Trachyphonus vaillantii — Afrika saqqallıları fəsiləsinə aid quş növü.
| Trachyphonus vaillantii | ||||||||
|---|---|---|---|---|---|---|---|---|
 | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Trachyphonus vaillantii |
||||||||
| Beynəlxalq elmi adı | ||||||||
|
||||||||
| ||||||||
Trachyphonus vaillantii qalın dimdiyi və rəngarəng lələkləri ilə asanlıqla tanınır. Bu kiçik quşun üzü sarı və qırmızı xallarla örtülüdür və kiçik qara bir kəkili var. Qarın hissəsi sarı və qırmızı xallı, qanadları qara və ağ xallıdır, boynunda enli qara zolaq var. Başı və bədəni sarı, qara və ağ lələklərlə örtülüdür, bədəninin sonunda qırmızı işarələr var. Rəngləri kolluqlarda yaxşı kamuflyaj təmin edir. Xarakterik bir trill səsi çıxarır.
Trachyphonus vaillantii həşəratlarla, digər quşların yumurtaları və meyvələrlə, bəzən isə siçanlarla qidalanır.
Onlar ağacdakı bir deşikdə və ya məhəlli bağlarda yerləşən bir kütükdə yuva qurur. Çoxalma dövründə monoqam və əraziyə bağlı olurlar. Ərazi ölçüsü yaşayış mühitindən asılı olaraq dəyişir. Sentyabr və dekabr ayları arasında hər gün bir-bir olmaqla 1-5 yumurta qoyulur. İnkubasiya 13-17 gün davam edir və ikinci və ya üçüncü yumurtadan sonra başlayır, əsasən dişi tərəfindən həyata keçirilir. Balalar çılpaq və kor olaraq çıxır. Hər iki valideyn tərəfindən həşəratlarla qidalandırılır. Fekal material müntəzəm olaraq təmizlənir. Təxminən 31 gündən sonra uçmağa başlayırlar. Bir çoxalma mövsümündə 5 dəfəyə qədər balalama qeydə alınıb.[3]
Onlar tək-tək və ya cüt-cüt rast gəlinir. Yemək axtararkən yer üzərində sıçrayırlar və adətən açıq ərazilərdə budaqlardan səs çıxarırlar. Asanlıqla uçmur və yalnız qısa məsafələrə uçur. Trachyphonus vaillantiilər ağac deşiklərində gecələyir. Çox səs çıxarırlar, uzun müddət davam edə bilən bir trill səsi ilə çağırırlar.[4] Trachyphonus vaillantiilər ərazilərindəki digər quşlara qarşı aqressiv davranır və həm digər barbetlər kimi yuva rəqiblərini, həm də göyərçin və qaratoyuq kimi quşları qovurlar. Həmçinin siçanlara hücum etdikləri və ilanları öldürdükləri qeyd edilmişdir.
Trachyphonus vaillantii meşələrdə, savannalarda, məhəlli bağlarda, meşəliklərdə və su axarları boyunca Anqolada, Botsvanada, Burundidə, Konqo Demokratik Respublikasında, Esvatini, Malavi, Mozambik, Namibiya, Ruanda, Cənubi Afrika Respublikası, Tanzaniya, Uqanda, Zambiya və Zimbabvedə rast gəlinir.
- ↑ Integrated Taxonomic Information System (ing.). 1998.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ BirdLife International. "Trachyphonus vaillantii". IUCN Red List of Threatened Species. 2016. 2016: e.T22681881A92924169. doi:10.2305/IUCN.UK.2016-3.RLTS.T22681881A92924169.en. İstifadə tarixi: 13 November 2021.
- ↑ Gill F, D Donsker & P Rasmussen (Eds). 2020. IOC World Bird List (v10.2). doi : 10.14344/IOC.ML.10.2.
- Short L. L., Horne J. F. M. Toucans, Barbets, and Honeyguides: Ramphastidae, Capitonidae and Indicatoridae. Oxford: Oxford University Press. 2001.
