Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSkoletsit — monoklinik sinqoniya. Rast gəlmə tezliyi şkalası: çox da tez-tez rast gəlməyən.
| Skoletsit | |
|---|---|
 | |
| Ümumi məlumatlar | |
| Kateqoriya | Mineral |
| Formul (təkrarlanan vahid) |
CaAl2Si3O10 * 3H2O |
| Strunz təsnifatı | VIII/F.10[1] |
| Xüsusiyyətləri | |
| Kristalloqrafik sinqoniya | monoklinik sinqoniya[d][2] |
| Zolaq rəngi | ağ |
 Vikianbarda əlaqəli mediafayllar | |
Rəng – rəngsiz, ağ, boz, qəhvəyi, sarı, çəhrayı; Mineralın cizgisinin rəngi – ağ; Parıltı – şüşə, ipəyi; Şəffaflıq – şəffafdan yarımşəffafadək; Sıxlıq – 2,1-2,4; Sərtlik – 5-5,5; Kövrəkdir; Ayrılma – {110} üzrə tam mükəmməl; İkiləşmə: Morfologiya – kristallar: iynəvari, sap şəkilli;{100} üzrə tez-tez rast gəlir; Mineral aqreqatları: radial-şualı, dərz şəkilli, lifli əmələgəlmələr, druzalar, sferolitlər.
Vulkanogen əmələgəlmələrdə geniş inkişaf etmişdir, çox vaxt bazaltlarda badamcıq və jeodalar şəklində rast gəlir. Mineralın böyük yığınları fəal vulkanizm vilayətlərində müəyyən edilmiş və hidrotermal-metasomatik dəyişilmələrə (propilitləşmə) məruz qalmış bazalt, riolit tufları və b. süxurlarda qeyd edilmişdir. Skoletsitə həmçinin qabbro və dioritlərin çatlarında, nefelinli siyenit peqmatitlərində, mergellə fonolitlərin kontakt zonalarında rast gəlinir. Birlikdə rast gəldiyi minerallar: kalsit, nefelin, tomsonit, mezolit və b. Mineralın tapıldığı yerlər: Puna (Hindistan); Vişnyovıye dağları, Şimali Qafqaz (Rusiya); Teyqarhorn (İslandiya); Teybl dağları (ABŞ). Azərbaycanda skoletsitin tapıldığı yerlər çoxdur: Dağlıq Talış, Qazax və Ağcakənd çökəklikləri, Daşkəsən, Göy-Göl, Ordubad, Culfa, Şahbuz rayonları və b.
- ↑ Strunz K. H., Tennyson C. Mineralogische Tabellen : Eine Klassifizierung der Mineralien auf kristallchemischer Grundlage, mit einer Einfuhrung in die Kristallchemie. 8 Leypsiq: Akademische Verlagsgesellschaft, 1982.
- ↑ Ralph J., Nikischer T., Mineralogy H. I. o. Scolecite // Mindat.org (ing.): The Mineral and Locality Database. [Keswick, VA], Coulsdon, Surrey: 2000.
- Azərbaycan mineralları. Bakı: Nafta-Press, 2004.