə tarixi: 5 may 2019.
- ↑ "Waze Introduces Redesigned App for iPad, iPhone & iPod touch, Steering Drivers from Local Search to Local Discovery". San Francisco Chronicle. 13 oktyabr 2011. İstifadə tarixi: 25 sentyabr 2012.
- ↑ Blum, Brian. "Waze steers you clear of traffic". Israel21c. 19 dekabr 2011. 26 fevral 2012 tarixində arxivləşdirilib. İstifadə tarixi: 22 mart 2012.
- ↑ Hoge, Patrick. "Waze raises $30 million". San Francisco Business Times. 18 oktyabr 2011. 20 may 2013 tarixində arxivləşdirilib. İstifadə tarixi: 18 iyun 2019.
- ↑ "Waze Maps Out Native Ad Platform Driving app navigates direct sales, self-serve". Adweek. 7 noyabr 2012. 1 iyun 2013 tarixində arxivləşdirilib. İstifadə tarixi: 18 iyun 2013.
- ↑ "What Waze Adds To Google: A View From Waze's CEO". Forbes. 13 iyun 2013. 17 iyun 2013 tarixində arxivləşdirilib. İstifadə tarixi: 13 iyun 2013.
- ↑ "Prefeitura começa a usar Waze no Centro de Operações Rio". O Globo. 24 iyul 2013. 22 fevral 2014 tarixində arxivləşdirilib. İstifadə tarixi: 8 fevral 2014.
- ↑ Hoffman, Tzahi. "Waze wins Best Mobile App award in Barcelona". Globes. Rishon Le-Zion, Israel: Globes Publisher Itonut (1983) Ltd. 27 fevral 2013. 4 oktyabr 2013 tarixində arxivləşdirilib. İstifadə tarixi: 16 oktyabr 2018.
- ↑ Teig, Amir. "Waze employees clinch most lucrative exit in Israeli history". Haaretz. 13 iyun 2013. 15 iyul 2013 tarixində arxivləşdirilib. İstifadə tarixi: 25 iyun 2013.
- ↑ "US Federal Trade Commission probes Google Waze deal". Tekinsol. 23 iyun 2013. 4 oktyabr 2013 tarixində orijinalından arxivləşdirilib. İstifadə tarixi: 23 iyun 2013.
- ↑ Melissa Grey. "FTC will not challenge Google's $1 billion Waze acquisition". Engadget. AOL. 7 mart 2018 tarixində arxivləşdirilib. İstifadə tarixi: 9 noyabr 2023.
- ↑ "Google acquisition of Waze traffic app sparks OFT inquiry". The Guardian. 27 avqust 2013. 27 avqust 2013 tarixində arxivləşdirilib. İstifadə tarixi: 28 avqust 2013.
- ↑ "Israel's antitrust panel taking a look at Google-Waze merger". Jewish Telegraphic Agency. 2 oktyabr 2013. 6 oktyabr 2013 tarixində arxivləşdirilib. İstifadə tarixi: 3 oktyabr 2013.
- ↑ Waze - News - GCR - Global Competition Review Arxiv surəti 23 avqust 2016 tarixindən Wayback Machine saytında Arxivləşdirilib avqust 23, 2016, at the Wayback Machine Global Competition Review
- ↑ "FTC to review Google's 2013 Waze acquisition as part of its antitrust sweep". Android Central. 17 fevral 2020. 3 mart 2020 tarixində arxivləşdirilib. İstifadə tarixi: 9 mart 2020.