Sabir Bəşirov (20 noyabr 1956-cı ildə Yardımlı r., Peştəsər k. – 21 sentyabr 2018 Yardımlı, Peştəsər) — görkəmli ziyalı, ədəbiyyatşünas, tənqidçi-esseist,filologiya üzrə fəlsəfə doktoru, Yazıçılar Birliyinin üzvü.
| Sabir Bəşirov | |
|---|---|
 | |
| Doğum tarixi | 20 noyabr 1956 |
| Doğum yeri | |
| Vəfat tarixi | 21 sentyabr 2018 (61 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili | Ali |
| Fəaliyyəti | yazıçı |
| Mükafatları | |
Sabir Bəşirov 20 noyabr 1956-cı ildə Yardımlı rayonunun Peştəsər kəndində anadan olub. Orta məktəbi 1973-cü ildə bitirib. 1978-ci ildə BDU-nun filologiya fakültəsini, sonra AMEA-nın Fəlsəfə və Hüquq İnstitutunun aspiranturasını bitirib. Fəlsəfə üzrə fəlsəfə doktorudur.
Sabir Bəşirov 40 ilə yaхındır ki pedaqoji fəaliyyətlə məşğuldur. 1978-ci ildən Peştəsər kənd ümumi orta məktəbində müəllim işləyir. Sabir Bəşirov içərisində şəhid Şahlar Nəzərova, habelə yazıçı Anar və b. həsr edilmiş 15-dən çox kitabın, 100-ə qədər elmi məqalənin, çağdaş ədəbiyyatımızın nümayəndələri haqqında onlarla ədəbi-tənqidi məqalənin müəllifidir.[1]
- "Anar" (1994)
- "Əlabbas: Sözün köhnə kişisi" (2005)
- "Sabir Rüstəmхanlı: Sərhədsiz ruhumuzun yolçusu" (2006)
- "60-cılar nəsrinin etik problemləri" (2006)
- "Yaradıcılıq şəхsiyyətlə üst-üstə düşəndə..." (2010)
- "Nizami Cəfərov: Şəхsiyyət və yaradıcılıq fenomeni" (2010)
- "Nəriman Əbdülrəhmanlı: işıq adamı" (2010)
- "Xanəli Kərimli: Bir ömrün nağılı" (2011)
- "Firuz Mustafa: İdrakla hissin vəhdəti" (2012)
- "Əjdər Ol: nəsrin imkanları" (2014)
- "Yunus Oğuz: Elmi təfəkkürlə bədii təfəkkürün vəhdəti"[2]
Sabir Bəşirov çalışdığı Yardımlı rayon Peştəsər kənd orta məktəbində ürək tutmasından 62 yaşında vəfat edib.
Əsgər Rəsulov: Sabir Bəşirov haqqında portret oçerk
Sabir Bəşirov 1989-cu ildə "Metodist müəllim" və "Qabaqcıl maarif xadimi" adlarını qazanmışdır.[2]
- ↑ "Rayonun Peştəsər kənd ümumi orta məktəbinin müəllimi Sabir Bəşirov şəhid Şahlar Nəzərova həsr edilmiş kitab çap edib". 2021-09-24 tarixində arxivləşdirilib. İstifadə tarixi: 2018-09-23.
- ↑ 1 2 "Tənqidçi-esseist, filologiya üzrə fəlsəfə doktoru, Yazıçılar Birliyinin üzvü Sabir Bəşirov". 2021-09-17 tarixində arxivləşdirilib. İstifadə tarixi: 2018-09-23.