The Apothecary Diaries,[b] Yaponiyada həmçinin Kusuriya no Hitorigoto[c] – Natsu Hyuqa tərəfindən yazılan və Touko Şino tərəfindən illüstrasiya olunan ranobe seriyası. 2011-ci ildən etibarən "Shōsetsuka ni Narō" veb-saytında yayımlanır. 2014-cü ildən "Shufunotomo" nəşriyyatı tərəfindən ranobe seriyası kimi nəşr olunur. 2025-ci ilə qədər 15 cildi buraxılmışdır. Ranobe seriyasında hadisələr Tan dövrünün Çininə əsaslanan uydurma ölkədə baş verir. Hekayənin baş qəhrəmanı Maomao quldurlar tərəfindən qaçırılaraq saraya satılır. O, əczaçılıq biliklərindən istifadə edərək saraydakı müəmmaları həll etməyə başlayır.
| The Apothecary Diaries | |||||||||||||||||||||||||||||||||||||||
 Birinci cildin üzlüyü. Personaj: Maomao. | |||||||||||||||||||||||||||||||||||||||
| 薬屋のひとりごと (Kusuriya no Hitorigoto) azərb. Əczaçı gündəlikləri | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Janr | dram, müəmma, romantika | ||||||||||||||||||||||||||||||||||||||
| Roman | |||||||||||||||||||||||||||||||||||||||
| Yazıçı | Natsu Hyuqa | ||||||||||||||||||||||||||||||||||||||
| Nəşriyyat | Shōsetsuka ni Narō | ||||||||||||||||||||||||||||||||||||||
| Nəşr tarixi | 27 oktyabr 2011 – hazırda | ||||||||||||||||||||||||||||||||||||||
| Ranobe | |||||||||||||||||||||||||||||||||||||||
| Yazıçı | Natsu Hyuqa | ||||||||||||||||||||||||||||||||||||||
| Rəssam | Touko Şino | ||||||||||||||||||||||||||||||||||||||
| Nəşriyyat | Shufunotomo | ||||||||||||||||||||||||||||||||||||||
| İmprint | Hero Bunko | ||||||||||||||||||||||||||||||||||||||
| Demoqrafiya | kişilər | ||||||||||||||||||||||||||||||||||||||
| Nəşr tarixi | 29 avqust 2014 – hazırda | ||||||||||||||||||||||||||||||||||||||
| Cildlər | 15 (cild siyahısı) | ||||||||||||||||||||||||||||||||||||||
| |||||||||||||||||||||||||||||||||||||||
Seriya əsasında "Toho" və "OLM" studiyaları tərəfindən çəkilən anime serialı 23 oktyabr 2023-cü ildə yayımlanmağa başlamışdır. 2017-ci ildən manqa adaptasiyası nəşr olunur.
Hadisələr Tan dövrünün Çininə əsaslanan uydurma ölkədə baş verir.[1] Qoca bir əczaçının qızı olan Maomao bir gün quldurlar tərəfindən qaçırılır və imperatorun arxa sarayına satılır. Maomao artıq saray xidmətçisi kimi işləyir və əczaçılıq haqqında zəngin biliklərini gizlətməyə çalışaraq diqqət cəlb etməmək istəyir. Lakin saraydakı həyatının üçüncü ayında imperatorun körpələri müəmmalı şəkildə ağır xəstələnir. Maomao müəmmanı asanlıqla həll edərək körpələrdən birinin həyatını xilas edir, bunu gizlicə edərək anonim qalmaq istəyir. Lakin sarayın hərəm ağalarından biri olan Cinşi bunun fərqinə varır və Maomaonun bacarığını kəşf edir. Cinşinin tapşırığı ilə o, imperatorun sevimli cariyəsi Qyokuyonun xidmətçisi təyin olunur. Maomao əczaçılıq və toksikologiya biliklərindən istifadə edərək sarayda baş verən müəmmaları həll etməyə başlayır.
Seriya 2011-ci ilin oktyabrında Natsu Hyuqa tərəfindən "Shōsetsuka ni Narō" veb-roman saytında yayımlanmağa başlamışdır. "Shufunotomo" nəşriyyatı əsərin müəllif hüquqlarını satın almış və 26 dekabr 2012-ci ildə "Ray Books" imprinti altında bir cildlik roman şəklində nəşr etmişdir.[2]
"Shufunotomo" nəşriyyatı 2014-cü ildə əsəri Touko Şinonun rəssamlığı ilə ranobe seriyası kimi nəşr etməyə başlamışdır. Ranobe seriyasının ilk cildi 2014-cü ilin avqustunda nəşr olunmuşdur.[3]
Seriyanın manqa adaptasiyası Nekokuragenin rəssamlığı ilə 25 may 2017-ci ildə "Square Enix" nəşriyyatının "Monthly Big Gangan" jurnalında nəşr olunmağa başlamışdır.[4] İlk tankabon cildi 25 sentyabr 2017-ci ildə buraxılmışdır.[5]
"The Apothecary Diaries: Maomao's Notes from the Inner Palace"[d] adlı alternativ manqa adaptasiyası 19 avqust 2017-ci ildə Minoci Kuratanın rəssamlığı ilə "Shogakukan" nəşriyyatının "Monthly Sunday Gene-X" jurnalında nəşr olunmağa başlamışdır.[6] İlk tankobon cildi 19 fevral 2018-ci ildə buraxılmışdır.[7]
"Kusuriya no Hitorigoto Gaiden: Xiaolan Kaisōroku" adlı spin-off manqası Maomaonun saraydakı dostu Şaolanın saray xatirələrindən bəhs edir. Manqa 23 mart 2025-ci ildə "Square Enix" nəşriyyatının "Manga Up!" saytında yayımlanmağa başlamışdır. Manqanın müəllifi İtsuki Nanaodur.[8]
Anime serialı adaptasiyası 13 fevral 2023-cü ildə anons edilmişdir.[3] "Toho" və "OLM" studiyaları tərəfindən istehsal olunan anime 21 oktyabr 2023-cü ildə yayımlanmağa başlamışdır. Birinci açılış mahnısı "Ryokuōshoku Shakai" qrupu tərəfindən ifa olunan "Hana ni Natte"[e] mahnısı, birinci bağlanış mahnısı Aina the End tərəfindən ifa olunan "Aikotoba"[f] mahnısıdır. Birinci mövsüm iki hissə şəklində yayımlanmış və 24 seriya davam etmişdir.[9] İkinci açılış mahnısı Uru tərəfindən ifa olunan "Ambivalent"[g] mahnısı, ikinci bağlanış mahnısı Wacci tərəfindən ifa olunan "Ai wa Kusuri"[h] mahnısıdır.[10]
Birinci mövsümün final seriyasının yayımlanmasından sonra ikinci mövsüm anons edilmişdir. İkinci mövsümün premyerası 10 yanvar 2025-ci ildə baş tutmuşdur. İkinci mövsümün birinci açılış mahnısı Lilas İkuta tərəfindən ifa olunan "Hyakkaryōran"[i] mahnısı, birinci bağlanış mahnısı Day Hiray tərəfindən ifa olunan "Shiawase no Recipe"[j] mahnısıdır.[11]
"The Apothecary Diaries" 2021-ci ilin ən çox satılan üçüncü ranobe seriyası olmuşdur.[12]
- ↑ Şərqi və Cənub-Şərqi Asiya (Çin istisna olmaqla)
- ↑ hərf. Əczaçı gündəlikləri
- ↑ yaponca: 薬屋のひとりごと Hepbörn: Kusuriya no Hitoriqoto, hərf. Əczaçının monoloqu
- ↑ yaponca: 薬屋のひとりごと～猫猫の後宮謎解き手帳～ Hepbörn: Kusuriya no Hitorigoto: Mao Mao no Kōkyū Nazotoki Techō, hərf. Əczaçılıq gündəlikləri: Maomaonun arxa saray qeydləri
- ↑ yaponca: 花になって, hərf. Çiçək ol
- ↑ yaponca: アイコトバ, hərf. Şifrə
- ↑ yaponca: アンビバレント Hepbörn: Anbibarento, hərf. Qərarsız
- ↑ yaponca: 愛は薬 Hepbörn: Ay va Kusuri, hərf. Sevgi dərmandır
- ↑ yaponca: 百花繚乱, hərf. Möhtəşəm mükafat
- ↑ yaponca: 幸せのレシピ Hepbörn: Şiavase no reşipi, hərf. Xoşbəxtlik resepti
- ↑ Hyuqa, Natsu. "薬屋の時代背景について". Shōsetsuka ni Narō (yaponca). 16 avqust 2018. 2024-01-02 tarixində arxivləşdirilib. İstifadə tarixi: 20 yanvar 2025.
- ↑ "薬屋のひとりごと". "Shufunotomo" nəşriyyatının rəsmi saytı (yaponca). 19 noyabr 2019 tarixində arxivləşdirilib. İstifadə tarixi: 20 yanvar 2025.
- ↑ 1 2 "The Apothecary Diaries Novels About Palace Intrigue Get 2023 TV Anime". Anime News Network (ingiliscə). 15 fevral 2023. 2023-02-16 tarixində arxivləşdirilib. İstifadə tarixi: 20 yanvar 2025.
- ↑ "「冴えカノ 恋メト」描き下ろしイラスト＆小説が楽しめる付録がBGに". Comic Natalie (yaponca). 25 may 2017. 26 January 2021 tarixində arxivləşdirilib. İstifadə tarixi: 20 yanvar 2025.
- ↑ "薬屋のひとりごと 1". Square Enix (yaponca). 2022-06-15 tarixində arxivləşdirilib. İstifadə tarixi: 20 yanvar 2025.
- ↑ "「BLACK LAGOON」レヴィB2タペストリーの応募者全員サービスがGXで". Comic Natalie (yaponca). 19 avqust 2017. 2023-08-13 tarixində arxivləşdirilib. İstifadə tarixi: 2025-01-20.
- ↑ "薬屋のひとりごと～猫猫の後宮謎解き手帳～ １". Shogakukan Comic (yaponca). 2024-12-19 tarixində arxivləşdirilib. İstifadə tarixi: 20 yanvar 2025.
- ↑ "The Apothecary Diaries Franchise Gets Spinoff Manga About Xiaolan". Anime News Network (ingiliscə). 23 mart 2025. İstifadə tarixi: 23 mart 2025.
- ↑ "The Apothecary Diaries Anime's Main Promo Video Reveals More Cast, Theme Song Artists". Anime News Network (ingiliscə). 1 oktyabr 2023. 2023-10-01 tarixində arxivləşdirilib. İstifadə tarixi: 20 yanvar 2025.
- ↑ "The Apothecary Diaries Anime's New Video Previews 2nd Part, Reveals New Cast". Anime News Network (ingiliscə). 25 dekabr 2023. 2023-12-27 tarixində arxivləşdirilib. İstifadə tarixi: 20 yanvar 2025.
- ↑ "The Apothecary Diaries Season 2's 'Final' Trailer Unveils Dai Hirai's Ending Song". Anime News Network (ingiliscə). 4 yanvar 2025. 2025-01-25 tarixində arxivləşdirilib. İstifadə tarixi: 20 yanvar 2025.
- ↑ "Top-Selling Light Novels in Japan by Series: 2021". Anime News Network (ingiliscə). 28 noyabr 2021. 2021-11-29 tarixində arxivləşdirilib. İstifadə tarixi: 20 yanvar 2025.
- herobunko.com/books/hero… — rəsmi saytı