Shogakukan (株式会社小学館, Kabuşiki-qayşa Şoqakukan?) – Yaponiya nəşriyyatı. Manqa, jurnal, ranobe, lüğət və kitab nəşri ilə məşğul olur. 1922-ci ildə yaradılmışdır. "Hitotsubashi Group" nəşriyyat qrupunun tərkib hissəsinə daxildir.
| Shogakukan | |
|---|---|
| 小学館 | |
 | |
 | |
| Ölkə | |
| Yaranma tarixi | 8 avqust 1922 |
| İşçi sayı |
|
| Sayt | shogakukan.co.jp |
 Vikianbarda əlaqəli mediafayllar | |
"Shogakukan" nəşriyyatı 8 avqust 1922-ci ildə Takeo Oqa tərəfindən yaradılmışdır. Nəşriyyat əvvəlcə ibtidai sinif şagirdləri üçün maarifləndirici jurnallar nəşr etməyə başlamışdır.[1]
2018-ci ildə nəşriyyat tərəfindən nəşr olunan "CoroCoro Comic" manqa jurnalının Çingiz xan təsviri mübahisəyə səbəb olmuşdur. Belə ki, jurnal Çingiz xanın adını "çinçin" (yaponca "penis" deməkdir) olaraq yazmış və alnına penis təsviri yerləşdirmişdir. Çingiz xanın bu cür təsvir olunması Yaponiyada yaşayan monqollar tərəfindən tənqid olunmuş və etirazlar edilmişdir. "Shogakukan" nəşriyyatı bu hadisəyə görə Monqolustanın Yaponiyadakı səfirliyindən rəsmi olaraq üzr istəmişdir.[2]
"Shogakukan" Yaponiyada manqa nəşri ilə məşğul olan əsas nəşriyyatlardan biridir. Xüsusilə, 1980 və 1990-cı illərdə nəşriyyatın nəşr etdiyi manqalar populyar olmağa başlamışdır. Nəşriyyat "Oggi" və "Be-Pal" kimi dəb jurnalları nəşr etdirmişdir. Nəşriyyat manqa ilə yanaşı uşaq kitabları, lüğətlər, ensiklopediyalar, tarix, folklor və coğrafiya mövzusunda olan kitabların nəşri ilə məşğul olur.[1] Nəşriyyat tərəfindən 1956-cı ildən etibarən Shogakukan Manqa Mükafatı təqdim olunur.[3]
Nəşriyyat tərəfindən nəşr olunan manqa jurnalları: "Weekly Shōnen Sunday" (1959-cu ildən), "Big Comic" (1968-ci ildən), "Betsucomi" (1970-ci ildən), "Big Comic Original" (1972-ci ildən), "CoroCoro Comic" (1977-ci ildən), "Shōnen Sunday Super" (1978-ci ildən), "Shōnen Big Comic" (1979–1987), "Big Comic Spirits" (1980-ci ildən), "Big Comic Superior" (1987-ci ildən), "Weekly Young Sunday" (1987–2008), "Cheese!" (1996-cı ildən), "Monthly Sunday Gene-X" (2000-ci ildən), "Monthly Shōnen Sunday" (2009-cu ildən), "Monthly Big Comic Spirits" (2009-cu ildən).
- ↑ 1 2 "Shogakukan". Buchreport (ingiliscə). 31 avqust 2018. İstifadə tarixi: 28 mart 2025.
- ↑ "Mongolians irate over manga showing penis on Genghis Khan". Asahi Shimbun (ingiliscə). 28 fevral 2018. (#archive_missing_date) tarixində arxivləşdirilib. İstifadə tarixi: 28 mart 2025.
- ↑ "Inazuma Eleven, Apollon Win Shogakukan Manga Awards". Anime News Network (ingiliscə). 23 yanvar 2012. İstifadə tarixi: 28 mart 2025.
- shogakukan.co.jp — rəsmi saytı