Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinNoriaki Kubo (26 iyun 1977-ci ildə anadan olub) — Peşəkar olaraq Tayto Kubo kimi tanınan, "Bleach" (2001–2016) manqa seriyasının 2022-ci ilə olan tirajı 130 milyon nüsxədən çox çap olunan, yapon manqa rəssamı və personaj dizayneri.[2]
| Tayto Kubo | |
|---|---|
| yap. 久保帯人 | |
| Doğum tarixi | 26 iyun 1977[1] (48 yaş) |
| Həyat yoldaşı |
|
| Fəaliyyəti | manqaka, yazıçı, illüstrasiyaçı[d], ssenarist, personaj dizayneri[d] |
| Fəaliyyət illəri | 1996-cı ildən |
Kubo 26 iyun 1977-ci ildə atasının şəhər şurasının üzvü vəzifəsində çalışdığı Hiroşima prefekturasında anadan olub. İbtidai məktəbdə oxuyarkən, "Saint Seiya" manqasını oxuduğu üçün artıq manqa rəssamı olmaq qərarına gəlmişdi.[3] Onun ilk bir hissəli əsəri 1996-cı ildə "Weekly Shōnen Jump" üçün yazılmış "Ultra Murdar Ürəkli Maşın" idi.[4] O, 1999-cu ildə "Weekly Shōnen Jump"da da nəşr olunan ilk manqası "Zombiepowder"ı yazıb. 2000-ci ildə ləğv edilməzdən əvvəl qısa 27 fəsil davam etdi. Müəllifin şərhlərinə əsasən, Kubo bu əsəri yazanda ciddi emosional travma vəziyyətində idi. Kubo daha sonra bildirdi ki, o, jurnalın həftəlik seriallaşmasına alışmayıb və öz fikirlərindən çox redaktorunun şərhlərinə diqqət yetirib. Onun növbəti seriyası, şiniqami olub "Boşluqlar" kimi tanınan məxluqlarla döyüşən lisey şagirdi İçiqo Kurosaki haqqında olan "Bleach", eyni jurnalda 2001-ci ildə nəşr olunmağa başladı. Kubo əvvəlcə seriyanın seriallaşmasının beş ildən çox davam etməyəcəyini gözləyirdi. Orijinal hekayə konsepsiyası "Zombiepowder" ləğv edildikdən qısa müddət sonra "Weekly Shōnen Jump"a təqdim edildi, lakin rədd edildi. "Dragon Ball"ın yaradıcısı Akira Toriyama hekayəni görüb Kuboya ruhlandırıcı məktub yazıb. "Bleach" 15 il seriallaşdırıldı və 2001-ci ildən 2016-cı ilə qədər 698-dən çox fəsilə çatdı. Əlavə olaraq, seriyanın anime adaptasiyası 2004-cü ildən 2012-ci ilə qədər 8 il ərzində "TV Tokyo"da yayımlandı və 366-dan çox epizodu əhatə etdi. Manqa 2004-cü ildə öz kateqoriyasında Şoqakukan Manqa Mükafatının qalibi adlandırıldı. Kubo və Makoto Matsubara "Bleach" seriyasının iki romanını birlikdə yazıblar və onlar Shueisha tərəfindən "Jump Books" etiketi altında nəşr olunub. İlk "Bleach" filmi Yaponiyada 16 dekabr 2006-cı ildə, ikinci film 22 dekabr 2007-ci ildə, üçüncü film 13 dekabr 2008-ci ildə və dördüncü film 4 dekabr 2010-cu ildə yayımlanıb. Kubo həmçinin "Bleach B-Station" yapon radio proqramının 112-ci epizodunda da görünüb. Həmin proqramda Kubo "Bleach"ın baş personajı İçiqo Kurosakinin səs aktyoru Masakazu Morita tərəfindən müsahibə alınıb və azarkeşlərin bir neçə sualına cavab verib. 26 iyul 2008-ci ildə Kubo ilk dəfə ABŞ-a getdi və San Diego "Comic-Con"-da çıxış etdi. Kubo, Madhousenin Anqo Sakaguchinin "Sakura no Mori no Mankai no Shita" və Ryunosuke Akutaqavanın "Hörümçək Toru" və "Cəhənnəm Ekranı" əsərlərinin anime adaptasiyaları üçün personaj dizaynlarını təmin etdi ki, bunlar da "Aoi Bungaku" seriyasının bir hissəsidir. 2018-ci ildə Kubo "Weekly Shōnen Jump"a qayıtdı və jurnalın 50-ci ildönümünə həsr olunmuş "Burn the Witch" adlı bir hissəli əsər nəşr etdi. Daha sonra, 2020-ci ildə bir hissəli əsər jurnalda mövsümi nəşr cədvəli ilə seriallaşdırıldı. 4 fəsildən ibarət birinci mövsüm 2020-ci ilin avqust-sentyabr aylarında nəşr olundu. Seriyanın ikinci mövsümü elan edilib.
- ↑ goo biographical dictionary (yap.).
- ↑ BLEACH 千年血戦篇：キービジュアルに護廷十三隊の隊長陣、星十字騎士団集結 PVでユーハバッハのせりふも. Mantan Web (yapon). 3 iyul 2022. İstifadə tarixi: 12 noyabr 2022.
- ↑ Aoki, Deb. "Interview With Manga Artist Tite Kubo". LiveAbout. 9 yanvar 2018. İstifadə tarixi: 24 avqust 2021.
- ↑ Charles Solomon. "Creator Tite Kubo surprised by 'Bleach' success". Los Angeles Times. 28 avqust 2008. 23 aprel 2009 tarixində orijinalından arxivləşdirilib. İstifadə tarixi: 17 sentyabr 2008.
- Tayto Kubo Anime News Network Ensiklopediyasında
- Tite Kubo's Official Twitter