Tea Leoni (ing. Elizabeth Téa Pantaleoni) - ABŞ aktrisası və prodüseridir.
| Tea Leoni | |
|---|---|
| Téa Leoni | |
 | |
| Doğum adı | Elizabeth Téa Pantaleoni[1] |
| Doğum tarixi | |
| Doğum yeri | Nyu-York, ABŞ |
| Həyat yoldaşı |
|
| Fəaliyyəti | aktrisa |
| Fəaliyyət illəri | 1988-ci ildən |
| Təhsili |
|
| Boyu | 173 sm |
| IMDb | ID0000096 |
 Vikianbarda əlaqəli mediafayllar | |
Tea Leoni 8 fevral 1966-cı ildə ABŞ-nin Nyu-York şəhərində Emili Patterson və Entoni Pantaleoni ailəsində dünyaya gəlmişdir.[2][3] Uşaqlığını Nyu Cersi ştatının İnqlvud şəhərində və Nyu-York şəhərində keçirmişdir. Nyu-York şəhərinin Brirli (ing. Brearley School) və Vermont ştatının Patni (ing. The Putney School) məktəblərinin məzunu olub. 1984-cü ildə orta məktəbi bitirdikdən sonra Nyu-York ştatının "Sarah Lourens Kolleci"nə (ing. Sarah Lawrence College) daxil olmuşdur. Kollecdə antropologiya və psixologiya kateqoriyaları üzrə təhsil almağa başlayır. Tea Leoni burada təhsilini tam başa vura bilmədi.[4] Bu müddətdə səyahətini Yaponiya və İtaliyada keçirmişdir. 1989-cu ildən etibarən seriallara və filmlərə çəkilir. Həmin ildə dövrünə görə populyar olan "Santa Barbara" teleserialının 6 epizodunda iştirak etmişdir. 1990-cı illərdən başlayaraq seriallarla yanaşı bir çox filmlərdə iştirak etməyə başlayır.
Tea Leoni Nol Cozef Tardio-kiçik adlı televiziya prodüseri ilə 1991-1995-ci illər ərzində evli olmuşdur. Boşandıqdan bir müddət sonra aktyor Devid Duxovni ilə 1997-ci ildə evlənmiş və 2008-ci ildə boşanmışdır. 2009-cu ildə barışırlar, lakin 2014-cü ildə rəsmi olaraq boşanırlar.[5]
27 oktyabr 2006-cı ildə Tea Leoni "Life" jurnalına müsahibəsində bildirmişdir ki, ata tərəfdən nənəsi olan Helenka Pantaleoni 25 il ərzində "ABŞ-nin UNICEF üçün fondu" təşkilatının prezidenti olduğuna görə UNICEF təşkilatının xoşməramlı səfiri seçilmişdir.[6]
| İl | Ad | Rol | Qeydlər |
|---|---|---|---|
| 1989 | Santa Barbara | Liza DiNapoli | 6 epizod |
| 1991 | Dəyişmək | Konni | |
| 1992 | Onların şəxsi liqası | Reysin | |
| 1995 | Pis oğlanlar | Culi Mott | |
| 1995 | Freyzer | Şeyla | |
| 2000 | Məxfi materiallar | öz rolunu canlandırır | |
| 2001 | Yura dövrünün parkı 3 | Amanda Kirbi | |
| 2007 | Öldür məni | Lorel Pirson | filmin icraçı prodüseri |
| 2011 | Qüllə qarəti | Kler Denem | |
| 2014 | Xanım katibəçi | Elizabet Makkord |
- ↑ Catalog of the German National Library (alm.).
- ↑ "Tea Leoniprofile at". FilmReference.com. 1 mart 2017 tarixində arxivləşdirilib. İstifadə tarixi: 25 sentyabr 2015.
- ↑ "Anthony Pantaleoni profile at". Fulbright.com. 4 noyabr 2013 tarixində orijinalından arxivləşdirilib. İstifadə tarixi: 14 avqust 2014.
- ↑ Diamond, Jamie. "UP AND COMING: Tea Leoni;Playing Golf, Wearing Pearls, Taking Pratfalls". The New York Times. 21 aprel 1996. 7 noyabr 2021 tarixində arxivləşdirilib. İstifadə tarixi: 30 noyabr 2014.
- ↑ Leon, Anya. "David Duchovny and Téa Leoni Are Divorcing". People (magazine). 9 avqust 2014. 10 avqust 2014 tarixində arxivləşdirilib. İstifadə tarixi: 10 avqust 2014.
- ↑ Schillaci, Sophie. "Tea Leoni: 5 Things About the Newly Single Actress". The Hollywood Reporter. 29 iyun 2011. 21 iyun 2018 tarixində arxivləşdirilib. İstifadə tarixi: 29 iyun 2011.