Bu səhifədə iş davam etməkdədir. |
Tələt Ümid Halman (7 iyul 1931 - 5 dekabr 2014), Türk şairi, yazıçı, tərcüməçi, akademik, diplomat və siyasətçi.
| Tələt Səid Halman | |
|---|---|
| Tələt Ümid Halman | |
| Doğum tarixi | |
| Doğum yeri | İstanbul, Türkiyə |
| Vəfat tarixi | |
| Vəfat yeri | Ankara, Türkiyə |
| Dəfn yeri | Ədirnəqapı şəhidliyi |
| Atası | Mahmud Səid bəy |
| Anası | Fatma İclal |
| Təhsili | |
| Fəaliyyəti | dilçi, tarixçi, şair, ədəbi tənqidçi, tərcüməçi, siyasətçi |
Halman türk dilinə Vilyam Folknerin əsərlərini, Vilyam Şekspirin sonetlərini; İngilis dilinə isə Fazil Hüsnü Dağlarca, Orxan Vəli Qanıqın şeirlərini tərcümə etmiş bir ədəbiyyat adamıdır. 1971-ci ildə Türkiyənin Mədəniyyət nazirliyini quran və ilk Mədəniyyət Naziri olmuşdur.
Bilkent Universiteti Türk ədəbiyyatı bölmə rəhbəri, ingilis dili və ədəbiyyatı bölmə rəhbəri və Bilkent Universiteti İnsani elmlər və ədəbiyyat fakültəsi dekanlığında çalışmışdır.
7 iyul 1931-ci ildə Kadıköydə dünyaya gəldi. Atası, Ehtiyat donanması komandanı admiral Mahmud Səid bəy, anası Nəmlizadə Təhsin Paşanın qızı Fatma İclal xanımdır. Ailə, Mahmud Səid bəyin Trabzonun Holamana kəndindən olması ilə bağlı "Halman" soyadını almışdır[1].
Tələt Halman, Robert Kollecini bitirdikdən sonra (1951), magistratura dərəcəsini 1954-cü ildə Kolumbiya Universitetinin siyasət elmi ixtisası ilə tamamladı. 1954-cü ildə Barbara Teitz ilə evləndi və bu evlilikdən oğlu Hür (Hugh) Tələt Halman dünyaya gəldi[1][2]. 1998-ci ilə qədər ABŞ-də yaşayan Halman, 1960-cı ilə qədər Kolumbiya Universitetində çalışmış, müxtəlif vaxtlarda Türkiyədə olmuşdur. Hərbi xidmət vəzifəsi səbəbilə Türkiyədə olduğu dövrdə Dövlət Planlama Təşkilatında nəşr və təmsil şöbəsini yaratmaqla vəzifələndirildi. Daha sonra ilk Yüksək Planlama Şurasının raportyoru oldu. Bu mülki vəzifə sayəsində Türkiyədəki siyasi çevrəni yaxından tanıdı[1], əsgərlikdən sonra ABŞ-yə qayıtdı.
1960-cı ildə Türkiyənin ilk hava zabitlərindən olan Səlim Daşqıranelin qızı Səniha Daşqıranel ilə evləndi[1]. Bu evlilikdən teatr aktrisası olan qızı Dəfnə Halman və bir qəza nəticəsində 17 yaşında həyatını itirən oğlu Səid Səlim Halman dünyaya gəldi[1].