Hər kəsin edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 205.180 məqalə mövcuddur.

Həftənin seçilmiş məqaləsi

Birləşmiş Millətlər Təşkilatının Baş Qərargahı — Nyu-York şəhərində yerləşən BMT-yə aid bina kompleksi. Planı Volles Harrisonun rəhbərlik etdiyi heyət tərəfindən hazırlanıb və Harrison & Abramovits memarlıq şirkəti tərəfindən inşa edilib. Kompleks 1952-ci ildə inşası başa çatdıqdan sonra BMT-nin rəsmi baş qərargahı kimi fəaliyyət göstərib. Manhettenin Tertl Bey məhəlləsində, İst-River çayına baxan 17–18 akr (6.9–7.3 hektar) ərazidə yerləşir. Qərbində Birinci Xiyaban, cənubunda 42-ci küçə, şimalında 42-ci küçə, şimalında 42-ci küçə, şərqində isə İst-River çayı yerləşir. "Tertl Bey" ifadəsi bəzən BMT-nin Baş Qərargahı və ya bütövlükdə BMT-yə münasibətdə metonimiya kimi işlənir. Baş Qərargahda Baş Məclis və Təhlükəsizlik Şurası da daxil olmaqla BMT-nin əsas qurumları yerləşir, Beynəlxalq Ədalət Məhkəməsi isə Haaqadadır.

(Davamı...)

Həftənin yaxşı məqaləsi

Qulam Yəhya — İran azərbaycanlısı siyasətçi və hərbçi. O, 1906-cı ildə Sərab mahalının Əsgərabad kəndində anadan olub. 1918-ci ildə Bakıya gələrək atası ilə birlikdə Sabunçu qəsəbəsində yaşayıb. 1920-ci ildən çilingər köməkçisi daha sonra isə çilingər işləyib. 1925-ci ildə Kommunist Partiyasına üzv olub. 1927–1929-cu illərdə Bakıda Partiya Məktəbinidə təhsil alıb. 1931-ci ilə qədər Bakıda Lenin rayonu partiya komitəsində işləyib. 1931-ci ildən 1935-ci ilə qədər Lenin rayon partiya komitəsində kadrlar üzrə şöbə müdiri, rayon zəhmetkeş deputatlar şurasının sədri vəzifəsində fəaliyyət göstərib. 1935–1937-ci illərdə Azərbaycan Xalq Təsərrüfatı İnstitutunda təhsil alıb. 1937-ci ildə İrana geri qayıdıb. Öz yaşadığı kəndə çatmamış İran polisi tərəfindən həbs olunaraq Ərdəbildə həbsxanaya salınıb. 1939-cu ildə həbsdən azad olunaraq doğulduğu kəndə sürgün edilir. Daha sonra Miyanəyə gedərək 1939-cu ildən 1941-ci ilə qədər dəmiryolu idarəsində mexanik işləyib.

(Davamı...)

Həftənin seçilmiş siyahısı

Macarıstan forintinin sikkələri — 1946-cı ildən bu günə qədər buraxılan Macarıstan forintnin sikkələri. Forint sikkələri Macarıstan pul vahidi olan Macarıstan forintinin bir hissəsidir. 1806–1982-ci illər arasında macar dilində "forint" sözü Avstriya-Macarıstan imperiyasının pulu Avstriya quldeninə deyilirdi. Forint rəsmi olaraq İkinci Dünya müharibəsi bitdikdən sonra, 1946-cı ilin avqustunda, İkinci Macarıstan Respublikası hökuməti tərəfindən Macarıstanın pul vahidi olaraq qəbul edildi. Valyuta 20 il ərzində sabitliyini qoruyub saxlaya bilmişdir. Lakin sonradan sosialist iqtisadi sistemin zəifləməsi inflyasiyaya gətirib çıxardı, bu, forintin alıcılıq qabiliyyətinə təsir edərək 1990-cı illərdə böhrana səbəb oldu.

(Davamı...)

Günün seçilmiş şəkli

Xəbərlər

Azərbaycan milli komandası 2025 minifutbol üzrə dünya çempionatının qalibi olub.
"Sabah" tarixində ilk dəfə Azərbaycan Kubokunun qalibi olub.
Avstriya təmsilçisi Yohannes Piç (şəkildə) "Wasted Love" mahnısı ilə 2025 Avroviziya Mahnı Müsabiqəsinin qalibi olub.
Terror təşkilatı kimi tanınan Kürdüstan Fəhlə Partiyası (PKK) fəaliyyətini dayandırmaq barədə qərar qəbul edib.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Ayşə Seyidmuradova, Stenli Fişer, Corc E. Smit, Nquqi Va Thionqo, Sebastyan Salqadu, Xose Muxika

Bilirsinizmi?

Yuli Sezar ikinci arvadı Pompeyadan Bona Dea ritualları (şəkildə) ilə bağlı qalmaqalda iştirak etdiyi üçün boşanmışdır.
Rumıniya Sosialist Respublikasında pravoslav ruhanilərin böyük əksəriyyəti məxfi polis orqanı olan "Sekuritate"nin əməkdaşı idi.
İzmirdə baş tutan ənənəvi Rakıspor–Şarapspor futbol oyunlarında oyunçular və hakimlərin meydana sərxoş halda çıxması məcburi idi.
Coğrafi kəşflər dövründə Roma yazıçısı Senekanın I əsrdə ərsəyə gətirdiyi "Medeya" əsərində Amerikanın kəşfini proqnozlaşdırdığına inanılırdı.
Tobu Zooparkında saxlanılmış Qreyp-kun adlı pinqvin anime personajına "aşiq olmuşdur".