Vikipediya:Ana Səhifə:Xəbərlər/avqust 2020

32. Həftə

• Livanın paytaxtı Beyrut şəhərində baş vermiş güclü partlayışlar nəticəsində ən azı 137 nəfər həlak olub.
• Donald Tramp Çinə məxsus qısa video tətbiqetməsi TikTok a qadağa qoyacağını açıqlayıb. Trampın bu açıqlaması ABŞ ilə Çin münasibətlərinin ticari müharibə və koronavirusa görə gərgin olduğu bir dövrə təsadüf edir.
• Avropada ayrı-ayrı ölkələr koronavirusun ikinci dalğasına hazırlaşır ki, bu da yenidən karantin məhdudiyyətlərinin qoyulması ehtimalını artırır. Belçika hökuməti 17-23 iyul tarixlərində yoluxma sayının 71% artması səbəbi ilə ölkədə ciddi karantin xəbərdarlığı edib.
• Ukrayna və İran nümayəndə heyətləri bu ilin yanvarında Tehran yaxınlığında vurulan Boeing təyyarəsi (şəkildə) ilə bağlı danışıqları başa çatdırıblar. İranın xarici işlər nazirliyinin rəsmisi Abbas Musəvi bildirib ki, 11 ukraynalı da daxil olmaqla 176 sərnişin və ekipaj üzvü həlak olduğu qəzaya görə ölkəsi Ukraynaya təzminat ödəməyi qəbul edib.
• Donald Tramp ilk dəfə olaraq bu il seçkilərinin təxirə salınmasını təklif edib. Tramp Twitter hesabında yazıb ki, poçtla səsvermə ilə 2020-ci il seçkiləri tarixdə ən qeyri-dəqiq və saxtalaşdırılmış seçki olacaq.

bax – müzakirə et – et – tarixçə

33. Həftə

• Altı üzvdən ibarət Körfəz Əməkdaşlıq Şurası (GCC) Birləşmiş Millətlər Təşkilatından İrana qarşı beynəlxalq silah embarqosunun müddətinin uzadılmasını istəyib.
• Əfqanıstan prezidenti Əşrəf Qəni Əhmədzay 400 Taliban məhbusunun sərbəst buraxılacağını elan etməklə, ABŞ-ın vasitəçiliyi ilə sülh danışıqlarına erkən başlamağın yolunu açıb.
• İyulun 29-u gecə Belarusun hüquq-mühafizə orqanlarının əməkdaşları Minsk yaxınlığında xarici özəl hərbi şirkət olan Vaqnerin hamısı Rusiya Federasiyasının vətəndaşı olan 33 hərbçisini saxlayıblar.
• Ukrayna Baş prokuroru Ruslan Ryaboşapka azərbaycanlı Gündüz Məmmədovu (şəkildə) özünə müavin təyin edib.
• Livanın paytaxtı Beyrut şəhərində baş vermiş güclü partlayışlar nəticəsində ən azı 220 nəfər həlak olub, 7 mindən çox adam yaralanıb.

bax – müzakirə et – et – tarixçə

34. Həftə

• Litva Xarici İşlər Nazirliyi Belarus Prezidenti Aleksandr Lukaşenkonu ölkəsinə girişi qadağan edilmiş şəxslər siyahısına daxil edib.
• Rusiya müxalifətinin lideri Aleksey Navalnı (şəkildə) ağır zəhərlənmə şübhəsi ilə Omsk şəhər xəstəxanasının reanimasiya şöbəsində yerləşdirilib. O, komaya düşüb.
• Türkiyə Qara dənizdə enerji yatağı kəşf edib
• ABŞ-ın Demokrat partiyası ölkənin vitse-prezidenti vəzifəsinə senator Kamala Harrisin namizədliyini təsdiqləyib.
• Malidə dövlət çevrilişi həyata keçirən hərbçilər ölkə sərhədlərinin bağlandığını elan ediblər.

bax – müzakirə et – et – tarixçə

35. Həftə

• Hindistan Azadlıq Hərəkatının lideri Mahatma Qandinin (şəkildə) eynəyi İngiltərədə 340 min dollara satılıb.
• Ukraynanın keçmiş Baş Naziri, "Batkivşina" fraksiyasının lideri Yuliya Timoşenko koronavirusa yoluxub.
• Belarusun paytaxtı Minsk şəhərində prezident seçkilərindən sonra etiraz aksiyasında 200 mindən çox insan iştirak edib.
• Rusiya müxalifətinin lideri Aleksey Navalnı ağır zəhərlənərək xüsusi tibbi təyyarə vasitəsi ilə Almaniyaya aparılıb.
• UEFA Çempionlar Liqasının finalında "Bavariya" Fransa çempionu "PSJ" 1-0 məğlub edərək kuboku qazanıb.

bax – müzakirə et – et – tarixçə