Vüsal Məsimov (3 aprel 2000) — azərbaycanlı futbolçu; müdafiəçi mövqeyində oynayır, hazırda Azərbaycan Premyer Liqasında mübarizə aparan "Karvan-Yevlax"ın heyətində çıxış edir. Karyerası ərzində "Qəbələ", "Turan Tovuz", "Kəpəz", "Səbail", "Şamaxı" və Karvan-Yevlaxın şərəfini qoruyub, ümumi olaraq 66 oyunda 2 qol vurub.
| Vüsal Məsimov | |||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Vüsal Məsimov Səbailin heyətində (2024) | |||||||||||||||||||||||||||||||||||||
| Ümumi məlumatlar | |||||||||||||||||||||||||||||||||||||
| Tam adı | Vüsal Məsimov | ||||||||||||||||||||||||||||||||||||
| Doğum tarixi | 3 aprel 2000 (25 yaş) | ||||||||||||||||||||||||||||||||||||
| Vətəndaşlığı |
 Azərbaycan |
||||||||||||||||||||||||||||||||||||
| Mövqeyi | müdafiəçi | ||||||||||||||||||||||||||||||||||||
| Klub haqqında məlumat | |||||||||||||||||||||||||||||||||||||
| Klub |
Karvan-Yevlax |
||||||||||||||||||||||||||||||||||||
| Nömrəsi | 13 | ||||||||||||||||||||||||||||||||||||
| Karyerası | |||||||||||||||||||||||||||||||||||||
|
|||||||||||||||||||||||||||||||||||||
|
|
|||||||||||||||||||||||||||||||||||||
2018–2019-cu illərdə 19 yaşlılardan ibarət Azərbaycan yığmasının heyətində çıxış edib.
Vüsal Məsimov 3 aprel 2000-ci ildə anadan olub.[1]
Vüsal Məsimov futbolda birinci addımlarını 11 yaşında Qəbələnin aşağı yaş qruplarında atıb. Müxtəlif illərdən Qəbələ U-11[2], Qəbələ U-14[3], Qəbələ U-15[4] və Qəbələ U-19-da çıxış edib.[5]
Məsimov 2018-ci ildə Azərbaycan U19 Liqasının qalibi oldu. Həmin ilin sentybarında isə UEFA Gənclər Liqasında mübarizə aparan Qəbələ U-19-un heyətinə cəlb edildi.[6] Turnirin I təsnifat mərhələsi çərçivəsində "Şerif" Tiraspola (Moldova)[7][8], II təsnifat mərhələsi çərçivəsində isə "Herta" Berlinə (Almaniya) qarşı baş tutan dörd görüşün hamısında Vüsal Məsimov start heyətində meydanda oldu və bir görüş istisna olmaqla (orada 85 dəqiqə oynadı) hamısında 90 dəqiqə mübarizə apardı.[9][10]
2019-cu ildən Qəbələnin əsas heyətinə cəlb edildi. Həmin ilin mayında Qəbələnin heyətində Azərbaycan Kubokunun qalibi oldu.[11]
2019–2020-ci illər mövsümündə də Qəbələ U-19-un heyətində UEFA Gənclər Liqasının təsnifat mərhələsində çıxış etdi. Həmin mövsümdə "Qəbələ"nin əsas heyətində oynamaq şansı tapmayan Məsimov 2020-ci ilin yanvarında Birinci divizion təmsilçilərindən "Turan Tovuz"a icarəyə verildi. Həmin mövsümdə Vüsal Məsimov Tovuz təmsilçisinin heyətində Birinci divizionun qalibi oldu.[12]
2020–2021-ci illər mövsümündə də Vüsal Məsimov "Qəbələ"nin əsas heyətində oynamaq şansı tapa bilmədi və növbəti dəfə Birinci divizion təmsilçilərindən "Turan Tovuz"a icarəyə verildi. Həmin mövsümdə "Turan Tovuz" Birinci divizionun bürünc medallarına sahib oldu.
26 avqust 2021-ci ildə Vüsal Məsimov "Qəbələ"dən Birinci divizionda çıxış edən Gəncə təmsilçisi "Kəpəz"ə transfer olundu.[13] "Kəpəz" Birinci divizionun 2021–2022-ci illər mövsümünü yeddinci pillədə başa vurdu.[14]
17 iyun 2022-ci ildə "Kəpəz" Vüsal Məsimov da daxil olmaqla altı futbolçu ilə yollarını ayırdığını açıqladı.[15]
2022-ci ilin iyulunda Vüsal Məsimov "Turan Tovuz"a transfer olundu.[16]
4 dekabr 2022-ci ildə Azərbaycan Premyer Liqasının 13-cü turu çərçivəsində "Şamaxı"ya qarşı baş tutan görüşün 45-ci dəqiqəsində meydan daxil olan Vüsal Məsimov həm Tovuz təmsilçisinin heyətinfə debüt etdi, həm də Azərbaycan Premyer Liqasında birinci oyununa çıxdı.
Ümumi olaraq Məsimov mövsüm ərzində "Turan Tovuz"un heyətində 10 oyunda meydanda oldu. Komanda mövsümü altıncı pillədə başa vurdu.
19 iyun 2023-cü ildə "Turan Tovuz" Məsimovla müqavilənin müddətini daha bir il artırsa da[17], avqustun 23-də Məsimov Tovuz təmsilçisindən ayrılacaq yenidən "Kəpəz"ə transfer olunduğu açıqlandı.[18]
27 avqust 2023-cü ildə Vüsal Məsimov "Kəpəz"in heyətində birinci oyununa çıxdı. Azərbaycan Premyer Liqasının 4-cü turu çərçivəsində səfərdə Ağdam təmsilçisi "Qarabağ"a qarşı baş tutan görüşün 66-cı dəqiqəsində meydana daxil olan Məsimov 86-cı dəqiqədə məhsuldar ötürmə ilə yadda qaldı və "Kəpəz"in məğlubiyyətdən xilas edilməsində pay sahibi oldu (1:1). Tədricən Məsimov "Kəpəz"in əsas heyət oyunçusuna çevrildi.
18 dekabr 2023-cü ildə Azərbaycan Kubokunun 1/8 final mərhələsi çərçivəsində "Sabah"a qarşı baş tutan oyunda məhsuldar ötürmə ilə yadda qaldı.
1 mart 2024-cü ildə Azərbaycan Premyer Liqasının 25-ci turu çərçivəsində səfərdə "Sumqayıt"a qarşı baş tutan görüşün 20-ci dəqiqəsində Vüsal Məsimov hesabı açdı. Bu onun Azərbaycan Premyer Liqasında birinci qolu idi.
Ümumi olaraq mövsüm ərzində Vüsal Məsimov "Kəpəz"in heyətində bütün turnirlər daxil olmaqla 27 oyunda meydan olaraq 1 qol və 2 məhsuldar ötürmə ilə yadda qaldı. "Kəpəz" mövsümü doqquzuncu pillədə başa vurdu.
8 iyun 2024-cü ildə Vüsal Məsimov "Səbail"ə transfer olundu. Avqustun 4-də Azərbaycan Premyer Liqasının 1-ci turu çərçivəsində "Zirə"yə qarşı baş tutan görüşün 45-ci dəqiqəsində meydana daxil olaraq Səbail təmsilçisinin heyətində debüt etdi.
Vüsal Məsimov Azərbaycan Premyer Liqasının 3-cü turunda səfərdə "Sumqayıt"a və 8-ci turunda səfərdə "Araz-Naxçıvan"a qarşı baş tutan görüşlərdə məhsuldar ötürmə ilə yadda qaldı.
29 oktyabr 2024-cü ildə Azərbaycan Kubokunun 1/16 final mərhələsi çərçivəsində "Dinamo"ya qarşı baş tutan oyunun 24-cü dəqiqəsində qol vurdu.
Ümumi olaraq mövsüm ərzində Vüsal Məsimov "Səbail"in heyətində bütün turnirlər daxil olmaqla 11 oyunda meydan olaraq 1 qol və 2 məhsuldar ötürmə ilə yadda qaldı.
Vüsal Məsimov 2 yanvar 2025-ci ildə "Şamaxı"ya transfer olundu. "Səbail" Məsimovla müqaviləyə qarşılıqlı razılıq əsasında xitam verdi. "Şamaxı" onunla il yarımlıq müqavilə imzalandı.[19]
24 yanvar 2025-ci ildə Azərbaycan Premyer Liqasının 20-ci turu çərçivəsində Zirəyə qarşı baş tutan görüşün 88-ci dəqiqəsində əvəzlənmədən meydana daxil olan Vüsal Məsimov Şamaxının heyətində debüt etdi. Ümumi olaraq Məsimov mövsüm ərzində Şamaxının heyətində 11 oyunda meydanda oldu. Həmin ilin iyulunda o, Şamaxıdan ayrıldı.
27 iyul 2025-ci ildə Vüsal Məsimov "Karvan-Yevlax"a transfer olundu. Müqaviləyə əsasən o, 1 il müddətə Yevlax təmsilçisinin şərəfini qoruyacaq.[20]
| Komanda | Mövsüm | Liqa | Kubok | UEFA | Cəmi | |||||
|---|---|---|---|---|---|---|---|---|---|---|
| Liqa | Oyun | Qol | Oyun | Qol | Oyun | Qol | Oyun | Qol | ||
| Qəbələ | 2018–19 | Azərbaycan Premyer Liqası | 0 | 0 | 0 | 0 | 4[a] | 0 | 4 | 0 |
| 2019–20 | 0 | 0 | 0 | 0 | 1[b] | 0 | 1 | 0 | ||
| 2020–21 | 0 | 0 | 0 | 0 | 0 | 0 | 0 | 0 | ||
| Turan Tovuz (icarə) | 2019–20 | Azərbaycan Birinci Divizionu | ? | ? | — | — | ? | ? | ||
| 2020–21 | ? | ? | 1 | 0 | — | 1 | 0 | |||
| Kəpəz | 2021–22 | ? | ? | 1 | 0 | — | 1 | 0 | ||
| Turan Tovuz | 2022–23 | Azərbaycan Premyer Liqası | 9 | 0 | 1 | 0 | — | 10 | 0 | |
| 2023–24 | 0 | 0 | 0 | 0 | — | 0 | 0 | |||
| Kəpəz | 25 | 1 | 2 | 0 | — | 27 | 1 | |||
| Səbail | 2024–25 | 9 | 0 | 2 | 1 | — | 11 | 1 | ||
| Şamaxı | 11 | 0 | 0 | 0 | — | 11 | 0 | |||
| Karvan-Yevlax | 2025–26 | 0 | 0 | 0 | 0 | — | 0 | 0 | ||
| Cəmi: | 54 | 1 | 7 | 1 | 5 | 0 | 66 | 2 | ||
2018-ci ilin iyununda və noyabrında Vüsal Məsimov 19 yaşlılardan ibarət Azərbaycan yığmasının təlim-məşq toplanışlarına dəvət edildi.[21][22] Daha sonra isə o, 14–20 noyabrda Tbilisi şəhərində (Gürcüstan) 2019 UEFA U-19 Avropa Çempionatının seçmə mərhələsində mübarizə aparacaq Azərbaycan yığmasının heyətinə dəvət edildi. Birinci turda İsrail yığmasına qarşı baş tutan görüşün (1:4) 46-cı dəqiqəsində Vüsal Məsimov meydana daxil olaraq Azərbaycan yığmasında debüt etdi.[23] Daha sonra o, Gürcüstan (2:1)[24] və Lixtenşteyn (3:0)[25] yığmalarına qarşı baş tutan görüşlərdə 90 dəqiqə meydanda olaraq Azərbaycan yığmasının seçmə mərhələnin elit raudunda vəsiqə qazanmasında önəmli pay sahibi oldu.
2019-cu ilin 20–26 martında Krasnodar şəhərində (Rusiya) baş tutan elit radundda da Vüsal Məsimov Azərbaycan yığmasının əsas heyət oyunçusu oldu.[26] Rusiya (0:0)[27], İrlandiya (1:3)[28] və Rumıniya (0:4)[29] yığmalarına qarşı baş tutan görüşlərin hamısında Məsimov 90 dəqiqə meydanda oldu.
| Komanda | İl | Oyun | Qol |
|---|---|---|---|
| Azərbaycan U-19
|
2018 | 3 | 0 |
| 2019 | 3 | 0 | |
| Cəmi: | 6 | 0 | |
Qəbələ
Turan Tovuz
- Azərbaycan Birinci Divizionu (1): 2019–20[12]
- ↑ Soccerway. "Vüsal Məsimov". www.int.soccerway.com (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Qəbələ" beynəlxalq turnirdə". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Qəbələ" "Real"la qarşılaşacaq". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Qəbələ" "Antalyaspor"la qarşılaşacaq". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Qəbələ" U-19 Antalyada təlim-məşq toplanışına yollandı". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Qəbələ" sifariş ərizəsini UEFA-ya göndərdi - siyahı". www.qol.az (az.). 2025-05-10. İstifadə tarixi: 2025-05-10.
- ↑ UEFA. "3 Oct 2018 / Domestic Champions path first round / 1st leg / Gabala SC - Sheriff". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "24 Oct 2018 / Domestic Champions path first round / 2nd leg / Sheriff - Gabala SC". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "7 Nov 2018 / Domestic Champions path second round / 1st leg / Gabala SC - Hertha". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "28 Nov 2018 / Domestic Champions path second round / 2nd leg / Hertha - Gabala SC". www.uefa.com (az.). 2025-05-10. İstifadə tarixi: 2025-05-10.
- ↑ 1 2 Профессиональная футбольная лига. "AZƏRBAYCAN KUBOKU 2018/2019" (PDF). www.pfl.az (az.). 2025-05-10. İstifadə tarixi: 2025-05-10.
- ↑ 1 2 Профессиональная футбольная лига. "BİRİNCİ DİVİZİON 2019/2020" (PDF). www.pfl.az (az.). 2025-05-10. İstifadə tarixi: 2025-05-10.
- ↑ Azərbaycan Dövlət İnformasiya Agentliyi. ""Kəpəz" heyətinə yeni futbolçu cəlb edib". www.azertag.az (az.). 2025-05-10. İstifadə tarixi: 2025-05-10.
- ↑ Профессиональная футбольная лига. "BİRİNCİ DİVİZİON 2021/2022" (PDF). www.pfl.az (az.). 2025-05-10. İstifadə tarixi: 2025-05-10.
- ↑ Azərbaycan Dövlət İnformasiya Agentliyi. ""Kəpəz" altı futbolçu ilə yollarını ayırıb". www.azertag.az (az.). 2025-05-10. İstifadə tarixi: 2025-05-10.
- ↑ Azərbaycan Dövlət İnformasiya Agentliyi. ""Turan Tovuz" 7 futbolçusu ilə müqaviləni yeniləyib". www.azertag.az (az.). 2025-05-10. İstifadə tarixi: 2025-05-10.
- ↑ Azərbaycan Dövlət İnformasiya Agentliyi. ""Turan Tovuz" daha dörd futbolçusu ilə müqaviləni yeniləyib". www.azertag.az (az.). 2025-05-10. İstifadə tarixi: 2025-05-10.
- ↑ Azərbaycan Dövlət İnformasiya Agentliyi. ""Kəpəz" "Turan Tovuz"dan ayrılan futbolçunu transfer edib". www.azertag.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Şamaxı" rəsmən növbəti transferini açıqladı - Yenilənib". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. ""Karvan" 11-ci transferini açıqladı". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. "Millimizin toplanışı üçün 24 futbolçu". www.qol.az (az.). 2025-05-10. İstifadə tarixi: 2025-05-10.
- ↑ Qol.az idman portalı. "Yığmamıza 22 futbolçu çağırıldı". www.qol.az (az.). 2025-05-10. İstifadə tarixi: 2025-05-10.
- ↑ UEFA. "14 Nov 2018 / Qualifying round / Matchday 1 / Group 1 / Azerbaijan - Israel". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "17 Nov 2018 / Qualifying round / Matchday 2 / Group 1 / Georgia - Azerbaija". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "20 Nov 2018 / Qualifying round / Matchday 3 / Group 1 / Liechtenstein - Azerbaijan". www.uefa.com (az.). 2025-05-10. İstifadə tarixi: 2025-05-10.
- ↑ Qol.az idman portalı. "Millimizin elit-raund üçün heyəti açıqlandı". www.qol.az (az.). 2025-05-10. İstifadə tarixi: 2025-05-10.
- ↑ UEFA. "20 Mar 2019 / Elite round / Matchday 1 / Group 1 / Azerbaijan - Russia". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "23 Mar 2019 / Elite round / Matchday 2 / Group 1 / Republic of Ireland - Azerbaijan". www.uefa.com (az.). 2025-05-10. İstifadə tarixi: 2025-05-10.
- ↑ UEFA. "26 Mar 2019 / Elite round / Matchday 3 / Group 1 / Romania - Azerbaijan". www.uefa.com (az.). 2025-05-10. İstifadə tarixi: 2025-05-10.