Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRodolfo Zapata və ya Rolo Zapata (d. 1 may 1966, Buenos-Ayres, Argentina) — Argentina Futbol Assosiasiyasının məşqçisi və keçmiş oyunçusu. Hal-hazırda Keniyanın "AFC Leopards" klubunun baş məşqçisidir[1].
| Rodolfo Zapata | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Rodolfo Zapata | ||||||||||||||||||||||||||||
| Ümumi məlumatlar | ||||||||||||||||||||||||||||
| Ləqəbi | Rolo Zapata | |||||||||||||||||||||||||||
| Doğum tarixi | ||||||||||||||||||||||||||||
| Doğum yeri | Buenos-Ayres, Argentina | |||||||||||||||||||||||||||
| Vətəndaşlığı |
 Argentina |
|||||||||||||||||||||||||||
| Klub haqqında məlumat | ||||||||||||||||||||||||||||
| Klub |
 "Qaborone Yunayted" |
|||||||||||||||||||||||||||
| Vəzifəsi | Baş məşqçi | |||||||||||||||||||||||||||
| Karyerası | ||||||||||||||||||||||||||||
|
||||||||||||||||||||||||||||
|
|
||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||
.svg){kind=small}
1 may 1966-cı ildə Argentinanın Buenos-Ayres şəhərində anadan olmuşdur.
Rodolfo Zapata futbolçu karyerasına Argentinanın 2-ci divizionu olan Primera B Nasionalda başlamışdır. O, burada qapıçı kimi "Hurakan", "Sportivo İtaliano", "Rasinq de Olavarria", "Klub Atletiko San Miguel" və "Cipolletti de Rio Negro" komandalarının heyətində meydana çıxmışdır, lakin ardıcıl diz zədələri səbəbiylə Zapata vaxtından əvvəl futbolçu karyerasına son qoymağa məcbur olur.
O, 1990-cı ilin yanvar ayında Buenos-Ayres Bella Vista ərazisində Rolo Zapata Futbol Akademiyasını qurmuşdur[2]. Bu Akademiya gənclər və yeniyetmələr üçün xüsusi təlim kompleksidir. Hal-hazırda Argentina və ABŞ-dəki elit futbol proqramlarından biridir.
2000-ci ilin iyun ayında Zapata Kanadada Alberta Futbol Assosiasiyasında məşqçilik etmişdir. Qısa müddət sonra isə Nyu-York şəhərində Birləşmiş Millətlər Təşkilatının Beynəlxalq Məktəbinin müəllim və baş məşqçisi olmuşdur[3].
2001–2009-cu illərdə isə Nyu-York və Nyu-Cersi şəhərlərində də ABŞ-nin Olimpiya İnkişafı Proqramı üzrə Baş məşqçi olmuşdur. Bu proqram, Dünya Kuboku və olimpiadalar kimi beynəlxalq müsabiqələrdə Amerika Birləşmiş Ştatlarını təmsil edən ən yaxşı gənc futbolçuları müəyyənləşdirmək və inkişaf etdirmək üçün həytata keçirilən milli prosesdir[4].
2010-cu ilin yanvar ayından Akure şəhərində fəaliyyət göstərən, Nigeriya Premyer Liqasında çıxış edən "Sanşayn Stars"ın baş məşqçisi olur.
2011–2012 mövsümündə Rodolfo Cənubi Afrika Respublikasında "MP Blək Eysiz"in baş məşqçisi olmuşdur.
2012-ci ilin sentyabr ayında ABŞ-yə, Nyu-Cersi şəhərinə qayıdaraq, ABŞ Gənclər Futbol Assosiasiyasında məşqçilik və oyunçuların inkişafı üzrə texniki direktor kimi fəaliyyətini davam etdirir. Bu qurumdakı gənc futbolçulardan bir çoxu müxtəlif yaş kateqoriyalarında ABŞ-nin gənclərdən ibarət milli komandalarını təmsil edirlər[5].
2016-cı ilin yanvar ayında Zapata ABŞ-dən Botsvana Premyer Liqasında çıxış edən "Qaborone Yunayted"ə gəlmişdir[6][7][8].
- ↑ AFC Leopards preps with new coach Rodolfo Zapata
- ↑ "Rolo Zapata Soccer Academy". 16 iyun 2020 tarixində orijinalından arxivləşdirilib. İstifadə tarixi: 11 avqust 2021.
- ↑ "El DT argentino de la ONU". 21 oktyabr 2017 tarixində arxivləşdirilib. İstifadə tarixi: 20 oktyabr 2017.
- ↑ "I had to adapt my training programs that I used in Argentina in order to fit in to how soccer is played in the US". 21 oktyabr 2017 tarixində arxivləşdirilib. İstifadə tarixi: 20 oktyabr 2017.
- ↑ "World Cup 2014: I expected more from USA and African teams". 12 avqust 2014 tarixində arxivləşdirilib. İstifadə tarixi: 20 oktyabr 2017.
- ↑ "Will Zapata save Gaborone United?". 30 may 2016 tarixində orijinalından arxivləşdirilib. İstifadə tarixi: 20 oktyabr 2017.
- ↑ "Gaborone is now United". 17 oktyabr 2016 tarixində orijinalından arxivləşdirilib. İstifadə tarixi: 20 oktyabr 2017.
- ↑ "Zapata reveals Gaborone United plan to win BTC Premiership". 4 may 2017 tarixində orijinalından arxivləşdirilib. İstifadə tarixi: 20 oktyabr 2017.